Daily Murli for Thursday 7 April 2022

07-04-2022 praatahmurli om shanti "baapdaada"' madhuban

“meethe bachche - is kaliyug mein sab raavan ki janjeeron mein bandhe hue, jeevan-bandh hain, unhein jeevanmukta banaana hai''

prashn:- kaun sa varsa aap braahmanon ke saath-saath sabhi manushya aatmaon ko bhi milta hai?

uttar:- jeevanmukta banne ka varsa sabhi ko milta hai। tum brahma ki aulaad brahman bante ho isliye tumhein 21 janmon ke liye jeevanmukti ka varsa milta hai, baaki sabko apne-apne dharma mein pahle-pahle jeevanmukti arthaat sukh phir duhkh milta hai। har ek aadha samay sukh aur aadha samay duhkh bhogte hain। baaki har ek svarga ke sukh nahin bhog sakte। uske liye to brahman banna pade, paathshaala mein shiksha leni pade, maaya par vijayi banna pade।

geet:- mukhda dekh le praani…

om shanti। yeh kisne kaha? apne dil roopi darpan mein dekho ki kitne paap hain, kitne punya hain arthaat 5 vikaaron par kitni jeet pahni hai! ham laayak bane hain shri naaraayan ko varne? kyonki jeevanmukti va svarga ke maalik to raaja raani bhi bante hain, praja bhi banti hai। to darpan mein apne ko dekhna hai ki maa baap jitni seva ham kar sakte hain! yeh sirf tum brahman hi jaante ho ki yeh kaliyug hai aur sab jeevan-bandha mein hain। ek bhi jeevanmukti mein nahin hai। tum bhi jeevanbandha mein the। abhi jeevanmukti paane ke liye baap purushaartha karaate hain। baap ne samjhaaya hai - is samay sab manushya maatra jeevan-bandha mein hain kyonki hai hi kaliyug। raavan ki janjeeron mein bandhe hue hain। kaliyug hai jeevanbandh। satayug hai jeevanmukta। raamraajya mein yatha raaja raani tatha praja sab jeevanmukta hain। raavanraajya mein jeevanbandh hain, yatha raaja raani tatha praja। is samay sab manushya maatra jeevanbandh mein hain, tamopradhaan duhkhi hain। ab sabko satopradhaan mein jaana hai। satopradhaan shuru hota hai satayug mein। har ek aatma ko apna-apna part bajaana hai। aatma apne-apne dharma mein jab aati hai shantidham se to pahle-pahle jeevanmukta hai। satayug treta mein kisko jeevanbandh nahin kahenge kyonki raavanraajya hi nahin। kaliyug mein raavanraajya hai। saari prithvi par jeevanbandh raajya hai। aadi sanaatan devi-devta dharma ka pahla number jo hai, woh bhi jeevanbandh mein hai। ab jeevanmukta ban raha hai। jeevanmukti ka arth yeh nahin ki sabhi satayug treta mein aa jaayenge। nahin, raavan ke duhkh se chhudaana - usko hi jeevanmukti kaha jaata hai। manushya, manushya ko mukti va jeevanmukti de nahin sakte। mukti arthaat nirvaandhaam mein sabko baap hi le jaate hain। pahle sab mukti mein jaayenge phir jeevanmukti mein nambarvaar dharma anusaar aayenge। aise nahin ki satayug mein nahin aate to jeevanmukta nahin kahla sakte। pahle-pahle jo bhi aate hain apne dharma mein, vo jeevanmukti mein hain। aatma ko pahle satopradhaan banna hai, phir sato rajo mein aana hai। har cheez nai se puraani hoti hai, puraani se phir nai banti hai। is samay saadhu santa aadi sab jeevanbandh mein hain। hai hi kaliyug। jab tak baap na aaye। unko baba kaha jaata hai, phir mahaakaal kaho ya koi bhi naam rakho। asul naam hai shivbaaba। baba-baba kehte hi rehte hain। god father parampita paramatma kehte hain। baap samjhaate hain main aakar bachchon ko mukti jeevanmukti donon hi deta hoon। pahle-pahle jo bhi aayenge zaroor sukh mein aayenge, phir peechhe duhkh mein aana hai। mukti ke baad jeevanmukti aati hai phir peechhe hai jeevanbandh। pahle-pahle zaroor sukh mein aana hai। baap sabhi ko sukh ka varsa dete hain phir koi ka ek janma bhi sukh ka hoga। aaya thoda sukh paaya aur mara। unka drama mein itna hi part hai। vriddhi to manushyon ki hoti hi rehti hai। ab tak aate hi rehte hain। jaasti rahne vaale to nahin hain। vinaash saamne khada hai। jo naye aayenge phir bhal kaliyug mein aayen parantu aate hi duhkh nahin bhogenge। zaroor unka kahaan achha hi maan hoga। muktidhaam se hamesha pahle jeevanmukti mein jaana hota hai। maaya ke bandhan se mukta ho pahle sukh mein utrenge, phir duhkh mein aayenge। is samay sab jadajdeebhoot avastha ko paaye hue hain। apna sukh aur duhkh ka part bajaae sab mukti aur jeevanmuktidhaam mein aayenge। mukti hai hi via। jaayenge phir aayenge zaroor। saari duniya ke manushya maatra jo jis-jis dharma mein aaye hain woh phir aise hi aayenge। janak ko bhi jeevanmukti mili na। aise nahin ki raajaai is samay nahin hai। woh bhi pichhaadi mein aakar gyaan lenge zaroor। jeevanmukti to tum sabko milti hai parantu nambarvaar purushaartha anusaar। aur jo sab dharma hain unke liye phir kahenge nambarvaar purushaartha anusaar aur dharma anusaar। jo bhi devi devta dharma vaale aur-aur dharmo mein chale gaye hain woh sab nikal aayenge। sabko vaapis aana hai। pahle brahman banna hai। yoon brahma ki aulaad to sab hain parantu brahman sab nahin banenge। jo brahman bante hain unhon ke liye 21janma jeevanmukta kaha jaata hai। raaj-gaddi par baithte hain to raajayog seekhna pade। yeh paathshaala hai। paathshaala mein shiksha leni pade। kaayde bhi bahut hain, ek baar lakshya mil gaya phir vilaayat mein bhi rahkar padh sakte hain। barobar ham shivbaaba ke bachche hain। baap se varsa zaroor lena hai। patra bhi likhte hain, baba raavan ka bhoot sataata hai। kabhi kaam ka, kabhi krodh ka halka nasha aa jaata hai। baap kehte hain in par vijay paani hai। yeh tumhaari ladaai hai hi yogbal ki। tum yaad karenge, maaya tumhaara buddhiyog tod degi। to baba ne samjhaaya hai, jeevanmukti sabko milni hai। iska matlab yeh nahin ki sab svarga mein aayenge। sabhi chaahte hain hamko mukti chaahiye। samjho jo pichhaadi mein aate hain part bajaane to baaki itna samay mukti mein honge na। kitni shanti mil jaati hai। 4500 varsha athva paune 5 hajaar varsha shanti mein rehte hain। phir unka part hi aisa hai। ham phir sukh aur shanti donon mein rehte hain। aise nahin ki manushya chaahen bas hamko un jaisi hi shanti chaahiye। vahaan baithe hi rahen। kahne se nahin mil sakti। anaadi drama bana hua hai। ismen pharka nahin pad sakta hai। shanti ke shaukeen to bahut hain। tumhaare sukh se bhi unhon ko shanti jyaada milti hai। tumko phir sukh aur shanti donon milte hain। yahaan sukh hai-alpakaal ka। shanti to yahaan hoti nahin। duhkhadhaam hai na। baaki jangal mein jaakar baith jaana, woh koi shanti thode hi hai। agar vahaan shanti hai phir to vahaan hi baithe rahen, phir shahar mein aakar itne flat aadi kyon banaate hain। vahaan satayug mein to shanti hi shanti hai। bhal pichhaadi mein jo aate hain woh samajhte hain yahaan ashaanti hi ashaanti hai। unhon ko to shanti hai, doosron ko ashaanti mein samajhte hain। yeh baaten badi samajhne ki hain। jeevanmukti milti sabko hai। 21 janma tum raajya karte ho to doosre deri se aate hain, woh oopar shanti mein rehte hain। koi satayug mein athva treta mein peechhe aate hain to bhi hain to shantidham mein na। vahaan koi duhkh nahin hai। phir nambarvaar aayenge, hisaab-kitaab bhi hai na।

