Daily Murli for Monday 14 November 2022

14-11-2022 praatahmurli om shanti "baapdaada"' madhuban

“meethe bachche - shreemat par chal svachchha shuddh ban dhaarna kar phir yuktiyukta seva karni hai, ahankaar mein nahin aana hai, shuddh ghamanda mein rehna hai''

prashn:- kis ek baat ke kaaran baap ko itni badi knowledge deni padti hai?

uttar:- geeta ke rachayita niraakaar parampita paramatma ko siddha karne ke liye baap tumhein itni badi knowledge dete hain। sabse badi bhool yahi hai jo geeta mein patit-paavan baap ki jagah shreekrishna ka naam daala hai, isi baat ko siddha karna hai। iske liye bhinna-bhinna yuktiyaan rachni hai। baap ki maahima aur shreekrishna ki mahima alag-alag bataani hai।

geet:- marna teri gali mein …

om shanti। bachchon ne geet suna, kehte hain aaye hain tere dar par jeete ji marne ke liye। kiske dar par? phir bhi yahi baat nikalti ki agar geeta ka bhagwan shreekrishna ko kahen to yeh sab baaten ho na saken। woh hai satayug ka prince। geeta shreekrishna ne nahin sunaai। geeta parampita paramatma ne sunaai। saara madaar is baat par hai। ek baat ko samajh jaaen to bhaarat ke jo itne shaastra hain - sab jhoothe siddha ho jaaen। yeh hain sab bhaktimaarga ke, inmen karmakaanda teertha yaatra, jap-tap aadi ki kahaaniyaan likhi hui hain। bhakti maarga mein tum itni mehnat karte aaye ho, woh to darkaar nahin। yeh to second ki baat hai। sirf yeh ek baat siddha karne ke liye bhi baap ko kitni knowledge deni padti hai। praacheen knowledge jo bhagwan ne hi di hai, vahi knowledge hai। saari baat geeta par hai। parampita paramatma ne hi aakar devi-devta dharma ki sthaapna arth sahaj raajayog aur gyaan sikhlaaya hai, jo ab praayahlop hai। manushya samajhte hain shreekrishna phir aakar geeta sunaayega। parantu ab tumko yeh achhi tarah siddha karna hai ki geeta parampita paramatma ne, jo gyaan ka saagar hai, usne sunaai hai। shreekrishna ki mahima aur parampita paramatma ki mahima alag-alag hai। woh hai satayug ka prince, jisne sahaj raajayog se raajya-bhaagya paaya hai। padhte samay naam roop aur hai phir jab raajya paaya hai tab aur hai। pahle patit hai phir paavan bana hai, yeh siddha kar bataana hai। patit-paavan shreekrishna ko kabhi nahin kahenge। patit-paavan hai hi ek baap। ab vahi shreekrishna ki aatma jo kaali arthaat shyaam ban gai hai। ab phir se patit-paavan dvaara raajayog seekh bhavishya paavan duniya ka prince ban rahi hai। yeh siddha kar samjhaane mein yuktiyaan chaahiye। foreigners ko siddhakar bataana hai। number one hai hi geeta sarvashaastramai shreemat bhagvat geeta maata। ab maata ko janma kisne diya? baap hi maata ko adopt karte hain। aise nahin kahenge ki Christ ne Bible ko adopt kiya। Christ ne jo shiksha di unka Bible banaakar padhte rehte hain। ab geeta ki shiksha kisne di jo pustak banaakar padhte rehte hain। yeh kisko pata nahin aur sabke shaastron ka pata hai। yeh jo sahaj raajayog ki shiksha hai woh kisne di, yeh siddha karna hai। duniya to din-pratidin tamopradhaan hoti jaati hai। yeh sab khyaalaat svachchha buddhi mein hi baith sakte hain। jo shreemat par nahin chalte unko dhaarna bhi nahin ho sakti। shreemat kahegi tum bilkul samjha nahin sakte ho। baba phat se kah denge - mukhya baat yeh hai ki geeta ka bhagwan parampita paramatma hai। vahi patit-paavan hai। manushya to sarvavyaapi kah dete hain va brahm tatcha kah dete। jo aata hai woh kah dete hain - bigar samajh। bhool saari geeta se nikli hai, jo geeta ka rachayita shreekrishna ko kah diya hai। to samjhaane ke liye yuktiyaan rachni pade। gupta ji ko bhi kehte the ki banaaras mein yeh siddhakar samjhaao ki geeta ka bhagwan shreekrishna nahin।

