Daily Murli for Monday 16 January 2023

16-01-2023 praatahmurli om shanti "baapdaada"' madhuban

“meethe bachche - jitna-jitna doosron ko gyaan sunaayenge utna tumhaari buddhi mein gyaan refine hota jaayega, isliye service zaroor karni hai''

prashn:- baap ke paas do prakaar ke bachche kaun se hain, un donon mein antar kya hai?

uttar:- baap ke paas ek hain lage (sautele) bachche, doosre hain sage (maatele) bachche। lage bachche - mukh se sirf baba mama kehte lekin shreemat par poora nahin chal sakte। poora-poora balihaar nahin jaate। sage bachche to tan-man dhan se poorn samarpan arthaat trustee hote hain। kadam-kadam shreemat par chalte hain। lage bachche seva na karne ke kaaran chalte-chalte gir padte hain। sanshay aa jaata hai। sage bachche poora nishchaybuddhi hote hain।

geet:- bachpan ke din bhula na dena…

om shanti। baap bachchon ko samjhaate hain। kaun sa baap? vaastav mein donon baap hain। ek roohaani, jisko baba kaha jaata, doosra jismaani jisko daada kaha jaata। yeh to sabhi centres ke bachche jaante hain ki ham baapdaada ke bachche hain। roohaani baap shiv hai। woh hai sabhi aatmaon ka baap aur brahma daada hai saare manushya sijre ka head। unke tum aakar bachche bane ho। unmein bhi koi to pakke sage hain, koi phir lage bhi hain। mama baba to donon hi kehte hain parantu lage bali nahin chadh sakte। bali na chadhne vaalon ko itni taakat nahin mil sakti arthaat apne baap ko tan-man-dhan ka trustee nahin bana sakte। shreshtha banne ke liye unki shreemat par nahin chal sakte। sage bachchon ko sookshm madad milti hai। parantu woh bhi bahut thode hain। bhal sage bhi hain parantu unko bhi abhi pakke nahin kahenge, jab tak result nahin nikli hai। bhal yahaan rehte bhi hain, bahut achhe hain, service bhi karte hain phir gir bhi padte hain। yeh hai saari buddhiyog ki baat। baba ko bhoolna nahin hai। baba is bhaarat ko bachchon ki madad se svarga banaate hain। gaaya hua bhi hai shiv shakti sena। harek ko apne se baat karni hai - barobar ham shivbaaba ke adopted children hain। baap se ham svarga ka varsa pa rahe hain। dvaapar se lekar hamne jo laukik baap ka varsa paaya hai woh narka ka hi paaya hai। duhkhi hote aaye hain। bhaktimaarga mein to hai hi andhashraddha। jab se bhakti shuru hui hai tab se jo-jo varsha beeta ham neeche utarte aaye। bhakti bhi pahle avyabhichaari thi। ek ki pooja karte the। uske badle ab anekon ki pooja karte aaye hain। ab yeh sab baaten rishi, muni, saadhu, santa aadi nahin jaante ki bhakti kab shuru hoti hai। shaastron mein bhi hai brahma ka din aur brahma ki raat। bhal brahma sarasvati hi lakshmi-naaraayan bante hain parantu naam brahma ka diya hai। brahma ke saath bachche bhi bahut hain। lakshmi-naaraayan ke bachche to bahut nahin honge। prajaapita bhi unko nahin kahenge। ab nai praja ban rahi hai। nai praja hoti hi hai braahmanon ki। brahman hi apne ko eeshvareey santaan samajhte hain। devta to nahin samjhenge। unko chakra ka hi pata nahin।

