Daily Murli for Saturday 20 November 2021

20-11-2021 praatahmurli om shanti "baapdaada"' madhuban

“meethe bachche - sabko ek baap ka hi parichay do, ek baap se len-den rakho, baap ko hi apna sachcha potaamel do''

prashn:- bachchon se ab tak bhi anek prakaar ki bhoolen hoti rehti hain, uska kaaran kya hai?

uttar:- mukhya kaaran hai - yog mein bahut kachche hain। baap ki yaad mein rehte to kabhi koi bura kaam ho nahin sakta। naam roop mein phansenge to yog lag nahin sakta। tum patit se paavan banne ki dhun mein raho। nirantar shivbaaba ki yaad mein raho, tumhaara aapas mein jismaani pyaar nahin hona chaahiye।

geet:- jale na kyon parvaana…

om shanti। yeh bhakti maarga ke geet gaaye hue hain। aakhreen yeh sab banda ho jaayenge, inki darkaar nahin। gaayan bhi hai ek second mein baap se varsa milta hai। tum jaante ho - behad ke baba se jeevanmukti ka varsa milta hai। jeevan-mukti arthaat is duhkhadhaam se mukta, bhrashtaachaarapne se mukta। phir kya banenge? uske liye em object to bahut achhi samjhaane ki hai। baba ne raatri ko bhi samjhaaya ki koi bhi aate hain to pahle parichay do oonch te oonch bhagwan ka। poochhte hain - yahaan ka uddeshya kya hai? to pahle-pahle parichay dena hai behad ke baap ka। ab woh kehte hain mujhe yaad karo to tum paavan banenge। gaate bhi hain he patit-paavan aao। to baap ko zaroor koi authority hogi na। koi to part mila hua hoga। unko kehte hain - oonche te ooncha baap। woh bhaarat mein hi aate hain। bhaarat ko hi aakar oonch te oonch banaate hain। vaikuntha ki saugaat le aate hain। manushya srishti mein oonche te oonch hain devi-devtaayen, sooryavanshi gharaana, jo satayug mein raajya karte the। satayug sthaapan karne vaala oonche te ooncha bhagwan hi hai। unko kehte bhi hain heaven sthaapan karne vaala, heavenly god father। woh baap hai, unke liye kabhi aise nahin kah sakte ki baap sarvavyaapi hai। sarvavyaapi kahne se baap ka varsa gum ho jaata hai। kitni meethi baaten hain, baap maana varsa। zaroor apne bachchon ko hi varsa denge। sabhi bachchon ka baap ek hi hai। woh aakar sukh-shanti ka varsa dete hain, raajayog sikhlaate hain। baaki to sabhi aatmaayen hisaab-kitaab chuktu kar vaapis chali jaayengi। abhi puraani duniya khatma hone vaali hai। uske liye yeh mahaabhaarat ladaai hai। anek dharmo ka vinaash, ek dharma ki sthaapna honi hai। buddhi bhi kehti hai zaroor kaliyug ke baad satayug aana chaahiye। devi-devtaaon ki history repeat। gaaya bhi hua hai brahma dvaara sthaapna karte hain। oonch te oonch pad praapta karaate hain।

