Daily Murli for Friday 13 January 2023

13-01-2023 praatahmurli om shanti "baapdaada"' madhuban

“meethe bachche - yahaan tumhein sukh-duhkh, maan-apmaan… sab sahan karna hai, puraani duniya ke sukhon se buddhi hata deni hai, apni mat par nahin chalna hai''

prashn:- devtaai janma se bhi yeh janma bahut achha hai, kaise?

uttar:- is janma mein tum bachche shivbaaba ke bhandaare se khaate ho। yahaan tum athaah kamaai karte ho, tumne baap ki sharan li hai। is janma mein hi tum apna lok-parlok suhela (sukhi) karte ho। sudaama misal do mutthi de 21 janma ki baadshaahi lete ho।

geet:- chaahe paas ho chaahe door ho...

om shanti। geet ka kitna achha arth hai। baap baith bachchon ko samjhaate hain - chaahe ham is tan se najdeek hain va door hain kyonki sammukh yog ki shiksha de rahe hain। prerna se to nahin denge na। chaahe main najdeek hoon, chaahe door hoon - yaad to mujhe hi karna hai। bhagwan ke paas jaane ke liye hi to bhakti karte hain। baap baith samjhaate hain ki he jeev ki aatmaayen, is shareer mein nivaas karne vaali aatmaayen, aatmaon se parampita paramatma baith baat karte hain। paramatma ko aatmaon se milna hai zaroor, isliye jeev aatmaayen bhagwan ko yaad karti hain kyonki duhkhi hain। satayug mein to koi yaad nahin karte। abhi tum bachche jaante ho ham bahut puraane bhakta hain। jabse hamko maaya ne pakda hai, tab se bhagwan ki, shiv ki yaad shuru hui hai kyonki shivbaaba ne hamko svarga ka maalik banaaya tha, to unka yaadgaar banaakar bhakti karte hain। ab tum jaante ho baap sammukh aaye hain lene ke liye, kyonki ab baap ke paas jaana hai। jab tak yahaan hain tab tak puraane shareer ko, puraani duniya ko buddhi se bhoolna hai aur yog mein rehna hai। to is yog agni se paap bhasma honge। ismen mehnat lagti hai। pad bhi to jabardasta hai। vishwa ka maalik banna hai। manushya kehte hain ki vishwa ka maalik to shivbaaba hai। parantu nahin, vishwa ka maalik manushya hi bante hain। baap baith bachchon ko vishwa ka maalik banaate hain। kehte hain tum hi vishwa ke maalik the, phir 84 janma lete-lete ab kaudi ke bhi maalik nahin rahe ho। pahla number janma aur abhi ka antim janma dekho kitna raat din ka farka hai। koi ko bhi yaad nahin aa sakta, jab tak baap aakar saakshaatkaar na karaaye। gyaan buddhi se bhi saakshaatkaar hota hai। jo sayaane bachche hain, nitya baap ko yaad karte hain, unhon ko bahut maja aayega। yahaan tum sab nai baaten sunte ho। manushya to kuchh nahin jaante hain। woh to gapode lagaate rehte aur dar-dar dhakke khaate rehte hain। tumko to bhatakne se chhudaaya jaata hai। baap kehte hain tum aatma ho, mujh baap ko yaad karte raho। buddhi mein yahi vichaar rahe ki ham aatmaon ko baba ke paas jaana hai, yeh srishti jaise hamaare liye hai nahin। yeh puraani srishti to khatma ho jaayegi। phir ham svarga mein aakar naye mahal banaayenge। din-raat buddhi mein yeh chalna chaahiye। baap apna anubhav sunaate hain। raat ko sota hoon, to yahi khyaalaat chalte hain। yeh naatak ab poora hota hai, yeh puraana chola chhodna hai। haan vikarmon ka bojha bahut hai, isliye nirantar baba ko yaad karna hai। apni avastha ko darpan mein dekhna hai - hamaari buddhi sabse hati hui hai? dhandhe aadi mein rehte hue bhi buddhi se kaam le sakte ho। baba ke oopar kitna ona hai। kitne dher bachche hain। unhon ka khyaal rakhna padta hai। bachchon ko panaah (sharan) deni hai। duhkhi to bahut hain na! hangaamen mein kitne duhkhi ho marte hain। yeh samay bahut kharaab hai। to bachchon ko sharan dene ke liye yeh makaan ban rahe hain। yahaan to sab apne bachche hi rehte hain। koi dar nahin aur phir yogbal bhi rehta hai। bachchon ne saakshaatkaar bhi kiya hai, jo baap ko achhi reeti yaad karte hain to baap unhon ki raksha bhi karta hai। dushman ko bhayankar roop dikhaakar bhaga dete hain। tumko jab tak shareer hai, tab tak yog mein rehna hai। nahin to sajaayen khaani padengi। bade aadmi ka bachcha saja khaata hai to unka kaandh neeche ho jaata hai। tumko bhi kaandh neeche karna padega। bachchon ke liye to aur kadi sajaayen hain। koi aise bhi hain jo kehte abhi to maaya ka sukh le leven, jo hoga so dekha jaayega। bahuton ko is puraani duniya ke sukh meethe lagte hain। yahaan to sukh-duhkh, maan-apmaan... sab sahan karna padta hai। oonch praapti agar chaahte ho to follow karna chaahiye, maa baap ke pharmaan par chalna chaahiye। apni mat maana raavan ki mat। so to takdeer ko lakeer lagaane ki hi niklegi। baap se poochhenge to baba jhat kahenge - yeh aasuri mat hai। shreemat nahin hai। kadam-kadam par shreemat chaahiye। dekhna hai kahaan ulta kaam kar baap ki ninda to nahin karaate? devi-devta tab banenge jab aise lakshan honge। aise nahin vahaan automatically lakshan aa jaayenge। yahaan bahut meethi chalan chaahiye। agar samjho shivbaaba ne nahin, brahma baba ne kaha to bhi responsible yeh rahega na! agar kuchh nuksaan bhi hua to harja nahin। yeh drama mein tha to tumhaare par koi dosh nahin। avastha bahut achhi chaahiye। bhal tum yahaan baithe ho, buddhi mein yahi rahe ki ham brahmaanda ke maalik vahaan ke rahne vaale hain। is reeti ghar mein rehte, dhandha karte, upraam hote jaayenge। jaise sannyaasi grihastha se upraam ho jaate hain। tum to saari puraani duniya se upraam hote ho। us hathayog sannyaas aur is sannyaas mein raat din ka farka hai। yeh raajayog baap sikhlaate hain। sannyaasi sikhla na saken kyonki mukti-jeevanmukti daata hai hi ek। sabhi ki mukti ab honi hai kyonki sab vaapis jaane hain। saadhu log saadhna karte hain ki ham vaapis jaayen। yahaan duhkhi hain। koi phir kehte hain ham jyoti-jyot mein samaayen। anek mat hain।

