Daily Murli for Wednesday 2 March 2022

02-03-2022 praatahmurli om shanti "baapdaada"' madhuban

“meethe bachche - tumhein nishchay hai ki ham sangam par bhavishya ki kamaai ke liye padhte hain, baap humein padhaakar ke 21 janmon ka varsa dete hain''

prashn:- apne aap par kripa va aasheervaad karne ki vidhi kya hai?

uttar:- apne aap par kripa va aasheervaad karne ke liye baap ki padhaai roz padhte raho। kabhi bhi sangadosh mein aakar padhaai mein gaphlat nahin karo। jo sada shreemat par chalte hain woh apne aap par kripa karte hain, unhein baap ki bhi aasheervaad milti rehti hai।

geet:- main ek nanha sa bachcha hoon…

om shanti। shiv bhagvaanuvaach, jab manushya geeta sunaate hain to hamesha kehte hain saakaar krishna bhagvaanuvaach। baap aakar samjhaate hain ki tumko ab main raajaai praapta kara raha hoon - is raajayog aur gyaan dvaara। krishna to tha hi satayug ka prince। mukhya hai yeh bhool geeta mein। tum bachche jaante ho shiv bhagwan hamko padha rahe hain is shareer dvaara। shiv jayanti bhi gaai jaati hai। yoon bhi janma din manaaya jaata hai। aatma ka to ek hi naam chala aata hai। baap kehte hain main garbha se janma nahin leta hoon। main saadhaaran shareer mein pravesh karta hoon। aatma jab shareer mein pravesh karti hai to andar churpur karti hai। maaloom padta hai - andar aatma ne pravesh kiya hai। bachche ke organs chalne lagte hain। yeh baat achhi reeti samajhni hai। aur jo bhi manushya sunaate hain woh kab aise nahin kehte ki ham aatma tumko samjhaate hain। woh prasiddha hain shareer se। yeh baba to vichitra hai, inko apna shareer nahin hai। shareerdhaari ko kabhi bhagwan nahin kehna chaahiye। sthool va sookshm koi bhi ho! aatma in organs dvaara yaad karti hai parampita paramatma ko। woh to baithkar manushyon ke banaaye hue shaastra sunaate hain। yahaan yeh nai baat hai। bhagvaanuvaach, bhagwan kaun? jisko sab bhagat he bhagwan kahkar yaad karte hain। brahma vishnu shankar ke to naam jaante hain। he brahma, he vishnu kah pukaarte hain, woh hain devtaayen। bhagwan kahne se niraakaar hi yaad aate hain। niraakaar paramatma ki hi bandagi karte hain। woh kehte hain main bhi hoon aatma parantu supreme hoon। mera bhi chitra banaate hain। tum aatmaon ke bhi chitra banaate hain। mandiron mein bada shivling bhi rakhte hain aur chhote saaligraam bhi, jisse siddha hota hai ki woh aatmaayen hain ek paramatma ke bachche। baap hamesha bachchon se bada hota hai isliye bada ling banaate hain। vaastav mein main koi saaligraam bada nahin hoon। aatma size mein chhoti badi nahin hoti hai। manushya chhota bada hota hai, baaki aatma jaisi teri vaisi meri। par meri aatma param hai, pare te pare paramdham mein rahne vaali hai। oonche te ooncha parampita paramatma manushya srishti ka beejroop hai। beej rachayita ko kaha jaata hai। jaise jad beej lagaaya jaata hai usse pahle jhaad nikal aata hai। vaise aatma ka roop dekho kaisa hai। shareer ka kitna vistaar hai। to pahle nai baat yeh hai ki yahaan paramatma baap padhaate hain। oonche te oonch bhagvaanuvaach to zaroor imtahaan bhi oonche te ooncha hoga। bhagwan kehte hain main tumko raajayog sikhlaata hoon, jisse bhavishya 21 janmon ke liye tumko devta banaata hoon। phir unmein tum sooryavanshi bano va chandravanshi bano। martabe to bahut hain। yeh saari raajdhaani sthaapan hoti hai। yeh hai sangamayug। baap samjhaate hain ki tum is janma ke liye nahin padhte। yeh hai bhavishya ki kamaai aur jo bhi kuchh karte hain woh sab is janma ke liye। manushya samajhte hain aage ka abhi kyon sochen, jo hona hoga dekha jaayega। tum bachche nishchay karte ho ham agle janma-janmaantar ke liye padhte hain। baap aane vaale 21 janmon ka varsa dete hain, is nishchay se tum padhte ho। bigar nishchay koi yahaan baith na sake। yahaan koi pandit aadi nahin padhaate hain, parantu niraakaar bhagwan padhaate hain। aatma ko khushi hoti hai ki hamko behad ka baap padhaate hain, inko apna manushya tan to hai nahin। khud kehte hain mujh niraakaar ko is brahma tan mein hi aana hai। yeh anaadi bana banaaya drama hai। tumko buddhi mein saara yaad aata hai। mool vatan mein ham aatmaayen rehti hain aur koi manushya ki buddhi mein yeh nahin aata hoga ki hamaari aatma paramdham mein baap ke saath rahne vaali hai, jisko brahmaanda kehte hain। ham aatma hain bilkul chhota star। pooja ke liye bada banaaya hai। baaki itni badi aatma yahaan bhrakuti mein to baith na sake। kehte hain bhrakuti ke beech chamakta hai ajab sitaara..... star kitna chhota hai। yeh bana banaaya avinaashi drama hai। har ek aatma mein apna-apna avinaashi part noondha hua hai, jo har ek apna-apna part repeat karta hai। ismen jara bhi farka nahin pad sakta hai। film mein jo ek baar part hua hai woh phir repeat hoga, ismen bhool chook ho nahin sakti। yeh baaten bilkul nai hain। koton mein koi hi samajhte hain। 8-10 varsha vaale bhi padhaai ko chhod dete hain, sangadosh lag jaata hai। yeh padhaai aisi hai jo jahaan tak jeete raho, vahaan tak peete raho। ant tak yeh padhaai chalti rahegi। yeh padhaai ham aane vaale 21 janmon ke liye padhte hain। bachchon ko yeh nasha chadhta hai ki hamko bhagwan padhaate hain। koi raaja ka bachcha ho aur raaja hi baith unko padhaave to kahenge hamaara baba, mahaaraaja hamko padhaate hain। yahaan hai patit-paavan baap, jo hamko padhaate hain। raajayog sikhaate hain। andar sadaiv bahut khushi rahni chaahiye। ham godly student, god father parampita paramatma se svarga ka svaraajya le rahe hain। kitni sahaj baat hai। parantu is padhaai mein maaya ke vighna bhi bahut padte hain। chalte-chalte padhaai ko chhod bhi dete hain। yeh roohaani padhaai roz padhni pade, iske liye hi yeh tape aadi ka prabandha rakha hai। manushya padhne ke liye America, London mein bhi jaate hain। yahaan to ghar mein rahne vaale poora nahin padhte। samajhte nahin ki paramatma hamko raajayog sikhla rahe hain। bhagwan jo trilokeenaath hai, world almighty hai, liberator hai, guide hai, unki mahima dekho kitni hai। parantu baap ko tumhaare mein bhi koi virle jaante hain।

