Daily Murli for Sunday 21 November 2021

21-11-21 praatahmurli om shanti ''avyakt-baapdaada'' revise 27-11-89 madhuban

shubhbhaavna aur shubhkaamna ki sookshm seva

aaj vishvakalyaankaari baapdaada apne vishvakalyaankaari saathiyon ko dekh rahe hain। sabhi bachche baap ke vishwa-kalyaan ke kaarya mein nimitta bane hue saathi hain। sabhi ke man mein sada yahi ek sankalp hai ki vishwa ki pareshaan aatmaon ka kalyaan ho jaaye। chalte-phirte, koi bhi kaarya karte man mein yahi shubhbhaavna hai। bhakti-maarga mein bhi bhaavna hoti hai। lekin bhakta aatmaon ki vishesh alpakaal ke kalyaan prati bhaavna hoti hai। aap gyaani tu aatma bachchon ki gyaanayukta kalyaan ki bhaavna aatmaon ke prati sadaakaal aur sarvakalyaankaari bhaavna hai। aapki bhaavna vartamaan aur bhavishya ke liye hai ki har aatma anek janma sukhi ho jaae, praaptiyon se sampanna ho jaae kyonki avinaashi baap dvaara aap aatmaon ko bhi avinaashi varsa mila hai। aapki shubh bhaavna ka phal vishwa ki aatmaon ko parivartan kar raha hai aur aage chal prakriti sahit parivartan ho jaayega। aap aatmaon ki shreshtha bhaavna itna shreshtha phal praapta karaane vaali hai! isliye vishvakalyaankaari aatmaaen gaai jaati ho। itna apni shubhbhaavna ka mahatva jaante ho? apni shubhbhaavna ko saadhaaran reeti se kaarya mein lagaate chal rahe ho va mahatva jaankar chalte ho? duniya vaale bhi shubhbhaavna shabd kehte hain। lekin aapki shubhbhaavna sirf shubh nahin, shaktishaali bhi hai kyonki aap sangamayugi shreshtha aatmaaen ho, sangamayug ko drama anusaar pratyaksha phal praapta hone ka vardaan hai isliye aapki bhaavna ka pratyaksha phal aatmaon ko praapta hota hai। jo bhi aatmaaen aapke sambandh-samparka mein aati hain, woh usi samay hi shanti va sneh ke phal ki anubhooti karti hain।

shubhbhaavna, shubhkaamna ke bina ho nahin sakti। har aatma ke prati sadaiv raham ki kaamna rehti ki yeh aatma bhi varse ki adhikaari ban jaae। har aatma ke prati taras padta hai ki yeh hamaare hi eeshvareey parivaar ke hain, to isse vanchit kyon rahen? shubhkaamna rehti hai na! shubhkaamna aur shubhbhaavna - yeh seva ka foundation hai। koi bhi aatmaon ki seva karte ho, agar aapke andar shubhbhaavna, shubhkaamna nahin hai, to aatmaon ko pratyaksha phal ki praapti nahin ho sakti। ek seva hoti hai neeti pramaan, reeti pramaan - jo suna hai woh sunaana hai। doosri seva hai apni shubhbhaavna, shubhkaamna dvaara। aapki shubhbhaavna baap mein bhi bhaavna bithaati hai aur baap dvaara phal ki praapta karaane ke nimitta ban jaati hai। “shubhbhaavna'' - kahaan door baithi hui kisi aatma ko bhi phal ki praapti karaane ke nimitta ban sakti hai। jaise science ke saadhan door baithe aatmaon se sameep ka sambandh karaane ke nimitta ban jaate hain, aapki aavaaj pahunch jaati hai, aapka sandesh pahunch jaata hai, drishya pahunch jaata hai। to jab science ki shakti alpakaal ke liye sameepta ka phal de sakti hai to aapke silence ki shaktishaali shubhbhaavna door baithe bhi aatmaon ko phal nahin de sakegi? lekin iska aadhaar hai apne andar itni shanti ki shakti jama ho! silence ki shakti yeh alaukik anubhav kara sakti hai। aage chalkar yeh pratyaksha pramaan anubhav karte rahenge।

