Daily Murli for Saturday 22 October 2022

22-10-2022 praatahmurli om shanti "baapdaada"' madhuban

“meethe bachche - abhi tumhein divya drishti mili hai - tum jaante ho yeh puraani duniya khatma honi hai, isliye isse mamatva mita dena hai, poora-poora bali chadhna hai''

prashn:- jo avinaashi baap par poora bali chadhe hue bachche hain unki nishaani kya hogi?

uttar:- woh apna paisa aadi phaaltu kharcha nahin karenge। bhakti maarga mein deepaavli aadi par kitna baarood jalaate hain। alpa-kaal ki khushi manaate hain। tum jaante ho yeh sab vesta oph time, vesta aaph mani, vesta aaph energy hai। yahaan tumhein aisi khushiyaan nahin manaani hain kyonki tum to vanvaas mein ho। tumhein in kaanton ki duniya se phoolon ki duniya mein jaana hai।

geet:- tumhein paake hamne…

om shanti। meethe-meethe bachchon ne geet ka arth samjha। ab tum bachchon ne baap ko paaya hai, tumko baap madad dete hain। 5 vikaaron ko jeetne ki arthaat maaya par jeet pahan jagatjeet banne ki। jagat saari duniya ko kaha jaata hai। bachche jaante hain ham saare jagat ke maalik banne vaale hain। maalik kab banenge? jab raavanraajya poora ho jaayega। raavan ko varsha-varsha jalaate hain kyonki sangamayug par baap aakar aatma ka deeva jagaae satayug ka maalik banaate hain। dashahre ke baad deepaavli ke din manushya bahut achhe-achhe kapde pahante hain। aksar karke lakshmi-naaraayan, raadhe-krishna aur deviyon ke mandir mein jaate hain। parantu deviyon ko aur lakshmi-naaraayan ko jaante nahin। deviyaan hain shiv shaktiyaan, braahmaniyaan। deviyon ke haath mein astra shastra dikhaate hain। vaastav mein deviyon ke haath mein koi astra shastra hain nahin। ve to gupta hain। raavan par jeet paate hain to tumhaari aadhaakalpa ke liye khushiyaan kaayam ho jaati hain। abhi tum khushiyaan nahin manaayenge। yeh koi deepmaala thode hi hai kyonki yeh to aaj deeve jalaate, kal bujh jaate hain। dashahra bhi har varsha manaate rehte hain। tum brahman koi apne gharon mein deepak nahin jalaate ho। mandiron aadi mein to deepak, bijliyaan aadi jalaate hain। manushya nahin jaante ki deep maala, dashahra kya hai। us samay saara bhaarat hi naya hota hai। deepak aadi jagaana, yeh sab bhakti maarga hai। bhakti maarga mein kitne paise vesta karte hain। us din baarood kitna jalaate hain। vesta oph time, vesta aaph mani, vesta oph energy karte rehte hain। yeh hai forest aaph thorns। (kaanton ka jangal) sab jangali ban gaye hain। tum bhi pahle aise the, kuchh bhi nahin samajhte the। satayug mein fajool (vyartha) kharcha nahin karenge। yahaan to fajool kharcha bahut hai। daan punya karne se bhi alpakaal ka phal milta hai। tum jaante ho ham avinaashi baap par bali chadhe hain to hamaara sab kuchh avinaashi ban jaata hai। puraana shareer chhod naya le lete hain। tum bachchon ne moh jeet raaja ki katha to suni hai na। yeh kahaani satayug ke liye nahin hain kyonki vahaan akaale mrityu nahin hota। yeh sirf misaal dene ke liye kahaani banaai hai ki us samay sab nashtomoha, mohjeet rehte hain। shareer sahit puraani duniya se mamatva mitaana hai kyonki tum nai duniya mein ja rahe ho। puraani duniya ke saath kiska mamatva hota hai kya? isko behad ka sannyaas kaha jaata hai। sirf baba yeh nahin kehte ki deh se mamatva mitaao। parantu jo bhi in okhon se dekhte ho sabko bhoolo kyonki ab divya drishti mili hai ki sab khatma hona hai। puraani duniya vinaash hui padi hai aur naya vishwa banega। shivbaaba hamko raajya dete hain। shivbaaba ka naam sadaiv shiv hai kyonki unko apna shareer to hai nahin। brahma, vishnu, shankar ko bhi apna shareer hai। woh hai oopar। amarnaath amar banaane ki katha sunaate hain। amarlok mein le jaane liye। tum bachche abhi phool ban rahe ho। kaanton ko phool banaane mein mehnat to lagti hai। yahaan to sab kaante hain। ek doosre ko kaanta lagaate rehte hain, baat mat poochho। to baap kehte hain tumhein ab kisi ko kaanta nahin lagaana hai। kaam kataari nahin chalaana hai। yeh kaam ki hinsa aadi-madhya-ant duhkh deti hai। vaise to kisko maaro to jaan se khatma ho jaate hain। yahaan to janma-janmaantar duhkhi hote rehte hain। baap kehte abhi tumhein kaam kataari nahin chalaana hai।