is samay tum gupta ho। tum jaante ho ham mool vatan ke rahne vaale hain phir sookshm vatan bhi hai। us sookshm vatan mein bachchiyaan jaati hain। manushya saakshaatkaar karte hain। tum to practical mein jaate ho। sookshm vatan mein tum brahman aur devtaaon ka milan hota hai। woh hai brahman aur devtaaon ka sangam। yeh hai brahman aur kshatriyon ka sangam। vahaan bhog lekar jaate ho। ant mein bahut saakshaatkaar honge। jaise kanya piyarghar se sasuraal ghar mein jaati hai to bahut dhoomdhaam se baaje gaaje bajaate hain। aise ant mein bahut saakshaatkaar honge। shuru shuru mein tumne bahut kuchh dekha hai phir pichhaadi mein bhi bahut kuchh dekhenge। padhte rahenge tab hi to dekhenge। agar koi ka karmabandhan nahin hai to padhaai par poora dhyaan dena hai। koi ka koi mar jaata hai, samjha jaata hai ab yeh achhi tarah se padh sakenge kyonki badhann chhoot gaya। ab khoob purushaartha karo achha pad paao। yeh knowledge badi wonderful hai। baap baith bachchon ko samjhaate hain - kehte hain bachche ab gaphlat mat karo। maaya tumhaara deeva jhat bujha degi, isliye baap ko achhi tarah yaad karna hai aur padhna hai। jab tak yahaan baithe ho to direct sunne se nasha chadhta hai। baahar gaye to nasha gum ho jaata hai। jaisa sang vaisa rang lag jaata hai। bandhan nahin hai to baith padhe aur padhaaye।

