Daily Murli for Monday 18 April 2022

18-04-2022 praatahmurli om shanti "baapdaada"' madhuban

“meethe bachche - nishchay karo, hamaara jo kuchh hai so baap ka hai, phir trustee hokar sambhaalo to sab pavitra ho jaayega, tumhaari paalna shivbaaba ke bhandaare se hogi''

prashn:- shivbaaba par poora bali chadhne ke baad kaun si saavdhaani rakhna bahut zaroori hai?

uttar:- tum jab bali chadhe to sab kuchh shivbaaba ka ho gaya phir kadam-kadam par raay leni pade। agar koi kukarma kiya to bahut paap chadh jaayega। jo paisa shivbaaba ka ho gaya, usse koi paap karma kar nahin sakte kyonki ek-ek paisa heere misal hai, iski bahut sambhaal karni hai। kuchh bhi vyartha na jaaye। baba tumhaara kuchh lete nahin lekin jo paisa tumhaare paas hai, woh manushyon ko kaudi se heere jaisa banaane ki seva mein lagaana hai।

geet:- aaj andhere mein hai insaan…

om shanti। yeh hai bhakti vaalon ke liye geet। tum to yeh geet nahin ga sakte ho kyonki kehte bhi hain bhagwan aakar pahchaan do। prabhu hi aakar apni pahchaan dete hain। prabhu, eeshvar, bhagwan baat ek hi ho jaati hai। prabhu ke badle tum kehte ho baba, to bilkul sahaj ho jaata hai। “baba'' akshar family ka hai। saari rachna hai hi baap ki, to sab bachche ho gaye। baap kehna bada sahaj hai। sirf prabhu va god kahne se baap nahin samajhte। yeh baap ka lav athva baap ki jaaydaad ka bhi pata nahin lagta। baap to svarga rachte hain। itni thodi si baat ko bhi koi samajhte nahin hain। aadhaakalpa dhakke khaane mein lag jaate hain। baba aakar chapti mein (second mein) pahchaan dete hain। baba ke saamne bachche baithe bhi hain phir bhi chalte-chalte nishchay toot padta hai। agar pakka nishchay ho to sachche-sachche brahman ban jaayen। ham hain hi shivbaaba ke potre, baba ke ghar ke ho gaye। samajhte hain - ham brahman shivbaaba ke bhandaare se khaate hain। brahman ho gaye to braahmanon ka hi brahma bhojan ho gaya। shivbaaba ke bhandaare ka bhojan ho gaya, yeh nishchay hona chaahiye। ham hain hi shivbaaba ke। phaarakti ki baat hi nahin। ham brahman hain shivbaaba ke bachche। hamaara sab kuchh baba ka hai aur baap ka sab kuchh hamaara hai। vyaapaariyon ko hisaab karna chaahiye। hamaara sab kuchh baap ka hai aur baap ka sab kuchh hamaara hai to taraaju kiski bhaari hui? hamaare paas to kakhpan hai aur ham kehte hain baba ka raajya hamaara hai। to farka hai na। tum jaante ho ham eeshvar se vishwa ka maalik ban jaate hain। hamaare paas jo kuchh hai woh de dete hain baap ko। baap phir kehte hain bachche tum hi trustee hokar sambhaalo। samjho yeh shivbaaba ka hai। apne ko bhi shivbaaba ka bachcha samajhkar chalo, to sab kuchh pavitra ho gaya। ghar mein jaise brahma bhojan hota hai। shivbaaba ka bhandaara ho jaata kyonki brahman hi banaate hain। yoon to sab kehte hain eeshvar ka diya hua hai, parantu yahaan to baap sammukh aaya hai। jab ham unke oopar balihaar jaayenge। ham ek baar balihaar gaye to woh shivbaaba ka bhandaara ho gaya। unko hi brahma bhojan kaha jaata hai। samjha jaata hai ham jo khaate hain woh shiv ke bhandaare ka hai। pavitra to zaroor rehna hi hai। bhojan bhi pavitra ho jaata hai parantu jab balihaar jaaye na। dena bhi kuchh nahin hai, sirf vaari jaana hai। baba yeh sab kuchh aapka hai। achha bachche trustee hokar sambhaalo। shivbaaba ka samajh kar khaayenge to jaise shivbaaba ke bhandaare se khaate ho। agar shivbaaba ko bhool gaye to phir woh pavitra ho na sake। tum bachchon ko apna gharbaar bhi sambhaalna hai। parantu apne ko trustee samajh ghar mein baithe bhi shivbaaba ke bhandaare ka hi khaate ho। jo bhi balihaar hue woh shivbaaba ka ho gaya। kuchh bhi samajh mein na aaye to poochho। aise nahin shivbaaba ke khajaane se kharcha kar koi paap kar do। shivbaaba ke paise se punya karna hai। ek-ek paisa heere misal hai। unse bahuton ka kalyaan hona hai, isliye bahut sambhaal karni hai। kuchh bhi phaaltu na jaaye kyonki is paise se manushya kaudi se heere jaisa banta hai। baba kehte hain hamaara bhi tumhaara hai। ek hi baap hai jo nishkaami hai। sab bachchon ki seva karte hain। baap kehte hain main kya karoonga, sab kuchh tumhaara hi hai। tum hi raajya karenge। hamaara part hi aisa hai, jo tum bachchon ko sukhi karta hoon। shreemat bhi milti rehti hai। koi kanya shaadi karne chaahti hai to kahenge gyaan mein nahin aati hai to jaane do। bachcha agar aagyaakaari nahin hai to varse ka hakdaar nahin hai। shreemat par nahin chalte to shreshtha nahin, hakdaar nahin। phir saja bhi khaani padegi। baap ki aagya hai andhon ki laathi bano। woh to kuchh bhi samajhte nahin।

