Daily Murli for Sunday 16 April 2023

16-04-23 praatahmurli om shanti ''avyakt-baapdaada'' revise 03-04-94 madhuban

santushtata ka aadhaar - sambandh, sampatti aur sehat (tandurusti)

aaj dilaaraam baap apne sada santushta rahne vaali santushta aatmaon va santushta maniyon ko dekh rahe hain। ye roohaani maniyon ki chamak saare darbaar ko chamka rahi hai। santoshi aatmaayen svayan ko bhi priy aur sarva ko bhi priy aur baap ko to priy hain hi। to aise ho na! kyonki is shreshtha brahman jeevan mein apraapti ka naam hi nahin hai। sarva praapti sampanna aatmaayen ho। to jahaan sarva praapti hain vahaan sada santushtata svatah aur svaabhaavik hai hi। natural svabhaav uska santosh ka hai। aur santushtata ka swaroop va svabhaav, niji sanskaar aisa shreshtha hai jo asantushta aatma ko bhi santushtata ka vibration, vaayumandal, santosh vaayumandal mein badal deta hai। is sangamayug mein vishesh baapdaada ki den santushtata hai। ek santushtata ki visheshta aur visheshtaaon ko bhi sahaj apne sameep laati hai। lekin sada santushta ho। paristhiti kitni bhi badle lekin santushtata ki sthiti ko paristhiti badal nahin sakti। parasthiti hai hi badalne vaali। lekin sva santushtata ki sthiti sada pragtisheel hai। aapke aage kaisi bhi hilaane vaali paristhiti aise hi anubhav hoti hai jaise puppet (kathputli) show dekhte ho na। hota sab kuchh hai lekin hota puppet hai। to kaisi bhi paristhiti puppet show lagta hai va aajkal ka jo fashion hai cartoon show, achha lagta hai na। hota to sher bhi hai, billi bhi hoti hai, lekin hota kya hai? cartoon। kahaani poori hoti hai lekin hai cartoon ki stori, real nahin hai। kabhi bhi, koi bhi paristhiti aae to yahi samjho ek behad ke screen par cartoon show chal raha hai va puppet show chal raha hai। to woh dekhkar ke pareshaan honge ki manoranjan karenge? show dekhna to achha hi hai na। to yeh maaya ka va prakriti ka yeh bhi ek show hai। jisko saakshi sthiti mein sada santushtata ke swaroop mein dekhte raho। apni shaan mein rehte hue dekho - santushta mani hoon, santoshi aatma hoon। ye hai sangam ka shreshtha shaan। to shaan mein sthit hona aata hai na? ki pareshaan hona achha lagta hai? sada santushtata ki visheshta ko emerge roop mein smriti mein rakho।

