Daily Murli for Saturday 18 February 2023

18-02-2023 praatahmurli om shanti "baapdaada"' madhuban

“meethe bachche - tumhein ksheerkhanda hokar rehna hai, matbhed mein nahin aana hai, koi bhi gandi aadat hai to use chhod dena hai, kisi ko bhi duhkh nahin dena hai''

prashn:- janma-janmaantar ke liye oonch pad paane ke liye kaun sa raham svayan par zaroor karna hai?

uttar:- svayan ki andar se jaanch karke jo bhi buri aadten hain, krodh aadi vikaar hain unhein nikaal dena, ksheerkhanda hokar rehna, ek ki shreemat par chalna, matbhed mein na aana, koi bhi evil baaten na sunna, na sunaana - yahi apne oopar raham karna hai। isse hi janma-janmaantar ke liye oonch pad mil jaata hai। jo apne oopar raham nahin karte woh 21 janmon ke sukh ko lakeer laga dete hain।

geet:- om namo shivaae…

om shanti। shivbaaba ki mahima bachchon ne suni। yeh mahima kaun karte hain aur kaun jaante hain? sirf brahman kul bhooshan arthaat nai manushya srishti ki sampradaay jinhen parampita paramatma ne apna banaaya ya janma diya hai vahi jaante hain kyonki pahle-pahle is srishti mein vahi brahma dvaara janma lete hain। jaise tumne pahle-pahle janma liya hai parampita paramatma se। to woh hai sabhi ka sahaayak, saari duniya ka sahaayak, sabhi duhkh door karne vaala hai। manushya bahut duhkhi hain kyonki abhi hai kaliyug ka ant। to sabhi ka sahaayak bante hain। phir bhi akshar hain na aam aur khaas। to khaas bhaarat ka hai, unmein bhi khaas jo bahut janmon ke ant ke janma mein aakar milte hain arthaat jo pahle-pahle srishti par aate hain। tum bachche jaante ho to kaise sabka sahaayak aakar bante hain। bhagat bhagwan ko yaad karte hain, parantu bhagwan ko jaante nahin hain। jab bhagwan ko hi nahin jaante hain to bhagwan jo nai brahman mukh vanshaavli rachte hain, unko bhi nahin jaante। parampita paramatma aakar pahle-pahle brahman sampradaay rachte hain, yeh koi ko pata hi nahin। aadi sanaatan devi-devta dharma to hai satayug mein। baaki sangamayug ko bhool gaye hain kyonki geeta ke bhagwan ko hi dvaapar mein le gaye hain। satayug ke aadi aur kaliyug ke ant ke sangam ka kisko pata nahin hai। na geeta ke bhagwan ko jaante hain। geeta to hai hi sabhi shaastron ki maat-pita। aise nahin ki sirf bhaarat ke shaastron ki maat-pita hai। nahin, jo bhi bade te bade shaastra saari duniya mein hain, sabhi ki maat-pita hai। bhagvaanuvaach - main tumko phir se sahaj raajayog sikhaata hoon jisko phir geeta naam diya hai। to apne ko bhi kehna padta hai ki ham nai geeta sunaate hain। puraani geeta to khandan ki hui hai। yeh to bhagwan khud apne mukh kanval se baith sunaate hain। tumhaari buddhi mein parampita paramatma shiv hi yaad aata hai। woh hai svarga ka rachayita, sabka sahaayak। shreekrishna ko sabhi ka sahaayak nahin kahenge। bhagwan srishti ka rachayita ek hi hai। shreekrishna to svayan rachna hai। bageeche ka first class phool hai। parampita paramatma ko baagvaan bhi kehte hain, khivaiya bhi kehte hain। manushya to samajh na saken ki khivaiya kaise hai? barobar asaar sansaar se le jaakar phir yahaan nai duniya mein bhej dete hain। yahaan hi phoolon ka bageecha banaate hain। sabhi bachche jo bhagat ban gaye hain, asul bhagwan ki santaan the, unko maaya duhkhi banaati hai। bhagwan to hai hi ek। woh sabhi bhakton ko zaroor sukh deta hai। koi bhi kisko sukh deta hai tab unko yaad karte hain। stri pati ko athva bachcha baap ko athva dosta, dosta ko yaad karte hain। zaroor usne sukh diya hoga। bhaai se bhi dosta pyaara hota hai kyonki sukh dete hain। to sukh dene vaale ko hi yaad kiya jaata hai। abhi saari srishti ke manushya bhagat hain। manushya ke hi 84 janma gaaye hue hain। kutte billi ke 84 janma nahin kahenge। gaaya bhi gaya hai ki aatma paramatma alag rahe.... is samay mela hota hai। parampita paramatma sabhi bachchon ke beech aate hain। mahphil lagi hui hai na। ek hoti hai sukh ki mahphil, doosri hoti hai duhkh ki। satayug mein hai sukh ki mahphil। yahaan to duhkh ki kahenge। koi marte hain to bhi duhkh ki mahphil lag jaati hai। koi bada aadmi marta hai to shok mein jhanda neeche kar dete hain। to duhkh ki mahphil hui na। bhagat bahut duhkhi hote hain to bhagwan ko yaad karte hain। parantu unko jaante bilkul nahin। kehte bhi hain usne paida kiya। aakhreen bhi unko jaanenge ya nahin? ant mein gaayan karte hain he bhagwan teri leela aparmaapaar hai। mahima gaai hui hai। tum jaante ho baap nahin hota to srishti chakra ka raaz kaun samjhaata, kaun hamko chakravarti banaata?