manushya samajhte hain ki science badi teekhi hai, ham kehte hain hamaari silence sabse teekhi hai। baba ki yaad se hi taakat milti hai। woh science ki taakat se oopar chandrama mein jaane ka purushaartha karte hain, tum to ek second mein soorya chaand se bhi oopar chale jaate ho। mool vatan, sookshm vatan se oopar to kuchh hai nahin। soorya chaand se mool vatan, sookshm vatan bahut door hai। kisko maaloom nahin pad sakta। yeh hain sab detail ki baaten। sooryavanshi raaja raani banne ki takdeer nahin hai to kuchh samajh nahin sakte hain, na kisko samjha sakte hain। koi aise kah na saken ki mukti jeevanmukti ka gyaan mere mein hain। (janak ka misaal) sabhi ko jel mein daal diya। is samay raavan ne sabko jel mein daal diya hai। raam aakar sabko chhudaate hain। baap dvaara tum nimitta bane ho sabko raavan ke chambe se chhudaakar jeevanmukta banaane ke liye। tumhaara naam baala hai shiv shakti sena। tumhaara naam is drama mein pichhaadi ko bahut ooncha hona hai। jab se baap aaya hai to maataaon ka martaba duniya mein bhi bahut ooncha hua hai। pahle vilaayat mein maataaon ka martaba bahut tha। vahaan bachchi paida hoti to bahut khushi manaate hain, yahaan bachchi paida hoti hai to khatiya ulta kar dete hain। birth de bhi nahin manaate। vaise kanyaaon ka kanhaiya gaaya hua hai। vaastav mein tum sab kanyaayen ho। tumhaara yeh naya janma hai। baaki padhaai mein nambarvaar hain। aatma chhoti badi nahin hoti hai। shareer chhota bada hota hai। koi jhat samajh jaate hain, kiski takdeer mein nahin hai to samajh nahin sakte hain। jeevanmukti aur jeevanbandh yeh donon is sthoolavtan ki hi baat hai। satayug se lekar jeevanmukta hote hain। phir jeevanbandh hote hain dvaapar mein। abhi sukh ko sab bhool gaye hain, duhkh mein pade hain। aisa koi hai nahin jo kahe ki hamne 21 janma sukh liya tha। ab raavan raajya hone ke kaaran moot paleeti ho gaye hain। vahaan raavan raajya hi nahin to moot paleeti kaise ho sakte hain। gaaya bhi jaata hai yogbal, bhogbal। vahaan yogbal se bachche paida hote hain। tum rasam ko jaante ho। doosron ki to baat hi nahin। American aadi ki rasam rivaaj woh jaanen। ham apni rasam rivaaj ko jaan gaye hain। ham satayug ke rahne vaale hain। vahaan hamaari rasam rivaaj bhi nai hogi, us par chalenge। jaise kalpa pahle tum chale the। jo hua hoga vahi ab hoga। bachche dhyaan mein jaakar rasam-rivaaj dekhkar aate hain। parantu phir bhi oonch pad paane ka purushaartha karna hai। jinhonne vahaan ki rasam-rivaaj bataai, woh sab abhi hain nahin। to inse kuchh phaayda to hota hi nahin hai। to saara madaar hai padhaai par। yog aur gyaan, yog arthaat baap ko yaad karna। gyaan arthaat chakra phiraana। yeh to sahaj hai। baap kehte hain mere paas aana hai isliye mujhe yaad karo। manushya ko marne samay kaha jaata hai raam-raam kaho। arth kuchh bhi samajhte nahin। shreekrishna kahne se bhi vahaan pahunch to nahin jaate। le jaane vaala phir bhi baap hai। vikarma vinaash hone bigar tum vaapis kaise jaayenge। abhi sabki kayaamat ka samay hai। phir apne-apne samay par aayenge। yeh point dhaaran karni hai। note karni hai।

