Daily Murli for Friday 14 October 2022

14-10-2022 praatahmurli om shanti "baapdaada"' madhuban

“meethe bachche - tumhein padhaai ka bahut kadar rakhna hai। beemaar ho, marne par bhi ho to bhi class mein baitho, kaha jaata gyaan amrit mukh mein ho tab praan tan se nikle''

prashn:- kai bachche bhi baap se bemukh karne ke nimitta ban jaate hain - kab aur kaise?

uttar:- jo aapas mein bhaai-bahnon se roothkar padhaai chhod dete hain aur guru ke nindak ban jaate hain, unhein dekh anek baap se bemukh ho jaate। aaj achha padhte kal padhaai chhod dete to doosron ko kah na saken ki tum padho। aise bachche oonch pad se vanchit ho jaate hain।

geet:- mahphil mein jal uthi shama…

om shanti। geet ka arth bachchon ne samjha - jinhonne yeh geet banaaya hai, woh unka arth nahin jaante। dekho kitne ved, shaastra, upnishad banaaye hain, parantu ek bhi yathaartha arth ko nahin jaante। yathaartha arth na jaanne ke kaaran vesta aaph time, vesta aaph mani karte hain। baap samjhaate hain tumne bahut-bahut mandir, ved, upnishad aadi banaaye hain। yagya-jap-tap kiye hain। kitna paisa kharcha kiya hai। yeh baap kisko samjhaate hain, jo jeete ji markar baap ke bante hain। to tum baap ke bane ho to goya jeete ji mare hue ho। to ab baap ke saath chalne ki taiyaari karni hai। yeh nahin ki vahaan tumhaari koi birth de ya barsi aadi manaayenge। yahaan gaandhi ki kitne dhoomdhaam se manaate hain। aise nahin ki shivbaaba gyaan dekar chala jaayega to phir tum satayug mein unki jayanti manaayenge, nahin। aadhaakalpa jo bhi shareer chhodenge to unki barsi, kriyaakarma nahin karenge। gaoodaan karna, pitron ko khilaana, aadi nahin hoga kyonki daan kiya jaata hai ki doosre janma mein mile। satayug mein tum is samay ki praalabdha khaate ho। to bhakti ki rasam-rivaaj aur gyaan ki rasam-rivaaj mein antar hai। jo bhi vishaalbuddhi vaale hain woh in baaton ko samjhenge aur jo kalpa pahle vishaalbuddhi bane honge vahi ab banenge kyonki phir se vahi part bajaana hai।

