Daily Murli for Thursday 25 November 2021

25-11-2021 praatahmurli om shanti "baapdaada"' madhuban

“meethe bachche - apni takdeer oonch banaani hai to roohaani seva ka shauk rakho, sabko gyaan dhan ka daan karte raho''

prashn:- roohaani baap aisi kaun si shreemat dete hain jo aaj tak kisi manushya ne nahin di?

uttar:- he roohaani bachche, tum roohaani seva mein dadheechi rishi ki tarah haddiyaan do। baap se jo avinaashi gyaan ratna mile hain unka daan karo। yahi hai sachchi seva। aisi seva karne ki mat koi bhi manushya nahin de sakta। roohaani seva karne vaale khushi mein naachte rahenge। takdeer oonch banti jaayegi।

geet:- badal jaae duniya…

om shanti। bachchon ne geet ki do line suni। unhonne to geet bana diya hai। jaise koi ki sagaai hoti hai to yeh pakka hi hai ki stri-purush kabhi ek do ko chhodenge nahin। koi birla aise hote hain jo aapas mein nahin banti hain to chhod bhi dete hain। yahaan tum bachche kiske saath pratigya karte ho? eeshvar ke saath। jiske saath tum bachchon ki va sajniyon ki sagaai hui hai। parantu aisa jo vishwa ka maalik banaate hain unko bhi chhod dete hain। yahaan tum bachche baithe ho। tum jaante ho abhi behad ka baapdaada aaya ki aaya। yeh avastha jo tumhaari yahaan rehti hai, baahar centre par ho na sake। yahaan tum samjhenge baapdaada aaya ki aaya। baahar centre par samjhenge baba ki bajaai hui murli aai ki aai। yahaan aur vahaan mein bahut farka rehta hai kyonki yahaan behad ke baapdaada ke sammukh tum baithe ho। vahaan tum sammukh nahin ho। chaahte ho sammukh jaakar murli sunen। yahaan bachchon ki buddhi mein aaya ki baba aaya ki aaya। jaise aur satsang hote hain। vahaan samjhenge phalaana svaami aayega। parantu yeh khyaalaat bhi sabki ekras nahin rehti। koi ko sambandhi yaad aayega। buddhi ek guru ke saath bhi thaharti nahin hai। koi birla hi hoga jo svaami ki yaad mein baitha hoga। yahaan bhi aise hai। aise nahin ki sab shivbaaba ki yaad mein rehte hain। buddhi daudti rehti hai। mitra sambandhi yaad aayenge। saara samay ek hi shivbaaba ke sammukh rahne mein to aho saubhaagya। sthaai yaad mein koi virla hi rehte hain। yahaan shivbaaba ke sammukh rahne mein to bahut khushi rahni chaahiye। ateendriy sukh gopi vallabh ke gop gopiyon se poochho। yeh yahaan ka gaaya hua hai। yahaan tum baba ki yaad mein baithe ho। jaante ho abhi ham eeshvar ke bane hain phir daivi god mein honge। bhal koi ki buddhi mein service ke khyaalaat chalte hain। is chitra mein yeh correction karen, yeh likhen। parantu achhe bachche honge to samjhenge ki abhi to baap se hi sunna hai, aur koi sankalp aane nahin denge। baap gyaan ratnon se jholi bharne aaye hain। to baap se hi buddhi-yog lagaana hai। nambarvaar dhaarna karne vaale to hote hi hain। koi achhi reeti dhaaran karte hain, koi kam dhaaran karte hain। buddhiyog aur taraph daudta rahega to dhaarna nahin hogi। kachche ho jaayenge। ek do baar