Daily Murli for Thursday 17 February 2022

17-02-2022 praatahmurli om shanti "baapdaada"' madhuban

“meethe bachche - sir par vikarmo ka bojha bahut hai, isliye ab tak shaareerik beemaariyaan aadi aati hain, jab karmaateet banenge to karmabhog chuktu ho jaayenge''

prashn:- sabhi ka attention khinchavaane ke liye is university ka kaun sa naam hona chaahiye?

uttar:- sachcha-sachcha gyaan vigyaan bhavan, paandav bhavan। gyaan arthaat knowledge se wealth aur vigyaan arthaat yog se health milti hai so bhi 21 janmon ke liye। to tum bachchon ko; manushya ko mukti jeevanmukti dene ke liye gyaan vigyaan ki pradarshani lagaani chaahiye। gyaan vigyaan bhavan naam se sabka attention jaayega।

geet:- hamaare teertha nyaare hain…

om shanti। is geet mein ek line aati hai - chaaron taraph lagaaye phere... teertho par manushya chaaron dhaamon ka phera lagaate hain। ab unka phera kyon lagaate hain? (yeh chakra ka phera hai, satayug treta aadi) yeh phera hai। jitna baap ko yaad karenge, chakra ko phiraayenge utna hi vikarma vinaash honge। to baba ko bahut yaad karna pade kyonki vikarmo ka bojha sir par bahut hai। shaareerik beemaariyaan to ant tak chalni hain। karmabhog to ant tak rehta hai, yeh nishaani hai। jab tak karmaateet avastha ko nahin pahunchte hain tab tak kuchh na kuchh duhkh lagta hi rehta hai। pichhaadi mein yeh sab khatma honge। apna mukhya hai gyaan aur yog। dehli mein gyaan vigyaan bhavan hai। sachcha-sachcha gyaan vigyaan bhavan to yeh hai। gyaan maana knowledge, jeevanmukti। vigyaan maana mukti। yog ko vigyaan kaha jaata hai। vigyaan se mukti, gyaan se jeevan mukti। to gyaan vigyaan bhavan, yeh unko samjhaani bhi deni pade। to gyaan vigyaan ki pradarshani honi chaahiye - us gyaan vigyaan bhavan mein, to sabhi manushya aur foreigners aadi aakarke bhaarat ka yeh sahaj yog aur gyaan samjhen। manushya to paramatma ko sarvavyaapi kehte hain। jaise ham likhte hain real geeta vaise likhna pade gyaan vigyaan bhavan। baba direction dete hain ki real gyaan vigyaan bhavan, paandav bhavan naam laga do, to clear ho jaayega। phir saath mein yeh bhi likho ki gyaan se jeevan mukti, ever wealthy aur vigyaan athva yog se ever healthy kaise bante hain so aakar samjho। jab samjhenge tab kahenge barobar practical mein devi-devta pad sukh shanti ka mil raha hai। ek ko samjhaane ki baat nahin। is par pradarshani mela karo to hajaaron aakar samjhenge। baba yukti bataate hain, jhat kapde par print kiya aur laga diya। kuchh bhi banaane mein deri nahin lagti hai। chitra hamaare bahut achhe hain। koi bhi deshi, chaahe videshi aakar samjhe। baba kehte hain srishti chakra ka chitra bahut bada banaana chaahiye, uske baaju mein phir viraat roop ka chitra ho। oopar mein choti। sirf shiv nahin, trimoorti to zaroor ho kyonki siddha karna hai brahma dvaara sthaapna। yeh brahman hi punarjanma mein aane vaale hain। braahman so devta, devta so kshatriy... yeh achha chitra banaakar baaju mein rakhna chaahiye। to samjhaane mein sahaj ho jaae। is gyaan-yog se svarga kaise banta hai, yeh brahman adopted hain। prajaapita brahma dvaara brahman rache। samjhaane ki badi yukti chaahiye। sabko nimantran bhejna chaahiye। chitron par samjhaana to bahut sahaj hai। parampita paramatma dvaara raajayog seekh nai raajdhaani sthaapan ho rahi hai। yeh brahmaakumaar kumaariyaan koton mein koi bante hain। unmein bhi aashcharyavat pashanti, sunanti, kathanti, bhaaganti ho jaate hain। yahaan gareeb bhi hain to saahookaar bhi hain to beech vaale bhi hain। saahookaar jaldi nahin uth sakte।

