Daily Murli for Thursday 9 December 2021

09-12-2021 praatahmurli om shanti "baapdaada"' madhuban

“meethe bachche - baap aaye hain tumhein raajayog sikhlaane, baap ke sivaae koi bhi dehdhaari tumhein raajayog sikhla nahin sakta''

prashn:- teevra bhakti karne se kaun si praapti hoti hai, kaun si nahin?

uttar:- koi teevra bhakti karte hain to deedaar ho jaata hai। baaki sadgati to kisi ki hoti nahin। vaapas koi bhi jaata nahin। baap ke bina vaapis koi bhi le nahin ja sakta। tum is bane banaaye drama ko jaante ho। tumhein aatma ka yathaartha gyaan hai। aatma hi svargavaasi aur narkavaasi banti hai।

om shanti। roohaani bachchon prati roohaani baap ne om shanti ka arth bhi samjhaaya hai। om ko aham arthaat main bhi kaha jaata hai। main aatma, mera shareer do cheezen hain। yeh aatma ne kaha om shanti arthaat shanti mera svadharma hai। aatma ka nivaas sthaan hai shantidham athva paramdham। woh hai niraakaari duniya। yeh hai saakaari manushyon ki duniya। manushya mein aatma hai aur yeh shareer 5 tatvon ka bana hua hai। aatma avinaashi hai, woh kab marti nahin। ab aatma ka baap kaun? shareer ka baap to har ek ka alag-alag hai। baaki sabhi aatmaon ka baap ek hi hai parampita paramatma, unka asli naam hai shiv। pahle-pahle kehte hain; shiv parmaatmaae namah phir kahenge brahma devtaae namah, vishnu devtaae namah। unhon ko bhagwan nahin kah sakte। sabse oonch hain niraakaar paramatma। phir hain sookshm devtaayen, yahaan sabhi manushya hain। ab prashn uthta hai ki aatma ka roop kya hai? bhaarat mein shiv ki pooja karte hain, shivkaashi, shivkaashi kehte hain। ve log ling banaate hain, koi bada banaate, koi chhota lekin jaise aatma ka roop hai vaise paramatma ka roop hai। param aatma usko milaakar paramatma kehte hain। paramatma ke liye koi kehte woh akhanda jyoti swaroop hai, koi kehte brahm hai। ab baap samjhaate hain jaise tum aatma bindi ho vaise mera roop bhi bindi hai। jab roodra pooja karte hain to usmein ling hi banaate hain। shiv ka bada ling baaki saaligraam chhote-chhote banaate hain। manushyon ko na yathaartha aatma ka gyaan hai, na paramatma ka। to woh manushya baaki kya raha। sabmen 5 vikaar pravesh hain। deh-abhimaan mein aakar ek do ko kaatte rehte hain। yeh vikaar hain hi duhkh dene vaale। koi mar gaya to duhkh hua। yeh bhi kaanta laga। koi bhi manushya ko na aatma ka, na paramatma ka realisation hai। soorat manushya ki seerat vikaari hai isliye kaha jaata hai raavan sampradaay kyonki hai hi raavan raajya। sab kehte bhi hain hamko raamraajya chaahiye। geeta mein bhi akshar hai kaurav sampradaay, paandav sampradaay aur yaadav sampradaay। abhi tum bachche raajayog seekh rahe ho। raajayog shreekrishna sikhla na sake। woh hai satayug ka prince। unki mahima hai sarvagun sampanna… har ek ka kartavya, mahima alag-alag hai। president ka kartavya alag, prime minister ka kartavya alag। abhi yeh to oonche te ooncha behad ka baap hai। inke kartavya ko bhi manushya hi jaanenge, jaanvar thode hi jaanenge। manushya jab tamopradhaan ban jaate hain to ek do ko gaali dete hain। yeh hai hi puraani duniya kaliyug, isko narka kaha jaata hai। vicious world kaha jaata hai। satayug ko viceless world kaha jaata hai। aatma in organs dvaara kehti hai hamko raamraajya chaahiye। he patit-paavan aap aakar paavan banaao, shantidham, sukhdhaam mein le jaao। baap samjhaate hain duhkh sukh ka khel bana hua hai। maaya te haare haar, maaya te jeete jeet। jiski pooja karte hain unke occupation ko bilkul hi nahin jaante hain। isko kaha jaata hai andhashraddha athva gudiyon ki pooja। jaise bachche gudiya banaakar khelpaal kar phir tod dete hain। shiv parmaatmaae namah kehte hain, parantu arth nahin jaante। shiv to hai oonche te ooncha baap। brahma ko bhi prajaapita kehte hain। praja maana hi manushya srishti। shiv hai aatmaon ka baap। sabhi ko do baap hain। parantu sabhi aatmaon ka baap shiv hai, unko duhkh harta sukh karta kaha jaata