Daily Murli for Friday 14 April 2023

14-04-2023 praatahmurli om shanti "baapdaada"' madhuban

“meethe bachche - mama baba samaan service karne ke liye buddhi ko satopradhaan banaao। satopradhaan buddhi vaale hi dhaarna kar doosron ko kara sakte hain''।

prashn:- oonche te ooncha purushaartha kaun-sa hai jo abhi tum bachche kar rahe ho?

uttar:- maat-pita ke takhta ko jeetna, yeh hai oonche te ooncha purushaartha। mama baba aakar tumhaare vaaris banen, aisa number one banne ka lakshya rakho। iske liye oonche se oonchi seva karni hai। bahuton ko aapasmaan banaana hai। duhkhi manushyon ko sukhi banaana hai। avinaashi gyaan ratnon ko buddhi roopi bartan mein dhaaran kar doosron ko daan dena hai।

geet:- bholenaath se niraala…

om shanti। ab bachche to pahchaan gaye hain ki hamko baap athva maat-pita sikhlaane vaale hain। bachchon ko hi is khushi mein rehna hai। abhi to ham behad ke baap ke bane hain। pratigya bhi bachche karte hain - baba abhi ham aapke hi hain। ham hain eeshvar ke, ab asuron ke sambandh mein nahin hain। ham aasuri mat par nahin chalte। aasuri mat kisko kaha jaata hai? jo shreemat par na chal aasuri karma karte hain। ek hai eeshvareey karma, doosra hai aasuri karma। yeh baat koi bhi nahin jaante ki aadi sanaatan devi-devta dharma kab aur kisne sthaapan kiya tha; aur sabhi dharma vaale apne-apne dharma ko jaante hain। sannyaasi kahenge hamaara dharma shankaraachaarya ne sthaapan kiya। devi-devta dharma to ab hai nahin, to bataaye kaun? lakshmi-naaraayan aadi ka koi ko pata nahin hai। baap ko hi nahin jaante to bemukh ho gaye hain। yeh bhi drama mein noondh hai। abhi tum bachche jaante ho behad ka baap aakar ham bachchon ko phir se raajayog satayug ke liye sikhaate hain। tumko vaikuntha ka maalik banna hai। krishnapuri jaana hai। yeh to kansapuri hai। kans aur krishna ikatthe nahin ho sakte।

