Daily Murli for Thursday 18 November 2021

18-11-2021 praatahmurli om shanti "baapdaada"' madhuban

“meethe bachche - yeh manzil bahut bhaari hai isliye apna samay barbaad na kar satopradhaan banne ka purushaartha karo''

prashn:- bachchon ki chadhti kala na hone ka mukhya kaaran kya hai?

uttar:- chalte-chalte thoda bhi ahankaar aaya, apne ko hoshiyaar samjha, murli miss ki, brahma baap ki avagya ki to kabhi bhi chadhti kala nahin ho sakti। saakaar ki dil se utra maana niraakaar ki dil se bhi utra।

geet:- laakh jamaane vaale…

om shanti। bachchon ne geet suna। bachche kehte hain koi bhi hamko sanshaybuddhi banaane ke liye kuchh bhi kare ham sanshay-buddhi nahin banenge। bhal kitni bhi ulti sulti baaten sunaayenge to bhi ham sanshaybuddhi nahin banenge। shreemat par chalte rahenge। baap roz-roz bhinna-bhinna points samjhaate rehte hain। satayug mein 9 laakh the। to zaroor itne baaki sab manushya vinaash honge। to buddhivaan jo hoga woh ishaare se samajh jaayega ki barobar is ladaai se hi anek dharma vinaash ho ek devi-devta dharma ki sthaapna honi hai। jo laayak banenge vahi manushya se devta banenge। baap ke bina koi manushya se devta bana nahin sakta। to bachchon ko yaad rehna chaahiye ki ab hamko ghar jaana hai, parantu maaya ghadi-ghadi bhula deti hai। yahaan se ab baba ko yaad kar satopradhaan banna hai। koi bhi samay ladaai badi ho jaae, niyam thode hi hai। kehte bhi hain shaayad badi ladaai ho bhi jaaye, jo banda bhi na ho sake। sabhi ek do mein ladne lag padenge। to vinaash hone ke pahle kyon na ham yaad mein rah tamopradhaan se satopradhaan banne ka purushaartha karen। yaad ki yaatra mein hi maaya vighna daalti hai isliye baba roz-roz kehte hain - chart likho। mushkil koi 2-4 likhte hain। baaki to apne dhandhe-dhori mein hi saara din pade hain। anek prakaar ke vighnon mein pade rehte hain। bachchon ko yeh to maaloom hai ki hamko satopradhaan zaroor banna hai। to kahaan bhi rehte purushaartha karna hai। manushyon ko samjhaane ke liye chitra aadi bhi banaate rehte hain kyonki is samay manushya hain 100 percent tamopradhaan। pahle jab muktidhaam se aate hain to satopradhaan hote hain। phir sato rajo tamo mein aate-aate is samay sab tamopradhaan ban gaye hain। sabko baba ka paigaam dena hai to baap ko yaad karne se tamopradhaan se satopradhaan banenge। vinaash bhi saamne khada hai। satayug mein ek hi dharma tha to baaki sab nirvaandhaam mein the। bachchon ko chitron par dhyaan dena chaahiye। bade chitra hone se samajh achhi tarah sakenge। sabko baba ka sandesh dena hai। manmanaabhav ka akshar mukhya hai athva alpha aur be is samjhaane mein mehnat kitni karni padti hai। samjhaane vaale bhi nambarvaar hain, behad baap ke saath lav hona chaahiye। buddhi mein yeh rehna chaahiye ki ham baba ki service kar rahe hain। khudaai khidmatgaar banna hai। woh log akshar bhal kehte hain parantu arth nahin samajhte। ab baba aaya hai - bachchon ki khidmat karne। kitna uttam devi-devta banaate hain। aaj ham kitne kangaal ban pade hain। satayug mein kitne sarvagun sampanna ban jaayenge, yahaan ek do mein ladte-jhagadte rehte hain। yeh kisko pata nahin ki vinaash hona hai। samajhte hain shanti ho jaayegi, bilkul hi ghor andhiyaare mein pade hain। ab unhon ko samjhaane vaala chaahiye। vilaayat mein bhi to yeh knowledge de sakte ho। ek hi baat sabha mein baith samjhaao ki mahaabhaari ladaai to naameegraami hai, isse puraani duniya ka vinaash hona hai। abhi god father bhi yahaan hai, zaroor vahi brahma dvaara sthaapna kar rahe hain svarga ki। shankar dvaara vinaash bhi hona hai kaliyug ka, kyonki abhi hai sangam। natural calamities bhi honi hai। third world vaar di last vaar kehte hain। final vinaash bhi zaroor hona hai। ab sabko yeh kehna pade ki behad ke baap ko yaad karo to muktidhaam mein chale jaayenge। bhal apne dharma mein rahen to bhi baba ko yaad karne se apne dharma mein achha pad pa sakte hain।

