Daily Murli for Wednesday 23 November 2022

23-11-2022 praatahmurli om shanti "baapdaada"' madhuban

“meethe bachche - baap samaan khudaai khidmatgaar ban aasuri society ko daivi society banaane ki seva karo, service ka shauk rakho''

prashn:- kai bachche puraani duniya ko bhulaate bhi nahin bhool paate hain, uska kaaran kya hai?

uttar:- unka karmabandhan bahut kada hai। agar nai duniya mein buddhiyog nahin lagta hai। buddhi baar-baar puraani duniya taraph bhaagti rehti hai, to kaha jaata hai inki takdeer mein nahin hai arthaat karma hi inke khote hain।

prashn:- kaun sa svaad aa jaae to tum service ke bigar rah nahin sakte?

uttar:- merciful banne ka svaad। jise gyaan ka svaad aaya hai, vahi merciful banna jaante hain। merciful bachche service ke bigar rah nahin sakte।

geet:- tu pyaar ka saagar hai…

om shanti। yeh jo akshar sune tu pyaar ka saagar hai। tum bachche jaante ho ki yeh baap sabse pyaara hai। baap ko jab yaad karte ho to varsa yaad aa jaata hai। jisko baap yaad aayega, nishchay ho jaayega to zaroor khushi hogi। yoon to shiv ke mandir mein bhi jaate hain to shivling ko shivbaaba hi kehte hain। parantu unhon ko itni khushi kyon nahin hoti hai? woh to shivling par doodh, phal, phool aadi chadhaate hain। tumko to doodh aadi chadhaane ki darkaar hi nahin। niraakaar bhagwan, woh to pita hua na। bhakton ka bhagwan woh rachayita bhi hai। unhonne is manushya srishti ko racha hai। yeh bhi gaaya jaata hai। unki bhakti karte hue bhi jitna tum bachchon ko khushi ka paara chadhta hai utna aur koi ko nahin chadhta। bhagwan ka naam sunne se hi tumhaare romaanch khade ho jaate hain। buddhi mein aata hai ki baap se hamko baap ke ghar ka bhi varsa milta hai aur baap ki milkiyat ka bhi varsa milta hai। bachcha to baap ke ghar mein hi janma leta hai, ismen koi adli-badli nahin ho sakti। jaaydaad ka kaarkhaana, jameenen aadi baahar mein idhar udhar rehti hain। bhal ghar bhi jaaydaad hai parantu property ki phirti-ghirti (adli-badli) hoti hai। ghar ko achal sampatti kaha jaata hai। property ko chal sampatti kaha jaata hai। tum bachche jaante ho ki ham baap ke ghar ke maalik bante hain, jo kabhi badal-sadal nahin ho sakta। sweet hom ki badal sadal nahin hogi। baaki raajaai to kitna badal-sadal hoti hai। woh chal hai, woh achal hai। muktidhaam achal hai। yahaan to adli-badli hoti hai। sooryavanshi se chandravanshi, vaishyavanshi mein aate hain। mukti aur jeevanmukti। tum bachche baap ki property ke maalik bante ho। jaante ho baap ki jo achal sampatti hai unke to sab maalik bante hain। baaki jo chal sampatti hai woh bachchon ko nambarvaar milti hai। tumko sabse jaasti achhi property milti hai। svarga mein tum raajya karte ho। chaar yug jo hain usmein to bhaaratvaasi brahman kul hi mukhya hai। jo devi-devta dharma vaale hain, sab to saara chakra lagaate nahin। to is dharma vaala koi aur dharma mein convert ho gaya to nikal aayega। Christian dharma mein, buddha dharma mein bahut convert ho gaye hain woh sab nikal aayenge। aise bahut convert ho gaye hain। dekhne mein aata hai, koi samay aisa bhi aayega। yeh jo knowledge hai use koi bhi samajh sakte hain। is srishti chakra ko jaanna to common baat hai। bhal kitna bhi dullhead ho to bhi buddhi mein to yeh aata hai na। aise nahin ki srishti chakra ko jaanne se sarvagun sampanna ban jaate hain। nahin, yeh to padhaai hai। woh hai had ki padhaai, yeh hai behad ki padhaai। sirf tum jaante ho tumhaari buddhi mein yeh rehta hai ki yeh chakra kaise phirta hai aur dharma to baad mein aate hain। yeh knowledge bahut sahaj hai। koi to mushkil samajhte hain, parantu phir itna yogi banna hai। sab unko yaad karte hain। srishti chakra ko to jaana hai parantu woh avastha bhi to chaahiye na। sarvagun sampanna banne mein achhi hi mehnat lagti hai। koi na koi vighna nikal padte hain। khud bhi kehte hain ki mere mein meetha bolne ka gun nahin hai। purushaartha karna padta hai। em object to seedhi hai। baba ne kal raat ko bhi samjhaaya ki yeh tum likh sakte ho ki ham 5 hajaar varsha pahle muaaphik phir se yeh raajayog seekh rahe hain। kahaan bhi pradarshani va projector dikhaaya jaae to yeh wonderful baat zaroor likhni chaahiye ki 5 hajaar varsha pahle muaaphik phir se tumko ham is pradarshani ke dvaara raajayog seekhne ke liye yukti batlaate hain।