hai, kalyaankaari bhi kehte hain। devtaaon ki phir mahima gaate hain aap sarvagun sampanna... ham neench paapi... hamaare mein koi gun naahi। bilkul tuchchha buddhi hain। devtaayen svachchha buddhi the। yahaan hain sab vikaari patit, isliye guru karte hain। guru woh jo sadgati kare। guru kiya hi jaata hai vaanaprastha mein। kehte hain ham bhagwan ke paas jaane chaahte hain। satayug mein vaanaprastha avastha kehte nahin hain। vahaan yeh maaloom rehta hai ki hamko ek shareer chhod doosra lena hai। yahaan manushya guru karte hain mukti mein jaane ke liye। parantu jaata koi bhi nahin hai। yeh guru log sab bhakti maarga ke hain। shaastra bhi sabhi bhakti maarga ke hain। yeh baap samjhaate hain। baap ek hi hai, vahi bhagwan hai। manushya ko bhagwan kaise kah sakte। yahaan to sabhi ko bhagwan kehte rehte hain। saani baba bhi bhagwan, ham bhi bhagwan, tum bhi bhagwan। patthar bhittar sabmen bhagwan, to pattharbuddhi thahre na। tum bhi pahle pattharbuddhi, narkavaasi the। abhi tum ho sangamayugi। mahima saari sangamayug ki hai। purooshottam maas manaate hain na। parantu usmein koi uttam puroosh bante nahin। tum abhi manushya se devta kitne uttam puroosh bante ho। baap kehte hain - main kalpa ke sangamayuge bhaarat ko purooshottam banaane aata hoon। to yeh bhi bachchon ko samjhaaya hai jaise aatma bindi hai vaise parampita paramatma bhi bindi hai। kehte hain bhrakuti ke beech mein chamakta hai - azab sitaara। aatma sookshm hai। unko buddhi se jaana jaata hai। in aankhon se dekha nahin ja sakta। divya drishti se dekh sakte hain। samjho koi teevra bhakti karte hain, usse deedaar hota hai। parantu unse mila kya? kuchh nahin। deedaar se sadgati to ho na sake। sadgati daata, duhkh harta sukh karta to ek hi baap hai। yeh duniya hi vikaari hai। saakshaatkaar se koi svarga mein nahin jaate। shiv ki bhakti ki, deedaar hua phir kya hua? vaapis to baap bigar koi le nahin ja sakte। yeh hai bana banaaya drama। kehte hain bani banaai ban rahi... parantu arth jara bhi nahin jaante। aatma ka bhi gyaan nahin hai। woh to kehte hain har ek aatma 84 laakh janma leti hai। usmein ek manushya janma durlabh hota hai। parantu aisi koi baat hai nahin। manushya ka to bada part chalta hai। manushya hi svargavaasi aur manushya hi narkavaasi bante hain। bhaarat hi sabse oonch khanda tha, lakshmi-naaraayan ka raajya tha। vahaan to bahut thode manushya the। ek dharma ek mat thi। bhaarat saare vishwa ka maalik tha aur koi dharma nahin tha। yeh hai padhaai। yeh kaun padhaata hai? bhagvaanuvaach ki main tumko is raajayog dvaara raajaaon ka bhi raaja banaata hoon। bhagwan ne kisko geeta sunaai। geeta se phir kya hua? yeh kisko maaloom nahin hai। geeta ke baad hai mahaabhaarat। geeta mein raajayog hai। bhagvaanuvaach maamekam yaad karo to tumhaare paap bhasma honge। manamnaabhav ka arth hi yeh hai ki baap kehte hain tum jo sooryavanshi poojya the, woh phir pujaari shoodravanshi ban gaye ho। viraat roop ka arth bhi tum bachche hi jaante ho। viraat roop mein jo dikhaate hain usmein braahmanon ko gum kar diya hai। brahman to bahut gaaye jaate hain। prajaapita brahma ki santaan hain na। baap brahma dvaara hi rachna rachte hain। adopt karte hain। ab tum ho oonch brahman। tumko rachne vaala hai oonche te ooncha bhagwan, jo sabka baap hai। brahma ka bhi woh baap hai। saari rachna ka woh baap hai। rachna ho gai sab brothers। varsa baap se milta hai, na ki bhaai se। shiv jayanti bhi manaai jaati hai। aaj se 5 hajaar varsha pahle brahma tan mein shivbaaba aaya tha। devi-devta dharma sthaapan kiya tha। brahman hi raajayog seekhe the। woh tum ab seekh rahe ho। bhaarat pahle shivaalay tha। shivbaaba ne shivaalay (svarga) racha aur bhaaratvaasi hi svarga mein raajya karte the। ab kahaan raajya karte hain? ab patit duniya narka hai। yeh koi samajhte nahin to ham narkavaasi hain। kehte hain phalaana mara svargavaasi hua to apne ko narkavaasi samajhna chaahiye।

