Daily Murli for Thursday 26 January 2023

26-01-2023 praatahmurli om shanti "baapdaada"' madhuban

“meethe bachche - amritvele ke shant, shuddh vaayumandal mein tum deh sahit sab kuchh bhool mujhe yaad karo, us samay yaad bahut achhi rahegi''

prashn:- baap ki taakat praapta karne ke liye tum bachche sabse achha karma kaun sa karte ho?

uttar:- sabse achha karma hai baap par apna sab kuchh (tan-man-dhan sahit) arpan karna। jab tum sab kuchh arpit karte ho to baap tumhein return mein itni taakat deta, jisse tum saare vishwa par sukh-shanti ka atal akhanda raajya kar sako।

prashn:- baap ne kaun si seva bachchon ko sikhlaai hai jo koi manushya nahin sikhla sakta?

uttar:- roohaani seva। tum aatmaon ko vikaaron ki beemaari se chhudaane ke liye gyaan ka injection lagaate ho। tum ho roohaani social worker। manushya jismaani seva karte lekin gyaan injection dekar aatma ko jaagti-jyot nahin bana sakte। yeh seva baap hi bachchon ko sikhlaate hain।

om shanti। bhagvaanuvaach - yeh to samjhaaya gaya hai ki manushya ko bhagwan kabhi bhi nahin kaha ja sakta। yeh hai manushya srishti aur brahma vishnu shankar hain sookshm vatan mein। shivbaaba hai aatmaon ka avinaashi baap। vinaashi shareer ka baap to vinaashi hai। yeh to sab jaante hain। poochha jaata hai ki tumhaare is vinaashi shareer ka baap kaun hai? aatma ka baap kaun hai? aatma jaanti hai - woh paramdham mein rehte hain। abhi tum bachchon ko deh-abhimaani kisne banaaya? deh ko rachne vaale ne। ab dehi-abhimaani kaun banaata hai? jo aatmaon ka avinaashi baap hai। avinaashi maana jiska aadi-madhya-ant nahin hai। agar aatma ka aur param aatma ka aadi madhya ant kahen to phir rachna ka bhi savaal uth jaae। unko kaha jaata hai avinaashi aatma, avinaashi paramatma। aatma ka naam aatma hai। barobar aatma apne ko jaanti hai ki ham aatma hain। meri aatma ko duhkhi mat karo। main paapaatma hoon - yeh aatma kehti hai। svarga mein kabhi bhi yeh akshar aatmaayen nahin kahengi। is samay hi aatma patit hai, jo phir paavan banti hai। patit aatma hi paavan aatma ki mahima karti hai। jo bhi manushyaatmaaen hain unko punarjanma to zaroor lena hi hai। yeh sab baaten hain nai। baap pharmaan karte hain - uthte baithte mujhe yaad karo। aage tum pujaari the। shivaae namah kehte the। ab baap kehte hain tum pujaariyon ne namah to bahut baari kiya। ab tumko maalik, poojya banaata hoon। poojya ko kabhi namah nahin karna padta। pujaari namah athva namaste kehte hain। namaste ka arth hi hai namah karna। kaandh thoda neeche zaroor karenge। ab tum bachchon ko namah kahne ki darkaar nahin। na lakshmi-naaraayan namah, na vishnu devtaae namah, na shankar devtaae namah। yeh akshar hi pujaareepan ka hai। ab to tumko saari srishti ka maalik banna hai। baap ko hi yaad karna hai। kehte bhi hain woh sarva samartha hai। kaalon ka kaal, akaalmoorta hai। srishti ka rachayita hai। jyortibindu swaroop hai। aage unki bahut mahima karte the, phir kah dete the sarvavyaapi, kutte billi mein bhi hai to sabhi mahima khatma ho jaati। is samay ke sab manushya hi paap aatmaayen hain to phir jaanavron ki kya mahima hogi। manushya ki hi saari baat hai। aatma kehti hai main aatma hoon, yeh mera shareer hai। jaise aatma bindu hai vaise parampita paramatma bhi bindu hai। woh bhi kehte main patiton ko paavan banaane saadhaaran tan mein aata hoon। aakar bachchon ka obedient servant ban service karta hoon। main roohaani social worker hoon। tum bachchon ko bhi roohaani seva karna sikhlaata hoon। aur sab jismaani had ki seva karna sikhlaate hain। tumhaari hai roohaani seva, tab kaha jaata hai gyaan anjan satguru diya… sachcha satguru woh ek hi hai। vahi authority hai। sabhi aatmaon ko aakar injection lagaate hain। aatmaon mein hi vikaaron ki beemaari hai। yeh gyaan ka injection aur koi ke paas hota nahin। patit aatma bani hai na ki shareer, jisko injection lagaayen। paanch vikaaron ki kadi beemaari hai। iske liye injection gyaan saagar baap ke sivaae koi ke paas bhi hai nahin। baap aakar aatmaon se baat karte hain ki he aatmaayen tum jaagti jyoti thi, phir maaya ne parchhaaya daala। daalte-daalte tumko dhundhakaari buddhi bana diya hai। baaki koi yuddhishthir va dhritraashtra ki baat nahin hai। yeh raavan ki baat hai।