geet suna chaaron taraph lagaaye phere.. phir bhi hardam door rahe.. baap kehte hain tumne bhakti maarga mein kitna maatha maara hai phir bhi mujhse mil na sake kyonki jab main aaoon tab to mujhe mil sako। main aata hi hoon kalpa-kalpa sangamayug par। log kah dete hain ki paramatma yuge-yuge aata hai। phir kehte hain paramatma ke 24 avtaar hain। to yeh wrong hai na। mujhe bulaate hain ki patit-paavan aao, aakar patiton ko paavan banaao। to ab tumhaari yuddha hai maaya raavan se। tumhaari koi sthool yuddha nahin hai। tum raavan par jeet paate ho। usmein bhi mukhya yoddha kaun hai? kaam। to is vikaar par jeet paani hai arthaat pavitra banna hai। jab khud pavitra bante ho to bachchon ko bhi pavitra banaana pade, taaki woh bhi vishwa ke maalik ban jaayen। agar abhi tum unhon ko varsa denge to kya denge? thikkar thobar denge। achha dekho - America hai, woh kya hai? thikkar thobar hai kyonki ab sab khatma hona hai। ab dekho marenge kaise? jaise pahaadon par jab barpha ka toofaan aata hai to panchhi aadi sab khatma ho jaate hain। to yeh bombs ke toofaan bhi aise hain। ekdam marte rahenge machchharon sadrishya। tum jaante ho ki ham dekhenge ki kaise sab mar rahe hain। ladaai mein dekho kitne marte hain। yahaan maut sabke sir par hai। satayug mein maut ka bhi dar nahin kyonki vahaan akaale mrityu nahin hota। to baap aisi duniya mein le jaate hain। to aise baap ki shreemat par chalna chaahiye। yeh supreme teacher bhi hai, to bachchon ko padhaai par poora dhyaan dena chaahiye। bahut hain jinko padhaai ka kadar nahin hai। samjho koi sakhta beemaar hai, marne par hai, usko bhi class mein le aana chaahiye। kehte hain gyaan amrit mukh mein ho, ganga ka tat ho.... tab praan tan se nikle। to padhaai ka itna kadar hona chaahiye। agar laachaari haalat mein class mein nahin le ja sakte ho to unko ghar mein bhi shivbaaba yaad karaana chaahiye। parantu padhaai par bachchon ka poora dhyaan nahin hai। baba kehte hain register le aao to mujhe maaloom padega ki kahaan tak kaun padhta hai, aur baba poochhte bhi hain yeh khud padhta auron ko padhaata hai? kyonki isi dhandhe mein hi kamaai hai। baaki sab dhandhon mein hai dhool। un braahmanon ke kachchha mein hai kuram, tumhaare paas hai sach। tum sachkhanda ki sthaapna kar rahe ho। tumhaare oopar badi javaabdaari hai, isliye khabardaari rakhni hai। mehnat hai, padhna aur padhaana hai। aise nahin sirf padhna hai। tum pravritti maarga vaale ho, 8 ghanta bhal ghar ka kaam karo। government bhi kaayda nikaalti hai ki 8 ghanta kaam karo। aage to jab steamer baahar se raat ko aate the to saari-saari raat bhi dukaan kholkar kaam karte the। tumko bhi ghar ke kaam se phaarig ho phir is service mein lag jaana hai। service karna government khud sikhlaati hai। khilaati, pilaati hai to unki service bhi karte hain। yahaan bhi tumko baap sikhlaate hain to tumko on godly service karni hai। sirf only service nahin। only ho gai sirf apni buddhi ki, khud ko pavitra banaana। parantu hamko to bhaarat ko svarga banaana hai। to tumhaare oopar bahut jimmevaari hai। jaise us sena par jimmevaari rehti hai। chief commander, captain aadi par adhik javaabdaari rehti hai। yahaan bhi aise hain। jo achhe-achhe bachche centre kholte hain woh ho gaye commander। to un par javaabdaari hai। to yeh har ek ko dekhna hai ki ham service ke bajaae kahaan disservice to nahin karte hain। bahut bachche hain jo bhaai-bahinon se roothkar padhaai chhod dete hain। yeh nahin samajhte ki padhaai chhodne se guru ke nindak thaur nahin pa sakenge arthaat satayug mein oonch pad nahin milega। yahaan baap bachchon ka register mangaate hain, usse samajh jaate hain। jaise school mein baap, teacher register se samajh jaate hain ki yeh bachcha kahaan tak padhta hoga! kai bachche hote hain jo saara din khelte rehte hain aur chhutti ke time par ghar aa jaate hain ki ham padhkar aaye hain। kinhon ke maa baap to register bhi nahin dekhte, to unhon ko maaloom bhi nahin padta। kinhon ke maa-baap dhyaan mein rakhte hain to bachcha achhi tarah padh jaaye। yahaan shivbaaba antaryaami hai। saakaar ko register dikhaana pade। bachche kehte hain baba aise toofaan aate hain। baba kah dete hain ki yeh toofaan to aayenge। yeh sab toofaan pahle mere paas hi aate hain kyonki jab tak inko anubhav na ho to bachchon ko kaise samjha saken। achha tumko maaya ne saari raat hairaan kiya, neend bhi nahin karne di, time bhi vesta kiya! yeh bhi unka pharja hai, takraayegi zaroor। baaki tumhaara kaam hai baap ko itna hi yaad kar maaya ko bhagaana। kai bachche hain jo thodi bhi maaya aati hai to chale jaate hain, jaise vaidya log kah dete hain yeh davaai lene se beemaari uthlegi। parantu kai log aise hote hain jo jara si beemaari ne uthal khaai to us vaidya ko chhod doosre ke paas chale jaate hain। yahaan bhi aise hain। gyaan ko chhod saadhu santon ke paas chale jaate hain। phir kehte hain ki sab to kehte hain grihastha vyavhaar mein raho, shaadi karo। aap kehte ho shaadi karke pavitra raho। yeh phir kaun si museebat hai! are tum kehte ho hamko grihastha vyavhaar mein rah raaja janak ke muaaphik jeevanmukti chaahiye, to phir pravritti mein pavitra rehna pade। kai phir kah dete baat to theek hai। baaki manzil oonchi hai। aisa kah dar jaate hain। oonch to jaana hi hai na। delvaada mandir mein bhi hai ki neeche tapasya kar rahe hain, oopar mein unki praalabdha svarga hai। to oonch manzil to hai hi। kehte hain na ki chadhe to chaakhe prem ras... yaani baikuntha ras, gire to chaknaachoor, isliye badi saavdhaani se chalna padta hai। darna nahin hai।