murli suni, dhaarna nahin hui to aadat pakki ho jaati hai। phir kitna bhi sunta rahega, dhaarna hogi nahin। kisko suna nahin sakenge। jisko dhaarna hogi usko service ka shauk hoga, uchhalta rahega। jaakar dhan daan karoon, kyonki yeh dhan ek baap ke sivaae aur koi ke paas hai nahin। baap yeh bhi jaante hain sabko dhaarna ho na sake। sab ekras oonch pad pa nahin sakte isliye buddhi aur taraph bhatakti rehti hai। bhavishya takdeer itni oonch ban nahin sakti hai। phir koi sthool service mein apni haddi dete hain, sabko raazi karte hain। jaise bhojan pakaate hain, khilaate hain yeh bhi subject hai na। service ka jinko shauk hoga woh mukh se kahne bina rahenge nahin। phir baba dekhte bhi hain ki kahaan deh-abhimaan to nahin hai। bade ka regard rakhte hain va nahin। bade mahaarthiyon ka regard to rakhna hota hai। haan, koi chhota bhi hoshiyaar ho jaata hai, to ho sakta hai bade ko unka regard rakhna pade kyonki buddhi unki gallop kar leti hai। service ka shauk dekh baap to khush hoga na। yeh achhi service karenge। saara din pradarshani samjhaane ki bhi practice karni chaahiye। praja bhi to dher banni hai na। laakhon praja chaahiye। aur to koi upaay hai nahin। sooryavanshi, chandravanshi raaja raani praja sab yahaan banne hain। kitni service karni chaahiye। bachchon ki buddhi mein hai abhi ham brahman bane hain। ghar grihastha mein rahne se har ek ki avastha apni rehti hai na। gharbaar to chhodna nahin hai। baba kehte hain ghar mein bhal raho, parantu buddhi mein yeh nishchay rakhna hai ki yeh puraani duniya khatma hui padi hai। hamaara ab baap se kaam hai। yeh bhi jaante hain kalpa pahle jinhonne yeh gyaan liya tha, vahi lenge। second by second hoobhu repeat ho raha hai। aatma mein gyaan hai na। baap ke paas bhi gyaan hai। tum bachchon ko bhi baap jaisa banna hai, point dhaaran karni hai। sab point ek saath nahin samjhaai jaati hain। lakshya pakka rakha jaata hai। vinaash bhi saamne khada hai। yeh vahi vinaash hai। satayug, treta mein koi ladaai aadi hoti nahin hai। woh to baad mein jab bahut dharma hote hain, lashkar bade hote hain tab ladaai shuru hoti hai। pahle-pahle aatmaayen satopradhaan se utarti hain phir sato rajo tamo mein aati hain। yeh sab buddhi mein rakhna hai। kaise raajdhaani sthaapan ho rahi hai। yahaan baithe ho to yeh buddhi mein rakhna hai। shivbaaba aakar hamko khajaana dete hain, jisko buddhi mein dhaaran karna hai। achhe-achhe bachche notes lete hain, notes lena achha hai, to buddhi mein topics aayengi। aaj is topic par samjhaayenge। baap kehte hain hamne tumko kitna khajaana diya tha। satayug treta mein tumhaare paas athaah dhan tha phir vaam maarga mein jaane se kam hota gaya। khushi bhi kam hoti gai। kuchh na kuchh vikarma hone lage। utarte-utarte kalaayen kam hoti jaati hain। satopradhaan sato, rajo, tamo ki stages hoti hain na। sato se rajo mein aate hain to aise nahin phat se aa