tum jaante ho ham bhi pahle bilkul bandar misal patit the। baba ne ab hamaari sena li hai। hamko shiksha dekar mandir laayak bana rahe hain, vishwa ka maalik banaate hain। baaki sabko sajaayen dekar muktidhaam mein bhej dete hain। behad ke baap ki sab baaten behad ki hain। ek raam-seeta ki baat nahin। baap baith sab shaastron ka saar samjhaate hain। manushya padhte to bahut hain parantu samajhte kuchh bhi nahin। to woh jaise padha na padha ho jaata hai। padhte-padhte aur hi kalaayen kam hote patit bhrashtaachaari ban pade hain। kehte hain patit-paavan aao। phir ganga mein khade hokar kehte hain daan karo। are hamko to paavan banna hai, ismen daan ki kya baat hai। ganga ke paani mein daan karte hain। bade-bade raajaayen asharphi phenkate hain, phir pujaari log aajeevika ke liye kuchh na kuchh sunaate hain। tumhaari to 21 janmon ki aajeevika baap bana dete hain। baap kitna achhi reeti samjhaakar paavan banaate hain। bhaarat hi paavan tha, ab patit bana hai। baba baith tum bachchon ko parichay dete hain ki tum jo bhi brahman ho, surrender ho to tum shivbaaba ke bhandaare se khaate ho। surrender nahin ho to aasuri bhandaare se khaate ho। baba aise thode hi kehte hain apni jimmevaari aadi yahaan le aao, sambhaalo tum parantu trustee hokar। nishchaybuddhi ho to tum jaise shivbaaba ke bhandaare se khaate ho। tumhaara hriday shuddh hota jaayega। gaate bhi hain brahman devi-devta namah, yahi brahman namah karne laayak hain। tum jaante ho brahma dvaara baba hamko shoodra se brahman banaate hain। kalpa-kalpa baba hamko aakar raavan raajya se chhudaakar sukhi banaate hain। vahaan duhkh ka naam hi nahin hai। bhaarat mein kitne dheron ke dher guru vidvaan pandit hain। ek-ek stri ka pati bhi guru hai। kitne dher guru ho gaye hain। kitni ulti kaarobaar chalaai hui hai। agreement karaate hain ki pati hi tumhaara sab kuchh hai। inki hi aagya mein rehna hai। pahle aagya ki kumaari jo poojya thi woh phat se pujaari ban padti hai। sabke aage maatha tekna padta hai। phir doosri aagya ki kaam kataari chalaao। to kitna farka ho gaya। yahaan to baap kehte hain mujhe madadgaar bachche chaahiye। woh pairon par kyon paden। bachche vaaris hain। namrata dikhaane ke liye pairon par padne ki darkaar nahin hai। namaste kah sakte hain। tum kehte ho ham baba se varsa lene aaye hain phir maaya ekdam bhula deti hai। phaarakti de dete hain। buddhi ko maaya khatma kar deti hai। aaj baba ne samjhaaya jisne shiv ke bhandaare se khaaya, piya, woh bhandaara bharpoor to kaal kantak sab ho gaya door। amar ho jaate hain। tum bali chadhe to shivbaaba ka sab kuchh ho gaya, pakka nishchay chaahiye। koi kukarma kar diya to bada paap chadh jaayega। kadam-kadam par raay leni hai, lambi chadhaai hai। kitne gir padte hain। baba-baba kah 8-10 varsha rah phir bhi maaya thappad laga deti hai। baba kehte hain kadam-kadam par kahaan bhi moonjho to raay poochho। kai bachche poochhte hain ham military mein service karte hain। vahaan ka bhojan khaana padta hai। baba kehte hain kar hi kya sakte hain। baap se mat li to responsible baba hai। bahut poochhte hain baba vilaayat mein jaana hai, party mein baithna padta hai। bhal vegetarian milta hai, parantu hain to vikaari na। tum koi bhi bahaana kar sakte ho। achha chaay pi lete hain। anek prakaar ki yuktiyaan milti rehti hain। inka right-hand dharmaraaj bhi baithe hain। is samay kadam-kadam par shreemat leni hai। bada ooncha pad hai। kisko svapna mein bhi yaad nahin hoga - ham vishwa ke maalik ban sakte hain। bilkul hi jaante nahin। kitne heere javaahron ke mahal the। somnaath mandir mein kitne maal the, sab oont bharkar le gaye। ab samay aisa aane vaala hai jo kiski dabi rahi dhool mein..., kehte hain na - raam naam satya hai। sachchi kamaai karne vaalon ka haath bharpoor rahega। baaki sab haath khaali jaayenge। baap kehte hain tumhaari cheez to tumhaare liye hai। ham to nishkaami hain। aisa nishkaami koi hai nahin। is samay sabko tamopradhaan patit banna hai। poora patit ban phir poora paavan banna hai। baap kehte hain mujhe sankalp utha ki nai duniya rachoon। main apna part bajaane aaya hoon। jo bhi bade-bade mukhya hain woh sab aise-aise time par part bajaate hain। abhi tum jaante ho knowledgeful baap tum bachchon ko bhi knowledgeful bana rahe hain। aage thode hi yeh knowledge thi। abhi tum sabki biography ko jaante ho। dharma sthaapak bhi mukhya hain na। oopar se lekar oonche te oocha hai shivbaaba rachayita। phir brahma vishnu shankar, phir brahma dvaara brahman rachte hain। aur koi kya jaane ki yeh jagat amba sarasvati braahmani hai। aage bhi is hi samay isne tapasya ki thi। raajayog sikhaaya tha। ab bhi vahi kaarya kar rahe hain। is knowledge mein raman karna chaahiye। rehna apne ghar mein hain। sab yahaan to nahin baith jaayenge। haan pichhaadi mein phir aakar sabhi woh rahenge jo baap ki service mein tatpar rehte hain। woh bahut wonderful part dekhenge। vaikuntha ke jhaad najdeek aate jaayenge। baithe-baithe saakshaatkaar karte rahenge। tum poore pharishte yahaan hi bante ho। jo bhi manushyaatmaayen hain sab shareer chhodengi। aatmaayen vaapis chali jaayengi। baba panda bankar sabko vaapis le jaayenge। yeh gyaan bhi abhi hai। satayug mein gyaan ka naam nahin hai। vahaan hai praalabdha, abhi hai purushaartha।

