Daily Murli for Monday 26 June 2023

26-06-2023 praatahmurli om shanti "baapdaada"' madhuban

meethe bachche - tumne eeshvar ki god li hai manushya se devta banne ke liye, unki shreemat hi tumhein manushya se devta bana deti hai“

prashn:- aap muye mar gai duniya - iska arth kya hai?

uttar:- aap bachche jab baap ke paas jeete ji marte ho to saari duniya hi khatma ho jaati hai। doosre manushya to jis duniya mein marte hain usi duniya mein janma lete, lekin tumhaara janma phir is puraani duniya mein nahin hota। naya janma nai duniya mein hota hai। tum bachchon ko svarga ki baadshaahi mil jaati hai।

geet:- marna teri gali mein…

om shanti। yeh bhi gaayan is samay ka hai, jo phir bhakti maarga mein gaaya jaata hai। is samay jabki tum baap ke paas jeete ji marte ho to barobar saari duniya hi khatma ho jaati hai। agyaan kaal mein manushya marte hain to phir usi hi duniya mein janma lete hain। duniya kaayam hai। jis duniya mein marte usi duniya mein janma lete hain। tum bachche jab baap ke bante ho to yeh duniya hi khatma ho jaati hai। kahaavat hai - aap muye to mar gai duniya.. parantu duniya vinaash to nahin ho jaati। is hi duniya mein phir janma lena padta hai। abhi tum jabki jeete ji marte ho, to aap mar jaate ho to duniya bhi khatma ho jaati hai। tum marenge to yeh duniya hi khatma ho jaayegi। tum jaante ho - ham phir nai duniya mein aayenge। yeh sirf tum brahman hi jaante ho। eeshvar ka bachcha hone se hamko satayug ka birth right milta hai। svarga ki baadshaahi milti hai। narka khatma ho jaata hai। ismen koi mehnat nahin hai, sirf baap ko yaad karna hai। manushya jab koi marne par hote hain to unko kehte hain raam-raam kaho। pichhaadi mein uthaane samay kehte hain - raam naam sat hai... yeh bhagwan ko hi kehte hain। raam naam sat hai arthaat parampita paramatma jo sat hai uska hi naam lena chaahiye। usko raam kah dete hain। maala bhi raam-raam kah simarte hain। raam-raam ki dhuni aisi lagaate hain jaise baaja bajaate hain। tum bachchon ko baap samjhaate hain ki koi aavaaj nahin karna hai। sirf buddhi se yaad karna hai। tum jaante ho - jeete ji eeshvar ki god mein aane se yeh duhkh roopi duniya khatma ho jaati hai। baba ham aapke gale ka haar ban jaayenge। gaaya bhi jaata hai rudra maala। tum rudra maala mein pirone liye is rudra gyaan yagya mein baithe ho kalpa pahle muaaphik। doosra koi satsang nahin jahaan aise samajhte ho ki ham eeshvar baap ke gale mein piroyenge। baap se to zaroor varsa milega। baap - kaun kehte hain? aatma। aatma mein hi man-buddhi hai na। buddhi samajhti hai phir kehti hai। pahle sankalp aata hai phir karmendriyon se kaha jaata hai - barobar ham baba ke bane hain, baba ke hi hokar rahenge। god father kehte hain na। phir poochho tumhaare mein god father ki knowledge hai? to kahenge god to sarvavyaapi hai। bolo - tumhaari aatma kehti hai parampita paramatma to pita hai, phir sarvavyaapi kaise hoga? bachche mein baap aa gaya kya? baap ko sarvavyaapi kehna bilkul wrong hai। laukik baap ke bhi 5-7 bachche honge। kya woh kahenge ki baba aap sarvavyaapi ho? yeh bhi samajhne ki baat hai। mukh se kehte ho parampita, phir sarvavyaapi kaise kehte ho? pita phir mere mein hai - yeh kaise ho sakta! bachcha phir kahe mere mein baap ka pravesh hai, bachcha thode hi kahega main baap hoon। tum aatma unke bachche ho। phir kehte ho pita mere mein bhi hai। baap kaise bachche mein hoga? bahut achhi reeti samajhkar phir samjhaana hai।

rudra gyaan yagya to mashhoor hai। rudra hai niraakaar। shreekrishna to saakaar hai। aakhreen bhagwan kisko kaha jaaye? manushya to bahut bhoole hue hain, kah dete god father is omni present, mere mein bhi hai। baap to ghar mein hi rehta aur kahaan rahenge। abhi baap is behad ke ghar mein aaya hua hai। yahaan viraajmaan hai। kehte hain mainne ismen pravesh kiya hai। kuchh poochhna ho to poochho। aage pitron ko bulaane ka bahut rivaaj tha। pitra to aatma hai na। pitra ko yaani aatma ko khilaaya jaata hai। kahenge aaj hamaare daade ka pitra hai, aaj phalaane ka pitra hai। to aatma ko bulaaya jaata hai, khilaaya jaata hai। samjho kiska stri se pyaar hai, uski aatma ko bulaate hain। kehte hain hamne heere ki phulli pahnaane ka vaayda kiya tha, brahman ko bulaakar use heere ki phulli pahnaate hain। bulaaya to aatma ko na। shareer thode hi aaya। yeh rasma bhaarat mein hi hai। jaise tum sookshm vatan mein jaate ho। koi mar gaya to unka bhog lagaate ho। sookshm vatan mein woh aatma aati hai। yeh hai bilkul nai-nai baaten। jab tak koi achhi reeti na samjhe tab tak sanshay uthta hai। yeh kya karte hain? braahmanon ki rasma-rivaaj dekho kaisi hai।

