Daily Murli for Tuesday 1 March 2022

01-03-2022 praatahmurli om shanti "baapdaada"' madhuban

“meethe bachche - tumhein apni takdeer heere jaisi banaani hai, purooshaartha kar baap se svarga ka poora-poora varsa lena hai''

prashn:- kaun sa raaz buddhi mein agar yuktiyukta baith jaae to apaar khushi rahegi?

uttar:- drama ka। is drama mein har actor ko avinaashi part mila hua hai, jo bajaana hi hai। koi ka bhi part ghista va mitta nahin। bani banaai ban rahi… ismen her-pher bhi nahin ho sakti। kalpa poora hoga to phir se vahi part second by second repeat hoga। yeh bahut guhya raaz hai jo yuktiyukta buddhi mein baithe to khushi rahe। nahin to moonjhate hain। baba kehte hain bachche moonjho nahin। baap mein nishchay rakh poora varsa lene ka purushaartha karo।

geet:- tumhein paake hamne .....

om shanti। meethe-meethe eeshvareey bachchon ne geet suna। drama anusaar samajh mein aata hai ki tum abhi bane ho eeshvar ke bachche। eeshvar se tum svarga ka maalik banne aaye ho athva svaraajya lene aaye ho। narka ke manushya maatra to yeh jaante hi nahin ki svarga kya hota hai! tum to jaante ho baba svarga ki sthaapna karte hain। raavan phir narka ki sthaapna karte hain। yeh bhi koi nahin jaante। tum jaante ho ham baba se svarga ki raajaai le rahe hain। jab koi manushya marte hain to kehte hain svarga padhaara। goya apne ko kehte hain ham narka mein hain aur sab narka ke maalik hain। yeh bilkul sahaj baat hai, moonjhane ki darkaar nahin। tumhaari takdeer ab heere jaisi ban rahi hai। heere jaisi takdeer baap ke sivaae koi bana nahin sakte। tum jaante ho ki baap se ham svarga ka varsa le rahe hain। narka kitna samay chalta hai, koi ko bhi samjhaao to kehte hain satayug ko to laakhon varsha hue। tum ho god fatherly student। god father dvaara svarga ka varsa pa rahe ho। phir baba ko bhoolte kyon ho - yeh baba ko samajh mein nahin aata hai। toofaan to bahut aayenge। tab kya bigar mehnat tum svarga ke maalik ban jaayenge। koi mara to kehte hain svargavaasi hua। phir rote kyon ho? tumko taaliyaan bajaani chaahiye, khushi manaani chaahiye! agar svarga mein jaana itna sahaj hai phir to sabko goli de do to svarga mein pahunch jaayen। phir yahaan duhkh mein rahne ki darkaar hi kya padi hai। duhkh mein manushya jahar khaakar bhi mar jaate hain। sipaahi kitne marte hain। ek do ko bhi maarte hain। baba kehte hain - sabko samjhaao jabki svarga gaya to phir tum rote kyon ho? vaastav mein na koi svarga mein ja sakte hain, na vaapis nirvaandhaam mein ja sakte hain। ab tumko svarga mein chalne ka upaay baap hi bataate hain। svarga ka rachayita jab svarga rache tab to svarga mein koi jaave na। ab svarga ka rachayita baap aaya hua hai। yeh bhi tum bachche hi jaante ho jab raavanraajya shuru hota hai to devi devtaayen vaam maarga mein chale jaate hain। usi samay se vikaar shuru ho jaate hain। raavanraajya kab shuru hota hai, uska koi din mukrar nahin hai। tum bachche yeh thode hi kah sakenge - baba ne kab inmen pravesh kiya। jab saakshaatkaar hua tab aaya va kab? saakshaatkaar to bhakti maarga mein bhi aise hi hote hain। pata nahin padta ki baba kis samay aaya। krishna ke aane ki ghadi dikhaate hain। shivbaaba ki ghadi aadi kuchh hoti nahin। baba to maalik hai। kab aate hain, pata nahin padta hai। yahaan murli se samajh jaate hain।