ab dehli mein sammelan hota hai। sab religious manushyon ko bula rahe hain kya upaay karen jo shanti ho jaae? ab shanti sthaapan karna inke haath mein to hai nahin। kehte bhi hain patit-paavan aao। phir yeh patit kaise shanti sthaapan kar sakte? jabki bulaate rehte hain। parantu patit-paavan ko jaante nahin। kah dete hain raghupti raagho raajaaraam। woh to hai nahin। jhootha bulaava karte hain, jaante kuchh bhi nahin। ab yeh kaun jaakar bataaye। bade achhe bachche chaahiye। aise bahut hain jo apne ko bahut gyaani samajhte hain। parantu hai kuchh bhi nahin। misaal hai choohe ko mili haldi ki gaanth.. nambarvaar hain। ismen badi yukti chaahiye, jisse siddha ho jaae - geeta bhagwan ne rachi hai। woh kah dete koi bhi ho, hain to sab bhagwan। baba kehte hain - bhagvaanuvaach, main us shreekrishna ki aatma, jo 84 janma poore kar antim janma mein hai, unko adopt kar brahma banaae un dvaara geeta gyaan deta hoon। woh brahma phir is sahaj raajayog se first prince satayug ka ban jaata hai। yeh samjhaani aur koi ki buddhi mein nahin hai। tum bachchon mein bhi yathaartha reeti abhi woh shuddh ghamanda aaya nahin hai। itni pradarshani aadi karte hain - ajun siddha nahin karte। pahle yeh bhool siddhakar bataani hai ki shreemat bhagvat geeta hai sab shaastron ki maai baap। uska rachayita kaun tha? jaise Christ ne Bible ko janma diya। woh hai Christian dharma ka shaastra। achha Bible ka baap kaun? Christ। unko maai baap nahin kahenge। mother ki to vahaan baat nahin। yeh to yahaan maata pita hai। Christian ne rees ki hai shreekrishna ke dharma se। woh Christ ko maanne vaale hain। ab geeta kisne sunaai? usse kaun sa dharma sthaapan hua? yeh koi nahin jaante। kabhi nahin kehte ki patit-paavan parampita paramatma ne yagya racha। gole ke chitra se samajh sakenge ki barobar parampita paramatma ne gyaan diya hai। raadhe-krishna to satayug mein baithe hain, unhonne apne ko gyaan nahin diya। gyaan dene vaala doosra chaahiye। koi ne to usko paas karaaya hoga na। yeh raajaai praapta karne ka gyaan kisne diya? kismat aapehi to nahin banti। kismat banaane vaala baap ya teacher hota hai। guru to gati dete, parantu gati sadgati ka bhi koi arth nahin samajhte। sadgati pravritti maarga vaalon ki hoti hai। gati maana sab baap ke paas jaate hain। yeh baaten koi samajhte nahin hain। woh to bhakti ke bade-bade dukaan khol baithe hain। sachche gyaan ka ek bhi dukaan nahin। sab hain bhakti ke। baap kehte hain yeh ved shaastra aadi sab bhakti maarga ki saamagri hai। yeh jap tap aadi karne se main nahin milta hoon। main to bachchon ko gyaan dekar paavan banaata hoon। saare srishti ki sadgati karta hoon। via gati mein jaakar sadgati mein aana hai। sab to satayug mein nahin aayenge, yeh drama bana hua hai। jo kalpa pahle tumko sikhaaya tha, jo chitra banaaye the, woh ab bhi banva rahe hain। yeh jo badi bhool hai, woh siddha ho jaae phir yukti se chitra banaayenge। kehte hain 3 dharmo ki taangon par srishti khadi hai। ek devta dharma ki taang tooti hui hai, isliye hilti rehti hai। pahle ek taang par srishti badi first class rehti। ek hi dharma tha, jisko advait raajya kaha jaata hai। phir woh ek taang gum ho 3 taange nikli hain, jismen kuchh bhi taakat nahin rehti। aapas mein hi ladaai jhagda chalta rehta hai। dhani ko jaante hi nahin। nidhanke ban pade hain। samjhaane ki badi yukti chaahiye। pradarshani mein bhi mukhya yeh baat samjhaani hai ki geeta ka bhagwan shreekrishna nahin, parampita paramatma hai, jiska birth place bhaarat hai। shreekrishna hai saakaar, woh hai niraakaar। unki mahima alag hai। aise yukti se cartoon banaana chaahiye jo siddha ho jaae ki geeta paramatma ne gaai aur shreekrishna ko aisa banaaya। kehte hain brahma ka din gyaan aur brahma ki raat bhakti। abhi hai raat। satayug sthaapan karne vaala kaun? brahma aaya kahaan se? sookshm vatan mein bhi kahaan se aaya? prajaapita brahma ko paramatma adopt karte hain। parampita paramatma hi pahle-pahle sookshm srishti rachte hain। vahaan brahma dikhaate hain। vahaan prajaapita hota nahin। prajaapita brahma kahaan se aaya? yeh baaten koi samajh na saken। shreekrishna ke antim janma mein inko parampita paramatma ne apna rath banaaya hai। yeh kiski buddhi mein nahin hai। yeh bada bhaari class hai। teacher jaante hain yeh student kaun sa hai? to kya baap nahin samajhte honge? yeh behad ke baap ka behad ka class hai। yahaan ki baat hi niraali hai। shaastron mein pralay dikha-kar rola kar diya hai।