tum purushaartha karte ho 21 janma baap se svarga ka varsa lene। tum samjha sakte ho ham brahman hain। mitra sambandhi aadi ko tum baap ki yaad mein rah bhojan banaakar khilaao to unka hriday bhi shuddh ho jaayega। pichhaadi mein jo bachenge woh bahut maje dekhenge। baba ghadi-ghadi apna ghar aadi sab kuchh dikhaate rahenge। shuru-shuru mein tumne bahut kuchh dekha hai phir ant mein bahut kuchh dekhna hai। jo chale jaayenge woh kuchh bhi nahin dekhenge। in vikaaron ko poori reeti tajna hai tab hi heere javaahron se sajna hai। tajenge nahin to itna sajenge bhi nahin। abhi tum gyaan ratnon se saj rahe ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sachchi kamaai kar haath bhartu karke jaana hai। ek baap se sachcha sauda karne vaala sachcha vyaapaari banna hai।

2) hriday ko shuddh banaane ke liye baap ki yaad mein rah brahma bhojan banaana hai। yogayukta bhojan khaana aur khilaana hai। vikaaron ko taj gyaan ratnon se sajna aur sajaana hai

vardaan:- sab phikraaten baap ko dekar bephikra sthiti ka anubhav karne vaale parmaatma pyaare bhav

jo bachche parmaatma pyaare hain woh sada diltakhta par rehte hain। koi ki himmat nahin jo dilaaraam ke dil se unhein alag kar sake, isliye aap duniya ke aage phakhur se kehte ho ki ham parmaatma pyaare ban gaye। isi phakhur mein rahne ke kaaran sab phikraaton se phaarig ho। aap kabhi galti se bhi nahin kah sakte ki aaj mera man thoda sa udaas hai, mera man nahin lagta ....., yeh bol hi vyartha bol hain। mera kehna maana mushkil mein padna।

slogan:- kisi bhi prakaar ki halchal ko samaapta karne ka saadhan hai - drama par atal nishchay।