kehte hain yeh geeta ki authority hai। geetaayen to aajkal bahut hain। taigor geeta, gaandhi geeta aadi... aajkal jo ghar se roothte woh geeta ka arth kar dete aur apna naam daal dete hain। ek geeta mein likha hai ki baigan khaane se yeh hoga, bhindi khaane se yeh hoga..... yeh baba bhi roz geeta ka paath karte the। jahaan bhi jaate the, raajaaon ke paas bhi jaate the to geeta ka paath zaroor karte the। manushya samajhte hain bhagat thagat nahin hote। parantu jitna bhagat thagte hain, utna koi nahin। to baba kehte hain - bachche padhaai ko nahin chhodna। nahin to maaya ajgar kha jaayegi phir pachhtaana padega। jab dharmaraajpuri mein ek-ek janma ka saakshaatkaar karte sajaayen khaate hain to baat mat poochho। mukti aur jeevanmukti ko to koi manushya jaante hi nahin kyonki woh samajhte hain ki sukh kaag vishta samaan hai। to samajhte hain ki svarga ke sukh bhi aise honge kyonki suna hai ki tretaayug mein bhi seeta churaai gai to woh bhi duhkh hai। ab tum jaante ho ki svarga mein aisi baaten hoti nahin। yeh bhaarat ki hi kahaani hai। baaki aur dharma vaale is drama ke andar by-plot hain। bhaaratvaasiyon ke hi 84 janma hain aur dharma vaale to 84 janma nahin lete। kehte hain aatma paramatma alag rahe bahukaal.. ab is arth ko nahin jaante hain। gaate hi rehte hain, jaante to kuchh bhi nahin। yeh brahma bhi beggar tha na, isne bhi bahut guru kiye hue the। parantu hai sab thagi। tab to baap kehte hain na sarva dharmaani paritajya... woh iska arth thode hi jaante hain। bhal geeta padhte hain parantu jaise jangali tote। tum kanthi vaale ban vijay maala mein piro jaayenge। duniya vaale in baaton ko kya jaanen। unhon ko agar tum literature do to phenk dete hain। ve log kya jaane gyaan ratnon ko। tum bachche jo kalpa pahle devta dharma ke the, ab vahi brahman bane ho। jo ab devta banenge vahi kalpa-kalpa nambarvaar purooshaartha anusaar devta banenge aur to devta ban na saken। yeh sapling lag raha hai na। woh government to kaanton ka sapling lagaati hai। yahaan paandav gavmenta devta dharma ki sapling lagaate hain। kitna farka hai। jab devta dharma ka sapling poora hoga tab hi is puraani duniya ka vinaash hoga। to vinaash ke aasaar tum dekh hi rahe ho ki kaise yavnon aur kaurvon ki ladaai lagni hai, draamaanusaar, nothing new। koi nai baat nahin hai। nahin to kyon kaha ki rakta ki nadiyaan bahengi। koi hindu thode hi aapas mein ladenge। yeh vaar hi hai yavnon aur kaurvon ki aur ham bhi is yuddha par hain। vi aar at vaar। jaise vahaan bhi commander dekhte rehte hain na ki ladaai theek tarah chal rahi hai va nahin। koi traitor to nahin hai! traitor ke liye badi bhaari saja hoti hai। to yahaan bhi aise hain। agar koi baap ka bankar traitor ban jaate hain to dharmaraaj-puri mein bahut bhaari saja milti hai। bachchon ne saakshaatkaar bhi kiya hai। jab kaashi kalvat khaate hain, bali chadhte hain to us samay anek janma ke paapon ki saja bhogte hain। phir doosre janma mein nayesir se karma shuru karte hain। mukti mein to koi jaate nahin। kehte hain phalaana paar nirvaan gaya। parantu jaata to koi bhi nahin। baap ko bulaate hain - patit-paavan aao। sarva ka sadgati daata ek hi hai। yeh to samajh ki baat hai na। baap aate hain to kaeeyon ko gati sadgati de jaate hain। paramatma ne ab ordinance nikaala hai ki pavitra bano। kehte hain ki duniya kaise chalegi। are tum kehte ho khaane ke liye nahin hai, praja kam honi chaahiye phir kehte ho duniya kaise chalegi! tum bachchon ko achhi reeti samjhaana chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ghar ka kaam karte bhi samay nikaal roohaani seva zaroor karni hai। apne ko service badhaane ka jimmevaar samajhna hai। disservice nahin karni hai।

2) padhaane vaala svayan supreme teacher hai isliye padhaai ka bahut-bahut kadar rakhna hai। kisi bhi haalat mein padhaai miss nahin karni hai।

vardaan:- ekaagrata ke abhyaas dvaara man-buddhi ko anubhvon ki seat par set karne vaale nirvighna bhav

ekaagrata ki shakti sahaj hi nirvighna bana deti hai। iske liye man aur buddhi ko kisi bhi anubhav ki seat par set kar do। ekaagta ki shakti svatah hi “ek baap doosra na koi'' - yeh anubhooti karaati hai। isse sahaj hi ekras sthiti ban jaati hai। sarva ke prati kalyaan ki vritti rehti hai, ekaagrata ke abhyaas se bhaai-bhaai ki drishti rehti hai। use kabhi bhi koi kamjor sanskaar, koi aatma va prakriti, kisi bhi prakaar ki royal maaya upset nahin kar sakti।

slogan:- second mein vistaar ko saar mein samaane ka abhyaas hi antim certificate dilaayega।