abhi tum jaante ho ham shivbaaba ke bachche bane hain। unhonne hi humein 84 ka chakra samjhaaya hai। unki madad se ham bhaarat ko phir se daivi paavan raajasthaan bana rahe hain। yeh badi samajh ki baat hai। kisko samjhaane ki bhi himmat chaahiye। tum ho shiv shakti paandav sena। pande bhi ho, sabko raasta bataate ho। tumhaare bigar roohaani sweet hom ka raasta koi bata na sake। woh pande log to karke amarnaath par, koi teertha par le jaate hain। tum bi.ke. to ekdam sabhi se door paramdham le jaate ho। woh jismaani guide hain - dhakke khilaane vaale। tum sabhi ko baap ke paas shantidham le jaate ho। to sadaiv yeh yaad karna pade - ham bhaarat ko phir se daivi raajasthaan bana rahe hain। yeh to koi bhi maanenge। bhaarat ka aadi sanaatan devi-devta dharma tha। bhaarat satayug mein behad ka daivi paavan raajasthaan tha, phir paavan kshatriy raajasthaan bana, phir maaya ki praveshta hone se aasuri raajasthaan ban jaata hai। yahaan bhi pahle raaja raani raajya karte the, parantu bigar light ke taaj vaali raajaai chalti aai hai। daivi raajasthaan ke baad hua aasuri patit raajasthaan, abhi to patit praja ka sthaan hai, panchaayti raajasthaan। vaastav mein inko raajasthaan kah nahin sakte, parantu naam laga diya hai। raajaai to hai nahin। yeh bhi drama bana hua hai। yeh lakshmi-naaraayan ke chitra tumko bahut kaam aayenge। in par samjhaana hai, bhaarat aisa double sirtaaj tha। in lakshmi-naaraayan ka raajya tha, chhotepan mein raadhe krishna the, phir treta mein raamraajya hua, phir dvaapar mein maaya aa gai। yeh to bilkul sahaj hai na। bhaarat ki history-geography nutshell mein samjhaate hain। dvaapar mein hi phir paavan raaja-raani lakshmi-naaraayan ke mandir bane। devtaayen svayan to vaammaarga mein chale gaye। patit hone lag pade। phir jo paavan devtaayen hokar gaye hain, unke mandir banaakar pooja shuru ki। patit hi paavan ko maatha tekte hain। jab tak British government ka raajya tha to raaja-raani the। jameendaar bhi raaja raani ka lakab (title) le lete the, isse unka darbaar mein maan hota tha। abhi to koi raaja nahin hai। peechhe jab aapas mein lade hain tab musalmaan aadi aaye hain। abhi tum bachche jaante ho phir se kaliyug ka ant aa gaya hai। vinaash saamne khada hai। baap phir se raajayog sikhla rahe hain। kaise sthaapna hoti hai, so to tum jaante ho, phir yeh history-geography mit jaati hai। phir bhakti mein vo log apni geeta bana dete hain, usmein bahut farka pad jaata hai। bhakti ke liye unhon ko devi-devta dharma ka pustak zaroor chaahiye। so drama anusaar geeta bana di hai। aise nahin bhakti maarga ki us geeta se koi raajaai sthaapan karenge va nar se naaraayan banenge। bilkul nahin।