ab sangam par tum sada ke liye duhkh se chhootne ka prayatna kar rahe ho। sangamayug koi bada nahin hai। apna yeh naya janma hai। yeh chhota sa yug hai - ham bachchon ke purushaartha ke liye। bada imtahaan hai। inki subject sabhi imtahaanon se nyaari hai। paanch vikaaron par jeet paani hai। bahut manushya kehte hain pavitra rehna to asambhav hai। grihastha vyavhaar mein rehte hue maaya ko jeetna to bada mushkil hai। samajhte hain aisa ustaad to mil na sake। sannyaasi bhi gharbaar chhodne bigar pavitra rah nahin sakte। to baap is maaya par jeet paane ki yukti bataate hain। jaise kalpa pahle bhi sikhaai thi। jab baba sikhaate hain tab ham bhagat se gyaani bante hain। isko hi bhaarat ka praacheen gyaan aur yog kaha jaata hai। isko duniya mein koi bhi nahin jaante। baap samjhaate hain yeh gyaan praayahlop ho jaata hai aur yeh devta dharma bhi lop ho jaata hai। drama mein hi aisa hai। jab praayahlop ho jaae, srishti duhkhi ho tab to bhagwan aakar phir se sthaapan kare। yeh bhi koi ko pata nahin ki kaliyug ki aayu kab poori hoti hai। tum hi baap ko aur is drama ke aadi madhya ant ko jaante ho। dekhne mein kitne saadhaaran ho - kubjaaen-ahilyaayen। parantu knowledge kitni oonchi hai। apne saare 84 janmon ke chakra ko tum jaanti ho। thoda bhi koi yaad kare to bhi achha। parantu koi prashn poochhe aur uttar dena na aaye to bolna chaahiye ki ham abhi padh rahe hain। hamse bahut teekhe hain। woh aapko achhi reeti samjha sakenge। apna ahankaar nahin rakhna chaahiye। kah dena chaahiye, hamaari badi behen ji bahut teekhi hain। aap phir koi samay aana to woh samjhaayengi। samjho koi aisa prashn nikalta hai to teekhi bhi uska uttar nahin de sakti to bolna chaahiye ham sab padh rahe hain। ant tak padhte rahenge। guhya se guhya knowledge sunte rahenge। yeh point abhi hamko samjhaai nahin gai hai। yeh to zaroor hai, itna samay jo pada hai to zaroor ajun guhya point rahi hui hain, jo sunaate rahenge। school mein bhi dheere-dheere padhaaya jaata hai। aise thode hi ek hi din mein saari knowledge mil jaati hai। vaise yahaan bhi padhaai mein, yog lagaane mein, aap samaan banaane mein samay lagta hai। baap din-pratidin sahaj kar samjhaate hain। bhagwan ek hai, unko hi sab yaad karte hain। bhagwan hi heaven sthaapan karte hain to zaroor devta banaane ke liye sangam par hi raajayog sikhaayenge। to manners bhi aise chaahiye। jab paap khatma hon tab to vijay maala ka daana banen। time lagta hai।