baba ne samjhaaya hai ki koi-koi bachche hain jinhon ko puraane sambandhi bhi yaad aate hain। us duniya ke sukhon ki aash hui aur yeh mara। phir uska pair yahaan thahar na sake। maaya bahut laalach deti hai। ek kahaavat hai “bhagwan ko yaad karo nahin to baaj aa jaayega'' yeh maaya bhi baaj misal vaar karti hai। ab jabki baap aaye hain to abhi bhi purushaartha kar oonch pad nahin paaya to kalpa-kalpaantar bhi nahin paayenge। yahaan baap ke paas to tumko koi duhkh nahin hai, to puraani duhkh ki duniya ko bhoolna chaahiye na। saare din ka potaamel dekhna chaahiye। kitna samay baap ko yaad kiya? kisko jeeydaan diya? baap ne tumko bhi jeeydaan diya hai na। satayug treta tak tum amar rehte ho। yahaan koi marta hai to kitna rote peette hain। svarga mein duhkh ka naam nahin। samjhenge puraani khaal chhod nai lete hain। yeh misaal bhi tumse lagta hai aur koi yeh misaal de nahin sakte। woh thode hi puraani khaal ko bhoolte hain। woh to paise ikatthe karte rehte। yahaan tum jo baap ko dete ho to baap khud thode hi khaate va apne paas rakhte hain। unse bachchon ki hi paravrish karte hain isliye yeh sachcha-sachcha shivbaaba ka bhandaara hai, is bhandaare se khaane vaale yahaan bhi sukhi to janma-janmaantar sukhi rehte hain।

