Daily Murli for Tuesday 22 November 2022

22-11-2022 praatahmurli om shanti "baapdaada"' madhuban

meethe bachche - purushaartha kar sarvagun sampanna banna hai, daiveegun dhaaran karne hain, dekhna hai mere mein ab tak kya-kya avgun hain, ham aatma-abhimaani kahaan tak bane hain

prashn:- serviceable bachchon ki buddhi mein ab kaun si taat lagi rahni chaahiye?

uttar:- manushyon ko devta kaise banaayen, kaise sabko lakshmi-naaraayan, raam-seeta ki biography sunaayen - yeh taat bachchon mein lagi rahni chaahiye। lakshmi-naaraayan ke mandir mein bahuroopi ban, vesh badalkar tiptop hokar jaana chaahiye। unke pujaariyon se va trustee se alag samay lekar milna chaahiye। phir yukti se poochhna hai ki aapne yeh jo mandir banaaya hai, inki jeevan kahaani kya hai? yukti se baat karte, unhein parichay dena hai।

geet:- hamaare teertha nyaare hain…

om shanti। geet ka arth bahut baari samjhaaya hai। ham abhi yaatra kar rahe hain। vaapis apne sweet hom jaane ki। ham abhi 84 janma poore kar vaapis ja rahe hain। yeh kaun kehte hain? brahma mukh vanshaavli brahman। tum karmayogi to ho hi। dhandhaadhori aadi yeh bhi karma hai। neend bhi karma hai। karma to karna hi hai। tum jab is yaatra par baap ki yaad mein rahenge to tum devta jaisa ban jaayenge। manamnaabhav ka arth bhi yeh hai, maamekam yaad karo to tum manushya se devta ban jaayenge। devtaayen bhi bhaarat ke manushya hi the। sirf unhon ke chitra dikhaaye jaate hain ki aise hokar gaye hain। bhaarat mein lakshmi-naaraayan hokar gaye hain। bhaarat mein bahut mandir banaate hain। aise aur koi raajaayen aadi nahin hain, jinke mandir bane hain aur manushya baith unhon ki mahima gaate hain। lakshmi-naaraayan, raadhe-krishna, raam-seeta sabki mahima gaate hain। sabse jaasti mahima hai lakshmi-naaraayan ki, vo 16 kala sampoorn, woh 14 kala vaale। yeh baaten tum abhi samajhte ho aur tum phir se aise ban rahe ho। unhon ko bhi koi ne zaroor aisa banaaya hoga। baap ne hi sangam par karma-akarma-vikarma ki gati ko samjhaae devta banaaya hai। bhaaratvaasi devtaaon ki mahima gaate hain - aap sarvagun sampanna...... apne ko devta nahin samajhte। bhaarat ke mahaaraaja mahaaraani hokar gaye hain। unhon mein daiveegun the isliye unhon ko devta kaha jaata hai। the manushya hi। Christ, buddha aadi bhi manushya the। manushyon ki hi yeh duniya hai। lakshmi-naaraayan ka mandir bhi manushya banaate hain। laakhon roopaya kharcha kar mandir banaate hain। parantu yeh nahin jaante to unhon ko yeh raajaai kaise mili? aise gunvaan woh kaise banen? ham apne ko paapi, neech kyon kehte hain? yeh to bahut farka ho jaata hai। sab ek hi desh bhaarat ke rahne vaale, woh bhi manushya, ham bhi manushya। parantu unhon ki seerat devtaaon jaisi hai aur is duniya ke manushyon ki seerat asuron jaisi hai। yeh bhi aadat pad gai hai। mandiron mein jaakar mahima gaate hain। hain woh bhi manushya parantu unmein daivi-gun, hamaare mein aasuri gun। goya ham asur hain woh devta hain। kehte hain asur aur devtaaon ki ladaai lagi। ab devtaayen hain svarga mein, asur hain narka mein, devtaayen yahaan kaise aaye jo ladaai lagi। naam hai devta, woh ladaai kaise karenge? devtaaon ke raajya mein asuron ka naam nishaan nahin। asuron ka yug - kaliyug puraani prithvi, devtaaon ka yug - satayug nai prithvi, phir donon ki yuddha kaise hogi? devtaaon ko yuddha karne ki darkaar nahin। woh to vahaan raajya karte hain। baat bahut sahaj hai samajhne aur samjhaane ki। ham trimoorti bhi dikhaate hain। lakshmi-naaraayan ko shivbaaba ne brahma dvaara yeh raajya diya, parantu manushya samajhte nahin। jo bhagwan aakar samjhaate hain ki