Daily Murli for Tuesday 18 October 2022

18-10-2022 praatahmurli om shanti "baapdaada"' madhuban

“meethe bachche - kachhuye misal sab kuchh sametkar chup baith svadarshan chakra phiraao, baap jo sarva sambandhon ki saccharin hai, use yaad karo to tumhaare vikarma vinaash ho jaayenge''

prashn:- eeshvareey kul ke bachchon prati baap ki shreemat kya hai?

uttar:- tum jab eeshvar ke bachche bane, unke sammukh baithe ho to pyaar se use yaad karo। unki shreemat par chalo। jitna use yaad karenge utna nasha rahega। parantu maaya raavan dekhta hai ki mere graahak chhinte hain to woh bhi yuddha karta hai। baba kehte hain bachche kamjor mat bano। main tumhein shakti dene liye baitha hoon।

geet:- dheeraj dhar manua …

om shanti। yeh kaun kehte hain bachchon ko ki he bachche, kyonki manua kaha jaata hai aatma ko। aatma mein hi man-buddhi hain। to yeh bhi naam rakh diya hai। naam to bahut cheezon ke bahut rakhe hain jaise parampita paramatma, baba, koi phir father kehte hain। to baba hai sabse simple। baba kehte hain tum kiski santaan ho, woh yaad aata hai? ab tum bachche baithe ho, saamne kaun hai? aatmaayen kahengi baba baitha hai। kitni simple baat hai। bachche jaante hain ham aatmaon ka parampita param aatma pita hai। manushya to chhote, bade sabko baba kah dete hain aur yeh phir aatma apne baba ko baba kehti hai। O god father kehte hain। ab shareer ke father ko to god father nahin kahenge। tum jaante ho ham us baba ke saamne baithe hain, yeh aatma ki baat hai shivbaaba samjhaate hain to main kaun hoon! main param aatma hoon। main tum sabhi aatmaon ka paramdham mein rahne vaala pita hoon, isliye mujhe param aatma kehte hain। ikattha karne se ho jaata hai paramatma। kitna sahaj hai। yeh kaun baitha hai? shivbaaba, woh na hota to yeh brahma bhi nahin hota। tum bachchon ki dil mein hamesha unki yaad rehti hai। hai woh bhi aatma, koi farka nahin hai। jaise aatma star hai, us star ka saakshaatkaar hota hai। vaise baap ka bhi star roop mein saakshaatkaar hoga। baaki yeh jo kehte hain ki bahut tej hai, sahan nahin kar sakte। yeh man ki bhaavna hai। baaki to baap yathaartha karke samjhaate hain ki jaise tum aatma ho vaise main bhi aatma hoon। mujhe bhi is tan mein is aatma ke baaju mein bhrakuti mein baithna hai। to woh baith samjhaate hain ki tum aatmaon mein 84 janmon ka part bhara hua hai। so bhi har ek mein apna-apna part hai। kehte hain aatma paramatma alag rahe bahukaal.... ab param aatma akshar clear hai। unko paramatma kahne se moonjh gaye hain। hai to aatma parantu sada paramdham mein rahne vaali param aatma hai। brahma ko param aatma nahin kahenge। yeh sab hain jeev aatmaayen। inmen koi paap aatma, koi punya aatma hai। baap kehte hain mujhe paap va punya aatma nahin kaha jaata hai। mujhe paramatma hi kaha jaata hai। mera bhi part hai। ek baar aakar patit duniya ko paavan banaata hoon। yaad bhi karte hain ki patit-paavan aao। parantu koi samajhte thode hi hain ki ham patit, raavan sampradaay hain। kehte hain raamraajya chaahiye। raavan ko jalaate bhi hain parantu yeh nahin jaante ki ham hi raavan sampradaay hain। zaroor patit hain tab to bulaate hain। krishna ko to nahin bulaate। unko to param aatma nahin kehte। ham sabka baap jo paramdham se aaya hai, usko hi param aatma kaha jaata hai। eeshvar va bhagwan kahne se rola pad jaata hai। baap is jeev aatma dvaara samjhaate hain। tumko kehte hain bachche ashareeri bhav। tum mere bachche the, jab tumko bheja tha। svarga mein shareer dhaaran kar aaye, chakra lagaate-lagaate ab tumne 84 ka chakra poora kiya। is samay sab raavan ki santaan hain। raavan ne hi patit banaaya hai। ab tum bane ho eeshvareey santaan। ab baba aaya hai। kehte hain mera part hai aasuri sampradaay ko daivi sampradaay banaana। main bhi drama anusaar apne time par aata hoon - kalpa ke sangamayuge। kaliyug hai patit puraani tamopradhaan duniya, tab main aata hoon sooryavanshi, chandravanshi kul ka raajya sthaapan karne। na ho tab to sthaapan karoon। phir jab sooryavanshi chandravanshi honge to vaishya, shoodra vanshi nahin honge। ab tum eeshvareey santaan bane ho, daivi santaan banne ke liye। to baap ke saath yog chaahiye jisse vikarma vinaash hon। ever healthy, ever wealthy banne ke liye svadarshan chakra phiraana pade। baba ko yaad karna hai, ismen hi mehnat hai। yeh chart rakho ki kitna samay baba ko yaad karte hain? jitna yaad mein rahenge to ateendriy sukh ki bhaasna aayegi। tab kaha jaata hai ateendriy sukh poochhna ho to gopi vallabh ke gop gopiyon se poochho। vallabh kaha jaata hai baap ko। baap ka roop bhi bete jaisa hi hota hai। vaise aatmaon ka baap bhi aatma hi hai parantu paramdham mein rahne vaala hai। agar woh beej neeche chakra mein chala aaye to jhaad oopar chala jaaye। jaise woh jhaad hota hai, unka beej neeche jhaad oopar। parantu yeh ulta jhaad hai, jiska beejroop param aatma paramdham mein nivaas karte hain। aatmaayen bhi part bajaane oopar se neeche aati hain। taal taaliyaan nikalti jaati hain, ab baap kehte hain tumko raavan ne kaala kar diya hai। ab tumko gora banna hai। krishna aur naaraayan donon ko kaala kar diya hai। lakshmi ko gora banaate hain, kyon? kaam chita par to donon baithe honge। krishna ke liye kehte unko takshak sarpa ne dasa, naaraayan ko phir kisne dasa? kuchh bhi samajhte nahin hain। chitra aadi bhi sab raavan ki mat par banaaye hain। ab baba aaya hai shreemat dekar raavan se liberate karne ke liye। main sabka sadgati daata hoon, shri shri 108 jagatguru ka title bhi inka hai, jagat ki sadgati karte hain। granth mein inki mahima bahut likhi hai। sadguru sachcha paatshaah, sachkhanda sthaapan karne vaala। baba ko yeh sab kantha tha। partu arth ka pata nahin tha। apne ko bahut religious minded samajhte the। parantu the raavan ke kul ke। ab tum eeshvar ke kul ke bane ho to kitna pyaar se unko yaad karna chaahiye। baba aap kitne meethe ho। hamko svarga mein le chalte ho, heavenly god father ko jitna yaad karenge to nasha chadhega। ab kiske saamne baithe ho? baap kehte hain he laadle bachche main tera parampita, tum aatmaon se baat kar raha hoon। ab meri shreemat par kyon nahin chalte। parantu kaam roopi bhoot gira deta hai। baap kehte hain kamjor kyon bante ho? shreemat mil rahi hai phir aasuri mat par kyon chalte ho? yeh yuddha to karni hai। maaya samajhti hai mere graahak chhinte hain to ladti hai। tumko baap shakti de raha hai। itna paath padhaate hain, sab ved shaastron ka saar samjhaate hain। sookshm vatan mein to nahin sunaayenge। dikhaaya hai vishnu ki naabhi se brahma nikla। sookshm vatan mein naabhi kahaan se aai? kya-kya baith likha hai। abhi tumko jo knowledge mil rahi hai yeh parampara nahin chalti, yahaan hi khalaas ho jaati hai। peechhe jo shaastra aadi banaate hain woh parampara se chalte hain, yeh gyaan to praayahlop ho jaata hai।

