Daily Murli for Wednesday 8 December 2021

08-12-2021 praatahmurli om shanti "baapdaada"' madhuban

“meethe bachche - sangam ki in amoolya ghadiyon mein shvaanson shvos baap ko yaad karo, tumhaari ek bhi shvaans vyartha na jaaye''

prashn:- is samay tumhaara manushya jeevan bahut-bahut valuable hai - kaise?

uttar:- is jeevan mein tum baap ke bachche ban baap se poora varsa lete ho। isi manushya tan mein purushaartha kar tum kaudi se heere jaisa bante ho। beggar se prince, insolvent se 100 percent solvent bante ho isliye tumhein is samay ko vyartha nahin ganvaana hai। har shvaans baap ki yaad mein rahkar saphal karna hai। karma karte bhi yaad mein rehna hai।

geet:- yeh vakta ja raha hai…

om shanti। yeh jo is samay manushya ka jeevan hai inko amoolya kaha jaata hai। bachche bhi samajhte hain aur baap bhi samjhaate hain ki yeh tumhaara antim manushya ka janma hai, yeh bahut valuable hai। inka moolya koi kar nahin sakta। vaise yeh time bhi bahut valuable hai। tum bachche jaante ho ab kaudi se heere jaisa va beggar se prince, insolvent se 100 pratishat solvent ban rahe hain। yeh tumhaara manushya tan bahut valuable hai jabki baap ke bachche bane ho। aur manushyon ka valuable nahin hai। tum bachchon ko is samay apna shvaans vyartha nahin ganvaana chaahiye। kaise saphal karna chaahiye so to baap samjhaate hain। shvaanson shvaans yaad karo baap ko। manushya bhakti maarga mein to anek prakaar ke simran karte hain। woh hai anekon ki vyabhichaari yaad। tum bachche ek ke sivaae aur kisi ko yaad nahin karte ho। samajhte ho hamaara shvaans vyartha na jaaye। shvaanson shvaans koshish kar baba ko yaad karna hai। aise direction milte hain। ismen koi jaap aadi nahin karna hai। hamaara svadharma hi hai aavaaj se pare rehna। is shareer dvaara ham part bajaate hain। aatma asul shantidham ki rahne vaali hai। yeh bhi hamaare sivaae koi kah na sake ki ham asul shantidham ke rahne vaale hain। koi poochhe tum kahaan ke rahne vaale ho to tum kahenge ham aatma to shantidham ki rahne vaali hain। baaki yahaan ke liye poochhte ho to yahaan ham phalaani jagah rahne vaale hain। shantidham se yahaan aakar shareer lekar part bajaana hi hai। abhi yeh hai is mrityulok ka antim janma, ismen shvaans vyartha nahin ganvaana chaahiye। vo log bahut fast (vrat) rakhte hain। unko kehna hai kyon tum time vesta karte ho, isse oonche te oonche baap ko yaad karo। yeh bhi tum jaise jeevghaat karte ho। aatma-ghaat nahin kahenge kyonki aatma ka ghaat kabhi nahin hota। kaha jaata hai jeevghaati, mahaapaapi। is samay apne shareer ko takleeph dena - yeh bhi to mahaapaap hai। tum kah sakte ho ki is samay tum mahaan punya aatma ban sakte ho, is purooshaartha se। unhon ko to yeh pata nahin hai ki baap yahaan aaya hua hai। yeh baapdaada hai na। shivbaaba brahma daada। prajaapita brahma to mashhoor hai। woh to kah sakte hain na ki kyon aise valuable shareer ka ghaat karte ho। isse to manamnaabhav, baap ko yaad karo to jeevanmukti milegi athva koi dvaara message bhi bhej sakte ho। dehli vaale bachche bhi bhej sakte hain ki is samay yeh duniya badal rahi hai। is purushaartha se tumko jeevanmukti mil sakti hai। dekhte ho; saamne mahaabhaarat ladaai bhi hai isliye bachchon ko ek bhi shvaans vesta nahin karna chaahiye। saara kalpa seedhi neeche utarte-utarte ekdam tamopradhaan ban gaye hain। ab phir satopradhaan banna hai, ismen mehnat lagti hai। maasi ka ghar nahin hai। janak ko ek second mein jeevanmukti kaise mili? woh bhi tum jaante ho aur likh sakte ho। jeevanmukti ek second mein bina kaudi kharcha mil sakti hai।

