Daily Murli for Monday 1 November 2021

01-11-2021 praatahmurli om shanti "baapdaada"' madhuban

murli saar:- “meethe bachche - tumhaari chalan bahut-bahut meethi royal honi chaahiye, krodh ka bhoot bilkul na ho''

prashn:- 21 janmon ki praalabdha paane ke liye bachchon ko kis baat ka dhyaan zaroor rakhna hai?

uttar:- is duniya mein rehte, sab kuchh karte, buddhi ka yog ek sachche maashuk ke saath rahe। aisi koi buri aadat na ho jisse baap ki aabru khatma ho। ghar mein rehte bhi itna pyaar se raho jo doosre samjhen ki ismen to bahut achhe daiveegun hain।

geet:- jaag sajniyaan jaag…

om shanti। meethe-meethe roohaani bachchon ne geet suna। iska arth bhi zaroor bachche samajh gaye honge। baap aakar nai-nai baaten sunaate hain। nai duniya ke naye yug ke liye yeh baaten bachchon ne 5 hajaar varsha pahle suni thi। ab phir sun rahe hain। baaki beech mein sirf bhakti maarga ki baaten hi suni hain। satayug mein yeh baaten hoti nahin। vahaan hai gyaan maarga ki praalabdha। ab tum bachche nai duniya ke liye sachchi kamaai kar rahe ho। knowledge ko source aaph income kaha jaata hai। padhaai dvaara koi barrister, engineer aadi bante hain। aamadni bhi hoti hai। tum is padhaai se raajaaon ka raaja bante ho। yeh kitni jabardasta kamaai hai। ab tum bachchon ko yeh nishchay hai, agar thoda sanshay hai to aage chalte-chalte nishchay hota jaayega। second mein jeevanmukti gaai hui hai। baba ka bana aur varse ka maalik bana। baap jo svarga ka rach-yita hai woh aaya hai hamko maalik banaane। yeh to bachchon ko nishchay hona chaahiye। yeh bhi jaante ho ki do baap hain। ek hai laukik baap, doosra hai paarlaukik, jisko kehte hain parampita paramatma, O god father। laukik father ko kabhi parampita nahin kahenge। sabka sukh daata, shanti daata woh ek hi paarlaukik baap hai। satayug mein sab sukhi rehte hain। baaki aatmaayen shantidham mein rehti hain। satayug mein tumko sukh-shanti, dhan-daulat, nirogi kaaya sab kuchh tha। to aise most beloved baap ko sab pukaarte hain। saadhu-santa log bhi saadhna karte hain, lekin kiski saadhna karte hain, yeh jaante nahin। woh karte hain brahm ki saadhna। to ham brahm mein leen ho jaayen, parantu leen to ho na saken। brahm ko yaad karne se paap thode hi katenge। baap kehte hain maamekam yaad karo। sarvashaktimaan main hoon va brahm, jo rahne ka sthaan hai? brahm mahtatva mein sabhi aatmaayen nivaas karti hain। to brahm ko unhonne bhagwan samajh liya hai। jaise bhaaratvaasiyon ne hindustaan mein rahne ke kaaran apna dharma hindu samajh liya hai। vaise brahm tatva rahne ke sthaan ko paramatma samajh liya hai, woh hai brahmaanda। vahaan aatmaayen, jyotirbindu anda aakaar mein rehti hain, isliye unko brahmaanda kehte hain। yeh hai manushya srishti। brahmaanda alag hai, manushya srishti alag hai। aatma kya hai - yeh kisko bhi pata nahin hai। kehte bhi hain - bhrakuti ke beech mein chamakta hai ajab sitaara। phir kehte aatma angoothe sadrishya hai। parantu baap kehte hain - aatma bilkul sookshm bindu hai, jisko in okhon se dekh nahin sakte, inko dekhne ki, pakadne ki bahut koshish karte hain। parantu kisko pata nahin padta। tum bachche jaante ho to ab tumko bhaarat ko svarga banaane mein baap ka madadgaar bhi banna pade। baap aate hi bhaarat mein hain। shiv jayanti bhaarat mein hi manaate hain। jaise Christ hokar gaya to Christian log Christmas manaate rehte hain। Christ kab aaya woh bhi jaante hain। parantu bhaaratvaasiyon ko yeh pata hi nahin ki baap kab aaya tha, krishna kab aaya tha? kiska bhi unhon ko pata nahin hai। mahima saari krishna ki gaate hain। usko jhoole mein jhulaate hain, pyaar karte hain parantu yeh nahin jaante ki unka janma kab hua। kah dete dvaapar mein geeta sunaai। parantu krishna dvaapar mein to aate nahin। leela hai ek baap ki। tab unke liye kehte hain tumhaari gati mat... krishna hai satayug ka prince। pahle se maata ko saakshaatkaar ho jaata hai ki yogbal se bachcha paida hone vaala hai। vahaan shareer bhi aise hi chhodte hain। ek shareer chhod doosra lete hain। sarpa ka misaal। vaastav mein sannyaasi ye misaal de nahin sakte। tum vikaari manushyon ko baith gyaan ki bhoon-bhoon kar tamopradhaan