Daily Murli for Friday 7 October 2022

07-10-2022 praatahmurli om shanti "baapdaada"' madhuban

“meethe bachche - baap tumhein gyaan ki kastoori dete hain to aise baap par tumhein kurbaan jaana hai, maat-pita ko follow kar paavan banaane ki seva karni hai''

prashn:- jo takdeervaan bachche hain unki nishaani kya hogi?

uttar:- takdeervaan arthaat bakhtaavar bachche achhi reeti padhenge aur padhaayenge। woh pakke nishchay buddhi honge। kabhi bhi baap ka haath nahin chhodenge। dhandhe aadi mein rehte yeh course bhi uthaayenge। bahut khushi mein rahenge। parantu jinki takdeer mein nahin hai, woh lottery milte hue bhi ganva denge।

geet:- bholenaath se niraala…

om shanti। bhola kaha jaata hai unko jo kuchh bhi nahin jaante hain। abhi bachche jaante hain ki barobar ham manushya kitna bhole the, maaya kitna bhola bana deti hai। yeh bhi nahin jaante ki baap kaun hai। baap kahkar pukaarna aur jaanna nahin, phir yeh bhi maaloom nahin ho ki baap se kya property milti hai! to bhola kahenge na। bhola kaho, buddhu kaho, baat ek hi hai। is samay sab beakla ban pade hain unko phir beakli ka bhi ghamanda hai। bachche, tum baap ko jaante ho aur unse sun rahe ho। baaki aatma ko dehi-abhimaani banne ki mehnat karni hai। baba khud baith sikhaate hain ki he aatma dehi-abhimaani bano। apne ko paarlaukik baap ke bachche nishchay karo। laukik baap ko to jaante ho baaki tum itne bhole ho jo paarlaukik baap ko nahin jaante। ab tum bachchon ki buddhi mein baitha hai ki yeh baaten parampita paramatma samjhaate hain। tum chhote bachche nahin ho, tumhaare organs to bade hain। baap samjhaate hain - agar apne ko deh samjhenge to baap ko yaad nahin kar sakenge। apne ko dehi-abhimaani samjho। bachche-bachche baap shareer ko nahin, aatma ko kehte hain। aur bachche, aatmaayen sab shiv ko (paramatma ko) baba kehte hain, kisi aatma ko va brahma ko nahin kehte। yeh bhi unka bachcha hai। ab tum jaante ho ki hamaara behad ka baap inmen aaya hai। to baap ko yaad karna pade। 84 ke chakra ko bhi yaad karna pade। yeh behad ka 5 hajaar varsha ka naatak hai। tum actor ho। ab tumko drama ke aadi-madhya-ant ka maaloom pada hai। to saara chakra buddhi mein phirna chaahiye। tumhaara naam kitna baala hai - svadarshan chakradhaari, phir bhavishya mein tum chakravarti raaja ban jaate ho। 84 janmon ki kahaani chakra mein siddha hoti hai। tum ab baap ke bane ho, yeh smriti mein rakhna hai। jitna andhon ki laathi banenge utna baap samjhenge yeh merciful hain। kehte hain raham karo, mehar karo। tum jaante ho baap kaun si mehar karte hain। baap mila hai to kitni khushi honi chaahiye। ab tumko pairon par khada rehna hai। jaise kehte hain centre apne paanv par khada ho to tumko bhi apne paanv par khada rehna hai। oonche te ooncha purushaartha karna hai, follow father mother। laukik mein bachche baap ko follow kar patit ban jaate hain। yeh to paarlaukik baap ke liye kaha jaata hai - unki shreemat par chalna hai। baba mama ko dekho dhandha kya hai? patiton ko paavan banaane ka। aur dharma pitaayen jab aate hain to unke dharma ki aatmaayen oopar se aati hain। vahaan convert karne ki baat nahin। yahaan convert karna hai, shoodra ko brahman banaana hai। iske liye tumko mehnat karni padti hai। tum kitna literature dete ho। woh dekhkar phaad dete hain।