is samay sabhi manushya-maatra tamopradhaan hain। baba to hai hi patit-paavan। woh kabhi tamopradhaan nahin hote। manushya ko patit-paavan nahin kahenge। patit-paavan maana saari duniya ko patit se paavan banaane vaala। woh to ek baap ke sivaae doosra koi ho na sake। dharma sthaapak to aate hain apna-apna dharma sthaapan karne। Christian dharma ka sijra vahaan hai। pahle Christ aaya, phir unke pichhaadi bhi aate rahenge। vriddhi ko paate rahenge। woh koi patit ko paavan nahin banaate। nambarvaar unhon ki sankhya aati hai। patit-paavan to is samay chaahiye, jabki sab kabradaakhil ho jaate hain। sabko paavan banaane vaala ek hi hai। yeh to samajhte ho barobar is samay saari duniya jadajdeebhoot hai। banyan tree ka misaal dete hain। bahut bada jhaad hota hai। unke neeche bahut party jaakar baithti hain। uska foundation sada hua hai। baaki sab taal-taaliyaan khadi hain। yeh bhi jhaad hai। devi-devta dharma ka jo jhaad hai uska foundation ulta oopar hai aur jad ekdam kat gai hai। baaki sab hain। beej ho tab to phir se sthaapan karen। baap kehte hain - main phir se aakar sthaapan karaata hoon। brahma dvaara sthaapna, shankar dvaara vinaash। barobar anek dharmon ka vinaash hua tha is mahaabhaarat ladaai mein। jo raajayog seekhte the unhon ki phir raajdhaani sthaapan ho gai। tum jaante ho abhi ham baba ke paas jaayenge, phir nai duniya mein aayenge। phir jhaad vriddhi ko paata rahega। devi-devta dharma jo tha woh is samay praayahlop hai। to baap kehte hain - main phir se aakar aadi sanaatan devi-devta dharma ki sthaapna karta hoon। bhaarat jo oonch te oonch tha unko ab grahan laga hua hai। kaam chita par baithne se is samay saari duniya kaali ho gai hai। ab phir tum gyaan chita par baith gore bante ho। tum jo shyaam ban gaye the, shyaam se gora, sundar banaane vaala hai parampita paramatma। unki shreemat milti hai। parampita paramatma ki aatma to ever pure gori hai। aatma mein hi khaad padti hai। (sone ka misaal) abhi tum jaante ho is puraani duniya ka vinaash hona hai। sabka maut hai। phir tumko kahne vaala koi nahin rahega ki raam-raam kaho। yeh maut aisa hota hai jo sab marenge। abhi kitne marenge! kitni khaad milegi! to kyon nahin dharti first class anaaj degi। satayug mein sab hare-bhare sabja ho jaayenge। sadi hui cheez ko khaad kaha jaata hai। kichda jalkar khaad ban jaata hai। khaad banne mein bhi time lagta hai। is srishti ko bhi naya banne mein time lagega। tum sookshm vatan mein jaate ho। kitne bade-bade phal tumko dikhaate hain। shoobeeras pilaate hain। tum vichaar karo kitni khaad milegi - so bhi khaas bhaarat ko। vahaan kitni achhi-achhi cheezen niklengi। sookshm vatan mein baikuntha ka shoobeeras tumko pilaate hain। bageeche aadi ka saakshaatkaar karaate hain। vahaan hamaara bageecha hoga। bachchon ne saakshaatkaar kiya hai। shoobeeras peekar aate the। prince bageeche se phal le aate the। ab sookshm vatan mein to bageecha ho na sake। zaroor baikuntha mein gaye honge। ek-ek ko saakshaatkaar nahin karaayenge। jo nimitta bante hain unko karaate hain। ho sakta hai agar tum yaad mein rahenge, baba ke bachche hokar rahenge to pichhaadi mein tumko bahut saakshaatkaar honge - jo poore surrender honge। yeh to pahle bhatthi banni thi। bhatthi mein pakna tha to bahut aa gaye। bachchon ko samjhaaya hai sirf koi ko literature dene se samajh nahin sakenge। samjhaane vaala teacher zaroor chaahiye। teacher second mein samjhaayega - yeh tumhaara baba hai, yeh daada hai, yeh behad ka baap svarga ka rachayita hai। sirf koi ko literature diya to dekhkar phenk denge। kuchh bhi samjhenge nahin। itna zaroor samjhaana hai ki baap aaya hua hai। yeh dhindhora pitvaana tumhaara farja hai।