se satopradhaan bana dete ho। yeh tumhaara dhandha hai - bhoon-bhoon kar manushya ko devta bana dete ho। kachhuon aadi ka misaal bhi is samay ka hai। karma karke phir jitna samay mile baap ko yaad karna hai। tum jaante ho yeh hamaara antim janma hai। ab naatak poora hona hai, puraana shareer hai। iska karmabhog chuktu karna hai। jab satopradhaan ho jaayenge to phir karmaateet avastha ho jaayegi, phir ham is shareer mein rah nahin sakenge। karmaateet avastha hui phir shareer chhod denge, phir ladaai shuru hogi। machchharon sadrishya sab shareer khatma ho aatmaayen chali jaayengi। pavitra banne bigar to koi ja nahin sakenge। yeh hai duhkhadhaam raavan ka sthaapan kiya, aur raam ka sthaapan kiya hua hai shivaalay। vaastav mein paramatma ka naam hai shiv, na ki raam। satayug shivaalay mein sabhi devtaayen rehte hain। phir bhakti maarga mein shiv ki pratima ke liye mandir, shivaalay aadi banaate hain। ab shivbaaba ka yeh takhta hai। aatma is takhta par viraajmaan hai। baap bhi yahaan baaju mein aakar viraajmaan hote hain aur aakar padhaate hain। sadaiv to nahin rehta। yaad karo to yeh aaya। baap kehte hain - main tumhaara behad ka baap hoon। varsa mere se tumko milna hai। brahma thode hi behad ka baap hai isliye tum mujhe yaad karo। meethe bachche jaante hain ki baba gyaan ka saagar hai, pyaar ka saagar hai। to tum bachchon ko bhi pyaar ka saagar banna hai। stri-purush ek do ko sachcha pyaar nahin karte, woh to kaam vikaar ko hi pyaar samajhte hain parantu baba ne kaha hai ki kaam mahaashatru hai। yeh aadi-madhya-ant duhkh dene vaala hai। devtaayen nirvikaari the, tab to kehte hain - krishna jaisa bachcha mile, krishna jaisa pati mile। krishnapuri ko yaad karte hain na। ab baap krishnapuri sthaapan kar rahe hain। tum svayan shreekrishna jaise athva mohan jaise ban sakte ho। prince princess aur bhi honge। to yeh sab yahaan ban rahe hain। unki bhi list rehti hai। maala ke 8 daane bhi hain, to 108 daane bhi hain। log 9 ratan ki angoothi pahante hain। ab yeh 8 kaun hain? beech mein kaun hai? yeh bhi tum jaante ho ki meethe te meethe baap dvaara ham ratna ban rahe hain। baap kehte hain - bachche aapas mein bahut pyaar se chalna hai। nahin to baba ka naam badnaam karenge। phir satguru ki ninda karaane vaale thaur nahin pa sakte। sabko mantra bhi bataana hai ki ek baap ko yaad karo to khaad nikal jaayegi। ghar mein bhi itna pyaar se chalna chaahiye jo doosre samjhen ki ismen krodh nahin hai। bahut pyaar aa gaya hai। sharaab, cigarette aadi peena bahut buri aadat hai, aisi sab buri aadten chhod deni chaahiye। daiveegun yahaan hi dhaaran karne hain। raajdhaani sthaapan karne mein mehnat lagti hai। doosre dharma vaale raajdhaani sthaapan nahin karte। woh oopar se ekdam pichhaadi mein aate rehte hain। tum 21 janma ki praalabdha bana rahe ho, ismen maaya ke toofaan bahut aayenge। phir bhi purushaartha kar daivi gun dhaaran karne hain। agar krodh se baat karenge to log kahenge inmen bhoot hai। goya behad baap ki aabru ganvaai। phir aise oonch pad kaise paayenge? bahut meetha anaasakta banna hai। yahaan rehte, sab kuchh karte yog maashook ke saath chaahiye। baba ne kaha hai mujhe yaad karo to paap bhasma ho jaayenge, isko yog agni kaha jaata hai। yahaan hathayog ki darkaar nahin hai। apna shareer tandaroosta rakhna hai, most valuable shareer hai। bhojan bhi shuddh khaana hai। devtaaon ko kaisa bhog lagaate hain। shreenaath dvaare jaakar dekho, bangaal mein to kaali par bakre ka bhog lagaate hain। ve apne pitron ko bhi machhli khilaate hain। nahin to samajhte hain ki pitra naaraaz ho jaayenge। koi ne rivaaz daala hai, woh chalta rehta hai। devi-devtaaon ke raajya mein koi paap nahin hota। woh hai raamraajya। yahaan karma-vikarma bante hain। vahaan karma-akarma bante hain। ab haridvaar mein jaakar baithte hain। hari krishna ko kehte hain। ab krishna to hai satayug mein। vaastav mein hari naam shiv ka hai। duhkh harne vaala। parantu geeta mein krishna ka naam daal, hari krishna ko samajh liya hai। vaastav mein duhkh harne vaala hai shivbaaba। hari ka dvaar satayug ko kaha jaata hai। bhakti maarga mein jo kuchh aata hai bolte rehte hain।