baap kehte hain ki 5 hajaar varsha pahle muaaphik shreemat dvaara yeh purushaartha kar rahe ho। woh to kehte hain ki kalpa ki aayu hi laakhon varsha ki hai। kaliyug to abhi bachcha hai। tum kehte ho ham 5 hajaar varsha pahle muaaphik daivi svaraajya pad paane ke liye purushaartha kar rahe hain। to manushya wonder khaayenge ki yeh kya likhte hain? agar kahen ki satayug ko laakhon varsha hue hain to poochho devtaaon ki itni jansankhya (aadamshumaari) kahaan hai! hinduon ki aadamshumaari kam nikalti hai। hindu aur-aur dharmo mein convert ho gaye hain। hindu hi kitne musalmaan bane honge। unko shekh kehte hain। aise bhi bahut hain। koi to apne ko aadi sanaatan devi-devta dharma ka maante bhi nahin hain। aadi sanaatan hindu dharma kah dete hain। parantu hindu dharma to aadi sanaatan tha nahin। tum akhbaar mein bhi daal sakte ho, magazine ki to baat nahin। akhbaaren to laakhon ki andaaj mein chhapti hain। haan woh paise to bahut lete hain। samjhaane se woh daal sakte hain। chakra bhi daal sakte hain। baba ne jo prashn likha tha ki geeta ka bhagwan shreekrishna va shiv? woh bhi akhbaar mein daal sakte hain। kabhi kharche par daalte hain, kabhi loan par bhi dete hain। badi achhi akhbaar mein daalo, parantu hamesha pade tab manushyon ki okh khule। ek baar daala koi ne padha, koi ne nahin bhi padha। roz daalne se manushyon ki okh khulegi। phir aakar gyaan samjhenge। purushaartha karne mein bhi kitni mehnat lagti hai। bahut maaya ke toofaan aate hain। mehnat to hai na। akhbaar mein daalna, pradarshani karna। pradarshani to ek gaanv mein hogi। akhbaar to chaaron hi or jaati hai। saara hi din khyaalaat chalte rehte hain। varnan karna padta hai ki kya kiya jaae? kaise service ko aage badhaaya jaae? tum ho sachche-sachche khudaai khidmatgaar bachche। society ki service karna, yeh khidmat hai na। tum bachche jaante ho ki woh sab aasuri society hain, ab unko daivi society banaana hai। saari duniya ki society ko svarga mein pahunchaana hai। saari duniya ka beda garka hai। duniya pahle svarga thi। ab narka ban gai hai। yeh chakra kaise phirta rehta hai। drama hai na। jab svarga hai tab narka nahin। kahaan gaya? neeche। drama ko phir phirna hai। yeh chaitanya drama hai। second by second jo act karte hain, yeh tumhaari buddhi mein hai aur to kuchh bhi nahin samajh sakte। drama ko samajh jaaen to phir yeh baaten thahar na saken ki yeh kalpa laakhon varsha ka hai। svaastika bhi bilkul theek nikaala hua hai। svaastika ki pooja bhi karte hain। parantu unko yeh pata nahin hai ki kya cheez hai। arth kuchh nahin। to yeh chakra samjhaana padta hai। tumhaari buddhi mein yeh chakra phirta rehta hai। tum kehte ho ki ham manushya se devta, nar se naaraayan ban rahe hain। yeh raajayog hai। trimoorti ka chitra to saara din buddhi mein rehta hai। brahma dvaara vishnupuri ki raajaai milti hai। shankar dvaara yeh aasuri srishti khalaas hoti hai। bas buddhi mein yahi khyaalaat chalte rahen। bahut khushi mein rehna hota hai। baba locket bhi banva rahe hain, jisse tum bahut sahaj reeti samjha sakte ho। bags mein bhi yeh chitra lagva sakte ho। trimoorti aur chakra। bhal lakshmi-naaraayan ke chitra mein aur sab hain। shreekrishna ka bhi hai, sirf chakra mein nahin hai। ek chitra mein sab cheezen kahaan tak daal sakte hain isliye woh phir samjhaaya jaata hai। baba ki buddhi saara din chalti rehti hai ki lakshmi-naaraayan ka mandir bahut achha banaate hain। shreekrishna ke mandir bhi bahut achhe bane hue hain। parantu yeh kisko pata nahin ki yeh lakshmi-naaraayan va raadhe-krishna kaun hain? tumko ab kitni knowledge mili hai। kitni khushi honi chaahiye। kahaan bhi jaakar tum service kar sakte ho। shreenaath dvaare par bhi jaakar samjha sakte ho। trustee logon ko samjhaao। casket par koi bhi bade aadmi ko samjhaane se bahut khushi hogi। samjhenge ki yeh to jaise bhagwan svayan roop dhaaran kar samjha rahe hain। koi-koi bachchon mein service ka bahut shauk hai। parantu badon-badon ke paas jaate nahin hain। kahaan bhi jaakar tum mulaakaat kar sakte ho। kharche ki baat nahin hai। pahle to woh samjhenge ki yeh