Daily Murli for Sunday 15 January 2023

15-01-23 praatahmurli om shanti ''avyakt-baapdaada'' revise 18-11-93 madhuban

sangamayug ke raajdulaare so bhavishya ke raajya adhikaari

aaj sarva bachchon ke dilaaraam baap apne chaaron or ke sarva raajdulaare bachchon ko dekh rahe hain। har ek bachcha dilaaraam ke dulaar ka paatra hai। yeh divya dulaar, parmaatma dulaar koton mein koi bhaagyavaan aatmaon ko hi praapta hota hai। anek janma aatmaon va mahaan aatmaon dvaara dulaar anubhav kiya। ab is ek alaukik janma mein parmaatma pyaar va dulaar anubhav kar rahe ho। is divya dulaar dvaara raaj dulaare ban gaye ho, isliye dilaaraam baap ko bhi alaukik fakhar hai ki mera har ek bachcha raaja bachcha hai। raaja ho na? praja to nahin? sabhi apna title kya bataate ho? raajayogi। sabhi raajayogi ho va koi prajaayogi bhi hai? sab raajayogi ho to praja kahaan se aayegi? raajya kis par karenge? praja to chaahiye na? to vo prajaayogi kab aayenge? raajdulaare arthaat ab ke bhi raaje aur bhavishya ke bhi raaje। double raajya hai। sirpha bhavishya ka raajya nahin। bhavishya se pahle ab svaraajya adhikaari bane ho। apne svaraajya ke raajya kaarobaar ko check karte ho? jaise bhavishya raajya ki mahima karte ho - ek raajya, ek dharma, sukh, shanti, sampatti sampanna raajya hai, aise he svaraajya adhikaari raaje, svaraajya ke raaj kaarobaar mein yeh sab baaten sada hain?

ek raajya hai arthaat sada mujh aatma ka raajya in sarva raajya kaarobaari karmendriyon par hai va beech-beech mein svaraajya ke bajaay par-raajya apna adhikaar to nahin karte? par-raajya hai - maaya ka raajya। par-raajya ki nishaani hai par-adheen ban jaayenge। svaraajya ki nishaani hai sada shreshtha adhikaari anubhav karenge। par-raajya, par-adheen va parvash banaata hai। jab bhi koi anya raaja kisi raajya par adhikaar praapta karta hai to pahle raaja ko hi kaidi banaata hai arthaat par-adheen banaata hai। to check karo ki ek raajya hai? ki beech-beech mein maaya ke raajya adhikaari, aap svaraajya adhikaari raajaaon ko va aapke koi bhi karmendriyon roopi raaj kaarobaari ko parvash to nahin bana dete hain? to ek raajya hai va do raajya hai? aap svaraajya adhikaari ka law aur order chalta hai va beech-beech mein maaya ka bhi order chalta hai?

saath-saath ek dharma, dharma arthaat dhaarna। to svaraajya ka dharma va dhaarna ek kaun-si hai? ‘pavitrata'। man, vachan, karma, sambandh, samparka sab prakaar ki pavitrata isko kaha jaata hai - ek dharma arthaat ek dhaarna। svapna maatra, sankalp maatra bhi apvitrata arthaat doosra dharma na ho kyonki jahaan pavitrata hai vahaan apvitrata arthaat vyartha va vikalpa ka naam-nishaan nahin hoga। aise samartha samraat bane ho? va dheeledhaale raaje ho? va kabhi dheele, kabhi samraat? kaun se raaje ho? agar abhi chhota-sa ek janma ka raajya nahin chala sakte to 21 janma ka raajya adhikaar kaise praapta karenge? sanskaar ab bhar rahe hain। abhi ke shreshtha sanskaar se bhavishya sansaar banega। to abhi se ek raajya, ek dharma ke sanskaar bhavishya sansaar ka foundation hain।

to check karo - sukh, shanti, sampatti arthaat sada had ki praaptiyon ke aadhaar par sukh hai va aatmik ateendriy sukh parmaatma sukhmay raajya hai? saadhan va salvation va prashansa ke aadhaar par sukh ki anubhooti hai va parmaatma aadhaar par ateendriy sukhmay raajya hai? isi prakaar se akhanda shanti - kisi bhi prakaar ki ashaanti ki paristhiti akhanda shanti ko khandit to nahin karti hai? ashaanti ka toophaan chaahe chhota ho, chaahe bada ho lekin svaraajya adhikaari ke liye toophaan anubhvi banaane ki udti kala ka tohpha ban jaaye, lift ki gift ban jaaye। isko kaha jaata hai akhanda shanti। to check karo akhanda shaantimay svaraajya hai?