baap kehte hain - bachche yeh antim janma pavitra bano। ab mrityulok murdaabaad aur amarlok jindaabaad hona hai। tum sab paarvatiyaan ho, amraktha sun rahi ho। bachche aur bachchiyaan donon amar banenge na। isko amraktha kaho, teejri ki katha kaho। aksar karke maataayen hi katha sunti hain। kya amarpuri mein purush nahin honge? donon hi honge, yeh baap hi samjhaate hain ki bhakti maarga ke shaastra kya kehte hain aur baap kya kehte hain? yeh bhi kehte hain bhakti ka phal bhagwan dene aate hain। barobar satayug mein in devi-devtaaon ka hi vishwa par raajya tha। inhon ko phal kisne diya? koi bhi saadhu-sannyaasi aadi to de na saken। yeh bhi jaante ho bhakti bhi sab ek jaisi nahin karte। jo bahut bhakti karega unko phal bhi zaroor aisa hi milega। jo poojya the vahi pujaari banen phir poojya banenge। bhakti ka phal to milega na। yeh baaten bhi sab samjhaani hoti hain। pahle-pahle trimoorti par samjhaana hai। aisa nahin ki pahle seedhi ke chitra par le jaao। yeh hai detail ki baaten। pahle-pahle parichay dena hai baap ka। woh hai oonche te ooncha। phir brahma vishnu shankar ka phir lakshmi-naaraayan ka। baaki bhakti maarga ke chitra to dheron ke dher hain। pahle-pahle yeh bolo ki behad ka baap hai - jisse ham behad svarga ka varsa lete hain। oonche te ooncha bhagwan varsa bhi oonche te ooncha dete hain। bhaarat mein shiv jayanti bhi manaai jaati hai, zaroor heavenly god father ne aakar heaven sthaapan kiya hoga। baap hi svarga sthaapan karte hain phir 5 hajaar varsha ke baad narka ho jaata hai। raam ko bhi aana padta hai, to samay par raavan ko bhi aana padta hai। raam varsa dete, raavan shraap dete hain। gyaan arthaat din poora ho raat ho jaati hai। din mein sirf sooryavanshi, chandravanshi। yeh baaten nutshell mein samjhaane ki bahut sahaj hain। pahle-pahle oonche te oonch baap ka parichay de pakka karaana chaahiye। mool baat hi yeh hai। satayug mein devi-devta gharaana tha। satopradhaan the phir sato-rajo-tamo mein aaye। yeh hai chakra। ek hi cheez kaayam nahin rah sakti। tum bachchon ki buddhi mein yahi yaad rahe ki oonche te oonch baap ko yaad karna hai। is yaad mein bahut kachche hain। baba bhi apna anubhav bataate hain to yaad hi ghadi-ghadi bhool jaati hai kyonki inko bahut khyaalaat rehte hain। tab to kaha jaata hai jinke matthe maamla, woh yaad mein kaise rah saken। baba ka saara din khyaalaat chalta rehta hai। kitni baaten saamne aati hain। baba ko subah uthkar baithne mein jaasti maja aata hai। nasha bhi rehta hai। bas, yeh sthaapna hone ke baad ham vishwa ka mahaaraaja banoonga phir se। jaise baba apna anubhav bataate hain ki pahli-pahli mukhya baat hai - baap ka parichay। aur jo bhi baaten koi kahe bolo, isse koi phaayda nahin। ham tumko parichay dete hain oonche te oonch baap ka। vahi oonche te oonch varsa dete hain vishwa ka maalik banne ka। aarya samaaji log devtaaon ke chitron ko nahin maante। tumhaare paas chitra dekhte hain tab hi bigadte hain। jisko varsa lena hoga woh shanti se aakar sunte rahenge। mukhya baat hi ek hai oonche te oonche bhagwan ki। oonche te ooncha brahma vishnu shankar ko nahin kahenge। oonche te oonch baap se hi varsa milta hai। vahi patit-paavan hai। yeh baat pakki kar lo। god is one। baap maana varsa। bhaarat mein aakar varsa dete hain। brahma dvaara nai duniya ki sthaapna, shankar dvaara vinaash। is mahaabhaarat ladaai se hi svarga ke get khulte hain। patit se paavan bante hain। behad ke baap se hi bhaarat ko varsa mil raha hai। doosri koi baat nahin। yahaan hai ek baat। baap kehte hain - mujhe yaad karo to tumhaari khaad nikle। yeh ek baat jab samjhen tab aur kuchh samjhaana। yeh jo itne chitra hain, yeh hain rejgaari। ham kehte hain gyaan amrit peekar pavitra bano। woh kehte hain vish chaahiye। us par bhi yeh chitra hain, tab kehte hain amrit chhod vish kaahe ko khaaye। yeh roohaani knowledge spiritual father hi dete hain। woh baap sarvavyaapi kaise hoga। tum baap ko sarvavyaapi maante ho to bhal maano, ham ab nahin maanenge। aage ham maante the। ab baap ne bataaya hai yeh bhool hai। baap se varsa milta hai। ab bhaarat narka hai, usko phir ham svarga arthaat pavitra grihastha aashram banaate hain। aadi sanaatan devi-devtaaon ka pavitra grihastha aashram tha। abhi hai apvitra vicious duniya। baap kehte hain mujhe yaad karo। oonche te oonch shivbaaba, creator hai, unse varsa milta hai। abhi kaliyug mein hain dher manushya, satayug mein to bahut thode manushya hain। to us samay baaki sab shantidham mein hain। to zaroor ab ladaai lagegi tab to mukti mein jaayenge। yeh sab baaten bachchon ki buddhi mein rahni chaahiye। bachchon ko service zaroor karni hai। service se hi oonch pad paayenge। aise nahin aapas mein nahin bani to shivbaaba ko bhool jaana ya shivbaaba ki service karna chhod dena hai। phir to yeh pad bhrashta ho jaayega। phir yeh service karne ke badle disservice kar denge। aapas mein loon-paani hokar service ko chhod dena, is jaisa bura kaam koi nahin। baba ko yaad karo to kamaai bhi hogi। ab gyaan mila hai holi bano aur baap ko yaad karo। dhuriya kaha jaata hai gyaan ki rimjhim ko। gyaan aur vigyaan kaha jaata hai। vigyaan hai yog, gyaan hai srishti chakra ka। holi-dhuriya, manushya kuchh samajhte nahin hain। baap ko yaad karna aur gyaan sabko sunaana। baba baar-baar samjhaate hain ki oonche te oonch baap ko sarvavyaapi kah nahin sakte। nahin to khud kisko yaad karte hain? baap kehte hain - nirantar mujhe yaad karo। parantu rachayita ko nahin jaante to milega kya! na jaanne ke kaaran sarvavyaapi kah dete hain। to oonche te ooncha siddha kar samjhaao to sarvavyaapi ki baaten buddhi se nikal jaaen। ham sab brothers hain। baap har 5 hajaar varsha ke baad aakar varsa dete hain। satayug mein devi-devta honge। baaki sab mukti mein jaayenge। sabko baap ka parichay dete raho। Christ ki preyar karte hain - bolo Christ to sabka father nahin hai na। sabka father to niraakaar hai, jisko hi aatma pukaarti hai - O god father, Christ unka san gaaya hua hai। san se varsa kaise milega? Christ to rachna hai। aise koi bhi shaastra mein likha hua nahin hai ki Christ ko yaad karne se aatma tamopradhaan se satopradhaan ban jaayegi। ek geeta mein hi hai ki maamekam yaad karo। god father ka shaastra hai hi geeta। sirf baap ka naam badli kar krishna ka naam likh diya hai। yeh bhool kar di hai। oonche te ooncha baap hai, vahi sukh-shanti ka varsa dete hain। shiv ka chitra sabko apne paas rakhna hai। shivbaaba yeh varsa dete hain phir 84 janmon mein ganva dete hain। seedhi par samjhaana hai - patit-paavan baap hi aakar paavan banne ki yukti bataate hain। woh kehte hain krishna bhagvaanuvaach, tum kehte ho shiv bhagvaanuvaach। first floor mein ooncha baap rehta hai phir second floor mein sookshm vatan। yeh hai third floor। srishti yahaan hai, peechhe sookshm vatan mein jaate hain। vahaan tribyoonal baithti hai, sajaayen milti hain। sajaayen khaakar pavitra ban chale jaate hain oopar। baap sab bachchon ko le jaate hain। ab hai sangam। isko 100 varsha dene chaahiye। bachche poochhte hain baba svarga mein kya-kya hoga? baba kehte bachche woh aage chalkar dekhna। pahle tum baap ko jaano, patit se paavan banne ki dhun mein raho। svarga mein jo hona hoga so hota rahega। tum paavan aisa bano jo baap ka poora varsa mil jaae nai duniya ka। baaki beech mein kya hota hai, yeh bhi aage chalkar dekhna hai। to yeh baaten sab yaad rakhni chaahiye। na yaad rahne ke kaaran samay par samajhte nahin, bhool jaate hain। bachchon ko karma bhi achhe karne hain। baap ki yaad mein rahne se bura kaam hoga hi nahin। bahut bure karma bhi karte hain। aise thode hi sirf isi braahmani ka achha lagta hai। woh braahmani gai to khud bhi khalaas। braahmani ke kaaran mar jaate hain। goya baap se varsa lene se mare। yeh bhi badkismati kahi jaati hai।