tumhaara yeh janma bahut durlabh hai। devtaai janma se bhi tum yahaan sukhi ho kyonki baap ki sharan mein ho। yahaan se hi tum athaah kamaai karte ho jo phir janma-janmaantar bhogenge। sudaamen ko bhi do mutthi ke badle 21 janmon ke liye mahal mil gaye। yeh lok bhi suhaila (sukhi) to parlok bhi suhaila, janma-janmaantar ke liye isliye yeh janma bahut achha hai। koi kehte jaldi vinaash ho to ham svarga mein chalen। parantu abhi to bahut khajaana baap se lena hai। abhi raajdhaani kahaan bani hai। phir jaldi vinaash kaise karaayenge! bachche abhi laayak kahaan bane hain! abhi to baap padhaane ke liye aate rehte hain। baba ki service to aparmaapaar hai। baap ki mahima bhi aparmaapaar hai। jitna oonch hoon, service bhi utni oonch karta hoon, tab to meri yaadgaar hai। oonch te oonch baba ki gaddi hai jo jitna purushaartha karte hain, woh apna bhaagya banaate hain। yeh hai avinaashi gyaan ratnon ki kamaai, jo vahaan athaah dhan ban jaata hai। to bachchon ko purushaartha bahut achha karna hai। baap ko yahaan bhi yaad karo to vahaan bhi yaad karo। seedhi to hai na। dil darpan mein dekhna hai main kitna baap ka sapoot bachcha hoon। andhon ko raasta bataata hoon। apne se baaten karne mein khushi hoti hai। jaise baba anubhav bataate hain - sota hoon to bhi baaten karta hoon। baba aapki to kamaal hai। bhakti maarga mein phir ham aapko bhool hi jaayenge। itna varsa aapse paate hain phir satayug mein yeh bhool jaayenge। phir bhakti maarga mein aapka yaadgaar banaayenge। parantu aapka occupation bilkul bhool jaate hain। jaise buddhu, agyaani ban jaate hain। ab baap ne kitna gyaani banaaya hai। raat din ka farka hai। eeshvar sarvavyaapi hai, yeh koi gyaan thode hi hai। gyaan to srishti chakra ka chaahiye। ab ham 84 ka chakra poora kar vaapis jaate hain phir hamko jeevan-mukti mein aana hai। drama se baahar thode hi nikal sakte hain। ham hain hi jeevanmukti ke raahi। achha !