tumko maat-pita ko follow karna chaahiye। mama kabhi kisko tang nahin karti thi। kaeeyon ki bahut report aati hai, manners nahin hain। parampita paramatma padhaate hain, kitna dimaag chaahiye। achhi chalan vaale par sabhi ka pyaar rahega। koi to bada tang karte hain। apne aapko hi chamaat maarte hain। to pad bhrashta ho jaayega। gaaya bhi jaata hai hindu logon ne apne aapko chamaat maari hai। eeshvar jo raajya bhaagya deta hai unko sarvavyaapi kah diya hai। yeh apne ko chamaat maari hai tab yeh haal hua hai। shaastron mein dikhaaya hai ki bhagwan kehte hain ki main sarvavyaapi hoon। parantu bhagwan khud kehte hain main koi tumhaare jaisa thode hi hoon jo apne ko chamaat maaroonga। kya main kutte billi mein hoon! baap kehte hain tumne meri glaani ki hai - yeh bhi drama। phir bhi aise hi hoga। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) koi bhi ulti chalan nahin chalni hai। achhe gun dhaaran karne hain। maat-pita ko follow karna hai।

2) yogbal se kaam, krodh ke halke nashe ko bhi samaapta karna hai। nimitta ban sabko raavan ki janjeeron se chhudaane ki seva karni hai।

vardaan:- kya, kyon, aise aur vaise ke sabhi prashnon se paar rahne vaale sada prasannachitta bhav

jo prasannachit aatmaayen hain ve sva ke sambandh mein va sarva ke sambandh mein, prakriti ke sambandh mein, kisi bhi samay, kisi bhi baat mein sankalp-maatra bhi question nahin uthaayengi। yeh aisa kyon va yeh kya ho raha hai, aisa bhi hota hai kya? prasannachit aatma ke sankalp mein har karma ko karte, dekhte, sunte, sochte yahi rehta hai ki jo ho raha hai woh mere liye achha hai aur sada achha hi hona hai। ve kabhi kya, kyon, aisa-vaisa in prashnon ki uljhan mein nahin jaate।

slogan:- svayan ko mehmaan samajhkar har karma karo to mahaan aur mahima yogya ban jaayenge।