yeh mrityulok ka last janma hai। amarlok mein hai jeevanmukti, mrityulok mein hai jeevan bandha। yeh bhaagvat mein bhi gaaya hua hai। yeh bhi ek kahaani bana di hai ki janak ko gyaan dene vaala koi mil na saka। parampita paramatma brahma dvaara gyaan dete hain, isko hi brahma gyaan kaha jaata hai। brahma ko bhi zaroor kisi ne diya hoga na। gyaan saagar to parampita paramatma hai, woh brahma dvaara aakar dete hain। trimoorti chitra dvaara tum achhi tarah samjha sakte ho। koi bhi andar aate hain to unse poochho board padha, kya likha hua hai। bi.ke. prajaapita brahma ke bachche thahre। prajaapita ko sirf kumaariyaan hi hongi kya? zaroor kumaar bhi honge। to hamaari yeh family ho gai। brahma baap hai, brahma kiska bachcha? shivbaaba ka। in dvaara sthaapna kar rahe hain। yeh family ki family bhi hai, paathshaala ki paathshaala bhi hai। sarva ka sadgati daata to ek hi baap hai। vahi yeh duniya sthaapan kar rahe hain। to zaroor devil world khatma hoga। rise aur fall bhaarat ka hota hai। bhaarat hi heaven se hell ekdam oonch se neech banta hai। heaven maana nai duniya। buddhivaan jo honge, woh samjhenge barobar aadi sanaatan devi-devta dharma tha। tum likhte bhi ho ki Deityism kaise sthaapan ho raha hai, ek second mein jeevan-mukti kaise milti hai..., aakar samjho। abhi yeh puraani duniya hai, woh badalkar nai duniya ban rahi hai isliye yeh antim janma bahut valuable hai, inka bahut mahatva hai। jabki ham baba se varsa lete hain aur aadi sanaatan devi-devta dharma vaale hi aakar varsa lenge। agar nahin lete hain to samajhna chaahiye yeh 84 janma lene vaala, sooryavanshi mein aane vaala nahin hai। pichhaadi mein aayenge। jinki full jyot jagti hai woh satayug mein aayenge। peechhe din-pratidin kam taakat vaale honge। mahaan saubhaagyashaali hi accurate nai duniya mein aayenge। rehna to naye makaan mein chaahiye। 10-12 varsha ke baad jaakar rahe, aisa kachcha purooshaartha kyon karna chaahiye। mama baba nai duniya mein mahaaraaja mahaaraani bante hain to ham bhi kyon na banen। service ko badhaayen। bachchon ka yeh khyaal chalna chaahiye।