kai bachche ek do ke naam roop mein phans marte hain। yahaan tumhaara jismaani pyaar nahin hona chaahiye। nirantar shivbaaba ko yaad karna hai। koi se bhi lena-dena nahin hai। bolo, hamko kyon dete ho? tumhaara yog to shivbaaba se hai na। jo direct nahin dete, unka shivbaaba ke paas jama nahin hota hai। brahma dvaara sthaapna hoti hai to unke dvaara sab kuchh karna hai। beech mein koi kha gaya to shivbaaba ke paas to jama nahin hua। shivbaaba ko dena hai to through brahma। centre bhi through brahma hi kholo। aapehi centre kholte hain to woh thode hi centre hua। baapdaada donon ikatthe hain। inke haath aaya goya shivbaaba ke haath aaya। kitne centres hain jinka koi samaachaar hi nahin। likhna chaahiye shivbaaba aapke centre ka yeh potaamel hai। seth ke paas potaamel aana chaahiye na। bahuton ka shivbaaba ke paas jama nahin hota hai। yeh bhi akla nahin hai, bhal gyaan bahut hai parantu yukti nahin aati hai। bas hamne centre khola। tumne jisko diya, usne centre khola। woh shivbaaba ne thode hi khola। woh centre phir zor bhi nahin bharta hai। centre kholna ho to shivbaaba ke through। shivbaaba ham yeh dete hain, ismen laga dena। bachche bhoolen bahut karte hain। yog mein bahut kachche hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan ke saath-saath apna bhavishya banaane ki yukti bhi seekhni hai। ek baap se varsa lena hai। kisi deh-dhaari ke peechhe badkismat nahin banna hai।

2) aapas mein kisi baat ke kaaran baap ki service nahin chhodna hai। savere-savere uthkar apne aapse baaten karni hai। yaad karne ki mehnat karni hai।

vardaan:- anubhav ki will power dvaara maaya ki power ka saamna karne vaale anubhveemoorta bhav

sabse powerful stage hai apna anubhav। anubhvi aatma apne anubhav ki will-power se maaya ki koi bhi power ka, sabhi baaton ka, sarva samasyaaon ka sahaj hi saamna kar sakti hai aur sabhi aatmaon ko santushta bhi kar sakti hai। saamna karne ki shakti se sarva ko santushta karne ki shakti anubhav ke will power se sahaj praapta hoti hai, isliye har khajaane ko anubhav mein laakar anubhveemoorta bano।

slogan:- ek do ko dekhne ke bajaae svayan ko dekho aur parivartan karo।