Daily Murli for Monday 17 October 2022

17-10-2022 praatahmurli om shanti "baapdaada"' madhuban

meethe bachche - apni unnati ke liye purooshaartha karte raho, gyaan ratnon ka daan kar sada apna aur doosron ka kalyaan karne ke nimitta bano

prashn:- eeshvareey seva karne ke liye kaun sa gun hona zaroori hai? seva karne vaale bachchon mein kaun se khyaal nahin hone chaahiye?

uttar:- eeshvareey service mein svabhaav bahut meetha chaahiye। krodh mein aakar kisi ko okh dikhlaai to bahuton ka nuksaan ho jaata hai। serviceable bachchon mein anhakaar va krodh bilkul nahin hona chaahiye। yahi vikaar bahut vighna roop banta hai। phir maaya pravesh kar kai bachchon ko sanshaybuddhi bana deti hai। eeshvareey service karne ke liye yeh khyaal na aaye ki naukri chhodkar yeh service karoon। agar naukri chhodkar phir yeh service bhi na kare to bojh chadhega।

geet:- om namo shivaae…

om shanti। bhagat log jab om namo shivaae kahenge to shiv ke ling aur shiv ke mandir ko yaad karenge। namah kahkar pooja karenge। vo hui bhakti। ham to shivbaaba ko kahenge tum maat pita... ab tum chitra ko nahin kahenge। tum jaante ho woh shiv-baba hamko padha rahe hain। raat din ka farka ho gaya। yeh duniya ko pata nahin hai। shivbaaba niraakaar aakar paathshaala mein padhaate hain। kya padhaate hain? sahaj raajayog aur gyaan। jaise Christ ka pustak hai। Christ ne jo gyaan diya unka Bible bana। yahaan shiv puraan hai parantu woh to doosre kisi ne banaaya hai। vaastav mein sachcha shiv puraan geeta hai। baap ne tumko samjhaaya hai। tumko phir auron ko samjhaana hai। shivbaaba ne kya samjhaaya? shiv ka janma bhi sunaate hain। ab shiv puraan geeta ko kahen? va shiv puraan ko kahen? do to ho na saken। bhaarat ka dharmashaastra ek hona chaahiye। jo dharma sthaapan karte hain unki jeevan kahaani banaate hain। isne yeh-yeh sunaaya। Christ ne bhi gyaan sunaaya hoga jiska Bible bana। to us puraan mein bahut kathaayen hain। ab katha sunaai hai bachchon ko, parantu paarvati ka naam daal diya hai। usmein to dikhaaya nahin hai ki pavitrata ki pratigya karaai hai। manamnaabhav akshar shiv puraan mein nahin hoga। shiv puraan alag hai। yeh hai shreemat bhagvat geeta। bhagwan to ek siddha karna hai। unka naam shiv hai। woh geeta phir krishna puraan ho jaati hai। vaastav mein shreekrishna to patit-paavan hai nahin। shiv patit-paavan hai। bhaarat ka dharma shaastra hai geeta। shiv puraan ko to sab nahin maanenge। ab kahenge geeta se devi-devta dharma sthaapan hua। woh to shiv hi kar sakta hai। shreekrishna bhi saanvare se gora banta hai। farka bahut hai। bachchon ko samjhaaya jaata hai, jo samajhte hain unka farja hai alaukik kaarya karna। khushi honi chaahiye। athaah khajaana milta hai to daan dena hai। baap ka parichay dena bahut sahaj hai। bhagat bhagwan ko yaad karte hain। bhagwan aakar phal dete hain। phal kaun sa? bhagwan jeevanmukti hi denge। sarva ka sadgati daata shreekrishna ko nahin kaha jaata। parampita paramatma ko kahenge। tum jaante ho paramatma niraakaar hai। shreekrishna ko paramatma nahin kah sakte। shreekrishna sabhi aatmaon ka baap ban nahin sakta। sabhi aatmaon ka pita parampita paramatma hi gaaya hua hai। bachchon ko achhi reeti baap ka parichay dena hai। woh to sarvavyaapi ya ling kah dete hain। bhala ling ka occupation kya hoga? parampita paramatma ki to mahima hai patit-paavan gyaan ka saagar। yeh poster baahar laga dena chaahiye। koi bhi aaye to padhe। tum jaakar raadhe krishna va lakshmi-naaraayan ke mandir mein samjhaao। hamaara lakshmi-naaraayan ka chitra bahut achha hai, is par samjhaana chaahiye। lakshmi-naaraayan ke mandir vaale aksar geeta zaroor padhte honge। apni unnati ke liye purooshaartha karna hai। baap se oonch varsa paane ka shauk chaahiye। apna aur doosron ka kalyaan karna hai। shivbaaba to sabhi ka kalyaan karne vaala hai। tumko bhi kalyaankaari banna hai। baba kehte hain mera akalyaan kab hota nahin। akalyaankaari raavan hai, yeh manushya nahin jaante। tumko jaakar samjhaana hai। baadal bharkar phir jaae barasna hai। shauk kitna hona chaahiye। agar daan nahin karte to zaroor kahenge apna kalyaan nahin kiya hai, tab auron ka nahin kar sakte hain। centres par bahut achhe-achhe aate hain। parantu auron ka kalyaan karen, woh nahin karte। sunte hain phir dhandhe mein thak kar ghar gaye to khalaas। daan nahin dete hain to woh koi brahman nahin thahre। brahman jaante hain ki hamko devta banna hai। har ek ko apni dil se baat karni hai। agar kisko devta nahin banaaya to brahman kaisa? shivbaaba kehte hain main to hoon hi kalyaankaari। tumko bhi kalyaankaari banna hai। bhal jinko dhaarna nahin hoti, unke liye sthool service hai। yahaan bachche aate hain - jinki service ki hui hai। service centres par bachchon ko apne se poochhna hai ki hamne kitnon ka kalyaan kiya? aate bahut hain। thode bahut hain jo service karte hain। baaki dhandhe aadi mein lag jaate hain। samajhte hain pavitra banna hai sirf। parantu dhan daan bhi karna hai। apne se poochhna hai - agar ham kiska kalyaan nahin karenge to pad kya paayenge। bahut bachchiyaan kalyaan kar panda bankar aati hain, unmein bhi nambarvaar hain। koi first class, koi second, koi third mein rakhenge। to apna kalyaan karna chaahiye। jinko apne kalyaan ka nahin, woh kya pad paayenge! bahut aise centres hain jinmen kai bachche service nahin karte। itni taakat nahin jo jaakar daan karen। savere mandiron mein bahut jaate hain। jaakar dhoondhana pade - devta dharma vaala kaun hai।