praaptiyon mein vishesh sambandh aur sampatti aavashyak hai। sambandh mein bhi agar ek bhi sambandh apraapta hai to sampoorn santushtata nahin hogi। to sambandh mein bhi sarva chaahiye aur avinaashi chaahiye। agar koi bhi sambandh vinaashi hai to apraapti aur asantushtata svatah ho jaati hai। lekin ek hi vartamaan sangamayug hai jismen sarva avinaashi sambandh ek baap se anubhav kar sakte ho। satayug mein bhi sambandh bahut thode hain, sarva nahin hain, lekin is samay jis sambandh ki aakarshan ho, anubhooti karna chaahe vo sambandh param aatma dvaara anubhav kar sakte ho। har ek ke jeevan mein sambandh ki bhi alag-alag pasandi hoti hai। kisko baap ka sambandh itna achha nahin lagega, friend jyaada achha lagega। lekin ek samay par aur ek se sarva sambandh praapta hain? sarva praapti hai ki kuchh raha hua hai? peechhe baithe hue kya samajhte hain? aaj naye-naye ko aage baithne ka chance diya hai। achha, jo is kalpa mein is baar pahli baar aaye hain vo haath uthaao। bhale padhaare। baapdaada bhi padmaguna sneh sampanna welcome kar rahe hain। naye hote bhi kalpa-kalpa ke adhikaari hain, ye to samajhte ho na! baapdaada sada kehte hain bade to bade hain lekin chhote samaan baap hain isliye sada apne roohaani behad ke sampoorn adhikaar ke nishchay aur nashe mein raho। behad ka nasha hai, had ka nahin rakhna। dekho, kitne shreshtha adhikaari ho jo svayan baap almighty authority ke oopar adhikaar rakh diya। parmaatma adhikaari isse bada adhikaar aur hai hi kya! jab beej ko apna bana liya to vriksha to samaaya hua hai hi। sarva sambandhon ka bhi avinaashi adhikaar le liya aur sampatti mein bhi agar sirf sthool sampatti hai to bhi sada santushta nahin rah sakte। sthool sampatti ke saath agar sarva gunon ki sampatti, sarva shaktiyon ki sampatti aur shreshtha sampanna gyaan ki sampatti nahin hain to santushtata sada nahin rah sakti। lekin aap sabke paas yeh shreshtha sampattiyaan hain। sampattivaan ho na! duniya vaale to sirf sthool sampatti vaale ko sampatti bhav ka vardaan dete hain lekin aap sabko vardaata baap sarvashreshtha sampatti bhav ka vardaan dete hain। to sab sampatti hain na? ki koi kam hai? full hai? peechhe vaalon ke oopar sabse jyaada dhyaan hai। aage vaalon ka dhyaan baap ke taraph jyaada hai aur baap ka dhyaan peechhe vaalon ke oopar jyaada hai। jitna hi door hain utna hi naynon mein samaaye hue hain।

saakaar vatan mein to saakaar ki baaten hoti hain। dekho, paramdham mein aap sabhi aatmaayen kitni sameep hongi! sabhi saath honge na! aur sookshm vatan mein bhi itna behad hai jo jitna sameep aana chaahe aa sakte hain। lekin bachchon ka sneh niraakaar aur aakaar ko bhi saakaar banaana chaahta hai। to baap kya kehte hain? ji hajoor, ji haazir। bachche to baap ke bhi hazoor hain, maalik hain na! maalik ko hazoor kaha jaata hai aur baalak ko bhi maalik kaha jaata hai। to sabhi kaun ho? santushta maniyaan। sambandh mein bhi santushta aur sampatti mein bhi santushta। sambandh, sampatti aur teesri hoti hai sehat, tandurusti। aap sabhi tandurusta ho na ki beemaar ho? aatma to tandurusta hai na, shareer ki koi baat hi nahin। aatma sada shaktishaali hai। sangam par shreshtha sehat va tandurusti hai aatma ki tandurusti। is samay ke aatma ki tandurusti janma-janma ke shareer ki tandurusti bhi dilaati hai। lekin is samay thoda-sa prakriti apna roop dikhaati hai। ismen bhi koi badi baat nahin। yeh bhi cartoon show hai। to sarva praaptiyaan hain na। sambandh bhi hain, sampatti bhav bhi hai, sarva sambandh bhav bhi hain aur sada tandurusta bhav bhi hain। teenon vardaan vardaata baap se mile hue hain। to vardaanon ko samay par kaarya mein lagaao। sirf vardaan sunkar khush nahin ho jaao ki haan, mujhe bahut achha vardaan mila ya sirf note karke nahin rakho lekin samay par vardaan ko kaam mein lagaane se vardaan kaayam rehte hain। agar vardaanon ko samay par kaam mein nahin lagaaya to woh vardaan phal nahin deta। vardaan to avinaashi baap ka hai lekin vardaan ko phaleebhoot karna hai। beej to hai lekin usse phal kitna nikaalte ho, woh aapke haath mein hai। koi sirf vardaan ke beej ko dekhkarke khush hote rehte hain bahut achha, bahut achha, lekin phaldaayak banaao। baar-baar smriti ka paani do, vardaan ke swaroop mein sthit hone ki dhoop do, phir dekho vardaan sada phaleebhoot hota rahega, aur vardaanon ko bhi saath mein laayega। vardaanon ke phal swaroop ban jaayenge। to aaj ke tri-vardaan ko phaleebhoot karna aur samay par zaroor yaad rakhna। samay par bhool jaate hain, peechhe padhte rehte ho ki haan, ye vardaan to tha! vardaanon ko jitna samay par kaarya mein lagaayenge utna vardaan aur shreshtha swaroop dikhaata rahega। to sabhi ko vardaan mila na! achha।