tum jaante ho - behad ka baap hamko prajaapita brahma ke tan dvaara knowledge de rahe hain phir auron ko bhi samjhaana pade। charity begins at hom। aas-paas sabko sandesh dena hai। aur dharma vaalon ko bhi baba ka parichay dena hai। baahar vaalon ko, raajaaon ko knowledge deni hai। uske liye taiyaari karni chaahiye। baba kehte hain yeh mukhya chitra jo hain - trimoorti, gola, jhaad bhi kapde par chhap jaaen to baahar bhi le ja sakte ho। bada size nahin chhape to do tukde kar do। saara gyaan is trimoorti, jhaad gole mein hain। seedhi ka bhi gyaan gole mein aa jaata hai। seedhi detail mein banaai hai to 84 janma kaise liye jaate hain। chakra mein sab dharma vaalon ka aa jaata hai। seedhi mein dikhaate hain kaise satopradhaan phir sato rajo tamo mein aate hain, neeche utarte hain। ab baba kehte hain maamekam yaad karo। baba ka saara din khyaal chalta rehta hai। to koi naya bada makaan banaayen, usmein deevaar itni badi ho jo us par 6 guna 9 foot size ke chitra banaaye jaayen। 12 foot ki deevaar chaahiye। is samay bhaashaayen bhi bahut hain। sab dharma vaalon ko samjhaana pade to kitni bhaashaaon mein banaana padega। itni vishaal buddhi se yukti rachni chaahiye। service ka shauk rakhna chaahiye। kharcha to karna hi hai। baaki tumko bheekh maangane ki darkaar nahin hai। aapehi hundi bhar jaayegi। drama mein noondh hai। bachchon ki buddhi chalni chaahiye। parantu bachche kuchh thoda hi karte hain to nasha chadh jaata hai ki ham bahut hoshiyaar hain। baba kehte hain - roopaye se 4 aana bhi nahin seekhe ho। koi do aana, koi ek aana, koi ek paise jitna bhi mushkil seekhe hain। kuchh bhi samajhte nahin। murli padhne ka bhi shauk nahin। saahookaar praja, gareeb praja sab kuchh yahaan hi banna hai। koi to baap se anjaam (vaayda) kar phir munh kaala kar dete hain। kehte hain baba haar kha li। baap kehte hain - tum to pyaadon se bhi pyaade ho, worth not A penny। aise kya pad paayenge! ab sooryavanshi raajdhaani sthaapan ho rahi hai। jinko baba ki yaad rehti hai, vahi khushi mein rehte hain। sirf yeh bhi yaad rahe ki baap dvaara kya varsa le rahe hain, to bhi bahut phaayda hai। dhaaran kar phir aapasmaan banaana hai। bachchon se service pahunchti nahin hai। thodi service ki to samajhte hain ham paas ho gaye। deh-abhimaan mein aakar gir padte hain। agar baba (brahma) ki beadbi ki to shivbaaba kehte hain - goya meri beadbi ki। baapdaada donon ikatthe hain na। aise nahin hamaara to shivbaaba se connection hai, are varsa to in dvaara milega na। inko dil ka samaachaar sunaana hai। raay leni hai। shivbaaba kehte hain ham saakaar dvaara raay denge। brahma ke bina shivbaaba se varsa kaise lenge। baap ke bina kuchh kaam ho na sake isliye bachchon ko bahut-bahut sambhaal rakhni hai। ulte ahankaar mein aakar apni barbaadi kar dete hain। saakaar ki dil se utre to niraakaar ki dil se bhi utar jaate hain। aise bahut hain - jo kabhi murli bhi nahin sunte, patra bhi nahin likhte to baap kya samjhenge! manzil bahut bhaari hai। bachchon ko time barbaad nahin karna chaahiye। jo apne ko mahaarthi samajhte hain unhon ko oonche kaarya mein madad karni chaahiye। to baap khush hokar aaphreen deve, inse bahuton ka kalyaan hoga। pradarshani mein to dher aate hain। praja to banti hai। baba ki serviceable bachchon mein okh rehti hai। is indrasbha mein