manushya se devta banna hai। daiveegun dhaaran karo to bhi samajhte nahin। jaise baap ne lakshmi-naaraayan ko aisa banaaya, woh ab tumko bhi bana rahe hain। to purushaartha kar sarvagun sampanna banna chaahiye। dekhna chaahiye mere mein kya avgun hain। deh-abhimaan bahut hai। devtaayen aatma-abhimaani the vahaan yeh jaante hain ki ham aatma ek shareer chhod doosra lengi। vahaan akaale mrityu nahin hota, beemaar nahin hote। sampoorn the, yatha raaja tatha praja .... isliye naam hi svarga tha। yahaan hai narka। kisko kaho tum narkavaasi ho to bigad padte hain। tum samjha sakte ho jab bhaarat svarga tha to lakshmi-naaraayan ka raajya tha। yeh narka hai, to unhon ka raajya hi nahin। devtaayen jo poojya the vahi pujaari banen। satopradhaan se tamopradhaan har cheez ko banna hai। aisi koi vastu nahin jo nai se puraani na ho। tum vesh badalkar bhi ja sakte ho। lakshmi-naaraayan ke mandir mein bahut mela lagta hai। tumko yeh taat lagni chaahiye ki manushyon ko yeh bataayen ki unhon ko baap ne yeh raajya-bhaagya kaise diya। ab to koi apne ko devta nahin kahlaata, sab hindu hain। hindu koi dharma nahin। hindu dharma kisne sthaapan kiya? conference mein lakshmi-naaraayan ka chitra bhi le jaana pade। yeh first class chitra hai। bambai mein lakshmi-naaraayan ka mandir first class bana hua hai। bade ramneek chitra hain। first class kaareegar hote hain to chitra bhi first class banaate hain। lakshmi-naaraayan ki jhaanki dikhlaakar unhon ko samjhaana hai ki yeh kaun hain, inhonne kaise yeh pad paaya? inhonne poore 84 janma liye hain। abhi phir se yeh raajayog seekh rahe hain - bhavishya mein devta banne ke liye। mool baat achhi tarah samjhaani hai। bachche samajhte hain - pradarshani par hamne bahut achha samjhaaya। parantu bahut achha to aage chalkar samjhaana hai। abhi to purushaartha anusaar samjhaaya। sunte bahut hain, ek kaan se sun doosre se nikaal dete hain। baba ghadi-ghadi kehte hain, pahle-pahle baap ka parichay do। baap ne svarga banaaya tha। yeh lakshmi-naaraayan ke chitra khade hain। ham yeh banne ka purushaartha kar rahe hain। prajaapita brahma hai shivbaaba ka bachcha। brahma ko bhagwan nahin kahenge, woh rachna hai। in devi-devtaaon ko raajya-bhaagya heavenly god father ne diya - brahma dvaara। abhi shivbaaba brahma dvaara raajya sthaapan kar rahe hain। ham kehte shiv bhagvaanuvaach - brahma dvaara। woh hamko padhaane vaala hai। is par zor dena hai - bhabhke se। dher bi.ke. hain। to nashe se kehna chaahiye ki main bi.ke. shivbaaba ka potra hoon। shivbaaba se hamko varsa mil raha hai, brahma dvaara hamko raajayog sikhla rahe hain। hamko adopt kiya hai। shivbaaba tumhaara bhi daada hai। prajaapita brahma ke tum bhi bachche ho। sirf ham jaante hain aur varsa le rahe hain। tum nahin jaante ho, ham tumko parichay dete hain। parantu kiske bhaagya mein nahin hai to samajhte nahin। nishchay nahin karte ki ham bi.ke. hain। shivbaaba brahma dvaara raajayog sikhlaate hain। hamko bhi devta banaate hain। shiv jayanti manaate hain। yeh bhaarat parampita paramatma ka birth place hai। bahut fakhur se bolna chaahiye। sarva ka sadgati daata ek baap hai, bhaarat unka birth place hai। ab baap phir aaya hua hai। jayanti manaate hain parantu woh kab aur kiske tan mein aata hai, yeh nahin jaante। zaroor brahma ke tan mein aayenge। nahin to raajya bhaagya kaise den, raajayog kaise sikhlaaye? aise clear kar samjhaana hai। tum bhi baap se raajya-bhaagya lo। mahaabhaarat ladaai saamne khadi hai। ab baap se apni bhakti ka phal lo, ham aapko raay de rahe hain। aate bahut hain। shakla manushya jaisi hai parantu seerat bandar jaisi hai।