baap samjhaate hain main kaalon ka kaal hoon, main sabko vaapis le gaya tha। satayug mein to thode the, kaliyug mein kitne dher manushya hain। sabhi aatmaon ko vaapis jaana hai। zaroor panda chaahiye le jaane vaala। main roohaani panda bankar aaya hoon, tumko le jaaoonga। nai duniya ke liye tumko padha raha hoon। narka, svarga kya hai, kitna samay chalta hai, kab shuru hota hai। koi bhi sannyaasi aadi nahin jaante hain। rachta bhi ek hai, srishti bhi ek hai। shaastron mein to aataal-paataal aadi bahut srishtiyaan bana di hain, jinko dhoodhte rehte hain। samajhte hain ek-ek star mein duniya hai। baap kehte hain main phir se tumko geeta ka gyaan sunaata hoon। Christ ko phir apne samay par aana hai। drama ek hi hai। satayug mein sivaae devi-devta raajya ke aur koi hota nahin। abhi tum jaante ho ham baba se varsa lene aaye hain। yaad karte hi hain he patit-paavan aao। to zaroor sangam par hi aana padega। abhi tum jaante ho ham yahaan kyon aaye hain? kya lene aaye hain? tum kahenge ham baba ka varsa lene aaye hain। ham raajayog seekh rahe hain। kalpa-kalpa varsa lete hain aur ganvaate hain। abhi phir purushaartha karna hai। poori knowledge lekar auron ko deni hai। nahin to vriddhi kaise hogi। geet kitna achha hai। inka arth tum bachche hi samajhte ho। geet kitna meetha hai, tumhaare dil se lagta hai। baba aapse ham aisa raajya lete hain jo koi bhi loot na sake। yeh hai avinaashi varsa, jo avinaashi baap se milta hai। anaadi world drama anusaar athva geeta ke kathan anusaar phir se baba geeta sunaane aaya hai, jismen raajayog sikhaaya tha। shaastron mein to agdam-bagdam kar diya hai। yukti se samjhaane vaala bhi chaahiye। koi kehte hain jyoti jyot sama gaya। aatma to avinaashi hai। unko part bhi avinaashi bajaana hai, unka part kabhi ghis nahin sakta। kabhi mit nahin sakta। bani banaai ban rahi... usmein adli-badli bhi ho nahin sakti। kitna wonder hai। itni chhoti si aatma mein avinaashi part bhara hua hai। kalpa poora hoga to phir aise hi part repeat karenge। second by second vaise hi paas hoga। drama ko bhi poora yuktiyukta samajhna hai। kai to in baaton mein moonjhate hain। pahle to baap mein nishchay hona chaahiye ki baap se zaroor varsa milna hai। kalpa-kalpa bhaarat ko hi milta hai। 84 janma bhi lene pade। varna bhi zaroor samjhaane hain। yeh smriti ek do ko dilaani hai ki ham behad ke baap se behad ka varsa le rahe hain। sabhi to nahin aakar padhenge। dekhte ho centre khulte jaate hain, jahaan narkavaasi aakar svargavaasi bante hain। baba ko likhte hain ham prabandha kar sakte hain। mujhe koi vastu mein mamatva nahin hai। yeh sab kuchh eeshvar arth hai। ab aap jo raay do। main bhi likhta hoon, bhal aapas mein raay karo, jahaan achhi locality ho, vahaan centre kholo। himmate marda madde baap hai। baba kitna khush hota hai। dil mein samajhta hai aisa daan to achha hota hai, bahuton ko kaudi se heere jaisa banaana। yeh bade te badi hospital bhi hai, college bhi hai। sirf 3 pair prithvi ka chaahiye। kitna sahaj reeti baba kaudi se heere jaisa banaate hain। aisa baba rehte dekho kitna saadhaaran hain। kahaan aaye hain, koi raaja ke paas kyon nahi aaye! kehte hain main saadhaaran boodhe tan mein aata hoon, jisne 84 janma accurate poore kiye hain। satayug ka first prince to yeh hai na। inka naam bhi rakha hai - shyaam aur sundar। tum bachche iska bhi arth samajhte ho, unhon ne arth ko na samajhne ke kaaran kaala kar diya hai। mukhya shivbaaba ka ling bhi kaala। krishna, raam ko bhi kaala kar diya hai। ek taraph gora phir doosre taraph kaala kyon? jagannaath ke mandir mein shakla aisi dikhaate hain jaise African log। kahaan-kahaan naaraayan ko bhi kaala kar diya hai। kahaan lakshmi ko bhi aisa hi dikhaate hain। ab wonder lagta hai - manushyon ki buddhi kaisi hai। baba hi satya mat dete hain, apne saath milne ke liye। baaki to yagya tap daan punya aadi karte hain, muphta mein paise barbaad karte rehte hain। phir kyon kehte hain - patit-paavan aao। yaad kyon karte hain? ganga jamuna, naale aadi kitne hain। baba ne bhi bahut teertha aadi kiye hain। abhi tum most beloved lucky sitaare narka svarga ko jaan gaye ho। manushya marte hain to kehte hain svarga gaya। to unko bhi samjhaao, svarga kisko kehte hain। ham jaante hain tab to samjhaate hain। hamko bhi svarga sthaapan karne vaala baap mila hai, woh knowledge de rahe hain। hamaara koi manushya guru nahin hai। satguru ek baba hai, vahi patit-paavan hai, jisko bulaate hain। niraakaar ko hi bulaate hain na, jisko tum gyaan saagar kehte ho। woh sat-chit-aanand swaroop hai, gyaan ka saagar hai। hamko to knowledge hai nahin। dekha bhi jaata hai, unke paas jo knowledge hai woh koi ke paas nahin hai। tumko kitna gadgad hona chaahiye। patit-paavan god father hamko padhaate hain। woh hamaara baap teacher satguru hai, ismen ghutka khaane ki baat nahin hai। apni rachna ko to sambhaalna hi hai। agar yahaan aakar baith jaayen - yeh to sannyaasiyon ka gyaan ho gaya। grihastha vyavhaar mein rehte hue tum ek ghanta, aadha ghanta nikaal sakte ho। pahle 7 roz bhatthi mein padna pade। 7 din koi ki yaad na aaye, koi ko chitthi na likhen। bilkul sabko bhool jaana hai। tum bahut varsha bhatthi mein rahe, phir bhi takdeer... koi ko to maaya kheench leti hai। aisi maaya prabal hai।