abhi tum dashahra mana rahe ho phir deepaavli ho jaati hai। satayug mein deepaavli nahin manaayenge। vahaan lakshmi svayan raajya karti hai, phir uski baith pooja nahin karenge। manushya jo mandiron mein rehte hain woh devtaaon ki biography ko nahin jaante। tum bachche jaante ho। tum bachche ho roop-basanta। baap kehte hain maine bhi shareer dhaaran kiya hai। parantu mera dhaaran karne ka tareeka alag hai। abhi hamko deepaavli ki khushi nahin hoti kyonki ham vanvaas mein hain। ham piyarghar se sasuraal ghar jaate hain। baba ne kahla bheja tha, 108 chatti vaala kapda pahno to deh-abhimaan toot jaae। is samay tum kaanton ki duniya se phoolon ki duniya mein ja rahe ho। kehte hain padhenge likhenge honge navaab। baap kehte hain main tumko nar se naaraayan banaata hoon। to purushaartha oonch karna hai। jab main padhaata hoon to kyon pad kharaab karte ho? maat-pita ko kyon nahin follow karte ho? baba ne saakshaatkaar karaaya hai ki jo achhi tarah padhenge woh dynasty mein aayenge। tum jaante ho ham padhte hain svargavaasi banne ke liye। log samajhte hain manushya marte hain to svargavaasi hote hain। tum jaante ho ki baba hi aakar svarga mein le jaate hain aur raavan phir narkavaasi bana dete hain। manushya kehte hain hindu cheeni bhaai-bhaai, phir ek do ko duhkh dete rehte hain। tum jaante ho maat-pita se sukh ghanere mil rahe hain। phir gheere-dheere kala kamti hoti jaati hai। kehte hain chadhti kala sarva ka bhala... to abhi sabka bhala hota hai। koi narka se nikal svargavaasi bante, koi shantidham nivaasi bante hain to bhala ho gaya। satayug mein koi duhkh dene vaali cheez hoti nahin। bade aadmiyon ka furniture bhi badhiya hota hai। vahaan duhkhadaai jaanvar aadi hote nahin kyonki furniture achha chaahiye। usko heaven kaha jaata hai। allaah avaldeen ka khel hai, thaka karne se raajaai milti hai। to allaah baap avaldeen arthaat aadi sanaatan devi-devta dharma sthaapan karte hain। to baap second mein vaikuntha ka maalik bana dete hain। baba avaldeen ka saakshaatkaar karaate hain। aise nahin bachche kahen saakshaatkaar mein jaayen। baba ne kaha hai dhyaani se gyaani mujhe priy hain। dhyaan mein maaya pravesh karti hai। gyaan mein maaya nahin aati। jo naundha bhakti karte hain unko baap saakshaatkaar karaate hain। yahaan koi naundha bhakti nahin ki jaati hai। chhoti-chhoti bachchiyon ko saakshaatkaar ho jaata hai। yahaan to kaha jaata hai agar dhyaan ki aadat pad gai to padhaai nahin padh sakte। shuru mein kitna dhyaan ke programme le aate the। parantu aaj hain nahin। gyaani tu aatma ko kisi baat mein sanshay nahin aata, sanshay aaya padhaai chhodi goya baap ko chhoda। ab sooryavanshi devi-devtaaon ki raajdhaani sthaapan ho rahi hai। aur dharma sthaapak koi raajdhaani sthaapan nahin karte, woh to jab dharma ki vriddhi ho jaati hai tab raajaai chalti hai। to tum ab vishwa ka maalik ban rahe ho। koi naya aaye to poochho parampita paramatma se tumhaara kya sambandh hai? kahenge baba hai। baba svarga sthaapan karte hain aur raavan narka banaate hain, jisne svarga banaaya uski pooja karte hain, jisne narka banaaya usko jalaate hain kyonki narka mein manushya kaam chita par jalte hain, to gusse mein aakar raavan ko jalaate hain। parantu raavan jalta nahin। sirf kehte hain parampara se chala aata hai। parantu parampara ka arth nahin jaante। dushman ki effigy jalaate hain। raavan ko bhala kyon jalaate ho? kyonki raavan tumko jalaate hain। tum raavan ko jalaate ho, parantu manushya kuchh bhi nahin jaante। satayug mein to sampoorn nirvikaari hote hain to vahaan raavan ko nahin jalaate hain। usko kaha jaata hai viceless world, ham paradise vaasi banne ke liye baap se svarga ka varsa le rahe hain। shraap dene vaala hai raavan। raavan kisko kaha jaata hai? 5 vikaar stri ke 5 vikaar purush ke। satayug mein yeh vikaar nahin the। sannyaasi to baad mein aate hain। abhi to devta dharma hai nahin। woh phir se sthaapan ho raha hai। 108 ki maala ban rahi hai to praja bhi to chaahiye na। jaypur ka raaja ek tha, praja kitni thi। abhi maala to banti hai, praja bhi chaahiye। jo yahaan bachche bankar phir chale jaate hain, woh halki praja mein chale jaate hain। kehte hain grihastha vyavhaar mein rehte jeevanmukti chaahiye। jeevanmukta to ek nahin honge। poora gharaana chaahiye। ashtaapa geeta mein likha hai second mein jeevanmukti mili। lekin kaise mili? woh nahin jaante। aadi sanaatan devi-devta dharma bahut sukh dene vaala hai। jabki raajaai mil rahi hai to phir ham kyon na shreemat par chalen! kyon na kamal phool samaan banen! tum brahman ho na। to shankh, chakra, gada, padam tumhaare paas hain।