ab tum bachchon ko fakhur hona chaahiye ki hamko ab parampita paramatma sahaj raajayog sikhla rahe hain। baap kehte hain ham paramdham se aaye hain - puraani is raavan ki duniya mein, puraane shareer mein। jaise manushya pitra khilaate hain to woh aatma puraane shareer mein aati hai। unke liye puraani duniya nahin kahenge। puraane shareer mein aati hai phir unko khilaate-pilaate hain। yeh rasam-rivaaj bhaarat mein chalti aati hai। yeh hui bhaavna। kehte hain hamaare pati ki aatma is brahman mein aai hai। woh bhaavna rakhte hain। pati ke naam-roop ko yaad karte hain। aatma hi aakar angeekaar (sveekaar) karti hai। yeh hai yahaan ki rasam-rivaaj। satayug mein yeh baaten nahin hoti। phaaltu kharcha karna, dhakka khaana - yeh bhakti maarga ki rasam hai। bhaavna rakhne se alpakaal ka sukh so bhi baap se hi milta hai। baap kabhi duhkh nahin deta। manushya to na jaanne kaaran kah dete sukh duhkh paramatma hi dete hain। baap samjhaate hain bachche yeh khel bana hua hai, jo devi-devta dharma vaale honge vahi aakar brahman banenge। maaloom pad jaata hai yeh hamaare kul ka hai, isne bahut bhakti ki hai। jaise koi bahut achha padhta hai to pad bhi achha milta hai। vaise jinhonne bahut bhakti ki hai, baap aakar kehte hain ab main unhon ko bhakti ka phal dene aaya hoon। bhakti mein to duhkh hai na। kitna bhatakna padta hai! ab main tumko sabhi duhkhon se door karta hoon। agar shreemat par chalte rahenge to। baap kabhi ulti mat nahin denge। sammukh aakar shreemat dete hain। aise nahin kahenge raavan koi cheez hai jo koi ki buddhi mein baith mat dete hain। yeh sab drama mein noondh hai। manushya bilkul hi patit ban jaate hain, maaya ke kaaran। tum jaante ho ham devta banenge phir aadhaakalpa ke baad patit banna shuru karenge। yeh baba bhi to anubhvi bujurga tha। saadhu-santa aadi sabhi dekhe hain। shaastra bhi padhe hain। baap zaroor anubhvi rath mein hi aate honge। uski bhi zaroor koi history hogi ki bhagwan ne yeh ek hi rath kyon liya। bhaageerath arthaat bhaagyashaali rath gaaya hua hai। kehte hain bhaageerath se ganga nikli। ab paani ki ganga to nikal nahin sakti। aage ham bhi samajhte nahin the। bhaagyashaali rath to yeh brahma ka hua na, jismen parampita paramatma aate hain। manushya to moonjh jaate hain - is brahma mein kaise aayenge? tum is manushya ko brahma kehte ho? brahma to bhagwan hai। sookshm vatan mein rahne vaala hai, tumne phir manushya ko brahma bana rakha hai, aise-aise kahenge। yeh to inhon ki kalpana hai, brahma, vishnu, shankar yahaan kahaan se aaye! are, prajaapita brahma ke mukh se brahman paida hue so to yahaan honge na। jo kuchh ho chuka hai so to phir bhi hoga। musalmaan kaise aaye, kya-kya hua yeh sab phir bhi hoga। tum drama ke raaz ko jaante ho aur koi nahin jaante। woh to kah dete drama ki aayu laakhon varsha hai। phir kehte pralay bhi hoti hai। ab shreekrishna agar aayega to bhi satayug mein aayega na। unko phir dvaapar mein kyon le gaye hain? pralay to kabhi hoti hi nahin। gaate bhi hain patit-paavan aao to zaroor patit duniya mein aakar patiton ko paavan banaayenge na। baap kehte hain main aata hi ek baar hoon - patiton ko paavan banaane। main gyaan saagar hi srishti ke aadi-madhya-ant ka raaz samjha sakta hoon। puraani duniya ko naya kaise banaata hoon - so baith bachchon ko samjhaata hoon। woh had ke ghar ki baat hoti hai, yeh hai behad ka ghar। baap ka to pyaar rehta hai na। tab to bhakti maarga mein bhi itni madad karte hain। manushya to kar na saken। kehte hain eeshvar ne sukh ka janma diya। kiske paas paise bahut hote hain to kehte hain eeshvar ka diya hua hai। phir woh le lete hain to duhkh kyon hona chaahiye? ab baap kehte hain aur koi ki baaten na suno - sivaae ek baap ke। baap teacher guru teenon roop mein part bajaakar dikhaate hain। sadgati daata hai hi ek। andhon ki laathi ek prabhu... patiton ko paavan banaane vaala ek prabhu.. baap kehte hain main saadhuon ka bhi uddhaar karne aata hoon।