barobar yaadav kaurav paandav bhi hain। mahaabhaarat ladaai bhi saamne khadi hai। zaroor raajayog sikhlaane vaala bhi hoga। zaroor svarga ki sthaapna bhi hogi। ek dharma ki sthaapna, anek dharmo ka vinaash hoga। tum jaante ho ham hi nar se naaraayan, naari se lakshmi bante hain। yeh hai em object। manushya se devta kiye karat na laagi vaar... devta sirf sooryavanshi ko kaha jaata hai। chandravanshi ko kshatriy kaha jaata hai। pahle to devta banna chaahiye na। naapaas hone se kshatriy ban jaate hain। to baap kehte hain meethe-meethe sikeeldhe bachche, kitne dher sikeeldhe bachche hain। kiska bachcha gum ho jaata hai, 6-8 maas baad aakar milta hai to kitna pyaar se aakar milega। baap ko kitni khushi hogi। yeh bhi baap kehte hain - laadle sikeeldhe bachche, tum 5 hajaar varsha baad aakar mile ho! laadle bachche, tum bichhud gaye the, ab phir aakar mile ho behad ka varsa lene liye। deity world sovereignty is your god fatherly birth right। baba tumko behad ki baadshaahi dene aaya hai। yeh hai heavenly god father। kehte hain tum bachchon ke liye kitni badi saugaat laaye hain। parantu itna laayak banna hai। shreemat par chalna hai। baba-mama kahkar phir agar bhool gaye ya phaarakti de di to gale ka haar nahin banenge। bachchon ko kitna pyaar kiya jaata hai! baap bachchon ko sir par rakhte hain। behad ke baap ke kitne bachche hain। baba kitna oonch chadhaate hain। paanv mein jo gire hue hain unhon ko bhi oopar chadhaate hain। to kitna khushi mein rehna chaahiye aur shreemat par chalna chaahiye! ek ki mat par chalna hai। apni mat par chala to yeh mara। shreemat par chalenge to tum shreshtha manushya arthaat devta banenge। kshatriy to phir bhi do kala kam ho gaye। yahaan hai hi manushya se devta banne ka, kshatriy nahin। baap poochhte hain na ki kitne number mein paas honge? aabru (ijjat) rakhna। behad ka baap bhi kehte hain sooryavanshi bano। jaante ho vijay maala 108 ki hi paas hui hai। follow karna hai mama-baba ko। aap samaan svadarshan chakradhaari banaakar shivbaaba ke aage saugaat le aate hain। baba poochhte hain kitne ko aap samaan banaaya hai? kitne maze ki baaten hain! tum hi samajh sakte ho। naya koi bilkul nahin samjhega। yeh manushya se devta banne ki college hai। koi ko to 7 roj mein hi bahut rang chadh jaata hai। koi ko to bilkul nahin chadhta। chhi-chhi kapde par bada mushkil se rang chadhta hai। bahut mehnat karni padti hai।

pahli-pahli baat bachchon ko samjhaai ki pahle sabko bolo - behad ke baap ko tum jaante ho? kehte - haan, mere mein bhi hai, sarva-vyaapi hai। are, tumhaare mein bhi hai phir to poochhne ki baat hi nahin। kehte ho baap hai, to phir baap tere mein athva mere mein kaise ho sakta! baap hai, to baap se varsa zaroor milna chaahiye। pahle-pahle alpha par samjhaao। baap kehte hain - he mere sikeeldhe bachche। aise koi sannyaasi va guru gosaai nahin kah sakte। tum jaante ho barobar ham shivbaaba ke sikeeldhe bachche hain। paanch hajaar varsha baad phir aakar mile ho, svarga ka varsa lene। jaante ho ham svarga ke maalik the, phir ham hi maalik bante hain। svarga mein jaana zaroor hai। phir purushaartha anusaar oonch pad paana hai। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) mama-baba ko follow kar sooryavanshi mein aana hai। apni mat par nahin chalna hai। shreemat se oonch dev pad paana hai।

2) ham baba ke hi hokar rahenge - isi nishchay mein rehna hai। kabhi kisi baat mein sanshay nahin uthaana hai।

vardaan:- baap ke har direction va kaayde se faayda lene vaale maryaada purushottam bhav

kaha jaata - jitna kaayda utna phaayda, isliye amritvele se jo bhi kaayde bane hain unse kabhi kinaara nahin karo। padhaai, amritvela, seva jo bhi dincharya bani hui hai, usmein man nahin bhi lage to bhi dincharya mein kuchh miss nahin karo। jaise bhakta log niyam ka paalan zaroor karte hain, mandir mein man nahin bhi lage to bhi jaayenge zaroor। aap to svayan la-makers ho, isi anubhav se har niyam ka paalan karte chalo to maryaada purushottam ban jaayenge।

slogan:- jinke paas santushtata ka vishesh gun hai unke paas sarva gun svatah aate jaayenge।