manushya deepmaala par sirf ek din naya kapda pahante hain, mandiron mein jaate hain। shreekrishna janmaashtami par naye kapde nahin pahante, deepaavli ke din naye kapde pahante hain, everything new। us din dukaandaar apna puraana khaata khatma kar naya khaata shuru karte hain। tum bhi ab puraana khaata khatma kar naya shuru kar rahe ho। baap phaayda karaate hain, raavan ghaata karaate hain। phaayda kaise hoga? manamnaabhav, madhyaajeebhav। vishnu madhya mein hai na। madhyaajeebhav maana baap brahma dvaara vishnu puri sthaapan karte hain। to puraani duniya vinaash ho jaati hai। to shivbaaba kaliyug ke ant mein aate hain phir satayug ki aadi hoti hai। likha bhi hai ki brahma dvaara sthaapna। brahma to prajaapita hai na। to tum kiske bachche ho? shiv ke ho ya brahma ke bachche ho? kehte bhi hain tum maat-pita.... barobar practical mein maat-pita ab hain। padhaai padhkar phir varsa pa rahe ho phir raavan aakar duhkhi banaate hain। duhkh bhi dheere-dheere badhta hai। vishay saagar yeh kaliyug hai। satayug hai ksheersaagar। vishnu ko ksheersaagar mein dikhaate hain। tum jaante ho barobar - woh kya jaane dashahre, deepaavli ko..... ham to raaz ko samajh gaye hain। jaante ho kal ham svarga mein the, ab narka mein hain। phir kal svarga mein honge। kal kyon kehte hain? kyonki raat ke baad din aata hai। koi aaye to poochho yeh aashram kiska hai? naam suna hai prajaapita brahma? itne brahmaakumaar kumaariyaan hain to brahma baap hua। baap se varsa hi milega। baap kehte hain mujhe yaad karo to madhyaaji bhav। baap dhandhe ki mana nahin karte। baba kehte hain ki dhandha bhal karo। parantu baba ko yaad karo kyonki unse varsa milta hai। yeh bheeti hai na, aur jagah bheeti nahin hoti। school mein bhi bheeti hoti hai, tabhi kehte hain ki student life is di best। yeh behad ki padhaai hai। behad ki history-geography ko tum jaante ho। school mein jaakar bataao ki behad ki history-geography kya hai। unko kehna hai ki aap to had ki history-geography padhaate ho। ham aapko lakshmi-naaraayan ki behad ki history-geography bataayen ki lakshmi-naaraayan ne yeh pad kaise paaya। aage chal tumko college mein bhi nimantran milenge। yeh hai eeshvareey vishwa vidyaalay। woh hai spiritual father। to roohon ko spiritual knowledge dete hain। niraakaar saakaar mein aakar sunaate hain। shreekrishna ki to ismen koi baat nahin hai। kisi baat ko samajhte nahin hain। soot moonjha hua hai। svatantra hone chaahte hain parantu jhagda badhta hi jaata hai। kehte hain freedom chaahiye। sachchi-sachchi freedom tumko milti hai raavan se। bhaaratvaasi samajhte hain ki hamne Christian se freedom paai, parantu freedom hai kahaan? freedom tumko milti hai, independent raajaai। geet suna na ki tum mile to dharti, aasmaan, saagar sab hamaara ho jaata hai। usmein haden hain nahin। achha!

meethe-meethe paanch hajaar varsha baad phir se mile hue, varsa paane vaale bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) maat-pita ko poora follow kar padhaai mein oonch pad paana hai। is duniya mein koi bhi shauk nahin rakhna hai। vanvaas mein rehna hai।

2) in okhon se jo kuchh dikhaai deta hai use dekhte hue bhi nahin dekhna hai। poora nashtomoha banna hai। sangam par kuchh bhi vesta nahin karna hai।

vardaan:- apne occupation ki smriti se seva ka phal aur bal praapta karne vaale vishwa kalyaankaari bhav

koi bhi kaam karte apna occupation kabhi nahin bhoolo। jaise paandavon ne gupta vesh mein naukri ki lekin nasha vijay ka tha। aise aap bhal government servant ho, naukri karte ho lekin nasha rahe main vishwa kalyaankaari hoon to is smriti se svatah samartha rahenge aur sada seva bhaav hone ke kaaran seva ka phal aur bal milta rahega। gaaya hua hai bhaavna ka phal milta hai to aapki seva-bhaavna anek aatmaon ko shanti, shakti ka phal degi।

slogan:- godly student swaroop sada smriti mein rahe to maaya aa nahin sakti।