ab baap kehte hain main is tan mein aaya hoon। woh to chhote shareer mein jaakar aatma pravesh karti hai। ghost chhaaya ke muaaphik aate hain। yeh bhi wonder hai। kaise ghoomte-phirte rehte hain, kaun baith pata nikaale! drama mein aatma ko shareer na milne kaaran bhatakti hai। chhaaya roop le leti hai। jaise parchhaai hoti hai। ghost ki parchhaai nahin padti। aaya gum ho gaya। in baaton mein apne ko nahin jaana hai। darkaar hi nahin hai। is khoj mein jaayen to shivbaaba bhool jaaye। baba ka pharmaan hai - niraakaar baap ko yaad karo। apni aur doosron ki deh ko bhoolna hai। sabka pyaara hai shivbaaba। baap kehte hain aur koi baat mein na jaakar baap ko yaad karo। yeh hai yaad ki yaatra। manamnaabhav ka arth bhi yeh hai। shreekrishna to aise kah na sake। shreekrishna ko guide nahin kahenge। niraakaar hi guide ban sabhi aatmaon ko le jaate hain - machchharon sadrishya। aatmaon ka guide shreekrishna ho na sake। unko punarjanma mein jaana hai, to baap ka parichay sabko dena hai। bhakton ka bhagwan ek hai। woh baap kehte hain maamekam yaad karo to vikarma vinaash hon। service ka bachchon ko shauk hona chaahiye।