tum bachche ho roop-basanta। jaise baap vaise tum bachche। tumko gyaan ki varsha karni hai। yeh chitra bade achhe hain। trimoorti ka chitra bada zaroori hai, ismen baap aur varsa donon hi aa jaate hain। baap ke bigar daade ka varsa kaise milega। shreekrishna ka chitra sabko achha lagta hai। baaki 84 janmon ki likhat achhi nahin lagti। unhon ko chitra achha lagta hai, tumko vichitra achha lagta hai kyonki tumko baap ne kaha hai “aatma-abhimaani bhav।'' tum apne ko vichitra samajhte ho to yaad bhi vichitra paramatma ko karte ho। baap rachayita hai to zaroor nai duniya hi rachte hain। usmein lakshmi-naaraayan ka raajya tha। lakshmi-naaraayan ka chitra bhi banaaya hai aur likha hua hai sarvagun sampanna, 16 kala sampoorn... lakshmi-naaraayan mahaaraaja mahaaraani to nasha rehta hai ki ham baap ko yaad kar yeh ban rahe hain। to sadaiv baba-baba kehte raho aur bhavishya pad ko bhi yaad karo to satayug mein chale jaayenge। jaise ek misaal dete hain - main bhains hoon, main bhains hoon... kahne se bhains samajhne laga। parantu kahne se koi ban nahin jaata hai। baaki tum jaante ho - main aatma nar se naaraayan ban raha hoon। ab beggar hoon, yeh wonder hai। vahaan ek to raajya nahin karenge। unki dynasty chalti hai। unke bachche honge। 1250 varsha sirf lakshmi-naaraayan thode hi raajya karenge। kehte hain satayug ki aayu badi hai phir bhi praja to chaahiye। tumhaari buddhi mein gyaan ki paraakaashtha chaahiye।

tum kiske aage bhi chitra rakhkar samjhaao ki bhaarat svarga tha। ab puraani duniya narka hai, to yeh pakka hona chaahiye ki ham svargavaasi the, ab narkavaasi hain phir svargavaasi ban rahe hain। satayug mein lakshmi-naaraayan, treta mein raam-seeta ka raajya tha, to sab svargavaasi the। is chakra mein 84 ka chakra siddha hota hai। jhaad mein phir kaise poojyaneey se girte hain aur pujaari bante hain, yeh siddha hota hai। tum kehte ho is samay sabhi naastik hain kyonki baap ko nahin jaante hain। ab tum jaante ho ki sab kabristaan mein pade hain। tum bachche gupta ho। angreji mein underground kehte hain। vahaan koi underground nahin, underground tum ho। parantu tumko koi jaante nahin। yahaan sammukh baithe ho to maja aata hai। behad ka baap paramdham se aakar inmen pravesh kar padhaate hain। chakra ka raaz samjhaate hain। baaki savaari saara din nahin hoti hai। baap kehte hain main service karta hoon, bachchon ka naam nikaalne ke liye main pravesh karta hoon। to baap kehte hain bachche svadarshan chakradhaari bhav, shankhadhaari bhav। tumko gyaan ka shankh bajaana hai। shankh kaho, murli kaho, ek hi baat hai। unhonne shreekrishna ko murli dikhaai hai। shreekrishna to ratna jadit murli bajaate hain - khelpaal karne ke liye। vahaan gyaan ki murli nahin hai। tum bachchon ko buddhi mein rakhna hai ki jaise kalpa pahle satayug mein part bajaaya tha vaise ab bajaayenge। baaki baba se to varsa le leven। parantu bachche ghar mein jaate hain to bhool jaate hain। baap kehte hain yahaan se pakke ho jaao। dhandha bhal karo parantu yaad karte raho। ek second ka course uthaao। jaise bahut shaadi karke bhi padhte hain। tum bhi dhandhe mein rehte padho। kumaar kumaari ke liye to bahut sahaj hai। sirf yeh buddhi mein rahe mera to ek shivbaaba doosra na koi। brahma ke liye nahin kaha jaata hai।