yeh hai suhaavna sangam ka mela। samjhaana hai saari duniya ke manushya bhagat hain। saadhna karte hain bhagwan ke liye ki woh paramatma aakar sabhi ko vaapis le jaaye। mukti jeevanmukti ka gyaan de deve, devta dharma ki sthaapna kare। sannyaasi to samajhte hain sukh kaag vishta samaan hai। so to zaroor is duniya ka sukh aisa hai। parantu kya bhaarat mein kabhi sukh nahin tha। sannyaasi to pasanda karte hain mukti ko। woh kabhi jeevanmukti ka gyaan de na sake। bhagwan ko hi aakar raajayog sikhaana hai। sannyaasiyon ko nahin sikhaana hai kyonki woh koi aadi sanaatan devi-devta dharma sthaapan nahin karte hain। abhi sab kehte bhi hain ki ek mat ho। parantu is duniya mein to ekmat ho na sake। athaah maten hain। maata pita, bhaai behen, kaaka maama aadi sabhi anek mat dene vaale hain। ab un par nahin chalna hai। ek ki hi shreemat par chalna hai। bhagwan aakar ek shreemat dete hain to phir ek mat ki raajdhaani ho jaati hai। devi-devtaayen sadaiv ksheerkhanda rehte hain। yahaan to bahut ladte jhagadte rehte hain। shaastron mein bhi hai ki kaurav paandav din mein ladte the, raat ko ksheerkhanda ho jaate the। yahaan bhi bachche samajhte hain ki hamaare mein krodh ka ansh aa gaya। baba ham aapse maaphi maangate hain। to tumko bhi dekhna chaahiye - saare din mein kisko duhkh to nahin diya? kisse matbhed mein to nahin aaye? kisse evil to nahin bola, jisse koi ko duhkh hua ho? evil to kabhi nahin sunna chaahiye, aisa kuchh dekha, suna to baap ko batlaana chaahiye। baap hi bachchon ko sab samjhaate hain। nahin to aadat pakki ho jaae। koi mein koi bhi gandi aadat hai to chhod dena chaahiye, nahin to pad bhrashta ho padenge। baadshaahi ke aage praja ke naukar chaakar gareeb hi kahenge na। yeh majdoor log kya hain? vahaan bhi makaan banaane vaale to honge na। to baap samjhaate hain kabhi loonpaani nahin hona chaahiye। krodh karna bahut bura hai। janma-janmaantar ke sukh ko lakeer lag jaati hai। apne oopar raham karte raho। gyaan maarga mein manners bahut achhe chaahiye। paanch bhooton ko bhagaate raho। baap shreemat dete hain aur kya karenge। bahut likhte bhi hain ki baba hamaara krodh chhoot gaya hai। beedi peena aadi gandi aadten chhoot gai hain। to goya apne par raham kiya na। ab heavenly god father svarga ka pad praapta karaane hamko padha rahe hain। aisa buddhi mein aata hai? yeh nasha rehna chaahiye। jitna yaad karenge utni khushi rahegi। bhal bhagwan ko sabhi to nahin jaante parantu na jaante bhi kalyaan to sabhi ka hona hai। sabhi ko yeh pata pad jaae ki bhagwan aaya hai to yahaan bheed mach jaae। cheetiyon misal aakar ikatthe hon, mil bhi na saken isliye bada kaayde se yeh drama bana hua hai। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan aur yog seekh, bhagat se gyaani tu aatma banna hai। grihastha vyavhaar mein rehte maaya ko jeetna hai। pavitra zaroor banna hai।

2) gyaan maarga mein bahut achhe manners dhaaran karne hain। bahut-bahut meetha, niranhakaari banna hai। evil baaten nahin bolni hain। matbhed mein nahin aana hai।

vardaan:- sametne ki shakti dvaara peti bistara band karne vaale samay par ever ready bhav

ever ready use kaha jaata jo sametne ki shakti dvaara deh, deh ke sambandh, padaartha, sanskaar ...sabka peti bistara band karke taiyaar ho, isliye chitron mein bhi sametne ki shakti ko peti bistara paik kiya hua dikhaate hain। sankalp bhi na aaye ki abhi yeh karna hai, yeh banna hai, abhi yeh rah gaya hai। second mein taiyaar। samay ka bulaava hua aur ever ready। koi bhi sambandh va padaartha yaad na aaye।

slogan:- paramatma ke gunon aur shaktiyon ko svayan mein dhaaran karna hi mahaan tapasya hai।