tum jaante ho shreekrishna ne geeta nahin sunaai। usne to geeta ka gyaan sunkar raajya pad paaya hai। tumko siddha kar bataana hai - geeta ka bhagwan niraakaar shiv hai, unke gun yeh hain। is bhool ke kaaran hi bhaarat kaudi jaisa bana hai। abhi parmaapita paramatma ne gyaan ka kalash maataaon par rakha hai। maataayen hi svarga ka dvaar kholti hain। yeh sab baaten note kar samjhaani chaahiye। bhakti vaastav mein grihasthiyon ke liye hai। ye hai pravritti maarga ka sahaj raajayog। ham siddha kar samjhaane ke liye aaye hain। bachchon ko yuktiyukta kaam karna hai। bachchon ko hi baap ka show karna hai। sadaiv harshit mukh, achal, stheriyam, masta rehna hai, aage chalkar aise bachche nikalte zaroor hain। brahmaakumaar kumaari woh jo 21 janma ke liye baap se varsa dilaaye। kumaariyon ki mahima bhaari hai, mukhya mama hai। woh gyaan soorya hai, yeh hai gupta mama (brahma)। is raaz ko mushkil hi koi samajhte hain। mandir bhi us mama ke hain। is gupta boodhi mama ka koi mandir nahin। yeh maata-pita combined hai। shreekrishna to satayug ka prince hai। geeta ke bhagwan ki mahima alag hai। woh patit-paavan, liberator, guide hai। to paramatma ki mahima bilkul alag hai। ek kaise ho sakte। mukhya baat hi yeh hai ki geeta kisne sunaai? ved shaastra aadi sab geeta ke baal bachche hain aur sab bhakti ki saamagri hai, gyaan maarga mein kuchh hota nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) har kaam bahut yuktiyukta karna hai। harshitmukh, achal, sthir aur gyaan ki masti mein rahkar baap ka show karna hai।