baba poochhte hain kab se nishchay hua? agar nishchay hai to aise baap ko kabhi nahin chhodna chaahiye। jab tak baap na kahe ki padhkar padhaao। tum bachchon ko bahut khushi honi chaahiye। jaise gareeb ko lottery milti hai to paagal bhi ho jaate hain। parantu yahaan to bachche dhandhe mein jaakar bhool jaate hain। to baba samajhte hain itni badi lottery di parantu paagal ho gaye। takdeer mein nahin hai, tab kaha jaata hai bakhtaavar dekhna ho to yahaan dekho, .. baba to kehte hain kalpa ke baad baba mila hai। baba-baba kehte raho, savere uthkar yaad karo, jo pyaari vastu hoti hai un par kurbaan jaate hain। ham bhi baba par kurbaan jaate hain। yeh gyaan kastoori hai। ham hain bhaarat ka beda paar karne vaale। satya naaraayan, amarnaath ki katha, teejri ki katha sunaane vaale, sachche baap ke sachche brahman bachche, to andar koi khot nahin honi chaahiye। khot hogi to oonch pad pa nahin sakenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

raatri class 28-3-68

baap ne samjhaaya hai aisi practice karo, yahaan sabhi kuchh dekhte hue, part bajaate hue buddhi baap ki taraph lagi rahe। jaante hain yeh puraani duniya khatma ho jaani hai। is duniya ko chhod hamko apne ghar jaana hai। yeh khyaal aur koi ki buddhi mein nahin hoga। aur koi bhi yeh samajhte nahin। woh to samajhte hain yeh duniya abhi bahut chalni hai। tum bachche jaante ho ham abhi apni nai duniya mein ja rahe hain। raajayog seekh rahe hain। thode hi samay mein ham satayugi nai duniya mein athva amarpuri mein jaayenge। abhi tum badal rahe ho। aasuri manushya se badal daivi manushya ban rahe ho। baap manushya se devta bana rahe hain। devtaaon mein daiveegun hote hain। woh bhi hain manushya, parantu unmein daiveegun nahin hain। yahaan ke manushyon mein hai aasuri gun। tum jaante ho yeh aasuri raavanraajya phir na rahega। abhi ham daiveegun dhaaran kar rahe hain। apne janma-janmaantar ke paap bhi yogbal se bhasma kar rahe hain। karte hain ya nahin woh to harek apni gati ko jaante। harek ko apne ko durgati se sadgati mein laana hai arthaat satayug mein jaane liye purushaartha karna hai। satayug mein hai vishwa ki baadshaahi। ek hi raajya hota hai। yeh lakshmi-naaraayan vishwa ke mahaaraajan hain na। duniya ko in baaton ka pata nahin hai। one-one se inhon ki raajaai shuru hoti hai। tum jaante ho ham yeh ban rahe hain। baap apne se bhi bachchon ko oonch le jaate hain isliye baba namaste karte hain। gyaan soorya, gyaan chandrama, gyaan lucky sitaare। tum lucky ho। samajhte ho baba bilkul theek arth sahit namaste karte hain। baap aakar bahut sukh ghanere dete hain। yeh gyaan bhi bada wonderful hai। tumhaari raajaai bhi wonderful hai। tumhaari aatma bhi wonderful hai। rachayita aur rachna ke aadi madhya ant ka saara knowledge tumhaari buddhi mein hai। tumko aap samaan banaane liye kitni mehnat karni padti hai। hai kalpa pahle vaali harek ki takdeer, phir bhi baap purushaartha karaate rehte hain। yeh nahin bata sakte ki aath ratna kaun banenge। bataane ka part hi nahin। aage chal tum apne part ko bhi jaan jaayenge। jo jaisa puru-shaartha