jaate hain। tamopradhaan mein bhi aahiste-aahiste utarte ho, usmein bhi sato rajo tamo stages aayengi। phat se tamopradhaan nahin honge। dheere-dheere seedhi utarte jaate hain। kala kam hoti hai। abhi jump lagaana hai। tamopradhaan se satopradhaan banna hai, iske liye time baaki thoda hai। gaaya hua bhi hai chadhe to chaakhe baikuntha ras। kaam ki chamaat lagti hai to ekdam chaknaachoor ho jaate hain। hadgud toot jaate hain, jaise koi manushya apna jeevghaat karte hain। aatmaghaat nahin, jeevghaat kaha jaata hai। aise yeh bhi aatma ka ghaat ho jaata hai। ki kamaai sab khatma ho jaati hai। yahaan to baap se varsa paana hai, baap ko yaad karna hai kyonki baap se baadshaahi milti hai। apne se poochhna hai ki hamne baap ko yaad kar kitni bhavishya ke liye kamaai ki? kitne andhon ki laathi banen? ghar-ghar mein paigaam dena hai ki yeh puraani duniya badal rahi hai। baap nai duniya ke liye raajayog sikha rahe hain। seedhi mein dikhaaya hai, yeh banaane mein mehnat lagti hai। saara din khyaalaat chalta rehta hai ki aisa sahaj banaaven jo koi samajh jaae। saari duniya to nahin aayegi। devi-devta dharma vaale hi aayenge। tumhaari service to bahut chalni hai। tum jaante ho hamaara class kab tak chalega! woh to laakhon varsha kalpa ki aayu samajhte hain। to shaastra aadi sunaate hi rehte hain। samajhte hain jab ant hoga tab sabka sadgati daata aayega। phir jo hamaare chele hain unki gati ho jaayegi। phir ham bhi jaakar jyoti mein sama jaayenge, parantu aisa to hai nahin। tum jaante ho ham amar baap dvaara sachchi-sachchi amraktha sun rahe hain। to amar baba jo kehte hain woh maanna bhi chaahiye। sirf kehte hain mujhe yaad karo aur pavitra bano। nahin to bahut sajaayen khaani padegi, pad bhi kam milega। service mein mehnat karni hai। jaise dadheechi rishi ka misaal hai, haddiyaan bhi service mein de di। apne shareer ka bhi khyaal nahin karke service mein rehna hai, isko kaha jaata hai haddi service aur doosra hai roohaani haddi service। roohaani service vaale roohaani knowledge hi sunaate rahenge। gyaan dhan daan karte khushi mein naachte rahenge। duniya mein jo manushya service karte hain woh hai jismaani। shaastra baith sunaate hain, woh koi roohaani service nahin hai। roohaani service sirf baap hi sikhlaate hain। spiritual baap hi aakar spiritual bachchon (aatmaon) ko padhaate hain। tum ab taiyaari kar rahe ho - satayug nai duniya mein jaane ke liye। vahaan tumse koi vikarma nahin hoga। woh hai raamraajya। vahaan hote hi hain thode। woh thode manushya aakar padhenge। abhi to raavanraajya mein sab duhkhi hain na। yeh saari knowledge tumhaari buddhi mein hai, nambarvaar purushaartha anusaar। is seedhi ke chitra mein hi saari knowledge aa jaati hai। yeh chitra banaane ke liye machinery chaahiye। us government ki roz akhbaaren kitni chhapti hain। kitni kaarobaar chalti hai। yahaan to sab haath se banaana padta hai।