tum sab brahmaakumaar kumaariyaan ho। satayug mein tha pavitra pravritti maarga। ab ho gaya hai apvitra pravritti maarga, jisko vikaari pravritti maarga kaha jaata hai। manushya mahaan duhkhi hain, baat mat poochho! traahi traahi karte hain, rote peette hain। anek dharma hain। satayug mein tha ek dharma, jo ek baap hi sthaapan karte hain। geeta mein shreekrishna bhagvaanuvaach likh diya hai। yeh hai ekaz bhool। parampita paramatma hai niraakaar, uska naam hai shiv। aatma ka naam ek hi chalta hai, doosra nahin padta hai। shareer ka naam badalta hai। ek shareer chhod doosra liya to naam badal jaayega। baba ka naam ek shivbaaba, bas unko shaareerik naam milta nahin। aatma jo 84 janma bhogne vaali hai unke shareer ka naam hai। baap kehte hain mera to ek hi naam hai। bhal main inmen pravesh karta hoon parantu shareer ka maalik to is daada ki aatma hai, jismen pravesh kar praja rach raha hoon। prajaapita to zaroor yahaan chaahiye na। manushya to in baaton ko jaante nahin। yeh ek hi college hai, jahaan sab padhte hain। murli sab jagah jaati hai phir koi ki buddhi satopradhaan hai, koi ki sato, koi ki rajo, koi ki tamo... bilkul hi dhaarna nahin hoti, to unke karma aise thahre। baap kya kare? sab to ek samaan ho bhi nahin sakte। yeh eeshvareey college hai। eeshvar padhaane vaala ek hai jinko padhaate hain woh dhaarna kar phir teacher bante hain padhaane liye, har ek ko dekhna chaahiye meri satopradhaan buddhi hai? main baba mama misal samjha sakta hoon? baba ke paas to sab centres ka samaachaar aana chaahiye ki kitne students regular aate hain? kab se pavitra rehte hain? baap ko sab potaamel ka maaloom padna chaahiye। maat-pita bade hain na। jagdamba maa bhi to bachchi thahri। yeh baba is duniya ka bhi anubhvi hai। drama mein mukhya actors dekhe jaate hain na। baap ne yeh bhi rath liya hai, zaroor kuchh to hoga na। aadi dev brahma ka kitna naam hai! manushya nahin samajhte aadi dev kisko kaha jaata hai। vaastav mein aadi dev aur aadi devi maat-pita yeh ban jaate hain। phir inke mukh se sarasvati maa nikalti hai to sab bachche ho gaye। yeh kehte hain main shivbaaba ka bachcha bhi hoon to unki vanni (yugal) bhi hoon kyonki mujhmen pravesh kar mere mukh se bachche paida karte hain। kitni guhya baat hai! satopradhaan buddhi vaale achhi reeti samjhenge। nambarvaar hote hi hain। royal gharaane aur praja mein to farka rehta hai na। praja bhi apne purushaartha se banti hai aur raaja bhi apne purushaartha se bante hain। baap kehte hain ki tum achha padhenge to oonch pad paayenge। vaaris jo banenge woh to andar royal gharaane mein hi aayenge। baap kehte hain poora purushaartha karo, main to aaya hi hoon raajaai dene liye। purushaartha karna hai - ham maat-pita se svarga ki baadshaahi ka varsa lenge। nahin to kshatriy ban padenge। student khud bhi samajh sakte hain। un school mein to koi naapaas ho jaate hain to phir padhna pade। yahaan to phir padh na saken। naapaas hua to naapaas hi rahenge, isliye purushaartha poora karna hai। bahuton ko aap samaan banaana, yeh hai oonche te oonchi seva। duhkhi manushyon ko sada sukhi banaana hai। apna dhandha hi yeh thahra। baba hamesha kehte hain aise mat samjho ki sindha mein bahuton ne gharbaar chhoda to hamko bhi chhodna padega। nahin, yeh to drama mein noondh thi। baaki bhagaane aadi ki to baat hi nahin। bhagwan bura kaam thode hi karenge। yeh hain jhoothe kalank।

tum bachche jaante ho pahle number mein yeh mama-baba pad paate hain। tum bhi phir baba-mama ke takhta par jeet paate ho। jo pahla number hoga woh phir neeche utarte jaayenge। bachche bade hokar takhta par baithenge to mama-baba second number mein chale jaayenge। pahle vaale raaja-raani phir chhote ho jaayenge। to purushaartha kar baba-mama ke takhta par jeet pahanni chaahiye। abhi nahin jeet paani hai, bhavishya takhta par jeet paani hai, mama-baba aakar tumhaara vaaris banen। baba bachchon ko kitna achhi reeti samjhaate hain। yeh gyaan hai jaise paara, jo jhat ud jaata hai। koi paas to jara bhi dhaarna nahin hai। wonder hai na!

