Daily Murli for Wednesday 16 February 2022

16-02-2022 praatahmurli om shanti "baapdaada"' madhuban

“meethe bachche - sangamayug par baap aaye hain tum bachchon ki dil va jaan se seva karne, abhi yeh drama poora hota hai - tum sabko vaapis ghar chalna hai''

prashn:- abhi tum bachchon ki karmaateet avastha ho nahin sakti, ant mein hi hogi - kyon?

uttar:- kyonki tum aatma jab karmaateet bano to tumhein paavan tatvon ka bana hua shareer chaahiye। abhi to yeh 5 tatva patit hain। jab tatva paavan banen tab karmaateet avastha ho। tum bachche jab poore paavan ban jaayenge to yahaan rah bhi nahin sakenge। paavan banen to paavan duniya mein paavan shareer chaahiye isliye tum abhi half caste ho, ant mein tumhaara poora buddhiyog jam jaayega, tum paavan ban jaayenge, tumhaare sab vikarma vinaash ho jaayenge aur tumhaari karmaateet avastha ho jaayegi।

geet:- doordesh ka rahne vaala…

om shanti। door ke rahne vaale musaaphir, jis musaaphir ko sabhi manushya maatra athva jeev aatmaayen yaad karti hain zaroor। vaastav mein sabhi jeev aatmaayen musaaphir hain। jaise baap ko paramdham se aana padta hai vaise tum bachche bhi paramdham se aate ho - yeh part bajaane। mujhe to saare kalpa mein ek baar aana hota hai। is kaaran mujhe kehte hain - reincarnation। tum ek baar yahaan aate ho phir yahaan hi punarjanma lete rehte ho। main ek hi baar bachchon ke paas bachchon ki dil va jaan, sik va prem se seva karne aata hoon। baap ko to sab bachche pyaare hain na। aisa koi baap nahin, jisko bachche pyaare nahin honge। bachchon ko hi baap se varsa milta hai। woh hai had ka baap, yeh hai behad ka baap। yeh koi nahin jaanta ki baap kab aayega। baap kehte hain meethe bachche, ab drama poora hota hai, vaapis chalna hai। raasta koi bhi jaante hi nahin। sirf kah dete hain baikunthavaasi hua, paar nirvaan gaya। abhi tum jaante ho beech mein koi bhi vaapis ja nahin sakta। jab sabka part poora ho tab baap ko aana padta hai। tum jaante ho ham sab aatmaayen jab shareer mein hain to shareer ke naate bhaai-behen hain। har ek ko apna-apna part poora karna hai। phir sabko apne-apne samay par part repeat karna padega। baap ko sabhi yaad karte hain ki he patit-paavan aao, he seeta ke raam aao। ek raam, ek seeta ke liye thode hi aayega। sabhi seetaaon ka ek raam hai। sab bachche yaad karte hain, bhakti karte hain। yeh drama 5 hajaar varsha ka hai। baap kehte hain - tum apne janmon ko nahin jaante ho, main jaanta hoon। laakhon varsha ki baat to koi bata na sake। mukhya pahli baat hai ki geeta ka bhagwan kaun hai। drama anusaar bhoolen, tab to baap aaye। sirf geeta padhne se kuchh nahin hota। baap khud hi aakar bachchon ko raajayog sikhaate hain। baap kehte hain yeh nai-nai baaten jo main tumko sunaata hoon, woh sab praayahlop ho jaayengi। yeh parampara nahin chalti। aur jo aate hain unhon ka gyaan to ant tak chalta hai। ek do ko sunaate aate hain। yahaan na sunne vaale, na sunaane vaale rahenge। sab chale jaayenge। vahaan to yeh bhi nahin jaante ki ham 16 kala sampoorn hain। woh to hai hi praalabdha। 16 kala se phir 14 kala banenge - yeh pata rahe to raajaai ki khushi hi chali jaaye। baap samjhaate hain - oonche se ooncha dharma shaastra pahle hona chaahiye। devi-devta dharma sthaapan karne vaale ko bhool gaye hain। jitni geeta ki mahima hai, unse jaasti gyaan sunaane vaale ki mahima hai। aur koi dharma sthaapan karne vaale ko bhagwan nahin kahenge। bhagwan to ek hi niraakaar hai, baaki sab hain saakaar। gaaya bhi hua hai - shreemat bhagvat geeta। woh sabka sadgati daata hai। is samay sab tamopradhaan, kabradaakhil hain। phir baba aakar sabko jagaate hain। yeh puraani duniya to khatma ho jaane vaali hai। sarson muaaphik sab pees jaate hain। satayug mein bahut chhota daivi jhaad hoga। bhagwan ko sab yaad karte hain he bhagwan, he sachkhanda sthaapan karne vaala.. parantu woh kab aayega। shaastron mein to laakhon varsha likh dete hain। isko hi andhiyaara kaha jaata hai। abhi tum jaante ho hamaara baba gyaan ka saagar hai। doosra koi gyaan saagar ho nahin sakta। gyaan saagar baap doordesh se ham bachchon ke paas aate hain। ham sab andhiyaare mein pade the। jaante nahin the ki drama mein ham sab actors hain। oonche te oonche kaun hain, yeh maaloom hona chaahiye। sirf sarvavyaapi hai, yeh gyaan ho gaya kya! agar sarvavyaapi hai phir to bhakti bhi nahin kar sakte। isko kaha jaata hai agyaan। abhi tum jaante ho sabka sadgati daata baap hai। unka naam hi hai parampita paramatma shiv। woh pitaaon ka bhi pita hai। janma by janma laukik pitaayen milte aaye। oonche te ooncha baap hai phir nambarvaar aate hain। pahle-pahle devi-devta sizre ke utrenge। ab woh rachna baap rach rahe hain। brahma dvaara brahman kaise rache। prajaapita brahma dvaara adopt karte hain। bachche kehte hain baba ham aapke hi the, ab aap ke hi hain। pahle-pahle ham satayug mein aaye the।