tum samjhaao ki ham shreemat par chalte hain - is yagya mein vighna padenge। vish ke kaaran ablaaon par atyaachaar hote hain। brahmaakumaariyon ki ninda iseelie hoti hai kyonki vish (vikaar) chhudaati hain। is par maaraamaari hoti hai। baap ne kaha hai kaam mahaashatru hai। is samay sab dharma bhrashta, karma bhrashta hain, sab narkavaasi hain। baap aakar svarga vaasi banaate hain। ab purushaartha kar baap se varsa lena hai। parampita paramatma padha rahe hain। brahma dvaara bhakti ka phal de rahe hain। aisa nishchay ho jaae to phauran bhaagen। parantu virla koi bhaagta hai। tumko chitra bahut achhe banaane chaahiye। inke saath trimoorti, jhaad ka bhi connection hai। kai bachche bahut achhi service karte hain, doosre phir disservice bhi karte hain। baap jaante hain yeh sab kuchh hona hi hai। naukar chaakar aadi sab chaahiye। agar brahman banna hai to shreemat par chalo। kisko duhkh mat do। baap ka parichay sabko dete raho। baap kehte hain main kalpa-kalpa ke sangamayug par bhaarat mein hi aata hoon। sarva ki sadgati karta hoon। mere paas to sabko aana pade। tum jaante ho sabka liberator aur guide yahaan bhaarat mein hi janma lete hain। baap ko naam roop se nyaara aur sarvavyaapi kah diya hai। bhaaratvaasiyon ne hi glaani kar di hai। unka hi beda garka hota hai। dharma bhrashta, karma bhrashta ho apne ko hindu kahla rahe hain। baap sammukh kehte hain - tumne kitni dharma glaani ki hai। meri bhi glaani ki hai। tum hi pavitra devi devta the। ab apvitra ban pade ho। yahi devi-devta bhaarat ke maalik the aur bhaarat svarga tha। yeh to sab kehte hain abhi kaliyug hai phir zaroor chakra repeat hona hai। baap kehte hain main kalpa-kalpa duniya ko naya banaata hoon। tum lakshmi-naaraayan ke mandir mein jaakar trustee se mil sakte ho। aajkal maataaon ka maan kam hai kyonki bheekh maangane vaali bahut nikli hain। tum raakhi baandhane jaati ho to woh samjhenge - bheekh maangane aai hain। kah denge phursat nahin hai, bhagaane ki koshish karenge। saphed vastradhaari bhi bahut nikle hain isliye baba samjhaate hain - bahuroopi bano, tiptop hokar jaao। motor mein chadhkar jaao। yukti se baat karo। hamne suna hai aapne lakshmi-naaraayan ka mandir banaaya hai, ham aapka darshan karne aaye hain। bhala aapko maaloom hai - yahi svarga ke mahaaraaja mahaaraani the। hamko mandir bahut achha laga tab hamaari dil hui banaane vaale ka darshan karen। aap zaroor unki jeevan kahaani jaante honge, hamko bhi thoda parichay do। aise poochhkar phir unhein yathaartha baat sunaani chaahiye। sannyaasiyon aadi ko bhi tumse hi mukti ka raasta milna hai, unhein bhi samjhaao। tumhaare bigar to unhon ka bhi kalyaan hona nahin hai। to itna gyaan ka nasha hona chaahiye। service par hoga to nasha bhi rahega। aise nahin thodi baat mein avastha dagmag ho jaae। gaaya jaata hai - stuti-ninda mein samaan rehna chaahiye। lakshmi-naaraayan ko baba kitna yaad karte hain। kyon nahin yaad karenge? ban rahe hain na। manushya bahut bade-bade mandir banaate hain, lakshmi-naaraayan ka chitra aisa ho jo dekh khush ho jaaen। saara din khyaalaat chalna chaahiye - kaise jaakar service karen? jaanchakar bhaashan karna chaahiye। lakshmi-naaraayan ki mahima karni chaahiye। aisi jagah jaana chaahiye jo badon-badon se aavaaj nikle to achha hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan ke nashe mein rehna hai। ninda-stuti mein samaan sthiti rakhni hai। avastha dagmag nahin karni hai।

2) sabko baap ka parichay de lakshmi-naaraayan ki sachchi jeevan kahaani sunaani hai। kalyaankaari ban sarva ka kalyaan kar shreemat par badhte rehna hai।

vardaan:- ‘main'shabd ki smriti dvaara apne original swaroop mein sthit hone vaale deh ke bandhan se mukta bhav

ek ‘main' shabd hi udaane vaala hai aur ‘main' shabd hi neeche le aane vaala hai। main kahne se original niraakaar swaroop yaad aa jaaye, yeh natural ho jaae, deh bhaan ka main samaapta ho jaae to deh ke bandhan se mukta ban jaayenge kyonki yeh main shabd hi deh-ahankaar mein laakar karma-bandhan mein baandh deta hai। lekin main niraakaari aatma hoon, jab yeh smriti aati hai to dehbhaan se pare ho, karma ke sambandh mein aayenge, bandhan mein nahin।

slogan:- nishchit vijay aur nishchint sthiti ka anubhav karne ke liye sampoorn nishchaybuddhi bano।