ab baap kehte hain meri mat par chalo, dehi abhimaani bano, ismen daudi lagaakar mere gale ka haar bano। yeh buddhi ki daudi hai, sannyaasi nahin kah sakte ki ashareeri bhav, maamekam yaad karo। paramatma sabhi ko kehte hain kyonki sabhi meri santaan hain, sabko vaapis le jaane liye aaya hoon। parantu sammukh to bachche sunte hain, saari duniya nahin sunti। shivraatri manaate hain, shiv ka mandir bhi hai। zaroor aaya hai parantu shiv ka itna bada chitra nahin hai। woh to star hai। agar kaho to kahenge ki kya mandir mein chitra wrong hain? isliye baap samjhaate hain bachche main bhi aatma hoon sirf tum janma-maran mein aate ho, main nahin aata hoon, tab to tumko liberate kar sakoon। main patit-paavan hoon to zaroor patit duniya mein aana pade na। agar patit-paavan na kahen to samjhenge nai duniya banaate hain। pralay ho jaati hai phir nai srishti create karte hain। parantu unko patit-paavan kaha jaata hai, to isse siddha hota hai ki yeh srishti to anaadi hai, iski pralay nahin hoti hai। sirf patit hoti hai, unko paavan banaata hoon isliye main nandeegan par va bhaagyashaali rath par aata hoon - tumhein nar se naaraayan banaane। sab chaahte bhi hain ham sooryavanshi banen। katha bhi hai - ek bhakta ne kaha ki main lakshmi ko var sakta hoon! naarad bhakta tha na। to kaha tum apni shakla to dekho, pahle bandar se mandir to bano tab to lakshmi ko var sakenge। abhi tum mandir laayak ban rahe ho। yeh is samay ki hi saari baat hai। yeh sab tumko kaun bata rahe hain? shivbaaba brahma daada ki bhrakuti ke beech mein baith tumko samjha rahe hain। jaise inki aatma bhrakuti mein baithi hai to zaroor unke baaju mein baitha hoga na। yeh knowledgeful baap tumko saara raaz aadi madhya ant ka samjha rahe hain, jisse tumko svadarshan chakra phiraana sahaj ho। svadarshan chakra phiraane se tumhaare vikarma vinaash honge, nahin to sajaayen khaayenge। vijay maala mein bhi nahin aayenge। kachhue misal jab free ho to chup baithkar chakra ko phiraao। ab tumko ghar vaapis jaana hai। yeh antim janma pavitra raho। isko kaha jaata hai loklaaj, patit banne ki maryaadaayen todo aur koi ko yaad nahin karo। aap muye mar gai duniya। ashareeri ban mera bano to vikarma vinaash ho jaayenge। sabko marna to hai hi phir kaun kiske liye royega। hiroshima mein sab mar gaye, koi rone vaala bacha hi nahin isliye ab rone vaali duniya se vaapis jaana hai। is gandi duniya mein to har ek ke ang-ang mein keede pade hain, usko yaad kyon karen। svarga mein thode hi aise shareer honge। vahaan to ang-ang mein khushbu hoti hai। baba kaise gande baansi ko gul-gul (phool) banaate hain, to unko aana bhi aise puraane long boot mein padta hai। baba kehte hain ki bhal ghar mein raho parantu shreemat par chalo। vikaar mein mat jaao। tumhaare saamne shivbaaba baitha hai, unko bhoolo mat। achha!