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

raatri class - 16-12-68

kisko baba bachchi kehte hain, kisko maaiyaan kehte hain; zaroor kuchh farka hoga। koi ki service se khushbu aati hai, koi to jaise ak ke phool hain। yeh to baap ne samjhaaya hai tum jaise hamaare saath aaye ho। oopar se baap bhi aaye hain vishwa ko paavan banaane। tumhaara bhi yeh kartavya hai। vahaan se jo pahle aate hain woh hai pavitra। naye aate woh zaroor khushbu dete honge। bageeche se bhi bhent karte hain। jaisi service vaisa khushboodaar phool। vivek kehta hai shiv baba ka bachcha kahlaaya aur hakdaar bana। to woh khushbu aani chaahiye। hakdaar hai tab to sabhi ko namaste karte hain। tum vishwa ke maalik beshak rehte ho, parantu padhaai mein pharka to bahut rehta hai। yeh hona bhi hai zaroor। bachchon ko nishchay ho jaata hai yeh baba hai, aur chakra bhi buddhi mein hai। to baap kehte hain aur jaasti kyon bataayen। baap bigar svadarshan chakradhaari koi bana na sake। bante hain ishaare se। jo kalpa pahle bane hain vahi bante hain। dher ke dher bachche aate hain। pavitrata ke oopar kitne atyaachaar hote hain! jis dvaara baap geeta sunaate hain unko kitni gaaliyaan dete hain। shivbaaba ko bhi gaali dete hain। kachchha, machchha avtaar kehna bhi to gaali hai na! na jaanne ke kaaran baap par, tumhaare par kitne kalank lagaate hain! bachche kitna maatha maarte hain। padhaai se koi to bahut saahookaar ho jaate hain, kitna kamaate hain! ek-ek operation ke do hazaar, 4 hazaar mil jaate hain। koi to kutumba ki paalna bhi nahin kar sakte। phikra hai na। koi janma-janmaantar baadshaahi lete hain। koi janma-janmaantar ke liye gareeb bante hain। baap kehte hain tumko samajhdaar banaate hain। abhi tum sabhi baat mein kahenge drama hai। sabhi ka part hai। jo past hua so drama। hota vahi hai jo drama mein hai। drama anusaar jo kuchh hota hai theek hai। tum kitna bhi samjhaao, samajhte hi nahin hain, ismen manners bhi achhe chaahiye। harek apne andar mein dekhe koi khaami to nahin hai? maaya bahut kadi hai। unko kaise bhi nikaalna hai। sabhi khaamiyaan nikaalni hai। baap kehte hain baandheliyaan sabhi se jaasti yaad mein rehti hain। vahi achha pad paati hain। jitna jaasti maar khaati hain utna jaasti yaad mein rehti hain। haay shivbaaba niklega। gyaan se shivbaaba ko yaad karte hain। unhon ka chart achha rehta hai। aise jo maar khaakar aate hain woh service mein bhi achhe lag jaate hain। apna jeevan oonch banaane liye achhi service karte hain। service na karen to dil khaati hai। dil tapakti hai ham jaaven service par। bhal samajhte hain centre chhodkar jaana padta hai, parantu pradarshani mein service bahut hai to centre ki bhi parvaah na kar yeh bhaagna chaahiye। jitna ham daan karenge utna bal bhi bharta rahega। daan bhi zaroor karna hai na। yeh hain avinaashi gyaan ratna, jinke paas honge vahi daan karenge। bachchon ko ab saari srishti ke aadi, madhya, ant ka gyaan yaad aa jaana chaahiye। saara chakra phirna chaahiye। baap bhi is srishti ke aadi, madhya, ant ko jaanne vaala hai। zaroor gyaan ka saagar hai। srishti ke chakra ko jaanne vaala hai। yeh duniya ke liye bilkul naya gyaan hai, jo kab puraana banta hi nahin hai। wonderful knowledge hai na jo baap hi bataate hain। koi kitna bhi saadhu-mahaatma ho seedhi chadhkar oopar to jaata hi nahin। sivaay baap ke manushya gati-sadgati de na sake। na manushya, na devta de sakte hain। sirpha ek baap hi de sakte hain। din-pratidin vriddhi honi hi hai। baba ne kaha tha prabhaat-pheri mein yeh lakshmi-naaraayan ka chitra, seedhi translight ka bhi hona chaahiye। bijli ki aisi koi cheez ho jisse chamak aati rahe। slogan bhi bolte jaao। raajayog parampita paramatma hi sikha rahe hain bhaageerath dvaara। aur koi bhi yeh raajayog sikhla nahin sakte, aisa-aisa aavaaz bahut sunenge। achha! meethe-meethe bachchon ko goodnight।

dhaarna ke liye mukhya saar:-

1) yeh naatak ab poora ho raha hai isliye is puraani duniya se upraam rehna hai। shreemat par apni takdeer oonch banaani hai। kabhi koi ulta karma nahin karna hai।

2) avinaashi gyaan ratnon ki kamaai karni aur karaani hai। ek baap ki yaad mein rah sapoot bachcha ban anekon ko raasta bataana hai।

vardaan:- tyaag aur tapasya ke vaataavran dvaara vighna-vinaashak banne vaale sachche sevaadhaari bhav

jaise baap ka sabse bade se bada title hai world servant। vaise bachche bhi world servant arthaat sevaadhaari hain। sevaadhaari arthaat tyaagi aur tapasvi। jahaan tyaag aur tapasya hai vahaan bhaagya to unke aage daasi ke samaan aata hi hai। sevaadhaari dene vaale hote hain, lene vaale nahin isliye sada nirvighna rehte hain। to sevaadhaari samajhkar tyaag aur tapasya ka vaataavran banaane se sada vighna-vinaashak rahenge।

slogan:- kisi bhi paristhiti ka saamna karne ka saadhan hai-sva sthiti ki shakti।