Daily Murli for Thursday 29 June 2023

29-06-2023 praatahmurli om shanti "baapdaada"' madhuban

“meethe bachche - eeshvareey bachpan ko bhool oonche te ooncha varsa ganva nahin dena, full paas honge to sooryavanshi gharaane mein raajya milega''

prashn:- satayug aur treta mein kisi bhi aatma ko apne karma nahin kootne padte - kyon?

uttar:- kyonki satayug-treta mein jo bhi aatmaayen aati hain woh sangam ki hi praalabdha bhogti hain, unhonne sangam par baap dvaara aise karma seekhe hain to 21 janma tak unhein koi karma kootna na pade। abhi baap aise karma sikhlaate hain jisse aatma karmaateet ban jaati hai। phir kisi bhi karma ka phal duhkh nahin bhogna padta hai।

geet:- bachpan ke din bhula na dena…

om shanti। bachchon ne meetha-meetha geet suna। behad ka baap bachchon prati samjha rahe hain। parampita paramatma usko hi kaha jaata hai jo shri shri yaani shreshtha te shreshtha hai। kehte bhi hain shiv bhagvaanuvaach athva rudra bhagvaanuvaach। rudra parampita paramatma ko hi kaha jaata hai। to parampita paramatma is shareer dvaara apne bachchon ko samjha rahe hain। aise aur koi manushya, saadhu, santa aadi nahin kahenge ki tum aatma ho। tumhaara parampita is mukh kamal se bol raha hai। kehte hain gaoomukh। ab paani ki to koi baat nahin। baap hai gyaan ka saagar। shri shri 108 rudra maala va shiv maala hai na। to pahle-pahle yeh pakka nishchay karo ki baba ham aatmaon ko padhaate hain। aatma hi sanskaar le jaati hai। aatma hi padhti hai, organs dvaara। aatma khud kehti hai - main ek shareer chhod doosra leti hoon। bhinna-bhinna naam, roop, desh, kaal..... satayug mein punarjanma leta hoon to naam-roop badal jaata hai। yeh aatma bolti hai। satayug mein hoon to punarjanma bhi satayug mein hota hai athva baap samjhaate hain tum svarga mein ho to punarjanma vahaan lete ho phir naam-roop badalta jaata hai।

baap niraakaar shivbaaba is rath mein aakar samjha rahe hain - bachche, ab tum hamaare bachche bane ho। tumko bahut khushi chadhi hui hai। ham behad ke baap se varsa le rahe hain is brahma dvaara। aatma kehti hai - main is shareer dvaara bairistari athva daaktari ka part bajaati hoon। ham aatma ashareeri thi phir garbha mein aakar shareer dhaaran kiya hai। baap kehte hain main to garbha mein nahin aata hoon। ham aise nahin kahenge ki parampita paramatma ek shareer chhod doosra lete hain। nahin, tum lete ho। yeh (daada) leta hai। is aatma ne 84 janma poore liye hain। yeh aatma apne janmon ko nahin jaanti thi। ab 84 janmon ko jaana hai। aatma hi kehti hai - mainne sooryavanshi gharaane mein janma liya। phir punarjanma lete aaye। phir chandravanshi gharaane mein janma liya। phir punarjanma lete-lete satayug, treta, dvaapar, kaliyug mein aaye। aatma kehti hai dvaapar mein hamne baap ko bahut yaad kiya। parampita paramatma ke ling roop ki pooja bhi ki। main aatma satayug mein maalik thi, vahaan kiski pooja nahin karti thi। svarga mein bhakti hoti nahin। aadha-kalpa bhakti ki। ab phir baap ke sammukh aaye hain। abhi tum sab niraakaar baap ke sammukh aaye ho saakaar dvaara। baap kehte hain yeh eeshvareey janma bhool nahin jaana। kehte hain - baba, yeh to bada mushkil hai। are, mushkil kya baat hai। tum aatmaon ka baap main hoon। main aaya hoon tumko patit se paavan banaane। tum svarga ki baadshaahi karne liye padhte ho। gyaan ke sanskaar mujh parampita paramatma mein hain isliye mujhe gyaan saagar, manushya srishti ka beejroop kehte hain। khud kehte hain - barobar, main rachayita hoon। main paramdham mein rehta hoon। main yahaan ek hi baar aata hoon jabki mujhe padhaana hota hai। patit srishti ko aakar paavan banaata hoon। zaroor patit hi yaad karenge। satayug mein paavan to yaad nahin karenge। aise to koi nahin kahenge ki aakar ham aatmaon ko patit banaao। nahin, patit maaya ne banaaya hai, tab kehte hain paavan banaao। parantu unhon ko yeh pata nahin hai ki main kab aata hoon। main aata hi hoon sangam par। aur koi samay nahin aata hoon। abhi aaya hoon। tum meethe bachchon ne hamaari god li hai। jaante ho baba phir se praacheen raajayog sikhlaate hain, jisse bhaarat paavan banta hai। yeh hai niraakaar, eeshvar ki paathshaala। niraakaar baba kehte hain - main is tan mein aata hoon। yeh brahma tumhaari badi mama hai। woh mama sarasvati jagat amba hai - brahma ki beti। badi mama paalna to nahin kar sakti, isliye woh jagdamba mukrar rakhi hai। iske (brahma ke) shareer ko jagat amba nahin kahenge। yeh maat-pita hai। yeh brahma maata bhi hai। varsa maata se nahin mil sakta। varsa phir bhi baap se milega। is brahma maata ke tum mukh vanshaavli ho। baap kehte hain - bachche, mera bankar tum svarga ki baadshaahi lene liye purushaartha karte-karte phir kahaan maaya ki yuddha mein haar nahin jaana। bhaag nahi jaana। yeh eeshvareey bachpan bhulaana nahin। agar bhulaaya to rona padega। to bi0ke0 sarasvati jisko jagat amba kehte hain - woh paalna karne nimitta bani hui hai। yeh (brahma) paalna kaise kar sake। kalash pahle-pahle inko milta hai। pahle inke kaan sunte hain, phir jagdamba hai sambhaalne ke liye। ab baap kehte hain main sangam yug par aaya hoon, tumko vaapis le jaane। jaise dharmaau maas, jisko purushottam maas kehte hain na। vaise yeh bhi purushottam yug hai। jahaan uttam se uttam purush banna hota hai। purushottam maana uttam te uttam purush kaun hai? yeh shri lakshmi-naaraayan, yeh nar-naari oonch te oonch kaise aur kis dvaara bane? baap kehte hain mere dvaara। mera naam bhi hai shri shri shreshtha te shreshtha। aisa shri naaraayan jaisa manushya main banaata hoon। patiton ko paavan banaata hoon। jisse phir aise lakshmi-naaraayan purushottam aur purushottamni bante hain। baap kehte hain - bachche, deh sahit deh ke jo bhi sambandh hain sabko bhoolte jaao। mujh ek ke saath yog lagaao। tum kehte ho ham baap ke bachche bane hain। baap ke sthaapan kiye hue svarga ke ham maalik banenge। baap kehte hain maamekam yaad karo। yeh hai aatma ki athva buddhi ki yaatra। dhaarna sab aatma ko karni hai। shareer to jad hai। aatma ki praveshta se yeh chaitanya banta hai।

