Daily Murli for Friday 7 April 2023

07-04-2023 praatahmurli om shanti "baapdaada"' madhuban

“meethe bachche - tumhein double ahinsak banna hai, mansa-vaacha-karmana tum kabhi kisi ko duhkh nahin de sakte ho।''

prashn:- kalpa-kalpa jin bachchon ne baap se poora varsa liya hai, unki nishaani kya hogi?

uttar:- ve patiton ka sang chhod baap se varsa lene ke liye shreemat par chalne lag padenge। baap ka jo pahla pharmaan hai ki grihastha vyavhaar mein rehte pavitra bano, is pharmaan par poora-poora chalenge। kabhi prashn nahin uthega ki aakhir bhi duniya kaise chalegi। unki aapas mein kabhi criminal assault ho nahin sakti। ve apne ko shivbaaba ke potre, brahma ke bachche bhaai-behen samajhkar chalte hain।

geet:- maata O maata…

om shanti। bachchon ko ab koi ki bhi mahima nahin karni hai। bhakta mahima karte hain, yeh geet bhakti maarga vaalon ne mama ki mahima mein gaaya hai। parantu bichaare yeh nahin jaante ki mama ne aisi kya seva ki hai! hokar gai hai, unki mahima gaate hain। parantu vaastav mein mahima ek ki hi gaai jaati hai। woh ek baith bachchon ko padhaate hain aur aisa banaate hain। tum bhi unke bachche ho jo bhaarat va vishwa ki seva karte ho। mahima bhaarat ki karte hain। chitra bhi bhaarat mein hi hain। pooja bhi jagat amba ki yahaan bahut hoti hai। baahar mein nahin hai। kahaan-kahaan shiv ke chitra hain parantu woh yeh samajhte nahin। vaastav mein mahima hai shiv ki। jo shiv baba phir jagat amba aur jagatpita ki mahima nikaalte hain। baba se hi sabko shreemat milti hai। delvaada mandir mein sabke chitra nahin hain। bachche to dher hain। tum sab bachche raajayog seekh rahe ho। chitra to thodon ke hi nikaalenge।

tum jaante ho baba hamko svarga ka maalik banaate hain। shivbaaba inmen baitha hai। kalpa pahle bhi aise hi parampita paramatma ne hamko raajayog sikhaaya tha। ab practical buddhi se lagta hai। jab doosre sunte hain to koi kehte hain bilkul theek baat hai, koi kehte hain ham kaise maanen। ek jaise sab nahin hain, jab koi naye aate hain to prashn poochha jaata hai - god father ka naam kab suna hai? kab bhagwan ka naam suna hai? aisa koi manushya nahin hoga jo kahe ki ham god father ko yaad nahin karte hain kyonki abhi sab duhkhi hain isliye paramatma ko yaad zaroor karte hain। satayug mein koi aisa nahin kahenge ki patit-paavan aao। duhkh mein simran sab karte hain, sukh mein simre na koi। duhkh mein simran kiska karte hain? ek ka। bhal simran karte hain parantu jaante nahin, sirf mahima karte hain।