shubhbhaavna arthaat shaktishaali sankalp। sab shaktiyon se sankalp ki gati teevra hai। jitne bhi science ne teevragti ke saadhan banaaye hain, un sabse teevragti sankalp ki hai। kisi aatma ke prati va behad vishwa ki aatmaon prati shubhbhaavna rakhte ho arthaat shaktishaali shubh aur shuddh sankalp karte ho ki is aatma ka kalyaan ho jaae। aapka sankalp va bhaavna utpanna hona aur us aatma ko anubhooti hogi ki mujh aatma ko koi vishesh sahayog se shanti va shakti mil rahi hai। jaise - abhi bhi kai bachche anubhav karte hain ki kai kaaryo mein meri himmat va yogyata itni nahin thi lekin baapdaada ki extra madad se yeh kaarya sahaj hi saphal ho gaya va yeh vighna samaapta ho gaya। aise aap master vishvakalyaankaari aatmaon ki sookshm seva pratyaksha rup mein anubhav karenge। samay bhi kam aur saadhan bhi kam, sampatti bhi kam lagegi। iske liye man aur buddhi sada free chaahiye। chhoti-chhoti baaton mein man aur buddhi ko busy bahut rakhte ho, isliye seva ke sookshm gati ki line clear nahin rehti hai। saadhaaran baaton mein bhi apne man aur buddhi ki line ko ingej bahut rakhte ho, isliye yeh sookshm seva teevragti se nahin chal rahi hai। iske liye vishesh attention - “ ekaant aur ekaagrata''।

ekaantapriy aatmaaen kitna bhi busy hote phir bhi beech-beech mein ek ghadi, do ghadi nikaal ekaanta ka anubhav kar sakti hain। ekaantapriy aatma aisi shaktishaali ban jaati hai jo apni sookshm shaktiyaan - man, buddhi ko jis samay chaahe, jahaan chaahe ekaagra kar sakti hai। chaahe baahar ki paristhiti halchal ki ho lekin ekaantapriy aatma ek ke ant mein second mein ekaagra ho jaayegi। jaise saagar ke oopar lahron ki kitni aavaaj hoti hai, kitni halchal hoti hai, lekin saagar ke ant mein halchal nahin hoti। to jab ek ke ant mein, gyaan-saagar ke ant mein chale jaayenge to halchal samaapta ho ekaagra ban jaayenge। suna, sookshm seva kya hai! “shubhbhaavna'', “shubhkaamna'' shabd sabhi bolte rehte hain। lekin iske mahatva ko jaan pratyaksha roop mein aane se anek aatmaon ko pratyakshaphal ki anubhooti karaane ke nimitta bano। achha!

teachers ka to kaam hi hai seva। teachers ka mahatva hi seva hai। agar seva ka pratyaksha pramaan nahin dikhaai deta to unko yogya teacher ki list mein ginti nahin kiya jaata। teacher ki mahaanta seva hui na। to seva ka maheen roop sunaaya। mukh ki seva to karte rehte ho lekin mukh aur man ke shubhbhaavna ki seva saath-saath ho। bol aur bhaavna double kaam karenge। is sookshm seva ka abhyaas bahut kaal arthaat abhi se chaahiye kyonki aage chalkar seva ki rooprekha badalni hi hai। phir us samay sookshm seva mein apne ko busy nahin kar sakenge, baahar ki paristhitiyaan buddhi ko aakarshit kar lengi। result kya hogi? yaad aur seva ka balance nahin rakh sakenge isliye abhi se apne man-buddhi ke seva ki line ko check karo। teachers ko check karna to aata hai na। teachers auron ko sikhaati hain, to zaroor svayan jaanti hain tab to sikhaati hain na। sabhi yogya teachers ho na! yogya teacher ki visheshta yeh hai jo nirantar chaahe mansa, chaahe vaacha, chaahe karmana seva mein sada busy rahe। to aur baaton se svatah hi khaali ho jaayenge। achha!