bachche madhuban mein aate hain - murli sunne, to sunaane vaala zaroor chaahiye। baba jahaan jaayenge to service hi karenge। service ka shauk rehta hai। bachche yaad karte hain। woh sammukh murli sunkar khush honge। ek panth 10 kaarya siddha hote hain। badi-badi sabhaaon mein baap nahin ja sakta। woh bachchon ka kaam hai। bachchon se savaal javaab karenge। sannyaasi aadi to baap ke aage aayenge hi nahin। unko to maan chaahiye। baap ka part wonderful hai। jo past hua drama। aage chalkar bahut bachche milne aayenge। pahle bachchon ko samjhaana pade। gop gopiyon ko hi ghar-ghar mein parichay dena hai। koi bhi ulhana na de, rah na jaaye ki hamko pata nahin pada। raaja raani to koi hai nahin jo itla karen। naya hunar nikaalte hain to government ko dikhlaakar vriddhi karaate hain। yahaan to praja ka praja par raajya hai। nimantran bachchon ko dena hai। iske liye chitra aadi chhapaate rehte hain। yeh chitra baahar bhi jaayenge। bachchon ko mehnat karni hai। jo jo bhaasha jaanta hai, woh us bhaasha mein jaakar samjhaaye। anek bhaashaayen hain। baba raay dete hain - poona aur Bangalore taraph service ko khoob badhaao। sabko maaloom pade, sab bhaashaaon mein parche chhapaane hain। behad ki buddhi chaahiye। aise bhi nahin ki baba naukri chhodoon। naukri chhodi phir yeh service bhi na kar sake to bojh chadhega। ismen svabhaav bahut meetha chaahiye। krodh bahuton mein hai। okh dikhla dete hain, phir report aati hai। achhe-achhe bachche likhte hain ki hamaari sunte nahin hain। yeh akshar nikalna nahin chaahiye। bachchon mein deh-anhakaar va krodh hai to bahuton ko nuksaan pahuncha dete hain। baap ko bachchon ka kitna khyaal rehta hai। sab bachchon par nazar rakhni hoti hai। mama bachchi thi, phir bhi maa kahlaati thi, unko phurna rehta tha। gyaan mein bhi kahaan maaya pravesh ho jaati hai। phir kai sanshaybuddhi bhi ban padte hain। kitne kadam-kadam par vighna padte hain। aaj bachcha hai kal badal jaata hai। vikaar par kitna jhagda hota hai। bahut poochhte hain is sanstha ki glaani kyon hai? samajhte nahin hain na - shaastron mein shreekrishna ki kitni glaani ki hai। phalaani ko bhagaaya, yeh hua। shreekrishna to aise kar na sake। yahaan bhi bhagaane ka kalank lagaate hain। gharbaar chhudaate hain। kyon chhudaate hain? woh to koi jaante nahin। jab tak samjhaaya jaae - kyon vighna padte hain? mukhya hai kaam vikaar, jis par tum bachche vijay paate ho।

yeh wonderful baap hai। brahma dvaara hi brahman rache jaate hain। pahle-pahle shivbaaba ka parichay dena hai। unse varsa milna hai। maaya aisi hai takdeer mein nahin hai to bhool jaate hain, kitna maaya ke vighna padte hain। dhaarna nahin hoti hai। yeh bhi vighna hai na, kyon nahin itni sahaj service kar sakte hain। bhagwan baap to woh hai। us alpha ko yaad karo। bhagvaanuvaach, maamekam yaad karo to mujh se varsa milega। O god father, bhagat kehte hain na। to baap se varsa mil raha hai। kuchh service ka shauk hona chaahiye। nahin to pad ooncha pa nahin sakte। service to dher hai। rola bahut hai। baap ka naam bhi gum। knowledge bhi gum hai। to pahchaan deni pade। hamko baap ka hukm mila hai। nimantran dena hai। ismen koi krodh nahin karenge। posters chhape hain service ke liye, rakhne ke liye nahin bane hain। shivaae namah akshar bahut achha hai। poora shivbaaba ka parichay hai। niraakaar shivbaaba aaya hai, zaroor varsa diya hai। aakar patit duniya ko paavan banaaya hai। aise-aise apne se khyaal kar phir jaakar koi ko samjhaana padta hai। shiv ke mandir bhi bahut hain, gupta vesh mein jaakar bolna chaahiye। yeh shiv kaun hai? shivbaaba ko to niraakaar paramatma kaha jaata hai। unhonne kya kiya jo itna mandir banaaya hai। yukti se jaakar samjhaana chaahiye। ab bhal samjhen va na samjhen, ant mein yaad aayega ki koi ne hamko samjhaaya tha। achchha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apna kalyaan karne ke liye service ka bahut-bahut shauk rakhna hai। thakkar baith nahin jaana hai, manushya ko devta banaane ki seva zaroor karni hai।

2) aisa koi karma nahin karna hai jo koi report nikaale ya maat-pita ko phurna ho, kisi bhi haalat mein vighna roop nahin banna hai।

vardaan:- maryaada ki lakeer ke andar sada chhatrachhaaya ki anubhooti karne vaale maayaajeet, vijayi bhav

baap ki yaad hi chhatrachhaaya hai, jitna yaad mein rehte utna saath ka anubhav hota hai। chhatrachhaaya mein rehna arthaat sada safe rehna। jo sankalp se bhi chhatrachhaaya se baahar nikalte hain un par maaya ka vaar hota hai। chhatrachhaaya ke neeche, maryaada ki lakeer ke andar rahne se koi ki himmat nahin andar aane ki। lekin yadi lakeer se baahar nikle to maaya hai hi hoshiyaar, isliye saath ke anubhav se maayaajeet bano।

slogan:- ashareeri banne ka abhyaas hi samaapti ke samay ko sameep laane ka aadhaar hai।