chitra bahut achhe bane hue hain। baba yuktiyaan rach rahe hain। gaanvade vaale kaise seekhen! yeh to slide se bhi seekh sakte hain। din pratidin improvement hoti rehti hai। tumhaari buddhi mein saara din svadarshan chakra phirna chaahiye। buddhi mein hoga tab to kisko samjhaayenge। nahin to teacher samajh jaate hain ki iska padhaai mein dhyaan nahin hai। deh-abhimaan bahut hai। mitra sambandhi, shareer ka bhaan aadi yaad rehta hai, tabhi dhaarna nahin hoti। phir ham kahenge takdeer mein nahin hai। kitna maatha maarte hain to bhi shreemat par nahin chalte। bachche poochhte hain baba kya hota hai? baba kahenge tum theek padhte nahin ho, ismen aasheervaad ki to baat hi nahin। ham padhaate hain, tum apne oopar padhne ki kripa karo। shreemat par chalna - yahi kripa hai। nahin chalte goya apne oopar akripa kar shraapit karte hain। baap se varsa na le, raavan ki mat par chal apne ko shraapit karte hain। baap to varsa dene aaye hain। aasheervaad karte hain chiranjeevi bhav, jeete raho arthaat svargavaasi bhav, svarga ko hi amarpuri kaha jaata hai। amarnaath hi aisi aasheervaad karte hain। amarpuri ke devtaayen pavitra the na। had ke sambandhon aadi se moh ka tyaag karna hi hai। ab baba ke paas jaana hai। baba kehte deh ke moh se tumko yahaan ki yaad padti hai isliye dehi-abhimaani bano to ant mein tumko muktidhaam tatha sukhdhaam ki yaad padegi। shantidham aur sukhdhaam, yeh hai duhkhadhaam। aadi madhya ant, nai duniya, beech ki duniya aur puraani duniya। jab aadha samay poora hota hai phir puraani duniya ka naam shuru hota hai। yeh puraani duniya ab nai ho rahi hai। phir se nai kaise ho rahi hai, woh aakar dekho। samjho। parantu koto mein koi dhyaan dekar samjhenge। hajaaron laakhon aate hain unmein se 2-4 nikalte hain। phir bhi dheele ho jaate hain। ek pradarshani se 2-4 bhi thahar jaayen to aho saubhaagya। din pratidin yeh pradarshani bhi vriddhi ko paayegi। chalte-chalte phir roz 10 hajaar bhi aayenge। bade bade haal, bade bade chitra bhi honge। samjhaane vaale bhi teekhe honge। ant mein mahima to nikalni hai। kahenge he prabhu, aapki patit duniya ko paavan banaane ki gati sabse nyaari hai। bhakti ki bahut aadat padi hui hai। devaala maara ya koi mar gaya to guru log kahenge dekha - bhakti chhod di tab aisa hua। maayaavi vighna padte hain, shreemat chhodni nahin hai। maaya badi mohni hai, kitne fashionable ho gaye hain। samajhte hain hamaare liye yeh svarga ho gaya hai। maaya ka pomp fall aaph raavan raajya hai। science ke kaaran maaya ka bhabhka bahut hai। samajhte hain gaandhi ne svarga banaaya। tumko ab svarga ka gyaan mila hai tab samajhte hain yeh narka hai। yeh raajya runya ke paani misal (mrig trishna samaan) hai। (duryodhan ka misaal) yeh raajya gaya ki gaya। kalpa ki baat hai। kalpa-kalpa nai duniya hoti rehti hai aur puraani duniya khatma hoti hai। trimoorti shiv bhi hai। brahma dvaara sthaapna kar rahe hain, shankar dvaara vinaash hona hai। phir jo raajayog seekhte hain vahi raajya chalaayenge। daivi raajya sthaapan kar unki janma-janmaantar paalna karte hain। yeh buddhi mein dhaarna karni hai phir service karni hai। sachchi geeta ke tum paathi ho। sunna, sunaana, kaanton ko phool banaana। tum aadhaakalpa ke liye duhkh se chhootte ho। jaise itvaar ke din sabhi ki chhutti hoti hai na। aise aadhaakalpa tum duhkh se, rone peetne se chhoot jaate ho। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) karmabandhan se mukta ho roohaani padhaai roz padhni hai। jahaan tak jeena hai, padhaai zaroor padhni hai।

2) had ke sambandhon va deh se moh ka tyaag kar apne shantidham aur sukhdhaam ko yaad karna hai। sang-dosh se apni sambhaal karni hai।

vardaan:- man-buddhi-sanskaar va sarva karmendriyon ko neeti pramaan chalaane vaale svaraajya adhikaari bhav

svaraajya adhikaari aatmaayen apne yog ki shakti dvaara har karmendriy ko order ke andar chalaati hain। na sirf yeh sthool karmendriyaan lekin man-buddhi-sanskaar bhi raajya adhikaari ke direction athva neeti pramaan chalte hain। ve kabhi sanskaaron ke vash nahin hote lekin sanskaaron ko apne vash mein kar shreshtha neeti se kaarya mein lagaate hain, shreshtha sanskaar pramaan sambandh-samparka mein aate hain। svaraajya adhikaari aatma ko svapna mein bhi dhokha nahin mil sakta।

slogan:- nirmaanta ki visheshta ko dhaaran kar lo to saphalta milti rahegi।