is samay tum half caste ho। shudra se brahman ban rahe ho। poora pavitra, karmaateet pichhaadi mein banenge। pichhaadi mein buddhiyog poora jam jaayega aur vikarma sab bhasma ho jaayenge। phir bhi yahaan tumko paavan nahin kahenge kyonki shareer patit hain। abhi patit se paavan ban rahe ho। phir satayug mein shareer bhi paavan milega। poora paavan ban jaayenge phir yahaan rah nahin sakenge। jab aatma pavitra ho jaayegi। phir to 5 tatva bhi pavitra ho jaayenge। abhi tum bachche sangam par ho। sachcha-sachcha kumbha ka mela yeh hai। paani ke ganga par jaana - yeh hai bhakti maarga। sannyaasi log snaan karne jaate hain - phir bhi kah dete aatma nirlep hai। baap kehte hain bhakti maarga mein tumne bahut kuchh suna। ab judge karo right kya hai। yeh hai amar katha jisse tum amarpuri ke maalik ban jaate ho, tumko kabhi kaal kha nahin sakta। vahaan kabhi aise nahin kahenge ki phalaana mar gaya। yahaan kitna dar rehta hai maut ka। vahaan to sirf chola badalte hain। bhaarat ki mahima bahut bhaari hai। jitni baap ki mahima utni bhaarat ki mahima hai। bhaarat mein lakshmi-naaraayan ke ab tak bhi mandir bante rehte hain। parantu baap ko nahin jaante to woh kab aaye the। barobar satayug mein devi-devtaayen the। jab satayug ko laakhon varsha dete hain to unki sankhya anginat honi chaahiye। koi bhi buddhi se kaam nahin lete। kehte hain gau ke mukh se ganga nikli hai। hai saari gyaan ki baat। phir sookshm vatan mein bail aadi kahaan se aaya। yeh shaastra aadhaakalpa se lekar chalte hi aaye hain। yeh sab baaten most beloved baap children ko samjhaate hain। hain to sab mere bachche। parantu tum most beloved bante ho। lakshmi-naaraayan ka pata nahin ki kab raajya karke gaye। raadhe krishna ka birth de manaate hain। lakshmi-naaraayan ka kuchh pata nahin। raam ko treta mein dikhaate hain। krishna ko dvaapar mein। raadhe krishna hain satayug ke। yeh sab tum hi jaante ho। sab dharma kaise repeat honge, phalaana dharma sthaapak kab aayega। woh samajhte hain dharma sthaapan kar vaapis chale jaate hain। are tab phir paalna kaun karenge! har ek manushya rachna rachte hain phir paalna bhi karte hain। vinaash nahin karte। had ki rachna karne vaala baap alpakaal kshan bhangur sukh de sakte hain। koi ko bachcha nahin hoga to kahenge hamaare kul ki vriddhi kaise hogi। baap kehte hain is samay sab patit bhrashtaachaari hain। ek geet hai - kehte hain bhaarat ka kya haal ho gaya hai। phir doosre geet mein hai ki hamaara bhaarat sabse ooncha hai। kya abhi ooncha hai? nahin। ab to bilkul hi patit hai। baap kehte hain bachche dheeraj dharo, yeh bhi khel hai। abhi duhkh ke din poore hokar sukh ke din aa rahe hain। is narka ko svarga banaane paramdham ke rahne vaale baap desh paraaye aaye hain। baap kehte hain mera yeh janma sthaan hai। nahin to koi bataaye, niraakaar baba kahaan aaya, kis shareer mein aaya? kab aaya? kya karne aaya? koi bhi bata na sake। tum bachche jaante ho parampita paramatma kaise aakar patiton ko paavan banaate hain। baap kehte hain bachche aur koi mere paas ilaaz nahin hai। laadle bachche, tum mujhe hi patit-paavan kehte ho, sarva shaktimaan kehte ho। ab tumko shakti chaahiye 5 vikaaron par jeet paane ke liye। hinsak ladaai ki yahaan baat nahin। yeh hai gupta। sirf mujhe yaad karo। isko kaha jaata hai ajpaajaap। abhi sabki vaanaprastha avastha hai, sabko vaapis jaana hai। woh hai shantidham। vahaan se phir automatically tum sukhdhaam mein aa jaayenge। shanti to tumhaara svadharma hai। yoon to is raavan raajya mein shanti mil nahin sakti। baaki thode samay ke liye chaahte ho to ashareeri hokar baith jaao। shanti to sabko chaahiye। agar 101 karod bhi shanti mein baith jaaen to bhi shanti ho na sake। yeh hai hi ashaanti ki duniya। shanti ke liye koi raay nahin nikal sakti hai। yeh to god father ki hi javaabdaari hai। tum jaante ho devi-devtaaon ka raajya tha, jisko vaikuntha kaha jaata hai। ab kaliyug ka ant duhkhadhaam hai। woh hai shantidham, sweet hom। sweet father bhi vahaan rehte hain। woh hai sukhdhaam, yeh hai duhkhadhaam। beech mein aur-aur dharma nikalte hain। vriddhi hoti rehti hai। unhone to kalpa ki aayu laakhon varsha kah di hai, isko kaha jaata hai ghor andhiyaara, satayug hai ghor sojhra। mool vatan mein hai apaar shanti। yahaan ham part bajaane aaye hain।