baap kehte hain - main aata hi hoon saadhaaran reeti। mere ko virla hi koi jaan sakte hain। shiv jayanti alag hai, krishna jayanti alag hai। parampita paramatma shiv ko shreekrishna se mila nahin sakte। woh niraakaar, woh saakaar। baap kehte hain main hoon niraakaar, meri mahima bhi gaate hain - he patit-paavan aakar is bhaarat ko phir se satayugi daivi raajasthaan banaao। koi samay daivi raajasthaan tha। abhi nahin hai। phir kaun sthaapan karega? parampita paramatma hi brahma dvaara nai duniya sthaapan karte hain। abhi hai patit praja ka praja par raajya, inka naam hi hai kabristaan। maaya ne khatma kar diya hai। ab tumko deh sahit deh ke sab sambandhiyon ko bhool mujh baap ko yaad karna hai। shareer nirvaah arth karma bhi bhal karo। jo kuchh samay mile to mujhe yaad karne ka purushaartha karo। yeh ek hi tumko yukti bataate hain। sabse jaasti meri yaad tumko amritvele rahegi kyonki woh shant, shuddh samay hota hai। us samay na chor chori karte, na koi paap karte, na koi vikaar mein jaate। sone ke time sab shuru karte hain। usko kaha jaata hai ghor tamopradhaan raat। ab baap kehte hain - bachche past is past। bhaktimaarga ka khel poora hua, ab tumko samjhaaya jaata hai yeh tumhaara antim janma hai। yeh prashn uth nahin sakta ki srishti ki vriddhi kaise hogi। vriddhi to hoti hi rehti hai। jo aatmaayen oopar hain, unko neeche aana hi hai। jab sabhi aa jaayenge tab vinaash shuru hoga। phir nambarvaar sabko jaana hi hai। guide sabse aage hota hai na।

baap ko kaha jaata hai liberator, patit-paavan। paavan duniya hai hi svarga। unko baap ke sivaae koi bana na sake। ab tum baap ki shreemat par bhaarat ki tan man dhan se seva karte ho। gaandhi ji chaahte the, parantu kar na sake। drama ki bhaavi aisi thi। jo past hua। patit raajaaon ka raajya khatma hona tha to unka naam-nishaan khatma ho gaya। unhon ki property ka bhi naam nishaan nahin hai। khud bhi samajhte the lakshmi-naaraayan hi svarga ke maalik the। parantu yeh koi nahin jaante ki unhon ko aisa kisne banaaya? zaroor svarga ke rachayita baap se varsa mila hoga aur koi itna bhaari varsa de na sake। yeh baaten koi shaastron mein nahin hain। geeta mein hain parantu naam badal diya hai। kaurav aur paandav donon ko raajaai dikhaate hain। parantu yahaan donon ko raajaai nahin hai। ab baap phir sthaapna karte hain। tum bachchon ko khushi ka paara chadhna chaahiye। ab naatak poora hota hai। ham ab ja rahe hain। ham sweet hom mein rahne vaale hain। vo log kehte hain phalaana paar nirvaan gaya va jyoti jyoti mein samaaya athva moksha ko paaya। bhaaratvaasiyon ko svarga meetha lagta hai, woh kehte hain svarga padhaara। baap samjhaate hain moksha to koi paata nahin। sabhi ka sadgati daata baap hi hai, woh zaroor sabko sukh hi dega। ek nirvaandhaam mein baithe aur ek duhkh bhoge, yeh baap sahan kar nahin sakte। baap hai patit-paavan। ek hai mukti-dhaam paavan, doosra hai jeevan muktidhaam paavan। phir dvaapar ke baad sabhi patit ban jaate hain। paanch tatva aadi sab tamopradhaan ban jaate hain phir baap aakar paavan banaate hain phir vahaan pavitra tatvon se tumhaara shareer gora banta hai। natural beauty rehti hai। unmein kashish rehti hai। shreekrishna mein kitni kashish hai। naam hi hai svarga to phir kya? paramatma ki mahima bahut karte hain, akaalmoorta.... phir unko thikkar bhittar mein thok diya hai। baap ko koi bhi jaante nahin, jab baap aaye tab aakar samjhaaye। laukik baap bhi jab bachche rache tab to baap ki biography ka unko pata pade। baap ke bigar bachchon ko baap ki biography ka pata kaise pade। ab baap kehte hain lakshmi-naaraayan ko varna hai to mehnat karni pade। jabardasta manzil hai, bahut bhaari aamadni hai। satayug mein pavitra pravriti maarga tha। pavitra raajasthaan tha so ab apvitra ho gaya hai। sab vikaari ban gaye hain। yeh hai hi aasuri duniya। bahut corruption lagi hui hai। raajaai mein to taakat chaahiye। eeshvareey taakat to hai nahin। praja ka praja par raajya hai, jo daan punya achhe karma karte hain unko raajaai ghar mein janma milta hai। woh karma ki taakat rehti hai। abhi tum to bahut oonche karma karte ho। tum apna sab kuchh (tan-man-dhan) shivbaaba ko arpan karte ho, to shivbaaba ko bhi bachchon ke saamne sab kuchh arpan karna pade। tum unse taakat dhaaran kar sukh shanti ka akhanda atal raajya karte ho। praja mein to kuchh bhi taakat nahin hai। aise nahin kahenge ki dhan daan kiya tab em.L.A. aadi bane। dhan daan karne se dhanvaan ghar mein janma milta hai। abhi to raajaai koi hai nahin। ab baba tumko kitni taakat dete hain। tum kehte ho ham naaraayan ko varenge। ham manushya se devta ban rahe hain। yeh hain sab nai-nai baaten। naarad ki baat abhi ki hai। raamaayan aadi bhi abhi ke hain। satayug treta mein koi shaastra hota nahin। sabhi shaastron ka abhi se tailuk hai। jhaad ko dekhenge math panth sab baad mein aate hain। mukhya hai brahman varna, devta varna, kshatriy varna... braahmanon ki choti mashhoor hai। yeh brahman varna sabse ooncha hai jiska phir shaastron mein varnan nahin hai। viraat roop mein bhi braahmanon ko uda diya hai। drama mein aisi noondh hai। duniya ke log yeh nahin samajhte ki bhakti se neeche utarte hain। kah dete hain bhakti se bhagwan milta hai। bahut pukaarte hain, duhkh mein simran karte hain। so to tum anubhvi ho। vahaan duhkh ki baat nahin, yahaan sabmen krodh hai, ek do ko gaali dete rehte hain।