aane chaahiye - sooryavanshi raaja raani banne vaale। jo service nahin karte woh laayak nahin। aage chalkar sab pata padega - kaun-kaun kya banega! bachchon ko bahut nasha rehna chaahiye ki ham kal svarga mein jaakar raajkumaar banenge। yahaan tum aaye ho raajayog seekhne। achhi reeti nahin padhenge to pad kam paayenge। baba ke paas service ka samaachaar aana chaahiye। baba aaj mainne yeh service ki। patra hi kabhi nahin likhte to baba kya samjhe? mar gaya। baba ko bhi yaad vahi bachche rehte hain jo service mein rehte hain। baap ka parichay dete rehte hain। shivbaaba brahma dvaara brahmaakumaar kumaariyon ko varsa dete hain। shivbaaba brahma dvaara braahmanon ki rachna rachte hain। abhi aur sab dharma hain baaki devi-devta dharma jo foundation hai, woh gum hai। yeh saara khel bana hua hai। seedhi mein sab dharma hain nahin। is kaaran gole par samjhaana pade, gole mein saaph hai। yeh bhi samjhaana hai ki satayug mein devi-devta double sirtaaj the। is samay pavitrata ka taaj koi ko hai nahin। ek bhi nahin jisko ham light ka taaj deven। apne ko bhi nahin de sakte। ham light ke liye purushaartha kar rahe hain। shareer to yahaan pavitra nahin hai। aatma yogbal se pavitra hote-hote ant mein pavitra ho jaayegi। taaj to milega satayug mein। satayug mein double taaj, bhakti maarga mein single taaj। yahaan koi taaj nahin। ab tumko sirf purity ka taaj kahaan dikhaaven? light kahaan rakhen? gyaani to bane ho parantu complete pavitra jab bante ho to light honi chaahiye। to sookshm vatan mein light dikhaaven? jaise mama sookshm-vatan mein pavitra pharishta hai na। vahaan single taaj hai। parantu ab light kaise dikhaaven? pavitra hote hain pichhaadi mein। yog mein jab baithte ho to vahaan light dikhaaven? aaj light do kal patit ban jaae to light hi gum ho jaati isliye ant mein jab karmaateet avastha hogi tab light ho sakti hai। parantu tum sampoorn bante hi chale jaayenge sookshm vatan mein। jaise buddha, Christ ko dikhaate hain। pahle-pahle pavitra aatma dharma sthaapan karne aati hai, unko light de sakte hain, taaj nahin। tum bhi baba ko yaad karte-karte pavitra ban jaayenge। svadarshan chakra phiraate-phiraate tum raajaai pad paayenge। vahaan vajeer hote nahin। yahaan bahuton se raay leni padti hai। vahaan sab satopradhaan hain। yeh sab samajhne ki baaten hain। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baapdaada se aaphreen lene ke liye baap ke oonche kaarya mein poora-poora madadgaar banna hai। baba ko apni sevaaon ka samaachaar dena hai।

2) deh-abhimaan mein aakar kabhi bhi beadbi nahin karni hai। ulte nashe mein nahin aana hai। apna samay barbaad nahin karna hai। service ki yuktiyaan rachni hain, serviceable banna hai।

vardaan:- tyaag aur sneh ki shakti dvaara seva mein saphalta praapta karne vaale snehi sahayogi bhav

jaise shuru mein knowledge ki shakti kam thi lekin tyaag aur sneh ke aadhaar par saphalta mili। buddhi mein din raat baba aur yagya taraph lagan rahi, jigar se nikalta tha baba aur yagya। isi sneh ne sabhi ko sahayog mein laaya। isi shakti se kendra banen। saakaar sneh se hi manmanaabhav banen, saakaar sneh ne hi sahayogi banaaya। abhi bhi tyaag aur sneh ki shakti se gheraav daalo to saphalta mil jaayegi।

slogan:- pharishta banna hai to vyartha bol va disturb karne vaale bol se mukta bano।