kumaariyaan bhi aai hain। kumaariyaan arthaat hovanhaar teachers। tab to kahenge brahmaakumaariyaan hain। agar hovanhaar sevaadhaari nahin to paai paise vaali kumaari hai। kumaariyaan kya karti hain? naukri ki tokri uthaati hain na paaeepaise ke peechhe। baapdaada ko hansi aati hai kumaariyon ke oopar - tokri ka bojh uthaane ke liye taiyaar ho jaati hain lekin bhagwan ke ghar mein arthaat seva-sthaanon mein rahne ki himmat nahin rakhti hain। aisi kamjor kumaariyaan to nahin ho na! chaahe padh bhi rahi hain, to bhi lakshya to pahle se rakha jaata hai ki naukri karni hai ya vishwa-seva karni hai। naukri karna arthaat apne ko paalna। baal-bachche to hain nahin, jisko paalna pade। naukri isliye karte hain ki aaraam se apne ko paalte rahen, chalte rahen। vishwa ki aatmaon ko baap ki paalna den-yeh lakshya rakho। jab anek aatmaon ke nimitta ban sakte hain, to sirf apni aatma ko paalna - uske aage kya hua? anekon ki duaayen lena - yeh kamaai kitni badi hai! us kamaai mein paanch hajaar, paanch laakh bhi ho jaae, lekin yeh anek aatmaon ki duaayen - yeh kitni badi kamaai hai! aur yeh saath jaayegi anek janmon ke liye। woh paanch laakh kahaan jaayenge? ya ghar mein ya bank mein rah jaayenge। lakshya sadaiv ooncha rakha jaata hai, saadhaaran nahin। sangamayug par is ek abhi ke janma mein itna golden chance milta hai - behad ki seva mein nimitta banne ka! satayug mein bhi yeh offer nahin milegi। naukri ke liye bhi akhbaar dekhte rehte hain na ki koi offer mile। baap svayan seva ki offer kar rahe hain। to yogya right haind bano। saadhaaran brahmaakumaari bhi nahin banna। yogya sevaadhaari nahin bante to seva karne ke bajaay seva lete rehte hain। yogya sevaadhaari banna koi mushkil baat nahin। jab yogya sevaadhaari nahin bante to darte ho kaise hoga, chal sakenge va nahin। yogyata nahin hoti hai to dar lagta hai। jo yogya hota woh “beparvaah baadshaah'' hota hai। chaahe sthool yogyata, chaahe gyaan ki yogyata manushya ko vailyoobal (moolyavaan) banaati hai। yogyata nahin to value nahin rehti। seva ki yogyata sabse badi hai। aisi yogya aatma ko koi baat rok nahin sakti। yogya banna maana mera to ek baba। bas, aur koi baat nahin। suna kumaariyon ne! achha!

kumaar bhi bahut aaye hain। kumaar daud bahut lagaate hain। seva mein bhi achhe umang se daud lagaate rehte hain। lekin kumaaron ki visheshta aur mahaanta yahi hai ki aadi se ab tak nirvighna kumaar hon? agar kumaar nirvighna kumaar hain, to aise kumaar bahut mahaan gaaye jaate hain kyonki duniya vaale bhi kumaariyon ke bajaay kumaaron ke liye samajhte hain ki kumaar yogya ban jaaen - yeh mushkil hai। lekin kumaar hi vishwa ko challenge karen ki aap to asambhav kehte ho lekin ham nirvighna kumaar hain। aise vishwa ko sample dikhaane vaale kumaar mahaan kumaar hain। baapdaada aise kumaaron ko sada hi dil se mubaarak dete hain। samjha! abhi-abhi bahut achhe, abhi-abhi koi vighna aaya to neeche-oopar ho gaye - aise nahin। kumaar arthaat na to samasya banna hai aur na samasya mein haar khaani hai। kumaar, kumaariyon se bhi number aage ja sakte hain lekin nirvighna kumaar hon kyonki kumaaron ko bahut karke yahi vighna aata hai ki koi saathi nahin hai, koi saathi chaahiye, companion chaahiye। to kisi-na-kisi reeti se apni company bana dete hain। koi-koi kumaar to companion bhi bana dete hain aur koi company mein aate hain - baatcheet karna, baithna phir companion banaane ka bhi sankalp aata hai। lekin aise bhi kumaar hain jo baap ke sivaae na company banaane vaale hain, na companion banaane baale hain। sada baap ki company mein rahne vaale kumaar sada sukhi rehte hain। to aap log kaun se kumaar ho? thodi-thodi company chaahiye? saara parivaar company hai? phir to theek lekin do-teen ya ek koi company chaahiye, woh wrong hai। to aap sabhi kaun ho? nirvighna ho na। naye kumaar bhi kamaal karke dikhaayenge। aakhir to vishwa ko apne aage, baap ke aage jhukaana to hai na! to yeh kumaaron ki kamaal vishwa ko jhukaayegi। vishwa aapke gun-gaayan karega ki kamaal hai kumaaron ki! kumaari majority phir bhi seva ki company mein rehti hai। lekin kumaaron ko thoda-sa kampani ka sankalp aata hai to paandav bhavan banaakar saphal rahen, aisa koi karke dikhaao। lekin aaj paandav bhavan banaao aur kal paandav ek east mein chala jaae, ek vesta mein chala jaae - aisa paandav bhavan nahin banaana।