aise hi sampatti arthaat svaraajya ki sampatti gyaan, gun aur shaktiyaan hain। in sarva sampattiyon se sampanna svaraajya adhikaari hain? sampannata ki nishaani hai - sampannata arthaat sada santushtata, apraapti ka naam-nishaan nahin। had ke ichchhaaon ki avidya isko kaha jaata hai sampattivaan। aur raaja ka arth hi hai daata। agar had ki ichchha va praapti ki utpatti hai to vo raaja ke bajaay mangata (maangane vaala) ban jaata hai, isliye apne svaraajya adhikaar ko achhi tarah se check karo ki mera svaraajya ek raajya, ek dharma, sukh-shanti sampanna bana hai? ki abhi tak ban rahe hain? agar raaja ban rahe hain to jab raajya adhikaari sthiti nahin hai to us samay kya ho? praja ban jaate ho va na raaja, na praja। beech mein ho? abhi beech mein nahin raho। yeh bhi nahin sochna ki ant mein ban jaayenge। agar bahutkaal ka raajya-bhaagya praapta karna hi hai to bahutkaal ke svaraajya ka phal hai bahutkaal ka raajya। full samay ke raajya adhikaar ka aadhaar vartamaan sadaakaal ka svaraajya hai। samjha? kabhi albele nahin rah jaana। ho jaayega, ho jaayega nahin karte rehna। baap-daada ko bahut meethi baaton se bahlaate hain। raaja ke bajaay bahut badhiya vakeel ban jaate hain। aisi-aisi law points sunaate hain jo baap bhi muskaraate rehte hain। vakeel achha ya raaja achha? bahut hoshiyaari se vakaalat karte hain isliye ab vakaalat karna chhod do, raaj dulaare bano। baap ka bachchon se sneh hai isliye sunte-dekhte bhi muskaraate rehte hain। abhi dharmaraaj se kaam nahin lete।

sneh sabhi ko chala raha hai। sneh ke kaaran hi pahunch gaye ho na। to sneh ke response mein baapdaada bhi padmaguna sneh ka return de rahe hain। desh-videsh ke sabhi bachche sneh ke vimaan dvaara madhuban mein pahunche ho। baapdaada saakaar roop mein aap sabko aur sneh swaroop mein sarva bachchon ko dekh rahe hain। achha!

sarva sneh mein samaaye hue sameep bachchon ko, sarva svaraajya adhikaari so vishwa raajya adhikaari shreshtha aatmaon ko, sarva praaptiyon sampanna shreshtha sampattivaan vishesh aatmaon ko, sada ek dharma, ek raajya sampanna svaraajya adhikaari baap samaan bhaagyavaan aatmaon ko bhaagyavidhaata baapdaada ka yaad-pyaar aur namaste।

daadiyon se mulaakaat:- sabhi kaarya achhe chal rahe hain na? achhe umang-utsaah se kaarya ho raha hai। karaavanhaar kara rahe hain aur nimitta ban karne vaale kar rahe hain। aise anubhav hota hai na? sarva ke sahayog ki anguli se har kaarya sahaj aur saphal hota hai। kaise ho raha hai ye jaadu lagta hai na। duniya vaale to dekhte aur sochte rah jaate hain। aur aap nimitta aatmaayen sada aage badhte jaayenge kyonki be]ipha baadshaah ho। duniya vaalon ko to har kadam mein chinta hai aur aap sabke har sankalp mein parmaatma chintan hai isliye be]ipha hain। be]ipha hain na? achha hai, avinaashi sambandh hai। achha, to sab theek chal raha hai aur chalna hi hai। nishchay hai aur nishchinta hain। kya hoga, kaise hoga yeh chinta nahin hai।