baap kehte hain - yeh antim janma pavitra bano to pavitra duniya ke maalik banonge। yeh knowledge koi ke paas nahin hai। kahenge is seedhi mein aur dharmo ka samaachaar kahaan hai? woh bhi is gole mein laga hua hai। woh nai duniya mein to aate hi nahin hain। unhon ko shanti milti hai। bhaaratvaasi hi svarga mein the na। bhaarat mein hi baap raajayog sikhlaane aate hain isliye bhaarat ka praacheen raajayog sab pasanda karte hain। is chitra se woh khud hi samajh jaayenge, barobar nai duniya mein sirf bhaarat hi tha। apne dharma ko bhi samajh jaayenge। jaise Christ aaya dharma sthaapan karne। is samay woh bhi beggar roop mein hai, sabhi tamopradhaan hain। yeh rachta aur rachna ki kitni badi knowledge hai। tum kah sakte ho ki hamko kisi ke paise ki darkaar nahin hai। paisa ham kya karenge! tum yeh suno aur doosron ko sunaane ke liye yeh chitra aadi chhapaao। in chitron se kaam lena hai। haal banaao, jahaan yeh knowledge sunaai jaaye। baaki ham paisa lekar kya karenge। tumhaare hi ghar ka kalyaan hona hai। tum sirf prabandha karo, bahut aakar sunenge। rachna aur rachta ki knowledge to badi achhi hai। yeh to manushyon ko hi samajhni hai, vilaayat vaale yeh knowledge sunkar bahut pasanda karenge। bahut khush honge। samjhenge ham bhi baap ke saath yog lagaayenge to vikarma vinaash ho jaayenge। sabko baap ka parichay dena hai। samjhenge yeh knowledge god father ke sivaae koi de na sake। kehte hain khuda ne bahishta sthaapan kiya। parantu woh kaise aate hain, yeh kisko pata nahin hai। tumhaari baaten sunkar bahut khush honge। phir purushaartha kar yog seekhenge। tamopradhaan se satopradhaan banne ke liye bhi purushaartha karenge। service ke liye to bahut khyaal karna chaahiye। bhaarat mein hunar dikhaayen tab baahar bhejenge। yeh manushya jaanenge, nai duniya banne mein koi der thode hi lagti hai। kahaan bhi earthquake aadi hoti hai to 2-3 varsha mein ekdam naye makaan ban jaate hain। jitna bahut kaareegar honge utna jaldi makaan banenge। ek maas mein bhi makaan bana sakte hain। kaareegar, saamaan aadi sab taiyaar ho phir banne mein deri thode hi lagegi। vilaayat mein makaan kaise bante hain, minute motor। to svarga mein kitna jaldi bante honge। sona, chaandi bahut tumhaare ko mil jaate hain। khaaniyon se sona, chaandi, heere aadi le aate hain। hunar to sab seekh rahe hain। science ka kitna ghamanda hai। yahi science phir vahaan bhi kaam aayegi। yahaan seekhne vaale vahaan doosra janma le kaam mein aayenge। us samay to saari nai duniya ho jaati hai, raavan raajya hi khatma ho jaata hai। 5 tatva bhi kaaydemujeeb service mein rehte hain। svarga ban jaata hai। vahaan koi upadrav nahin hota hai। raavan raajya hi nahin hai, sabhi satopradhaan hain। sabse achhi baat hai ki baap se bahut love hona chaahiye। baap jo phurna dete hain usko dhaaran karna aur doosron ko daan dena hai। jitna daan denge utna ikattha ho jaayega। service hi nahin karenge to dhaarna kaise hogi। service mein buddhi chalni chaahiye। service to bahut dher ho sakti hai। koi karte rahen। din-pratidin unnati ko paana hai। apni bhi unnati karni hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aapas mein ek do ka regard rakhna hai। service ka bahut-bahut shauk rakhna hai। gyaan ratnon se apni jholi bharkar phir uska daan karna hai।

2) ek baap se hi sunne ka sankalp rakhna hai। doosre khyaalaaton mein buddhi ko bhatkaana nahin hai।

vardaan:- eeshvareey authority dvaara sankalp va buddhi ko order pramaan chalaane vaale master sarvashaktivaan bhav

jaise sthool haath paanv ko bilkul sahaj reeti jahaan chaaho vahaan chalaate ho va karma mein lagaate ho vaise sankalp va buddhi ko jahaan lagaane chaaho vahaan laga sako - ise hi kehte hain eeshvareey authority। jaise vaani mein aana sahaj hai vaise vaani se pare jaana bhi itna hi sahaj ho, isi abhyaas se saakshaatkaar moorta banenge। to ab is abhyaas ko sahaj aur nirantar banaao tab kahenge master sarvashaktivaan।

slogan:- svasthiti shaktishaali ho to paristhiti uske aage kuchh bhi nahin hai।