baapdaada ko kumaaron ke oopar vishesh naaz hai ki akele rehte bhi purushaartha mein chal rahe hain। kumaar aapas mein do-teen saathi bankar kyon nahin chalte! saathi sirf phimel hi nahin chaahiye, do kumaar bhi rah sakte hain। lekin ek-do ke nirvighna saathi hokar rahen। abhi woh jalva nahin dikhaaya hai। samay par ek-do ke sahayogi banen to kya nahin ho sakta hai? aur baaten aa jaati hain, isliye baap-daada paandav bhavan banaane ke liye mana kar deta hai। lekin sample koi karke dikhaaye। aisa nahin paandav bhavan banaakar phir jo nimitta daadi-deediyaan hain, unka time lete raho। nirvighna hon, ek-doosre se yogya kumaar hon phir dekho kitna achha naam hota hai। suna kumaaron ne? yogya kumaar bano, nirvighna kumaar bano। seva ke kshetra par khud samasya nahin bano lekin samasya ko mitaane vaale bano, phir dekho kumaaron ki bahut value hogi kyonki kumaaron ke bina bhi seva nahin ho sakti hai। to kumaar kya karenge? sab bolo - “nirvighna kumaar bankar dikhaayenge''। (kumaaron ne baapdaada ke saamne khade hokar vaayda kiya) abhi sabhi ka photo nikal gaya hai। aise nahin samajhna ki ham uthe to kisi ne dekha nahin। photo nikal gaya। achha hai - “himmate bachche madde baap'' aur saara parivaar aapke saath hai। achha!

chaaron or ke sarva bachchon ko sada baapdaada apne sneh ke sahayog ki chhatra-chhaaya sahit dil se seva ki mubaarak de rahe hain। desh-videsh ke seva ke samaachaar milte rehte hain। har ek bachcha apne dil ka sachcha samaachaar bhi dete rehte hain। khaas videsh ke patra jyaada aate rehte hain। to seva ke samaachaar dene vaale bachchon ko mubaarak bhi aur saath mein sada sva-seva aur vishwa-seva mein “saphalta bhav'' ka vardaan de rahe hain। sva-purushaartha ke samaachaar dene vaalon ko baapdaada yahi vardaan de rahe hain ki jaise sachchi dil se baap ko raazi karte rehte ho, aise sada svayan ko bhi svayan ke sanskaaron se, sangathan se raazayukta arthaat raazi raho। ek-do ke sanskaaron ke raaz ko bhi jaanna, paristhitiyon ko jaanna - yahi raazayukta sthiti hai। baaki sachche dil se apna potaamel dena aur sneh ki ruhrihaan ke patra likhna arthaat pichhla samaapta karna aur sneh ki ruhrihaan sada sameepta ka anubhav karaati rahegi। yeh hai patron ka respaand।

patra likhne mein videshi bahut hoshiyaar hain। jaldi-jaldi likhte hain। bhaaratvaasi bhi lambe-lambe patra bhejna nahin shuru karna। baapdaada ne kah diya hai do shabdon ka patra likho - “O.ke'' (bilkul theek hain)। service samaachaar hai to likho baaki “O.ke.''। ismen sab-kuchh aa jaata hai। yeh patra padhna bhi sahaj hai to likhna bhi sahaj hai। lekin agar “O.ke.'' nahin ho to phir “O.ke.'' nahin likhna। jab O.ke. ho jaao tab likhna। post padhne mein bhi to time lagta hai na! koi bhi kaarya karo, sada short bhi ho aur sweet bhi ho। koi bhi padhe to usko khushi to ho isliye raam kathaaen likhkar nahin bhejna। samjha! samaachaar dena bhi hai lekin samaachaar dena seekhna bhi hai। achha!

sarva shubhbhaavna aur shubhkaamna ki sookshm seva ke mahatva ko jaanne vaale mahaan aatmaon ko baapdaada ka yaadapyaar aur namaste।

vardaan:- apne parivartan dvaara nirantar vijay ki anubhooti karne vaale sachche sevaadhaari bhav

jaise nirantar yogi bane ho aise nirantar vijayi bano to sachche sevaadhaari ban jaayenge kyonki vijayi aatma, jab har sankalp, har kadam mein vijay ka anubhav karti hai to unka yeh parivartan dekh anek aatmaon ki seva svatah hoti hai। unke nain roohaaniyat ka anubhav karaate hain, chalan baap ke charitron ka saakshaatkaar karaati hai, mastak se mastakamni ka saakshaatkaar hota hai। aise apni avyakt soorat se seva karne vaali vishesh aatma ko hi sachcha sevaadhaari kaha jaata hai।

slogan:- visheshtaayen va gun daata ki den hain, daata ko dekho vyakti ko nahin।

soochna:- aaj maas ka teesra ravivaar antarraashtreey yog divas hai, baba ke sabhi bachche saayan 6.30 se 7.30 baje tak vishesh apne poorvaj aur poojya swaroop mein sthit ho, apne tapasvi swaroop dvaara poore vriksha ko sarva shaktiyon ki sakaash dene ki seva karen। bhakton ki manokaamnaayen poori karen।