chaaron or ke desh-videsh ke sarva santoshi aatmaon ko, santushtamniyon ko, sarva praapti sampanna aatmaon ko, jinhonne bhi yaad, patra, card aaj ke divas ke bhi bheje hain, to aaj ke vishesh divas ki bhi sarva bachchon ko yaad-pyaar padmaguna sveekaar ho। chaahe door baithkar man mein, dil mein mana rahe hain, chaahe sammukh mana rahe hain, card va patra sab pahle vatan mein pahunchte hain। to sabhi ke patra, card aur shubh sankalpon ki yaad, shubh bhaavnaaon ki yaad ke return mein baapdaada ka vishesh yaad-pyaar aur sarva baalak so maalik bachchon ko namaste। achha।

daadiyon se mulaakaat

sookshm ishaaron ki bhaasha to jaante ho na। jaise avyakt baap ishaaron ki hi bhaasha jaante hain। avyakt vatan mein to naynon ki bhaasha aur ishaaron ki bhaasha hai। to aap bhi jaante ho na। naynon ki bhaasha jaante ho? saakaar se seekhe ho na। mukh ki bhaasha to suni, abhi hai naynon ki bhaasha। naynon ki bhaasha badi pyaari hai। aavaaz se pare to jaana hi hai। phir bhi baap ji hazoor to karte hi hain। achha।

avyakt baapdaada ki personal mulaakaat

1- svayan aur samay par bharosa nahin isliye dridh sankalp se kamjoriyon ko nikaal do

sabhi apne ko vishwa sevaadhaari anubhav karte ho? vishwa sevaadhaari va vishwa kalyaankaari vahi ban sakta hai jiske paas sarvashaktiyon ka khazaana sampanna hai। to sarvashaktiyon ka stock jama hai? sarvashaktiyaan hain va koi shakti hai, koi nahin hai? kabhi-kabhi koi kam ho jaati hai! sada apne aapko check karo ki sarvashaktiyaan hain va koi shakti ki kami hai? agar kami hai to uske kaaran ko socho kyonki kaaran ko samjhenge to nivaaran kar sakenge kyonki ye maaya ka niyam hai ki jo kamjori aapmen hogi usi kamjori ke dvaara hi aapko maayaajeet banne nahin degi। to vartamaan samay bhi samay prati samay maaya usi kamjori ka laabh legi aur aage chalkar jab ant samay aayega to bhi vo kamjori dhokha de degi। to aise nahin sochna ki thodi si kamjori hai, ek hi kamjori hai, baaki to bahut achha hoon, achhi hoon! ek kamjori bhi dhokha de degi isliye koi bhi kamjori apne andar rahne nahin do। agar svayan nahin mita sakte ho to koi ka sahayog lo, jo shaktishaali aatmaayen hain, unka sahayog lo। vishesh yog ka prayog karo। kisi bhi vidhi se kamjori ko mitaana hi hai yeh dridh sankalp karo। yeh bhi nahin socho ki aage chalkar ho jaayega। nahin, abhi se nikaal do kyonki svayan par aur samay par koi bharosa nahin hai। aise nahin socho ki aage chalkar ye karenge, ho jaayega। nahin। aapka slogan hai ‘ab nahin to kab nahin' to jo karna hai vo abhi karna hai kyonki baap sampanna hai aur aapka baap se pyaar hai to baap jaisa banna hi pyaar ka practical swaroop hai। jitna baap se bahut-bahut pyaar hai itna hi purushaartha se bhi bahut-bahut pyaar hai? jitna baap se pyaar ke liye falak se kehte ho ki 100 pratishat se bhi jyaada pyaar hai, aise purushaartha ke liye bhi kaho। sochenge, karenge… nahin। sab kamjoriyaan khatma। ge, ge nahin। shivraatri manaane aaye ho to kuchh to bali chadhenge na। baapdaada sabhi bachchon ko sampanna dekhna chaahte hain। baap ka pyaar hai isliye bachchon ki kami achhi nahin lagti। to kya yaad rakhenge ki sada sampanna, sampoorn rehna hi hai ki thodi-thodi complain karte rahenge? complete! complain khatma। sampanna banna hi manaana hai।