baap kehte hain - main tumko aaj bahut guhya baaten sunaata hoon। baap ko jaan liya to jeevanmukti ka hakdaar to ban hi jaayenge। gyaan ka vinaash to hota nahin। kai manushya to achhi reeti samajhte bhi hain। koi to kuchh nahin samajhte, aise hi dekhkar chale jaate hain। koi kahkar bhi jaate hain ham zaroor aayenge। parantu maaya phir bhula deti hai। maaya billi kam nahin hai। gul bakaavli ka ek khel bhi dikhaate hain। yeh bhi misaal tumhaare liye hai। baap hi samjhaate hain। yahaan tum aaye ho maaya par jeet pahan jagatjeet banne। is par kahaani bani hui hai। tum yogbal mein rehte ho, maaya par jeet paane liye। parantu maaya billi paasa phira deti hai। gulabkaavli, allaah avaldeen yeh is samay ki baaten hain। allaah hi avaldeen, devta dharma ki sthaapna karte hain। haatamtaai ka khel bhi is samay ka hai। baap ko na yaad karne se maaya aa jaati hai। jo kuchh ho chuka hai, unki baith baad mein kahaaniyaan banaate hain। jo hone vaala hai, woh to kuchh bata nahin sakte। past mein jo kuchh hua hai uska drama banaate hain। kans vadh, amrit manthan, kisam-kisam ke khel banaate hain। woh bichaare yeh nahin jaante ki yeh behad ka drama hai। tum jaante ho yeh anaadi avinaashi drama hai। manushya to kuchh bhi nahin jaante ki yeh drama kitne varsha ka hai। bhal kehte hain history repeat hoti hai। parantu samajhte nahin hain। baap kisam-kisam ke raaz samjhaate hain ki buddhi mein yeh baithe ki hamaara yeh antim janma bada valuable hai। ismen time vesta nahin karna chaahiye। hath kaar de dil yaar de...dil to aatma mein hai na। aatma hi kehti hai - mujhe tang nahin karo। meri dil ko duhkhi nahin karo। buddhi samajhti hai, judge karti hai - yeh hamko sukh dete hain, yeh duhkh dete hain। aatma shareer ke bina to kah na sake। aatma hi sab kuchh seekhti hai। sanskaar aatma mein bharte hain। abhi tumko parampita paramatma sikhla rahe hain। tum jaante ho baap gyaan ka saagar hai, patit-paavan hai। woh bhaarat ke liye saugaat le aate hain vaikuntha ki isliye gaaya hua hai, sarva ke sadgati daata। unka birth place bhaarat hai। somnaath ka mandir bhi yahaan hi hai। shivbaaba aaya tha tab to unka yaadgaar mandir banaaya hai। woh kab aaye, kya karke gaye, yeh nahin jaante। lakshmi-naaraayan the phir kahaan gaye woh thode hi samajhte hain ki woh is patit duniya mein hain। satopradhaan the phir chakra lagaakar tamopradhaan bane hain। naam roop to badal jaata hai na। har janma mein features badal jaate hain। yeh bana banaaya drama hai, ismen jara bhi farka nahin pad sakta। features ek na milen doosre se। baba ko bachchon par raham padta hai ki bachche apne baap ko jaan leven। maaloom to padta hai na। bi.ke. vriddhi ko paate rahenge ek din yeh bhi aayega, jo phera pahante rahenge। tumhaari pradarshani mein sab aayenge। din-pratidin naam baala hota jaata hai। baba opinion ki bhi kitaab chhapaate hain। woh bhi kaam mein aayegi। bahuton ko bhej deni padegi। bachche jo serviceable hain, unko saara din khyaalaat rakhne padte hain। woh jhat kahenge bhal bi.ke. aakar mil sakti hain। bhookh hadtaal rakhte hain to 10-12 din ke baad kamjor ho jaate hain। phir itni baat nahin kar sakte। tumhaari baat ko samjhenge aur kahenge ki barobar jeevanmukti paane ka yahi theek raasta hai। sarva ka sadgati daata to ek hi baap hai। baaki sab hain bhakti maarga ke guru। guru to bahut ho gaye hain na। stri ka pati bhi guru hai। katha sunaane vaale ko bhi guru kehte hain। yeh sab samajhne ki baaten hain। bachchon ka maatha bahut vishaal hona chaahiye service ke liye। baap ko yaad kar raavan par vijay paani hai। shvaans vyartha nahin ganvaana hai। jo samay barbaad karte rehte hain unko besmajh kaha jaata hai। baap