baap kehte hain - he aatmaayen sunti ho - apne kaan roopi organs se? tumko yaad hai - yeh drama ka chakra kaise phirta hai। tum is samay trikaaldarshi ho। tum braahmanon ke sivaae koi trikaaldarshi nahin hai। rishi-muni kehte the ham eeshvar ko nahin jaante hain, naastik hain। ab tum aastik bane ho। baap aur srishti chakra ke aadi-madhya-ant ko jaante ho। tumko teenon lokon ki knowledge mili hai। sivaae tumhaare koi ko bhi yeh knowledge nahin hai। lakshmi-naaraayan ko na trilokeenaath, na trikaaldarshi kahenge। trilokeenaath manushya nahin ho sakte hain। tum teenon lokon aur teenon kaalon ko jaanne vaale ho। lakshmi-naaraayan ko bhi triloki ka gyaan nahin hai। vishnu ko svadarshan chakradhaari dikhaate hain। ab vishnu ke do roop hain lakshmi-naaraayan, raadhe krishna hi lakshmi-naaraayan bante hain। is samay kitne achhe yaadgaar mandir banaaye hain। parantu inki biography ko to jaanna chaahiye। oonche te ooncha bhagwan ek hai, unka naam hai shiv। roodra bhi kehte hain। yeh hai roodra gyaan yagya, krishna gyaan yagya hota hi nahin। krishna to satayug ka prince hai। woh kya yagya rachenge। roodra yagya se vinaash jvaala prajjavlit hoti hai। satayug mein yagya rachne ki darkaar nahin hai। is gyaan yagya ke sivaae baaki sab hain material yagya। baap ne samjhaaya hai inko yagya kyon kehte hain। yeh jo puraani duniya ki saamagri hai, woh sab ismen svaaha hone vaali hai isliye kaha jaata hai - parampita paramatma ne yagya racha hai, jisse manushya devta bante hain। devtaaon ke pair puraani duniya mein nahin aate hain। tumko to baap ne sab kuchh saakshaatkaar kara diya hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar-

1) apne shant svadharma mein sada rehna hai। yeh vaanaprastha avastha hai, vaapas ghar jaana hai isliye baap ki yaad ajpaajaap chalti rahe।

2) karmaateet banne ke liye sampoorn paavan banna hai। jo bhi vikarmo ka bojh hai use yaad ki yaatra mein rahkar utaar dena hai। yaad ki shakti se vikaaron par jeet paani hai।

vardaan:- shuddh sankalpon ke gheraav dvaara sada chhatrachhaaya ki anubhooti karne, karaane vaale dridh sankalpadhaari bhav

aapka ek shuddh va shreshtha shaktishaali sankalp bahut kamaal kar sakta hai। shuddh sankalpon ka bandhan va gheraav kamjor aatmaon ke liye chhatrachhaaya ban, safety ka saadhan va kila ban jaata hai। sirf iske abhyaas mein pahle yuddha chalti hai, vyartha sankalp shuddh sankalpon ko kat karte hain lekin yadi dridh sankalp karo to aapka saathi svayan baap hai, vijay ka tilak sada hai hi sirf isko emerge karo to vyartha svatah merge ho jaayega।

slogan:- pharishte swaroop ka saakshaatkaar karaane ke liye shareer se detach rahne ka abhyaas karo।