baap kehte hain - main sangamayug par aata hoon, puraani duniya ko nai banaane। raavan hai puraana dushman। har varsha unko jalaate hain। kitne paise kharcha karte hain। sab vesta oph time, vesta oph mani hai। bangaal mein kitni deviyaan banaate hain, unko khila-pilaakar pooja kar phir jaakar dubote hain। is par ek geet hai। bachchon ko bahut meetha banna hai। kabhi gusse se baat nahin karni hai। baap se kabhi roothna nahin hai। rooth kar agar padhaai chhoda goya apne pair par kulhaada maara। yahaan tum aaye ho vishwa ka maalik banne। mahaaraaja shri naaraayan, mahaaraani shri lakshmi ko kaha jaata hai। baaki shri shri hai shivbaaba ka title। shri kaha jaata hai devtaaon ko। shri arthaat shreshtha।

ab tum khyaal karo ham kya the? maaya ne hamaara maatha mudva kar hamko kya bana diya hai। bhaarat kitna saahookaar tha। phir kangaal kaise bana? kya hua? kuchh bhi samajhte nahin। ab tum jaante ho ham so devta the, phir kshatriy banen। woh kah dete aatma so paramatma। nahin to ham so ka arth kitna sahaj hai। vo log kehte hain manushya ka janma sirf ek hota hai। parantu baap samjhaate hain ki manushya ke janma 84 hote hain। us 84 janma mein tumhaara yeh sangam ka ek janma durlabh hai। jabki tum behad baap se svarga ka varsa paate ho। tum bahut royal baap ke bachche ho, to tumhaare mein kitni royalty honi chaahiye। royal manushya kabhi jor se baat nahin karte। duniya mein ghar-ghar mein kitna hangaama hota hai। svarga mein aisi koi baat nahin। yeh baba bhi vallabhaachaari kul ka tha। phir bhi kahaan woh satayug ke devtaayen, kahaan aajkal ke vaishnav log! aise nahin - vaishnav hain to vikaar mein nahin jaate hain। raavan raajya mein sab vikaar se paida hote hain। satayug mein hain sampoorn nirvikaari। ab tum sampoorn nirvikaari ban rahe ho aur vishwa ke maalik bante ho yogbal dvaara। tumhaari chalan bahut meethi royal honi chaahiye। koi debate ya shaastravaad nahin karna hai। woh jab shaastravaad karne baithte hain to ek do ko laathi bhi maar dete hain। un bichaaron ka koi bhi dosh nahin hai। is knowledge ko jaante hi nahin। yeh hai roohaani knowledge, jo milti hai roohaani baap se। woh gyaan ka saagar hai। unke shareer ka naam nahin hai, woh avyaktamoorta hai। kehte hain mera naam shiv hai। main sthool va sookshm shareer nahin leta hoon। gyaan ka saagar, aanand ka saagar mujhe hi kehte hain। shaastron mein kya-kya likha hai। hanumaan pavan putra tha, ab pavan se bachcha kaise paida hoga! phir paramatma ke liye kehte kachchha machchha avtaar, kitni gaali di hai। baba aakar ulhana dete hain ki tumne aasuri mat par mujhe itni gaali di। 24 avtaar se pet nahin bhara phir kan-kan, thikkar-bhittar mein thok diya hai। yeh sab shaastra dvaapar se bane hain। pahle-pahle sirf shiv ki pooja hoti thi। geeta bhi baad mein banaai hai। ab baap samjha rahe hain, yeh saara anaadi khel hai। ab main aaya hoon tumko vishwa ka maalik banaane, to baap ko poora follow karna chaahiye। lakshan bhi bahut achhe hone chaahiye। yeh bhi wonder hai na। kaliyug ke ant mein kya hai phir satayug mein kya dekhenge। kaliyug mein bhaarat insolvent, satayug mein bhaarat solvent। us samay aur koi khanda nahin hota। yeh geeta episode repeat ho raha hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ham royal baap ke bachche hain isliye apni chalan bahut royal rakhni hai। aavaaz se nahin bolna hai। bahut meetha banna hai।

2) kabhi bhi baap se va aapas mein roothna nahin hai। rooth kar padhaai kabhi nahin chhodni hai। jo bhi buri aadten hain unhein chhodna hai।

vardaan:- sarvashaktimaan ke saath ki smriti dvaara samasyaaon ko door bhagaane vaale parmaatma snehi bhav

jo bachche parmaatma snehi hain ve snehi ko sada saath rakhte hain isliye koi bhi samasya saamne nahin aati। jinke saath svayan sarvashaktimaan baap hai unke saamne samasya thahar nahin sakti। samasya paida ho aur vahaan hi khatma kar do to vriddhi nahin hogi। ab samasyaaon ka birth control karo। sada yaad rakho ki sampoornata ko sameep laana hai aur samasyaaon ko door bhagaana hai।

slogan:- pyaare banne ka purushaartha nahin, nyaare banne ka purushaartha karo to pyaare svatah ban jaayenge।