karega aisa bhaagya banaayenge। baap hai raasta bataane vaala, jitna jo us par chalenge। inko to sookshm vatan mein dekhte hi hai। prajaapita brahma saath mein baitha hai। brahma se vishnu banna second ka kaam। vishnu so brahma banne mein 5,000 varsha lagte hain। buddhi se lagta hai baat to barobar theek hai। bhal trimoorti banaate hain - brahma-vishnu-shankar। parantu yeh koi nahin samajhte honge। abhi tum samajhte ho। tum kitne padmaapdam bhaagyashaali bachche ho। devtaaon ke paanv mein padam dikhaate hain na। padmapti naam bhi baala hai। padam-pati bante bhi gareeb saadhaaran hi hain। karodapti to koi aate hi nahin। 5-7 laakh vaale ko saadhaaran kahenge। is samay 20-40 hajaar to kuchh hai nahin। padmapti koi hai so bhi ek janma ke liye। karke thoda gyaan lenge। samajh kar svaaha to nahin karenge na। sabhi kuchh svaaha karne vaale the jo pahle aaye। phat se sabhi ka paisa kaam mein lag gaya। gareebon ka to lag hi jaata hai। saahookaaron ko kaha jaata hai abhi service karo। eeshvareey service karni hai to centre kholo। mehnat bhi karo। daiveegun bhi dhaaran karo। baap bhi gareeb nivaaj kahlaate hain। bhaarat is samay sabhi se gareeb hai। bhaarat ki hi sabhi se jaasti aadamsumaari hai kyonki shuru mein aaye hain na। jo golden ej mein the vahi iron ej mein aaye hain। ekdam gareeb ban pade hain। kharcha karte karte sabhi khatma kar diya hai। baap samjhaate hain abhi tum phir se devta ban rahe ho। niraakaar god to ek hi hai। balihaari ek ki hai doosron ko samjhaane mein tum kitni mehnat karte ho। kitne chitra banaate ho। aage chalkar achhi reeti samajhte jaayenge। drama ki tik tik to chalti rehti hai। is drama ki tik tik ko tum jaante ho। saari duniya ki act hoobhu accurate kalpa kalpa repeat hoti rehti hai। second va second chalti rehti hai। baap yeh sabhi baaten samjhaate phir bhi kehte hain manmanaabhav। baap ko yaad karo। koi paani va aag se paar ho jaate hain usse phaayda kya। isse koi aayu thode hi badi ho jaati hai।

achha, meethe meethe sikeeldhe roohaani bachchon ko baap daada ka yaad pyaar goodnight।

dhaarna ke liye mukhya saar:-

1) sachcha brahman banna hai। andar mein koi khot nahin rakhni hain। svadarshan chakradhaari ban shankhadhvani karni hai। dhandha karte bhi yeh course uthaana hai।

2) baap samaan merciful ban andhon ki laathi banna hai। maat-pita ko follow karne ka oonch purushaartha karna hai। apne paanv par khade hona hai, kisi ko bhi aadhaar nahin banaana hai।

vardaan:- sada hazoor ko haazir samajh saath ka anubhav karne vaale combined roopdhaari bhav

bachche jab bhi sneh se baap ko yaad karte hain to sameep aur saath ka anubhav karte hain। dil se baba kaha aur dilaaraam haazir iseelie kehte hain hazoor haazir hai। haazira hazoor hai। sneh ki vidhi se har sthaan par har ek ke paas hazoor haazir ho jaate hain, anubhvi hi is anubhav ko jaante hain। gaaya hua hai - karnakraavanhaar to karanhaar aur karaavanhaar combined ho gaya। aise combined roopdhaari sada saath ka anubhav karte hain।

slogan:- man ko sada roohaani mauj mein rakhna - yahi jeevan jeene ki kala hai।