2) vesta ko best banaana arthaat holeehans banna

sabhi apne ko sada holeehans anubhav karte ho? holeehans ka arth hai sankalp, bol aur karma jo vyartha hota hai usko samartha mein badalna kyonki vyartha jaise patthar hota hai, patthar ki value nahin, ratna ki value hoti hai। to vyartha ko samaapta karna arthaat holeehans banna। to vyartha aata hai? holeehans fauran parakh leta hai ki ye kaam ki cheez nahin hai, ye kaam ki hai। to aap holi-hans ho na। to vyartha samaapta hua? kyonki abhi knowledgeful bane ho ki agar abhi sankalp, bol ya karma vyartha ganvaate hain to saare kalpa ke liye apne jama ke khaate mein kami ho jaati hai। jaante ho na, knowledgeful ho? to jaante hue phir vyartha kyon karte ho? chaahte nahin hain lekin ho jaata hai aise kahenge! jo samajhte hain abhi bhi ho sakta hai vo haath uthaao। aap ho kaun? (raajayogi) raajayogi ka arth kya hai? raaja ho na! to man ko control nahin kar sakte! king mein to ruling power hoti hai na! to aap mein ruling power nahin hai! amritvele aur phir saare din mein beech-beech mein apna occupation yaad karo main kaun hoon? kyonki kaam karte-karte yeh smriti merge ho jaati hai ki main raajayogi hoon isliye emerge karo। ye niyam banaao। aise nahin samjho ki ham to hain hi raajayogi। lekin raajayogi ki seat par set hokar raho। nahin to chalte-chalte karma mein busy hone ke kaaran yog bhool jaata hai, sirf karma hi rah jaata hai। lekin aap karmayogi combined ho। yogi sada hi ruling power, controlling power mein rahen। phir raajayogi double power vaale kabhi bhi vyartha soch nahin sakte। to abhi kabhi nahin kehna, sochna bhi nahin ki raajayogi vesta kar sakte hain। to ye kaun-sa group hai? best group। baapdaada ko bhi best group ati pyaara hai kyon? 63 janma bahut vesta kiya na, abhi yeh chhota-sa janma best hi best। achha!

vardaan:- atoot yaad dvaara sarva samasyaaon ka hal karne vaale udta panchhi bhav

jab yeh anubhav ho jaata hai ki mera baba hai, to jo mera hota hai woh svatah yaad rehta hai। yaad kiya nahin jaata hai। mera arthaat adhikaar praapta ho jaana। mera baba aur main baba ka - isi ko kaha jaata hai sahjayog। aise sahajyogi ban ek baap ki yaad ke lagan mein magan rehte hue aage badhte chalo। yeh atoot yaad hi sarva samasyaaon ka halkar udti panchhi banaae udti kala mein le jaayegi।

slogan:- manan shakti ke anubhvi bano to gyaan dhan badhta rahega।

soochna:-aaj maas ka teesra ravivaar hai, sabhi raajayogi tapasvi bhaai bahinen saayan 6.30 se 7.30 baje tak, vishesh yog abhyaas ke samay apne aakaari pharishte swaroop mein sthit ho, vishwa parikrama karte hue prakriti sahit sarva aatmaon ko light might dene ki seva karen।