baap kehte hain - mainne tum bachchon ko svargavaasi banaaya tha jisko 5 hajaar varsha hue। pahle tum bahut saahookaar the, saare vishwa ke maalik the to aisa zaroor god ne hi banaaya hoga। bhagvaanuvaach, main tumko raajaaon ka raaja banaata hoon to zaroor raaja bhi banenge to praja bhi banenge। aadhaakalpa hai din, svarga, aadhaakalpa hai raat, narka। ab brahma to ek baar aayega na। baap hai sabka roohaani panda। woh sabhi ko vaapis le jaate hain। vahaan se phir mrityulok mein nahin aayenge। andhon ki laathi ek hi baap hai। baap samjhaate hain bachche is raavan raajya ka vinaash hona hai। yeh vahi mahaabhaarat ladaai hai। manushya to kuchh bhi nahin samajhte। bhaaratvaasi aapehi poojya aapehi pujaari bante hain। seedhi utarte-utarte vaam maarga mein chale jaate hain to pujaari ban jaate hain। pahle ham sab poojya sooryavanshi the phir do kala kam chandravanshi hue phir utarte-utarte pujaari bane hain। pahle-pahle pooja hoti hai shiv ki, usko avyabhichaari pooja kaha jaata hai। ab baap kehte hain - ek niraakaar baap ko yaad karo aur koi bhi dehdhaari ko yaad nahin karna hai। bulaate hi hain ki he patit-paavan aakar hamko paavan banaao to mere bigar aur koi kaise paavan bana sakte hain। seedhi mein dikhaaya hai ki kaliyug ke ant mein kya hai। 5 tatvon ki bhakti karte hain। saadhu-sannyaasi, brahm ki saadhna karte hain। svarga mein yeh koi bhi hote nahin। yeh saara drama bhaarat par hi bana hua hai। 84 janma lenge। yahaan bhakti maarga ki koi danta kathaayen nahin hain। yeh to padhaai hai। yahaan to yeh shiksha milti hai ki ek baap ko yaad karo। brahma, vishnu, shankar ko bhi yaad nahin karna hai। koi bhi dehdhaari ko yaad nahin karna hai। tum bachche bhi kehte ho hamaara to ek shivbaaba doosra na koi। baap bhi kehte hain bachche grihastha vyavhaar mein rehte kamal phool samaan pavitra bano। patit-paavan mujh ek baap ko hi kehte hain। phir manushya guru kaise ban sakte hain। khud hi vaapis nahin ja sakte to auron ko kaise le ja sakte hain। na koi jyoti jyot mein samaate hain। sab part bajaane vaale yahaan punarjanma mein hain। tum sab ho sajniyaan, ek saazan ko yaad karte ho। woh hai merciful, liberator। yahaan duhkh hai tabhi to unko yaad karte hain। satayug mein to koi bhi yaad nahin karte। baap kehte hain hamaara part hi sangamayug par hai। baaki yuge-yuge akshar wrong likh diya hai। is kalyaankaari purushottam yug ka kisko bhi pata nahin hai। pahli mukhya baat hai baap ko jaanna। nahin to baap se varsa kaise lenge? rachna se varsa mil nahin sakta। baap ne brahma dvaara adopt kiya hai। manushya yeh nahin jaante ki itni badi praja kaise paida ki hogi? prajaapita hai na। sarasvati maa hai ya beti hai? yeh bhi kisko pata nahin hai। maa to tumhaari gupta hai। shivbaaba brahma dvaara tumko adopt karte hain। ab tum ho raajarishi। rishi akshar pavitrata ki nishaani hai। sannyaasi hain hathayogi, woh raajayog sikhla na saken। geeta bhi jo sunaate hain woh bhakti maarga ki hai। kitni geetaayen bana di hain। baap kehte hain - bachche main sanskrit mein to nahin padhaata hoon, na shlok aadi ki baat hai। tumko raajayog aakar sikhlaata hoon, jis raajayog se tum paavan ban paavan duniya ke maalik ban jaate ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kabhi kisi bhi dehdhaari ko yaad nahin karna hai। mera to ek shivbaaba doosra na koi, yeh paath pakka karna hai।

2) baap samaan roohaani panda bankar sabko ghar ka raasta bataana hai। andhon ki laathi banna hai।

vardaan:- sada busy rahne ki vidhi dvaara vyartha sankalpon ki complain ko samaapta karne vaale sampoorn karmaateet bhav

sampoorn karmaateet banne mein vyartha sankalpon ke toofaan hi vighna daalte hain। is vyartha sankalpon ki complain ko samaapta karne ke liye apne man ko har samay busy rakho, samay ki booking karne ka tareeka seekho। saare din mein man ko kahaan-kahaan busy rakhna hai - yeh programme banaao। roz apne man ko 4 baaton mein busy kar doh 1-milan (roohrihaan) 2-varnan (service) 3-magan aur 4-lagan। isse samay saphal ho jaayega aur vyartha ki complain khatma ho jaayegi।

slogan:- saphalta ko parmaatma birthright samajhne vaale hi sada prasanna-chit rah sakte hain।