baba ne to samjha diya hai ki gyaan yagya mein anek prakaar ke vighna to padenge। bahut atyaachaar honge। kaameshu, krodheshu hain na। vish na milne ke kaaran maarte hain। kanyaaon ko bhi shaadi ke liye bahut maarte hain। baba to kehte hain jo shreemat par chalenge vo shreshthaachaari banenge। baba aate hi hain patit bhrashtaachaari duniya mein। is raavanraajya mein pahle kaam mahaashatru hai। shreshthaachaari raajya ko to kaha jaata hai sampoorn nirvikaari। unmein vikaar hota hi nahin। tab yeh prashn bhi nahin uth sakta ki vahaan paidaais kaise hogi। are raamraajya mein vish hota hi nahin। yeh to raavan raajya hai tab to raavan ko jalaate hain। is samay shreshthaachaari koi ho na sake। shreshthaachaari banaana - ek parampita paramatma ka hi kaam hai। svarga to hai hi viceless world। vahaan vish hota hi nahin kyonki raavanraajya hi nahin hai।

abhi tum raajya lete ho - yogbal se। raavan ka khaatma ab hona hi hai, abhi hai sangam। abhi tum sampoorn ban rahe ho। satayug ki jab aadi hoti hai tab vahaan ek bhi vikaari ho na sake। sangam par donon hain na। maila paani aur saphed paani, unka hi sangam kaha jaata hai। maila jab chala jaayega to phir dekhne mein bhi nahin aayega। to abhi duniya ka bhi sangam hai। aatma aur paramatma ka yeh sangam hai। baaki nadi aur saagar ka sangam to parampara se chala hi aata hai। nadi to saagar mein hi padegi। baaki paani ka pharka to hota hi hai। baap ke sivaae koi bhi manushya trikaaldarshi, trilokeenaath bana nahin sakta। trikaaldarshi aur trilokeenaath tum hi bante ho। krishna ko bhi nahin kah sakte। trilokeenaath, teenon kaalon ko jaanne vaala ek hi hai। trilokeenaath, trikaaldarshi sivaae parampita paramatma ke doosra koi hota nahin। lakshmi-naaraayan ko to teenon lokon athva teenon kaalon ka gyaan hi nahin hai। aadi madhya ant ka bhi gyaan nahin hai। abhi to hamaare paas saara gyaan hai। triloki ka bhi gyaan hai, jo baba ka title hai woh braahmanon ko bhi mil sakta hai। devtaaon ko bhi yeh gyaan nahin। tum bahut oonch ho, jo bachche apne ko trilokeenaath, trikaaldarshi samajhte hain woh to doosron ko aapasmaan banaane mein busy honge। sabko nimantran dena chaahiye। har dharma vaalon ko likhna chaahiye ki gyaan vigyaan se health wealth kaise milti hai, aakar samjho। dehli mein gyaan vigyaan bhavan mein bhi yeh cheez ho to kitne foreigners aakar knowledge leven। aakhir ant mein to sabko samajhna hi hai। vinaash bhi avashya hona hi hai to kyon nahin baba ko yaad karen to vikarma bhi vinaash hon। aur jitni-jitni aatma shuddh hoti jaayegi utna pad bhi oonch milega। saara madaar hai - gyaan aur vigyaan par। muktidhaam mein rahne vaale yog hi pasanda karenge। unhon ki aatma mein part hi aisa hai aur devi-devta dharma vaale knowledge ko hi pasanda karenge।