ab baap samjhaate hain tum ho gupta sena। baba bhi gupta hai। tumko bhi gupta yogbal se raajaai praapta kara rahe hain। baahubal se had ki raajaai milti hai। yogbal se behad ki raajaai milti hai। tum bachchon ko dil andar yeh nishchay hai ki ham abhi bhaarat ko vahi daivi raajasthaan bana rahe hain। jo mehnat karta hai, uski mehnat chhipi nahin rah sakti। vinaash to hona hi hai। geeta mein bhi yeh baat hai। poochhte hain, is samay ki mehnat anusaar hamko bhavishya mein kya pad milega? yahaan bhi koi shareer chhodta hai to sankalp chalega ki yeh kis pad ko praapta karega। so to baap hi jaane ki isne kis prakaar se tan-man-dhan ki seva ki hai! yeh bachche nahin jaan sakte, baapdaada jaane। bataaya bhi ja sakta hai, is prakaar ki seva tumne ki hai। gyaan uthaaya ya nahin, parantu madad to bahut ki hai। jaise manushya daan karte hain to samajhte hain sanstha bahut achhi hai। achha kaarya kar rahi hai। parantu mere mein paavan rahne ki taakat nahin hai। main yagya ko madad karta hoon। to uska bhi return unko mil jaata hai। jaise manushya college banaate hain, hospital banaate hain auron ke liye। aise nahin kahenge ki main beemaar padoon to hospital mein jaaoon। jo kuchh banaate hain doosron ke liye। to uska phal bhi milta hai, usko daan kaha jaata hai। yahaan phir kya hota hai। aasheervaad dete hain tumhaara lok parlok suhela ho। sukhi ho। lok aur parlok, so to is sangamayug ki baat hai। yeh hai mrityulok ka janma aur amarlok ka janma, donon saphal hon। barobar tumhaara abhi yeh janma saphal ho raha hai, phir koi tan se koi man se koi dhan se seva karte hain। bahut hain jo gyaan nahin utha sakte hain, kehte hain baba hamaare mein himmat nahin hai। baaki madad kar sakte hain। to baap bataayenge ki tum itna dhanvaan ban sakte ho। koi bhi baat ho to poochh sakte ho। follow father karna hai to poochhna bhi unse hai, is haalat mein ham kya karen? shreemat dene vaala baap baitha hai। unse poochhna hai, chhipaana nahin hai। nahin to beemaari badh jaayegi। kadam-kadam shreemat par na chale to rola pad jaayega। baba koi door thode hi hai। sammukh aakar poochhna chaahiye। aise baapdaada ke paas ghadi-ghadi aana chaahiye। vaastav mein aise most beloved baap ke saath to ikattha rehna chaahiye। saajan ko chatak jaana chaahiye, woh hai jismaani, yeh hai roohaani। ismen chatakne ki baat nahin, yahaan sabko bitha nahin denge। yeh aisi cheez hai, bas saamne baithe hi rahen, sunte hi rahen। unki mat par chalte hi rahen। partu baba kahenge yahaan baith nahin jaana hai। ganga nadi bano, jaao service par। bachchon ka lav aisa hona chaahiye - jaise mastaana hota hai। parantu phir service bhi to karni hai। nishchaybuddhi to ekdam latak padte hain। bachche likhte hain phalaana bahut achha nishchaybuddhi hai। main likhta hoon kuchh bhi nahin samjha hai। agar nishchaybuddhi hai ki svarga ka maalik banaane vaala baap aa gaya hai to ek second bhi milne bigar rah na sake। bahut hi bachchiyaan hain jo tadapti hain। phir ghar baithe unko saakshaatkaar hote hain brahma aur krishna ka। nishchay ho ki baap paramdham se humein raajdhaani dene aaye hain to phir aakar baba se milen। aise bhi aate hain phir samjhaaya jaata hai ki gyaan ganga bano। praja to bahut chaahiye। raajdhaani sthaapan ho rahi hai। yeh chitra samjhaane liye bahut achha hai। tum kisko bhi kah sakte ho ki ham phir se raajdhaani sthaapan kar rahe hain। vinaash bhi saamne khada hai। marne se pahle baap se varsa lena hai। sabhi chaahte hain one almighty government ho। ab sab milkar ek thode hi ban sakte hain। ek raajya tha zaroor, jiska gaayan bhi hai। satayug ka naam bahut baala hai। phir se uski sthaapna ho rahi hai। koi in baaton ko jhat maanenge, koi nahin maanenge। paanch hajaar varsha pahle lakshmi-naaraayan ka raajya tha phir in raajaaon ka raajya ho gaya। raajaayen bhi ab patit ho gaye hain। ab phir paavan lakshmi-naaraayan ka raajya hoga। tumhaare liye to samjhaana bahut hi sahaj hai। ham daivi raajdhaani sthaapan kar rahe hain, shivbaaba ki shreemat se aur unki madad se। shivbaaba se shakti bhi milti hai। yeh nasha rehna chaahiye। tum warriors ho। mandiron mein bhi tum jaakar samjha sakte ho to svarga ki sthaapna zaroor rachayita dvaara hi hogi na। tum jaante ho behad ka baap ek hai। tumhaare sammukh tumko gyaan shrringaar kar rahe hain। raajayog sikhla rahe hain। vo geeta sunaane vaale kabhi raajayog sikhla na saken। yeh abhi tum bachchon ki buddhi mein nasha chadhaaya jaata hai। baba aaya hai svarga ki sthaapna karne। svarga mein hai hi paavan raajasthaan। manushya to lakshmi-naaraayan ke raajya ko hi bhool gaye hain। ab baap sammukh baith samjhaate hain, tum koi bhi geeta paathshaala aadi mein chale jaao। saari history-geography athva 84 janmon ka samaachaar koi suna na sake। lakshmi-naaraayan ke chitra saath raadhe krishna ka bhi ho to samjhaane mein sahaj hoga। yeh hai correct chitra। likhat bhi unki achhi ho। tumhaari buddhi mein saara chakra yaad hai। saath mein chakra ko samjhaane vaala bhi yaad hai। baaki nirantar yaad ke abhyaas mein mehnat bahut hai। nirantar yaad aisi pakki ho jo ant mein koi kichadpatti yaad na aaye। baap ko kabhi bhoolna nahin hai। chhote bachche baap ko bahut yaad karte hain phir bachcha bada hota hai to dhan ko yaad karte hain। tumko bhi dhan milta hai। jo achhi reeti dhaaran kar phir daan karna chaahiye। poora philanthropist banna hai। main sammukh aakar raajayog sikhaata hoon। woh geeta to janma janmaantar padhi, kuchh bhi praapti nahin hui। yahaan to tumko nar se naaraayan banaane liye yeh shiksha de raha hoon। woh hai bhakti maarga। yahaan bhi koton mein koi niklega jo tumhaare daivi gharaane ka hoga। phir brahman banne zaroor aayenge, phir chaahe raaja raani banen, chaahe praja। usmein bhi kai to sunanti, kathanti, bhaaganti ho jaate hain। jo bachcha ban phir phaarakti dete hain, un par bahut bada danda hai। kadi saja hai। is samay aisa koi kah nahin sakta ki ham nirantar yaad karte hain। agar koi kahe to chart likhkar bheje to baba sab samajh jaayenge। bhaarat ki seva mein hi tan-man-dhan laga rahe hain। lakshmi-naaraayan ka chitra hamesha pocket mein pada ho। bachchon ko bahut nasha hona chaahiye।