yahaan to hai saari dharma ki baat। gaaya jaata hai religion is might। kaun se religion mein itni might hai? sabhi religion mein to itni might nahin hai। baap aakar ek devi-devta dharma sthaapan karte hain। baba ko kaha jaata hai almighty। to jo dharma sthaapan karte hain, usmein bhi might hai। tum jaante ho ham devta dharma vaale bante hain to hamaare mein kitni might aati hai! ham baap se raajaai lete hain। ham koi hinsa nahin karte hain। satayug mein donon hinsa nahin hoti। ek kaam kataari ki hinsa, doosri kis par krodh karna, kuchh bura akshar kehna, yeh bhi baan chalaana hai। inko violence kaha jaata hai। tum kisko duhkh nahin de sakte। baba kitna achha sikhlaate hain। sabko sukhi banaao। mukhya baat kaam kataari chalaana - yeh hai sabse badi hinsa। bandook aadi chalaana, maarna woh bhi hinsa hai। koi bhi prakaar se kisko duhkh dena hinsa hai isliye baap ne kaha hai kaam mahaashatru hai। gaaya bhi jaata hai ahinsa parmo devi-devta dharma। unmein donon hinsaayen nahin thi। kabhi bhi kisko mansa-vaacha-karmana duhkh nahin dete the। baap aakar svarga ki sthaapna karte hain। kalpa pahle ki thi, ab phir kar rahe hain। kisko maarna, peetna, krodh karna sabse chhuda dete hain। mukhya baat hai pavitrata ki, isliye raakhi bandhan gaaya hua hai। bahnen baith bhaaeeyon ko raakhi baandhati hain ki kaam kataari nahin chalaana। parantu manushya yeh arth nahin samajhte। tum ho brahma ke bachche, shiv ke potre। to tum bhaai-behen ho gaye। aapas mein kabhi criminal assault nahin kar sakte। yeh hai pavitra banne ki yukti। behen-bhaai kabhi aapas mein shaadi nahin karte hain। to baap samjhaate hain kalpa-kalpa jinhonne varsa liya hai vahi shreemat par chalte hain। adharkumaari, kuvaanri kanya ka mandir bhi hai। grihastha se nikal phir baap ke bachche bane hain to unhon ko adhar kaha jaata hai। zaroor hokar gaye hain ab phir practical mein hain। aise mat samjho ki ham pavitra banenge to srishti kaise chalegi! ab yeh to patit duniya ho gai hai। ab chaahiye paavan duniya। patit duniya to chalti hi rehti hai, banda nahin hoti hai। to tumhein patiton ka sang chhodna pade। baba aakar vikaari duniya ki rachna banda karaate hain। satayug se nirvikaari duniya shuru hogi।

baap aakar bachchon ko pharmaan karte hain, phir koi maane, na maane। shreemat bhagvaanuvaach। bhagwan bachchon ko baith padhaate hain। kya banaayenge? zaroor bhagwan bhagavti banaayenge। jo jaisa hai woh aisa hi banaayega। niraakaar bhagwan baith niraakaar aatmaon ko padhaate hain is shareer dvaara। yeh hai baba ka long boot। baba ko shareer to chaahiye na। unki shareer roopi jooti puraani ho gai hai। jab nai thi to gori thi, ab kaali ho gai hai। baba ne samjhaaya hai tum is samay shyaam ho phir sundar bante ho। is samay har ek shyaam ban gaya hai। unko 84 janma lene pade। shreekrishna pahle sundar tha। dheere-dheere sundarta kam hoti gai। shreekrishna ka chitra bhi hai, narka ko laat maar rahe hain aur haath mein svarga hai। kehte hain main svarga mein sundar tha aur narka mein shyaam hoon to laat maarta hoon। jo bhi sooryavanshi gharaane ke hain woh sab sundar the। saari dynasty raajya karti thi। ab sabhi kaale ban gaye hain isliye shyaam sundar naam chala aata hai। shreekrishna ki aatma hi pahle janma leti hai। shreekrishna ke saath saari raajdhaani bhi hai। sabhi purushaartha kar rahe hain phir se gora banne ka। kehte hain kaaleedah mein sarpa ne dasa। woh bhi abhi ki baat hai, maaya sabko dasti rehti hai। maaya ne sabko kaala bana diya hai। baap phir se gora banaate hain। svarga mein aisa hoga nahin। vahaan 21 janma sada sukhi rehte hain। akaale mrityu kabhi hota nahin। abhi daivi raajdhaani sthaapan ho rahi hai। baap aakar sabko raajya-bhaagya dete hain। aur koi dharma sthaapan karne vaale raajya-bhaagya nahin de sakte। ibraaham, buddha aadi raajaai nahin sthaapan karte। woh sirf dharma sthaapan karte phir dharma ki vriddhi hoti hai। unko vaastav mein guru bhi nahin kaha ja sakta kyonki guru karte hain sadgati ke liye। woh to aate hain dharma sthaapan karne, na ki sadgati karne। unke pichhaadi unke dharma ki aatmaayen neeche utarti hain। to guru bhi vaastav mein koi ko kah na saken। sabki sadgati karne vaala ek shivbaaba hai। unke liye aise nahin kahenge ki woh janma lete hain, yeh wrong ho jaata hai। woh avtaar lete hain। janma lena arthaat garbha mein aana। main garbha se janma nahin leta hoon। avtaar leta hoon। parantu kaise aate hain, yeh koi samajhte nahin hain। main paramdham se aakar is tan mein pravesh karta hoon। mujhe shareer to chaahiye na। aur chaahiye bada shareer। chhote tan se to baat kar na sake। main anubhvi rath, bahut janmon ke ant ke janma, vaanaprastha avastha mein aata hoon। geeta mein bhi hai ki main inke janmon ko jaanta hoon। yeh apne janmon ko nahin jaanta tha। ab to jaante hain। ek baar bata deta hoon - pahle yeh devta tha, 84 janma lete-lete antim janma mein hai tab mainne inmen pravesh kiya hai। yeh hai kalyaankaari janma। baba aakar inke dvaara padhaate hain to yeh maata bhi ho gai। vaastav mein yeh hai maata parantu service pita ke roop mein karte hain isliye mama ko nimitta banaaya hai। tum bachche bhi unke saath nimitta bante ho। sabko svargavaasi banne ka raasta bataate ho।