tum bachchon ki din-pratidin unnati hoti jaati hai। tum oopar jaate rehte ho woh neeche girte rehte hain। tumhaari hai chadhti kala aur sabki hai utarti kala। sabko vaapis jaana hai। woh to common baat hai। baaki varsa lena hai। yeh bhi samajhte hain kalpa pahle jo jisne pad paaya hai, jis prakaar se paaya hai woh sab saakshi hokar dekhte rehte hain। aayenge to bahut। din-pratidin yuktiyaan bhi achhi-achhi nikalti rehti hain। gyaan vigyaan bhavan naam ho aur achhe-achhe chitra hon। duniya mein to bahut phaaltu chitra hain koi tedhe baanke krishna ke aise art ke chitra bana dete hain, tumhein uski darkaar hi nahin hai। vahaan devtaayen dance karte hain, woh to khushi mein khelpaal karte hain। yeh art aadi to yahaan ka rivaaj hai। vahaan to prince princess khelte hain। bioscope aadi vahaan kuchh bhi nahin hai। in sab baaton ko tum yahaan hi jaante ho। baap ko bhi tum hi pahchaante ho। manushyon ki buddhi mein thode hi baithta hai ki yeh kaun hai! kyonki naam suna hai, shreekrishna ka। chitra bhi first class hain। naam hi hai shyaam sundar। kaam chita par baithte hain to shyaam ban jaate hain। gyaan chita par baithne se phir aadhaakalpa gore ban jaate hain। buddhi mein aana chaahiye to satayug mein 21 janma sundar the। phir kaam chita par baith bhinna naam roop mein aakar shyaam bane hain। vo log samajh nahin sakte to kaala kyon kiya hai। tum to jaante ho ab kaise samjhaayen, kiska chitra den। shyaam aur sundar inko hi kahen। aise nahin raamchandra ko bhi shyaam sundar kehte hain। unko kaala kyon kiya hai, yeh samajhte nahin hain। is samay sab kaale hi kaale hain। yeh samajhne ki baaten to bahut achhi hain। parantu jab achhi reeti koi samjhe। pradarshani mein seekhne ka chance bahut achha hai, ho sakta hai achhi-achhi bachchiyaan maidaan mein aa jaayen। baaki doosre seekhte rahen। nimantran to sabko dena hai। bhal koi gaali de, gaaliyaan to sangam par khaani hi hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par chalkar shreshthaachaari banna hai। kaam mahaashatru par vijayi ban sampoorn nirvikaari banna hai। atyaachaaron se darna nahin hai।

2) yogbal se aatma ko shuddh banaana hai। trikaaldarshi, trilokeenaath ban doosron ko aap samaan banaane ki seva mein busy rehna hai। sab dharma vaalon ko sandesh zaroor dena hai।

vardaan:- sneh ke return mein svayan ko tarna karne vaale sachche snehi so samaan bhav

baap ka bachchon se ati sneh hai isliye snehi ki kami dekh nahin sakte। baap, bachchon ko apne samaan sampanna aur sampoorn dekhna chaahte hain। aise aap bachche bhi kehte ho ki baba ko ham sneh ka return kya den? to baap bachchon se yahi return chaahte hain ki svayan ko tarna kar lo। sneh mein kamjoriyon ka tyaag kar do। bhakta to sir utaarkar rakhne ke liye taiyaar ho jaate hain। aap shareer ka sir nahin utaaro lekin raavan ka sir utaar do, thoda bhi kamjori ka sir nahin rakho।

slogan:- har karma karte saaksheepan ki seat par raho to baap aapka saathi ban jaayega।

maateshvari ji ke anmol mahaavaakya -“sampoorn purushaartha ki siddhi 21 janma sukh ki praalabdha''

dekho, paramatma ke saath itna sampoorn sambandh jodna hai jo 21 janmon ke liye sukh praapta ho jaave yeh hai purushaartha ki siddhi। parantu 21 janma ka naam sun thande mat pad jaana, 21 janmon ke liye itna isi samay purushaartha bhi kare phir bhi 21 janmon ke baad girna hi hai to siddhi kya hui? parantu drama ke andar aatmaon ki jitni sarvottam siddhi mukrar hai vo to milegi na। baap to aae humein sampoorn stage par pahuncha dete hain। parantu ham bachche baba ko bhool jaate hain to zaroor girenge ismen baap ka koi dosh nahin। ab kami hui to ham bachchon ki satayug treta ka saara sukh is janma ke purushaartha par aadhaar rakhta hai to kyon na sampoorn purushaartha kar apna sarvottam part bajaayen, aur achhe se achha purushaartha kar poora varsa leven। purushaartha manushya sada sukh ke liye hi karta hai, sukh duhkh se nyaare hone ke liye koi purushaartha nahin karta vo to drama ke ant mein paramatma aae sabhi aatmaon ko saja de pavitra banaae part se mukta karenge yeh to paramatma ka kaarya hai vo apni mukrar samay par aapehi aakar bataate hain। ab jab aatmaon ko phir bhi part mein aana hi padega, to kyon na achha purushaartha kar sarvottam part bajaayen। achha - om shanti।