social workers tumhaare se poochhte hain tum bhaarat ki kya seva kar rahe ho? bolo, ham apne tan-man-dhan se bhaarat ko daivi raajasthaan bana rahe hain। aisi seva aur koi kar nahin sakta। tum jitni service karenge utni buddhi refine hoti jaayegi। aise bhi bahut bachche hain jo theek reeti nahin samjha sakte hain to naam badnaam hota hai। koi-koi mein krodh ka bhoot bhi hai to yeh bhi destructive kaam kiya na। unko kahenge tum apna munh to dekho। tum lakshmi ya naaraayan ko varne laayak bane ho? aise jo aabru (ijjat) ganvaane vaale bachche hain, woh kya pad paayenge। woh pyaadon ki line mein aa jaate hain। tum bhi sena ho na। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) avinaashi gyaan ratnon ka mahaadaani banna hai। tan-man-dhan se bhaarat ko svarga banaane ki seva karni hai।

2) koi bhi destructive (vinaashkaari) kaarya nahin karna hai। nirantar yaad ke abhyaas mein rehna hai।

vardaan:- ekras aur nirantar khushi ki anubhooti dvaara number one lene vaale akhut khajaane se sampanna bhav

number one mein aane ke liye ekras aur nirantar khushi ki anubhooti karte raho, kisi bhi jhamele mein nahin jaao। jhamele mein jaane se khushi ka jhoola dheela ho jaata hai phir tej nahin jhool sakte isliye sada aur ekras khushi ke jhoole mein jhoolte raho। baapdaada dvaara sabhi bachchon ko avinaashi, akhut aur behad ka khajaana milta hai। to sada un khajaanon ki praapti mein ekras aur sampanna raho। sangamayug ki visheshta hai anubhav, is yug ki visheshta ka laabh uthaao।

slogan:- mansa mahaadaani banna hai to roohaani sthiti mein sada sthit raho।