2) gyaan ki nai aur niraali baaten siddha karni hai।

vardaan:- shanti ki shakti dvaara asambhav ko sambhav karne vaale yogi tu aatma bhav

shanti ki shakti sarvashreshtha shakti hai। aur sabhi shaktiyaan isi ek shakti se nikli hain। science ki shakti bhi isi shanti ki shakti se nikli hai। shanti ki shakti dvaara asambhav ko bhi sambhav kar sakte ho। jise duniya vaale asambhav kehte woh aap yogi tu aatma bachchon ke liye sahaj sambhav hai। woh kahenge paramatma to bahut ooncha hajaaron sooryo se tejomay hai, lekin aap apne anubhav se kehte - hamne to use pa liya, shanti ki shakti se sneh ke saagar mein sama gaye।

slogan:- nimitta ban nirmaan ka kaarya karne vaale hi sachche sevaadhaari hain।

maateshvari ji ke anmol mahaavaakya

1) aatma aur paramatma alag rahe bahukaal sundar mela kar diya jab satguru mila dalaal... jab apan yeh shabd kehte hain to uska yathaartha arth hai ki aatma, paramatma se bahutkaal se bichhud gai hai। bahutkaal ka arth hai bahut samay se aatma paramatma se bichhud gai hai, to yeh shabd saabit (siddha) karte hain ki aatma aur paramatma alag-alag do cheez hain, donon mein aantarik bhed hai parantu duniyaavi manushyon ko pahchaan na hone ke kaaran vo is shabd ka arth aisa hi nikaalte hain ki main aatma hi paramatma hoon, parantu aatma ke oopar maaya ka aavran chadha hua hone ke kaaran apne asli swaroop ko bhool gaye hain, jab vo maaya ka aavran utar jaayega phir aatma vahi paramatma hai। to vo aatma ko alag is matlab se kehte hain aur doosre log phir is matlab se kehte hain ki main aatma so paramatma hoon parantu aatma apne aapko bhoolne ke kaaran duhkhi ban padi hai। jab aatma phir apne aapko pahchaan kar shuddh banti hai to phir aatma paramatma mein mil ek hi ho jaayenge। to vo aatma ko alag is arth se kehte hain parantu apan to jaante hain ki aatma paramatma donon alag cheez hai। na aatma, paramatma ho sakti aur na aatma paramatma mein mil ek ho sakti hai aur na phir paramatma ke oopar aavran chadh sakta hai।

2) vaastav mein harek manushya ki yeh chaahna avashya rehti hai ki hamko man ki shanti praapta ho jaave isliye anek prayatna karte aaye hain magar man ko shanti ab tak praapta nahin hui, iska yathaartha kaaran kya hai? ab pahle to yeh soch chalna zaroori hai ki man ke ashaanti ki pahli jad kya hai? man ki ashaanti ka mukhya kaaran hai - karmabandhan mein phansana। jab tak manushya in paanch vikaaron ke karmabandhan se nahin chhoote hain tab tak manushya ashaanti se chhoot nahin sakte। jab karmabandhan toot jaata hai tab man ki shanti arthaat jeevanmukta sthiti ko praapta kar sakte hain। ab soch karna hai - yeh karmabandhan toote kaise? aur use chhutkaara dene vaala kaun hai? yeh to ham jaante hain koi bhi manushya aatma kisi bhi manushya aatma ko chhutkaara de nahin sakti। yeh karmabandhan ka hisaab-kitaab todne vaala sirf ek paramatma hai, vahi aakar is gyaan yogbal se karmabandhan se chhudaate hain isliye hi paramatma ko sukh daata kaha jaata hai। jab tak pahle yeh gyaan nahin hai ki main aatma hoon, asul mein main kiski santaan hoon, mera asli gun kya hai? jab yeh buddhi mein aa jaae tab hi karmabandhan toote। ab yeh knowledge humein paramatma dvaara hi praapta hoti hai goya paramatma dvaara hi karmabandhan tootte hain। om shanti।