baap kehte hain bachche, dheere-dheere paripakva avastha mein aate jaao। tum jaante ho hamaare 84 janma poore hue hain। tumhaari buddhi mein saara jhaad, sab dharma hain। vahaan bhi alag-alag section hain। yahaan bhi aise hai, vahaan bhi aise hai। baaki moksha kisko bhi mil nahin sakta। aise nahin budbude misal aatma paramatma mein leen ho jaayegi। phir to saara part hi khalaas ho jaaye। sab jyoti-jyot mein sama jaayen, khel hi na chale। yeh sab jhooth hai। jhooth to bilkul jhooth, sach ki ratti bhi nahin। bhakti mein koi mukh meetha thode hi hota hai। tum bachche jaante ho - mukh meetha kaun karaate hain! to baap ki padhaai mein poora dhyaan dena chaahiye। puraani duniya ko dekh lattu mat ban jaao। deh-abhimaan mein mat aao। ab to apni bag-baggage taiyaar kar transfer kar do। ab yeh duniya khalaas honi hai। baba kehte hain sab kuchh insure kar do। bhakti maarga mein karte ho to alpakaal ke liye phal mil jaata hai। samajhte hain eeshvar ne diya। abhi tum bhi dete ho to baba phir return mein dete hain। direct hone ke kaaran tumko 21 janma ka insurance milta hai। baba kehte hain dekho hamne full insure kiya to full raajaai milti hai। woh hai jismaani insurance, yeh hai roohaani baap ke saath। eeshvar arth daan karte hain na। to eeshvar return mein dete hain। woh to bhakti maarga mein bhi daata hai to gyaan maarga mein bhi daata hai। yeh hai behad ki padhaai, behad ki baadshaahi ke liye। ab jitna chaaho utna lo। vishwa ki raajaai le sakte ho। purooshaartha ki jay hai। koshish karo - vijay maala mein piro jaao। moonjhate ho to surgeon raay bataane vaala baitha hai। tum jaante ho hamne anek baar baadshaahi li hai aur gavaai hai। yeh gyaan abhi hai, satayug mein phir bhool jaayega। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) puraani duniya ko dekh lattu nahin banna hai। apni bag baggage transfer kar deni hai। apna sab kuchh insure kar dena hai।

2) koi bhi vastu mein agar mamatva nahin hai to phir kaudi se heere jaisa banne ki seva karni hai। daan karne se hi gyaan dhan badhega।

vardaan:- nimitta pan ki smriti se har paper mein paas hone vaale ever ready, nashtomoha bhav

ever ready ka arth hi hai - nashtomoha smriti swaroop। us samay koi bhi sambandhi athva vastu yaad na aaye। kisi mein bhi lagaav na ho, sabse nyaara aur sabka pyaara। iska sahaj purushaartha hai nimitta bhaav। nimitta samajhne se “nimitta banaane vaala'' yaad aata hai। mera parivaar hai, mera kaam hai - nahin। main nimitta hoon। is nimitta pan ki smriti se har paper mein paas ho jaayenge।

slogan:- brahma baap ke sanskaar ko apna sanskaar banaana hi follow father karna hai।