abhi tum shivaae namah nahin kahenge। shiv to tumhaara baap hai na। baap ko sarvavyaapi kahne se brotherhood ud jaata hai। bhaarat mein kehte to bahut achha hain - hindu cheeni bhaai-bhaai, cheeni muslim bhaai-bhaai। bhaai-bhaai to hain na। ek baap ke bachche hain। is samay tum jaante ho ham ek baap ke bachche hain। yeh braahmanon ka sijra phir se sthaapan ho raha hai। is brahman dharma se devi-devta dharma nikalta hai। devi-devta dharma se kshatriy dharma। kshatriy se phir islaami dharma niklega... sijra hai na। phir bauddhi, Christian niklenge। aise vriddhi hote-hote itna bada jhaad ho gaya hai। yeh hai behad ka sijra, woh hota hai had ka। yeh detail ki baaten jisko dhaaran nahin ho sakti, unke liye baap sahaj yukti bataate hain ki baap aur varse ko yaad karo, to svarga mein zaroor aayenge। baaki oonch pad praapta karna hai to uske liye purushaartha karna hai। yeh to tum bachche jaante ho shivbaaba bhi tumko samjhaate hain, yeh baba bhi samjhaate hain। vahi hamaari tumhaari buddhi mein hai। bhal ham shaastra aadi padhe hue hain parantu jaante hain in sabse koi bhagwan nahin milta। baap samjhaate hain meethe-meethe bachche shivbaaba ko aur varse ko yaad karte raho। baba aap bahut meethe ho, kamaal hai aapki, aise-aise mahima karni chaahiye baba ki। tum bachchon ko eeshvareey lottery mili hai। ab mehnat karni hai gyaan aur yog ki। ismen jabardasta prize milti hai to purushaartha karna chaahiye। achha!

meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ab naatak poora ho raha hai, ham apne sweet hom mein ja rahe hain, is smriti se khushi ka paara sada chadha rahe।

2) past so past kar is antim janma mein baap ko pavitrata ki madad karni hai। tan-man-dhan se bhaarat ko svarga banaane ki seva mein lagna hai।

vardaan:- sarva puraane khaaton ko sankalp aur sanskaar roop se bhi samaapta karne vaale antarmukhi bhav

baapdaada bachchon ke sabhi chaupde ab saaph dekhne chaahte hain। thoda bhi puraana khaata arthaat baahyamukhta ka khaata sankalp va sanskaar roop mein bhi rah na jaae। sada sarva bandhanmukta aur yogayukta - isi ko hi antarmukhi kaha jaata hai isliye seva khoob karo lekin baahyamukhi se antarmukhi bankar karo। antarmukhta ki soorat dvaara baap ka naam baala karo, aatmaayen baap ka ban jaaen - aisa prasannachit banaao।

slogan:- apne parivartan dvaara sankalp, bol, sambandh, samparka mein saphalta praapta karna hi saphaltaamoorta banna hai।