kahenge - kiska jeevan heere jaisa banaane tum service nahin karte ho! kitna vesta oph time, vesta oph energy karte ho। kuchh bhi samajhte nahin, isliye pattharbuddhi kaha jaata hai। ismen saari yog ki baat hai। baap ko yaad karo aur varsa le lo। yeh arth kabhi koi samajh na sake। woh to brahm ko yaad karte hain। baap kehte hain - mujhe yaad karo to vikarma vinaash honge। brahm koi patit-paavan hai kya? patit-paavan to parampita paramatma hai। brahm kaise ho sakta। bichaare bahut bhoole hue hain। baap bachchon ko phir bhi kehte hain bachche time vesta nahin karo। baba ko yaad karo। baba jaante hain kai bachche din-raat bahut time vesta karte hain। saara din kuchh bhi purushaartha nahin karte hain। baba apna misaal bhi bataate hain। bhojan par baithte hain to bhi baba ko yaad karte hain। ham donon ikatthe khaate hain। shareer mein do aatmaayen hain na। yaad karte-karte phir bhool jaata hoon, aur-aur khyaalaat aa jaate hain। inke oopar javaabdaari bahut hai। bahut hi khyaalaat aate hain isliye baba kehte hain tum jaasti yaad mein rah sakte ho, inko to mehnat karni padti hai। hamesha samjho shivbaaba samjhaate hain। unko yaad karo, brahma ko yaad karne se shivbaaba bhool jaayega। bachchon ko pahle to apna hi kalyaan karna hai, phir doosre ka। kai to aise hain doosron ka kalyaan karte rehte hain, apna karte nahin hain। auron ko aap samaan banaate khud phir gum ho jaate hain। wonder hai na। yeh bhi tum samajhte ho। tum anubhav bhi sunaate ho aur koi satsang aadi mein thode hi samjhaate hain। yahaan bhi nambarvaar dhaarna hoti hai। yeh knowledge buddhi mein dhaaran ki jaati hai। gaate hain bhar do jholi। yeh knowledge to buddhi mein bhari jaayegi va jholi mein? paarasbuddhi aur pattharbuddhi gaaya jaata hai। tumhaara yeh jeevan bahut amoolya hai। ismen purooshaartha ki bahut jaroorat hai। grihastha vyavhaar mein rahkar sab kuchh karna hai। circumstance dekhe jaate hain। bhal kumaar hai, dekha jaata hai service achhi kar sakte hain to chhuda bhi lete hain। har ek ka circumstance dekhkar phir raay di jaati hai। surgeon nabja dekhne bina raay de na saken। yeh hai avinaashi surgeon। aatma ko manamnaabhav ka injection lagaate hain। inka yeh ek hi injection hai jo 21 janma ke liye ever healthy bana dete hain। prajaapita brahma ke kitne dher bachche hain, kitna bada grihasthi hai। yeh hai behad ka grihastha vyavhaar। yeh shivbaaba ka rath hai na, to kitni aamadni hoti hai। baap kehte hain - main is rath mein baith knowledge deta hoon, nahin to kaise doonga। krishna to hota hi hai satayug aadi mein। vahi aatma saanvari bani hai, to inke bahut janmon ke ant mein pravesh karta hoon isliye bhaagyashaali rath gaaya hua hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apna tatha doosron ka jeevan heere jaisa banaane ki seva karte rehna hai। time, mani, energy barbaad nahin karna hai।

2) doosron ka kalyaan karne ke saath-saath apna bhi kalyaan karna hai। buddhi roopi jholi mein gyaan ratna dhaaran kar daan bhi karna hai।

vardaan:- praalabdha ki ichchha ko tyaag achha purushaartha karne vaale shreshtha purooshaarthi bhav

shreshtha purushaarthi unhein kaha jaata hai jo purushaartha ki praalabdha ko bhogne ki ichchha nahin rakhte। jahaan ichchha hai vahaan svachchhata khatma ho jaati hai aur sochta (sochne vaale) ban jaate hain। jo yahaan hi praalabdha bhogne ki ichchha rakhte hain woh apni bhavishya kamaai jama hone mein kami kar dete hain isliye ichchha ke bajaae achha shabd yaad rakho। shreshtha purushaarthi sada flawless banne ka purushaartha karte hain, kisi bhi baat mein fail nahin hote।

slogan:- saadhan kamal pushpa bankar use karo kyonki ye aapke karmayog ka phal hain।