to baap samjhaate hain - laadle bachche, yeh yaad ki manzil badi lambi hai। teerthon par to manushya chakra lagaakar laut aate hain। teerthon par to kabhi vikaar mein nahin jaate hain। krodh, lobh aadi ho jaaye, parantu pavitra zaroor rahenge। phir ghar mein laut aate hain to apvitra ban padte hain। is samay sabki aatma bhi jhoothi to shareer bhi jhoothe hain। lakshmi-naaraayan ki raajdhaani se lekar jo bhi aatmaayen aati gai hain is samay sab patit hain। satayug mein behad ka sukh, shanti, pavitrata rehti hai। kaliyug mein teenon nahin hai। ghar-ghar mein duhkh-ashaanti hai। koi-koi ghar mein to itni ashaanti hoti hai jaise narka। aapas mein bahut ladte-jhagadte rehte hai। to baap kehte hain - yeh bachpan bhulaana nahin। agar bhoole to oonch te oonch varsa ganva denge। bhula diya, phaarakti de di to adham gati ko paayenge। agar shreemat par chalenge to shreshtha shri lakshmi-naaraayan banenge। phir treta mein do kala kam ho gai isliye unko kshatriypan ki nishaani de di hai। aise nahin, vahaan koi raam-raavan ki ladaai lagi। jo maaya par jeet pahante hain woh devta varna mein jaate hain। poore marks hain 100, sooryavanshi number one jo gaddi par baithenge। thode kam marks honge to second number, 33 pratishat marks ke neeche aa jaate hain to raajya peechhe milta hai। sooryavanshi ka poora ho phir chandravanshi ka chalta hai। sooryavanshi phir chandravanshi ban jaate hain। sooryavanshi raajdhaani past ho gai। drama ko bhi samajhna hai। satayug ke baad treta, satopradhaan se sato ho jaate hain। khaad padti jaati hai। pahle golden phir silver, copper..... ab tumhaari aatma mein khaad padi hui hai। aatma ki jyoti ujhaai hui hai। patthar buddhi ban pade hain, baap phir paaras buddhi banaate hain। kehte hain - he aatmaayen, chalte-phirte koi bhi kaarya karte baap ko yaad karo। aath ghanta to paandav government ko madad karo। abhi tum aasuri kul se eeshvareey kul mein aaye ho phir agar aasuri kul mein gaye athva unko yaad kiya to vikarma vinaash nahin honge। mehnat saari ismen hai। nahin to ant mein bahut rona pachhtaana padega। paapon ka bojha rah jaata hai to phir tumhaare liye tribunal baithti hai। saakshaatkaar karaate hain - tumne phalaane janma mein yeh kiya। kaashi kalvat mein bhi saakshaatkaar karaake saja dete hain। yahaan bhi saakshaatkaar karaae dharmaraaj kahenge - dekho, baap tumko is brahma tan se padhaata tha, tumko itna sikhlaaya phir bhi tumne yeh-yeh paap kiye, na sirf is janma ke parantu janma-janmaantar ke paapon ka saakshaatkaar karaayenge। time bahut lagta hai। jaise ki bahut janma saja kha raha hoon phir bahut pachhtaayenge, royenge। parantu ho kya sakega? isliye pahle se bata deta hoon। naam badnaam kiya to bahut saja khaani padegi isliye bachche, mujh apne satguru ke nindak mat banna। nahin to sajaayen bhi khaayenge aur pad bhi kam ho jaayega।