teachers ko koi chinta hai? centres kaise badhenge yeh chinta hai? seva kaise badhegi yeh chinta hai? nahin hai? be]ipha ho? chintan karna alag cheez hai, chinta karna alag cheez hai। seva badhaane ka chintan arthaat plan bhale banaao। lekin chinta se kabhi saphalta nahin hogi। chalaane vaala chala raha hai, karaane vaala kara raha hai isliye sab sahaj hona hi hai, sirpha nimitta ban sankalp, tan, man, dhan saphal karte chalo। jis samay jo kaarya hota hai vo kaarya hamaara kaarya hai। jab hamaara kaarya hai, mera kaarya hai to jahaan meraapan hota hai vahaan sab kuchh svatah hi lag jaata hai। to abhi brahman parivaar ka vishesh kaarya kaun-sa hai? teachers bataao। brahman parivaar ka abhi vishesh kaarya kaun sa hai, kismen saphal karenge? (gyaan sarovar mein) sarovar mein sab svaaha karenge। parivaar mein jo vishesh kaarya hota hai to sabka attention kahaan hota hai? usi vishesh kaarya ke taraph attention hota hai। brahman parivaar mein bade se bada kaarya vartamaan samay yahi hai na। har samay ka apna-apna hai, vartamaan samay desh-videsh sarva brahman parivaar ka sahayog is vishesh kaarya mein hai na ki apne-apne centre mein hai? jitna bada kaarya utna bada dil। aur jitna bada dil hota hai na utna svatah hi sampannata hoti hai। agar chhota dil hota hai to jo aana hota hai woh bhi ruk jaata hai, jo hona hota hai woh bhi ruk jaata hai aur bade dil se asambhav bhi sambhav ho jaata hai। madhuban ka gyaan sarovar hai va aapka hai? kiska hai? madhuban ka hai na? gujraat ka to nahin hai, madhuban ka hai? mahaaraashtra ka hai? videsh ka hai? sabhi ka hai। behad ki seva ka behad ka sthaan anek aatmaon ko behad ka varsa dilaane vaala hai। theek hai na। achha!

avyakt baapdaada ki personal mulaakaat

1) sva-parivartan ka vibration hi vishwa parivartan karaayega

sabhi apne ko khushanseeb aatmaayen anubhav karte ho? khushi ka bhaagya jo svapna mein bhi nahin tha vo praapta kar liya। to sabhi ki dil sada yeh geet gaati hai ki sabse khushanseeb hoon to main hoon। yeh hai man ka geet। mukh ka geet gaane ke liye mehnat karni padti hai। lekin man ka geet sab ga sakte hain। sabse bade se bada khazaana hai khushi ka khazaana kyonki khushi tab hoti hai jab praapti hoti hai। agar apraapti hogi to kitna bhi koi kisi ko khush rahne ke liye kahe, kitna bhi artificial khush rahne ki koshish kare lekin rah nahin sakte। to aap sada khush rehte ho ya kabhi-kabhi rehte ho? jab challenge karte ho ki ham bhagwan ke bachche hain, to jahaan bhagwan hai vahaan koi apraapti ho sakti hai? to khushi bhi sada hai kyonki sada sarva praapti swaroop hain। brahma baap ka kya geet tha? pa liya - jo tha paana। to yeh sirpha brahma baap ka geet hai ya aap sabka? kabhi-kabhi thodi duhkh ki lahar aa jaati hai? kab tak aayegi? abhi thoda samay bhi duhkh ki lahar nahin aaye। jab vishwa parivartan karne ke nimitta ho to apna ye parivartan nahin kar sakte ho? abhi bhi time chaahiye, fullstop lagaao। aisa shreshtha samay, shreshtha praaptiyaan, shreshtha sambandh saare kalpa mein nahin milega। to pahle sva-parivartan karo। yeh sva-parivartan ka vibration hi vishwa parivartan karaayega।

double videshi aatmaon ki visheshta hai faasta life। to parivartan mein faasta hain? faaren mein koi dheela-dhaala chalta hai to achha nahin lagta hai na। to isi visheshta ko parivartan mein laao। achha hai। aage badh rahe hain aur badhte hi rahenge। pahchaanne ki drishti achhi tez hai jo baap ko pahchaan liya। abhi purushaartha mein bhi teevra, seva mein bhi teevra aur manzil par sampoorn ban pahunchne mein bhi teevra। farsta number aana hai na? jaise brahma baap first hua na to brahma baap ke saathi ban first ke saath first mein aayenge। brahma baap se pyaar hai na। achha, maataayen kamaal karengi na। jo duniya asambhav samajhti hai vo aapne sahaj karke dikha diya। aisa kamaal kar rahi ho na। duniya vaale samajhte hain ki maataayen nirbal hain, kuchh nahin kar sakteen aap asambhav ko sambhav karke vishwa parivartan mein sabse aage badh rahi ho। paandav kya kar rahe ho? asambhav ko sambhav to kar rahe ho na। pavitrata ka jhanda lahraaya hai na। haath mein achhi tarah se jhanda pakda hai ya kabhi neeche ho jaata hai? sada pavitrata ke challenge ka jhanda lahraate raho।