abhi tum bachchon ko nishchay hai yahaan to niraakaar bhagwan padhaate hain, shreekrishna nahin। bhagvaanuvaach hai na। bhagwan ko to tum shareer de nahin sakte। shiv bhagvaanuvaach shreekrishna ke shareer se - aisa bhi to likha hua nahin hai। yeh hai bhagvaanuvaach। baap kehte hain pahle-pahle yeh dil mein aana chaahiye baba hamko baith padhaate hain। baba akshar aane se varsa yaad aana chaahiye। jitna ham padhenge utna svarga mein oonch pad paayenge। jitna baba ko yaad karenge to vikarmon ka bojha khatma hoga। yaad karne se buddhi sone ka bartan ho jaayegi। daan karte rahenge to dhaarna hoti jaayegi। dhan diye dhan na khute... baap tum par raazi hoga। tum brahman ab avinaashi gyaan-ratnon ka daan karte ho। woh shaastra jo sunte hain, usko hi gyaan samajhte hain। bas samajhte hain yahi laakhon ki milkiyat hai। parantu hai kaudi ki isliye baba kehte hain bachchon ki dil mein aana chaahiye hamaara baap shikshak hai, satguru bhi hai, saath le jaane vaala bhi hai। mukti-jeevanmukti mein le jaayenge। yeh hai gyaan amrit। bachche school mein padhte hain to brahmachaari rehte hain। agar gande ho jaate to padhaai thandi ho jaati hai। buddhi ekdam maleen ho jaati। yeh phir hai roohaani vidya, brahmacharya mein rahne bigar dhaarna hogi nahin। baap kehte hain ab padh lo, nahin to kalpa-kalpa svarga ke maalik ban nahin sakenge। apne purushaartha se hi banenge। baap aasheervaad kare phir to sabko raaja bana de। baap kehte hain yeh to padhaai hai। padhenge-likhenge to honge navaab। agar buddhi dhakke khaati rahegi to kharaab ho jaayenge। yeh bahut bada college hai। naam hi hai brahmaakumaar kumaariyon ka eeshvareey vishwa-vidyaalay। eeshvar ka sthaapan kiya hua hai। eeshvar ko hi baap kaha jaata hai। to baap hi baap, teacher, satguru hai। yeh sivaae tumhaare koi bhi samajhte nahin। satguru ke roop mein sabhi ko vaapis le jaane vaala hai। baap guarantee karte hain - main sabhi ko vaapis le jaaoonga। kahaan? jiske liye tum aadhaakalpa bhakti karte aaye ho। muktidhaam le jaaoonga। phir jo shreemat par chalenge woh vaikuntha ka maalik banenge। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) padhaai ko dhaaran kar doosron ko padhaane laayak banna hai। mama-baba samaan service karni hai।

2) avinaashi gyaan ratnon ka daan kar duhkhi manushyon ko sukhi banaana hai। padhaai achhi tarah padhni hai।

vardaan:- saadhna aur saadhan ke balance dvaara apni unnati karne vaale blessing ke adhikaari bhav

saadhnon ko aadhaar banaane ke bajaae apni saadhna ke aadhaar se saadhnon ko kaarya mein lagaao। kisi bhi saadhan ko unnati ka aadhaar nahin banaao, nahin to aadhaar hilne ke saath umang-utsaah bhi hil jaata hai kyonki saadhan ko aadhaar banaane se baap beech se nikal jaata isliye halchal hoti hai। saadhnon ke saath saadhna ho to har kaarya mein baap ki blessing ka anubhav karenge, umang-utsaah bhi kam nahin hoga।

slogan:- “agar magar'' ke chakkar se nyaare banna hai to baap samaan shaktishaali bano।