kuchh shaayad lene ke liye aaye hain। service ke liye anek prakaar ki yuktiyaan rachni chaahiye। nahin to time vesta jaata hai। har ek ko apni dil se poochhna chaahiye। bahut merciful ban bahuton ka kalyaan karna hai। gyaan ka svaad nahin to rahamdili ka svaad nahin aata। nahin to tum bachche bahut achhi service kar sakte ho। baba to service ki yuktiyaan bahut batlaate hain। suna bas bhaage। agar phursat hui। service ka bahut shauk hona chaahiye tab to oonch pad pa sakenge। is trimoorti, chakra par bahut achhi service kar sakte ho। foreigners bhi koi aaye to unko samjhaao। kitni achhi knowledge hai। yeh to world ki history-geography ki knowledge hai। sannyaasi log baahar jaate hain bhaarat ke praacheen raajayog ki knowledge dene, parantu woh de nahin sakte। tumhaare paas fact figures sab hain parantu samjhaane ki himmat chaahiye। projector par bhi tum sab chitra dikhaae knowledge do to hai bahut achha। vilaayat mein bhi projector par bahut achhi knowledge de sakte ho। woh sunkar bahut khush honge। Christ abhi kahaan hai phir kab aayega? unko pata pad jaayega। drama ke chakra ka gyaan to mil jaayega na। saath mein projector hai to us par bahut achhi service kar sakte hain। ismen koi mana nahin kar sakte। koi ko bhi samjha sakte ho, slides sab le jaao। angreji mein ho to achha hai। mehnat bhi karni hai। sabka buddhiyog shivbaaba se lag jaaye to jaldi-jaldi sthaapna ho jaae। baap bhi drama plan anusaar samjhaate rehte hain। mat dete rehte hain। cheez lene vaala bhi bada samjhu, sayaana, aklamand chaahiye। slides mein akshar bahut clear chaahiye, jo manushya padh saken, hindi english donon hon। urdu, madraasi bhi banaane pade। phir projector par kahaan bhi samjhaana sahaj ho jaayega। aap samaan banaane ki service karni hai tab achha pad paane ki ummeend ho sakti hai। nahin to kya pad milega। manushya bichaare bahut duhkhi hain। baap ka parichay dene se khushi hoti hai na। kai bachchon ne baba ko kabhi dekha bhi nahin hai phir bhi patron mein likhte hain baba ham aapse varsa zaroor lenge। kitni baandheliyaan hain। woh bhi tab chhoot sakti hain jab tumhaara naam nikle, prabhaav nikle। apni hamjinsa ko jel se chhudaana hai। service nahin to kya pad paayenge। ant mein sab saakshaatkaar honge। phir apne kiye hue kartoot sab yaad aayenge। baap saakshaatkaar karaate rahenge। baap ka bankar phir kya-kya disservice ki, phir pachhtaana hota hai isliye baap samjhaate rehte hain ki service par achhi reeti lagna hai। baba ko achhi-achhi bachchiyaan chaahiye - service karne vaali। vichaar karna chaahiye ki baba ki service mein kya madad karen jo hamaare svaraajya ki jaldi sthaapna ho jaae। service ka shauk hona chaahiye। serviceable bachchon ko pattharbuddhi se paarasbuddhi banaane mein kitna maatha maarna padta hai। kam baat nahin hai phir bachchon ko kitni khushi honi chaahiye ki ham svarga ka varsa baba se le rahe hain। parantu hai gupta। karmabandhan ka bhi hisaab-kitaab kitna kada hai, jo puraani duniya ko bhoolte nahin। dhoolchhaani mein jaakar buddhiyog latakta hai। nai duniya mein lagta nahin, isko kaha jaata hai karma khote। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aap samaan banaane ki seva karni hai। koi aisi kartoot nahin karni hai, jiski saza khaani pade। bahut-bahut meetha banne ka purushaartha karna hai।

2) baap humein chal aur achal (mukti aur jeevanmukti) property ka maalik banaate hain - isi khushi aur nashe mein rehna hai।

vardaan:- vaani ke saath vritti dvaara roohaani vibration phailaane ki seva karne vaale double sevaadhaari bhav

jaise vaani dvaara seva karte ho aise vaani ke saath vritti dvaara seva karo to fast seva hogi kyonki bol to samay par bhool jaate hain lekin vibration ke roop mein man aur buddhi par chhaap lag jaati hai। to yeh seva karne ke liye vritti mein kisi ke liye bhi vyartha vibrations na hon। vyartha vibration roohaani vibration ke aage ek deevaar ban jaati hai, isliye man-buddhi ko vyartha vibration se mukta rakho - tab double seva kar sakenge।

slogan:- phariyaad karne ke bajaae yaad mein raho to sarva adhikaar mil jaayenge।