2) roz amritvele combined swaroop ki smriti ka tilak lagaao

sada apne ko sahaj yogi anubhav karte ho? kitni bhi paristhitiyaan mushkil anubhav karaane vaali hon lekin mushkil ko bhi sahaj karne vaale sahajyogi hain, aise ho ya mushkil ke samay mushkil ka anubhav hota hai? sada sahaj hai? mushkil hone ka kaaran hai baap ka saath chhod dete ho। jab akele ban jaate ho to kamjor pad jaate ho aur kamjor ko to sahaj baat bhi mushkil lagti hai isliye baapdaada ne pahle bhi sunaaya hai ki sada combined roop mein raho। combined ko koi alag nahin kar sakta। jaise is samay aatma aur shareer combined hai aise baap aur aap combined raho। maataayen kya samajhti ho? combined ho ya kabhi alag, kabhi combined? aisa saath phir kabhi milna hai? phir kyon saath chhod deti ho? kaam hi kya diya hai? sirpha yeh yaad rakho ki ‘mera baba'। isse sahaj kaam kya hoga? mushkil hai? (63 janmon ka sanskaar hai) abhi to naya janma ho gaya na। naya janma, naye sanskaar। abhi puraane janma mein ho ya naye janma mein? ya aadha-aadha hai? to naye janma mein smriti ke sanskaar hain ya vismriti ke? phir naye ko chhodkar puraane mein kyon jaate ho? nai cheez achhi lagti hai ya puraani cheez achhi lagti hai? phir puraane mein kyon chale jaate ho? roz amritvele svayan ko brahman jeevan ke smriti ka tilak lagaao। jaise bhakta log tilak zaroor lagaate hain to aap smriti ka tilak lagaao। vaise bhi dekho maataayen jo tilak lagaati hai vo saath ka tilak lagaati hain। to sada smriti rakho ki ham combined hain to is saath ka tilak sada lagaao। agar yugal hoga to tilak lagaayenge, agar yugal nahin hoga to tilak nahin lagaayenge। yeh saath ka tilak hai। to roz smriti ka tilak lagaati ho ya bhool jaata hai? kabhi lagaana bhool jaata, kabhi mit jaata! jo suhaag hota hai, saath hota hai woh kabhi bhoolta nahin। to saathi ko sada saath rakho।

yeh group sundar guldasta hai। variety phoolon ka guldasta shobhneek lagta hai। to sabhi jo bhi, jahaan se bhi aaye hain, sabhi ek-do se pyaare hain। sabhi santushta ho na? sada saath hain aur sada santushta hain। bas, yahi ek shabd yaad rakhna ki combined hain aur sada hi combined rah saath jaayenge। lekin saath rahenge to saath chalenge। saath rehna hai, saath chalna hai। jisse pyaar hota hai usse alag ho nahin sakte। har second, har sankalp mein saath hai hi। achha!

vardaan:- balance ki visheshta ko dhaaran kar sarva ko blessing dene vaale shaktishaali, sevaadhaari bhav

abhi aap shaktishaali aatmaon ki seva hai sarva ko blessing dena। chaahe naynon se do, chaahe mastakamni dvaara do। jaise saakaar ko last karmaateet stage ke samay dekha-kaise balance ki visheshta thi aur blessing ki kamaal thi। to follow father karo - yahi sahaj aur shaktishaali seva hai। ismen samay bhi kam, mehnat bhi kam aur result jyaada nikalti hai। to aatmik swaroop se sabko blessing dete chalo।

slogan:- vistaar ko second mein samaakar gyaan ke saar ka anubhav karaana hi light-might house banna hai।

soochna:- aaj maas ka teesra ravivaar hai, sabhi raajayogi tapasvi bhaai bahinen saayan 6.30 se 7.30 baje tak, vishesh yog abhyaas ke samay light might swaroop mein sthit rah light house ban poore globe par shanti aur shakti ki sakaash phailaayen।