manushya marte hain to kehte hain svargavaasi hua। woh purushaartha nahin karte hain। ham to svargavaasi banne ke liye purushaartha kar rahe hain। satayug mein lakshmi-naaraayan the, unhon ko svarga ka maalik banaane vaala kaun? zaroor nahin the, tab banaaya। ismen takleeph ki koi baat nahin hai। baba sirf raay dete hain ki grihastha vyavhaar mein rehte is antim janma mein pavitra bano। ab puraani duniya ka vinaash hona hai। satayug mein raavan ko jalaate nahin। manushya kehte hain yeh rasam anaadi chali aati hai parantu kab se chali, jaante nahin। dvaapar se raavan ko jalaana shuru kiya hai। raavan ka koi thikaana nahin hai। shivbaaba ka thikaana hai paramdham। raavan ka dhaam kahaan hai? woh sabhi mein pravesh kar leta hai। koi ek thikaana nahin hai। jab raavan raajya poora hoga, sabhi paavan ban jaayenge phir raavan ka naam nishaan bhi nahin hoga। raam aur raavan do cheeze hain। raam svarga sthaapan karte, raavan duhkhi banaate। main koi sarvavyaapi nahin hoon। raavan sarvavyaapi hai phir main aakar in bhooton ko nikaalta hoon। yeh bhoot hi sabhi ko duhkh dete hain। in bhooton par vijay pahnaakar svarga ka maalik banaata hoon। tum bachche sabhi svargavaasi banne liye purushaartha kar rahe ho। woh log kehte hain svargavaasi hua। to phir rote kyon ho? vahaan to vaibhav hi vaibhav hain। manushyon ko svarga hi yaad padta hai। parantu punarjanma phir bhi narka mein hi lete hain। tum jab satayug mein ho to punarjanma satayug mein hi milta hai। ab narka badal svarga aane vaala hai। duhkh ki duniya badal sukh ki duniya aane vaali hai। ab sarva ka sadgati daata aaya hai sabko sukhi karne liye। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) double ahinsak ban man vachan karma se kisi ko bhi duhkh nahin dena hai। pavitrata ki sachchi raakhi baandhani hai।

2) patiton ka sang chhod ek baap ke pharmaan par hi chalna hai। svarga ka maalik banne ke liye bhooton par vijay praapta karni hai।

vardaan:- har karma ka bojh baap par chhod svayan trustee ban rahne vaale double light pharishta bhav

himmat rakhne vaale bachchon ko baapdaada sada hi madad karte hain। bachche shreshtha sankalp karte aur baap haazir ho jaate। sirf baap ke oopar saara kaarya chhod do to baap jaane, kaarya jaane। khud apne oopar javaabdaariyon ka bojh nahin uthaao, trustee bankar raho to sada halke, double light pharishta ban udte rahenge। dil saaph hai to muraad haansil ho jaati hai।

slogan:- umang-utsaah ke pankh saath hon to udti kala mein udte rahenge।