geet - dharti ko aakaash pukaare.. dharti par rahne vaalon ko aakaash mein rahne vaala baap pukaarte hain। ab mere paas aana hai isliye nashtomoha bano। main tumhein svarga ke athaah sukh doonga। baap hai sabhi sukhon ka peen। maama, chaacha yeh sab tumko duhkh dene vaale hain। tumhaara hai saari aasuri duniya narka ka sannyaas। sannyaasiyon ka hai sirf ghar ka sannyaas। tumko is dirty duniya narka ko bhoolna hai।

is samay manushyon ko thoda bhi dhan milta hai to samajhte hain ham to svarga mein hain। parantu is duniya mein koi kitna bhi saahookaar ho, devaala nikla, aeroplane aadi gira to sab khalaas, phir rone peetne lag padte hain। vahaan to accident ki baat nahin। koi rota peetta nahin। baba kehte hain achha tum svarga mein ho to khush raho। main aaya hoon gareebon ke liye, jo narka mein hain। daan bhi gareebon ko diya jaata hai। saahookaar, saahookaar ko daan karte hain kya? main to sabse saahookaar hoon, main gareebon ko daan deta hoon। is samay ke saahookaar to apne dhan ke, fashion ke nashe mein hi choor hain।

achha - baba samjhaani dete hain yeh hai indraprastha, yahaan hans moti chugenge। baaki jo bagule honge woh to patthar hi uthaayenge isliye baba kehte hain yahaan hans (gunagraahi) hi aane chaahiye, bagule (avgun dekhne vaale) nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ki shreemat par chal, dehi-abhimaani ban baap ke gale ka haar banna hai। baap ki yaad mein rah ateendriy sukh ka anubhav karna hai।

2) is duniya se poora nashtomoha banna hai। kisi ke bhi chhi-chhi shareeron ko yaad nahin karna hai।

vardaan:- seva ke bandhan dvaara karma-bandhanon ko samaapta karne vaale vishwa sevaadhaari bhav

pravritti mein rehte hue kabhi yeh nahin samjho ki hisaab-kitaab hai, karmabandhan hai...lekin yeh bhi seva hai। seva ke bandhan mein bandhane se karmabandhan khatma ho jaata hai। jab tak seva bhaav nahin hota to karmabandhan kheenchata hai। karmabandhan hoga to dukh ki lahar aayegi aur seva ka bandhan hoga to khushi hogi isliye karmabandhan ko seva ke bandhan se samaapta karo। vishwa sevaadhaari vishwa mein jahaan bhi hain vishwa seva arth hain।

slogan:- apne daivi swaroop ki smriti mein raho to aap par kisi ki vyartha nazar nahin ja sakti।