tumhaara sat baba, sat teacher, satguru ek hi hai। ab baap kehte hain yeh brahma bachcha hamko bahut yaad karta hai। gyaan bhi dhaaran karte hain। yeh aur mama number one paas ho phir lakshmi-naaraayan bante hain, inki dynasty banti hai। jab sab purushaartha karte hain to ham bhi mama-baba ke misal mehnat kar unke takhta ke maalik banen, maat-pita ko follow karen aur bhavishya takhta nasheen banen। yeh rachayita aur rachna ki knowledge koi jaan nahin sakte। woh to beanta kah dete hain - ham nahin jaante hain, naastik hain। na jaanne ke kaaran hi bhaaratvaasi athva sab bachche duhkhi hue hain। ladte-jhagadte rehte hain - paani ke liye, jameen ke liye..... kaha bhi jaata hai - yeh past janmon ke karmon ka phal hai। abhi baap se tum aise karma seekhte ho jo tumko 21 janma kabhi karma kootna nahin padega। ekdam karmaateet avastha mein pahuncha dete hain। bhagvaanuvaach - he bachche, mujh baap ke athva mujh saajan ke bankar phir kabhi phaarakti mat dena। phaarakti dene ka kabhi sankalp bhi nahin aana chaahiye। vahaan kabhi stri pati ko divorce dene ka sankalp bhi nahin karegi। bachcha kabhi baap ko phaarakti nahin dega। aajkal to bahut dete hain। satayug mein kabhi phaarakti nahin dete hain kyonki vahaan tum abhi ke purushaartha ki praalabdha bhogte ho isliye koi duhkh ka athva phaarakti ka prashn hi nahin।

yeh yaad ki yaatra hai - parampita paramatma ke paas jaane ki roohaani yaatra। niraakaar baap niraakaar aatmaon se baat karte hai is mukh dvaara। to yeh gau mukh hua na। badi maa hai। tum ho mukh vanshaavli। unse gyaan ratna nikalte hain। baaki gau ke mukh se jal kaise niklega? baba is mukh dvaara avinaashi gyaan ratna dete hain। ek-ek ratna laakhon roopayon ka hai। jitna tum dhaaran karenge.....। mukhya hai hi manmanaabhav। yeh ek ratna hi mukhya hai। behad ka baap kehte hain mujhe yaad karne se main behad sukh ka varsa dene liye baandha hua hoon। jab tak shareer hai mujhe yaad karte raho to tumko svarga ki baadshaahi denge kyonki tum aagyaakaari, vaphaadaar bante ho। jitna jo yaad mein rehte hain utna duniya ko pavitra banaate hain। yaad se hi vikarma vinaash hote hain। bachchon ko maaya ghadi-ghadi bhula deti hai isliye khabardaar karte hain। kabhi baap ko bhula nahin dena। main tumko lene aaya hoon। satayug se phir naatak repeat hoga। main satayug ka maalik nahin banoonga। tumko svarga ki raajaai deta hoon। main phir aadha-kalpa vaanaprastha mein baith jaaoonga। phir aadha-kalpa mujhe koi yaad nahin karte। duhkh mein sabhi yaad karte hain। sukh mein kare na koi..... achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) 8 ghanta paandav government ki madad zaroor karni hai। yaad mein rah vishwa ko paavan banaane ki seva karni hai।

2) kabhi koi ulta karma karke satguru ki ninda nahin karaani hai। mama-baba jaisa purushaartha kar sooryavanshi raajaai leni hai।

vardaan:- divya buddhi ke vaahan dvaara teenon lokon ki sair karne vaale gyaan swaroop vidyaapti bhav

divya buddhi arthaat holeehans buddhi। hans arthaat ksheer aur neer ko, moti aur patthar ko pahchaan moti grahan karne vaale isliye holeehans sangamayugi gyaan swaroop vidya devi, sarasvati ka vaahan hai। aap sabhi gyaan swaroop ho isliye vidyaapti ya vidya devi ho। yeh vaahan divya buddhi ki nishaani hai। is divya buddhi ke vaahan dvaara aap teenon lokon ka sair karte ho। yeh vaahan sabhi vaahan se teevragti vaala hai।

slogan:- apni sarvashaktiyon ko anya aatmaon ke prati will karna hi sarva shreshtha seva hai।