Daily Murli for Friday 30 June 2023

30-06-2023 praatahmurli om shanti "baapdaada"' madhuban

“meethe bachche - is puraani duniya, puraane maandave se ab dil hata lo, tumhein baap ke paas vaapas jaana hai isliye ghar ko yaad karo''

prashn:- apni avastha achhi banaane ke liye kis baat ka bahut-bahut dhyaan rakhna chaahiye?

uttar:- bhojan ka। sensible bachche apne haath se yog mein rahkar bhojan banaayenge aur khaayenge। agar koi baba ko yaad kar, prem se baith bhojan banaaye aur khaaye to avastha bahut achhi ho sakti hai। baba ki yaad mein bhojan banaayenge to baba bhi vaasna lenge। serviceable bachchon ko bahut phurta banna chaahiye। har prakaar ki seva apne haath se karni hai।

geet:- mujhko sahaara dene vaale…

om shanti। bachchon prati baap baith samjhaate hain। bachche jaante hain - ham aatmaayen parampita paramatma baap se sun rahi hain। aage satsangon mein tum aise nahin samajhte the ki ham aatmaayen parampita paramatma se sun rahi hain। yahaan bachche baap ke aur baap bachchon ke sammukh hain। baap niraakaar hai aur aatma bhi niraakaar hai na। kitne dher ke dher bachche hain। yeh baap bigar aur koi kah na sake। jo baap ke sammukh brahman-braahmaniyaan hain unko hi baap baith samjhaate hain। tum jaante ho is samay sab paap aatmaayen hain, yeh koi punya aatmaon ki duniya nahin hai। punya aatmaon ki duniya satayug ko kaha jaata hai। abhi tum bachchon ko behad ka baap raajayog sikhla rahe hain। ab baap kehte hain is puraani duniya mein deh sahit jo kuchh hai, unko bhoolna hai। unse vairaagya aana chaahiye। yeh hai behad ka vairaagya। tumko koi jangal mein nahin jaana hai। rehna grihastha vyavhaar mein hi hai। parantu is puraani duniya se dil nahin lagaani hai। yeh kaliyug ka maandava hai। is maandave mein jab satayug tha to devi-devtaaon ka raajya tha। unhon ka part bajta tha। ab yeh maandava puraana ho gaya hai। punya aatmaon ki duniya satayug ko kaha jaata hai। abhi tum in okhon se jo kuchh dekhte ho woh puraani cheez hi hai। yeh 84 janma poore karne hain to is puraani duniya se dil nahin lagaani hai। dil lagaani hai nai duniya se। ab to yeh puraana shareer chhodkar hamko vaapis jaana hai। khushi rahni chaahiye - baba hamko phir se vaapis le jaane aaye hain। phir se hamko svarga mein jaakar part bajaana hai। goya grihastha vyavhaar mein rehte mamatva mita dena chaahiye। puraani duniya ko kabristaan banna hi hai। naatak ke actors part poora karte hain to phir ghar yaad padta hai। tum bhi jaante ho ham braahmanon ne 84 janmon ka part bajaaya, 84 ka chakra hi kaha jaata hai। varnon ko yaad karna padta hai।

shivbaaba baith phoolon ko dekhte hain। inki aatma bhi dekhti hai aur phir baba ko bhi yaad karti hai - baba ne hamko yeh gyaan sunaaya hai। vahi baap, teacher, satguru hai। koi shaastra to haath mein nahin hain। bachchiyaan bhi kahengi shivbaaba ne srishtichakra ki knowledge di hai, woh aapko sunaate hain। to satguru hi yaad padega। aatmaon ke roop se baba bhi yaad aata hai। saare world ki history-geography bhi yaad padti hai। yeh bhi jaante ho - vahaan ham aatmaayen nangi rehti hain। baap to sadaiv ashareeri hai। abhi hamko is shareer dvaara kalpa pahle muaaphik shiksha de rahe hain। barobar ham aatma hain। punya aatma, paap aatma kaha jaata hai। paap va punya paramatma nahin kaha jaata hai। sannyaasiyon ko bhi mahaan aatma kahenge। agar paramatma sarvavyaapi ho to mahaan paramatma kaha jaaye। aise to ho nahin sakta ki paramatma baith yagya-tap aadi kare। bhakta bhagwan ko dhoondhate hain। yeh bhi drama ke andar bhakti maarga ki noondh hai। tumko phir se 21 janma sukh bhog phir 63 janma bhakti maarga ke andar chakra mein aana hai। tum jaante ho hamaara part sabse nyaara hai। harek avinaashi aatma ko avinaashi part mila hua hai। shareer to khatma ho jaata hai। aatma kehti hai hamne 84 janma ka part bajaaya। abhi hamko part poora karke vastra chhodna hai, inmen mamatva nahin rakhna hai। aatma hi sab kuchh karti hai। aatma padhti hai। kehti hai - hamne itna padha hai, in organs dvaara। aatma inse nikal jaati hai to shareer ko murda kaha jaata hai। aatma kehti hai - main amar hoon। tumhaari buddhi mein abhi rehta hai - barobar is behad ke drama mein hamaara 84 janma ka part hai। anek actors bhinna-bhinna dharma ke hain। bhaarat ki badi bhaari mahima hai। Christian logon ko bhi bhaarat ke liye regard hai। samajhte hain bhaarat hi praacheen hai। us samay Christian nahin the। parantu woh sirf kahne maatra kah dete hain ki bhaarat praacheen tha, jaante nahin hain। vahaan to devi-devtaaon ka raajya tha, jinko bhagavti-bhagwan kehte hain। god krishna nahin, lord krishna kehte hain। shreekrishna ke athva devtaaon ke bahut puraane te puraane chitra maangate hain kyonki phir bhi sabke bade hain na devi-devtaayen। bhaarat ki badi mahima hai। geeta mein agar naam na badalte to sab jaante ki ham manushya aatmaon ke baap ka yeh bhaarat khanda janma sthaan hai। shiv ke mandir to jahaan-tahaan hain। patit-paavan baap patit duniya mein hi aakar sabko paavan banaate hain to oonch hua na। mahima bhi hoti hai shivaae namah। tum maat-pita ham baalak tere.... tum gyaan ke saagar ho। tumhaari gat mat nyaari hai। tumhaari mahima aparmaapaar hai। parantu phir unko bhool jaate hain, isliye bhaarat ki mahima ud gai hai। ab bachche baahar vilaayat mein jaayenge to unhon ko samjhaana hai - sab aatmaon ka baap woh niraakaar hai। tum god father ko pukaarte ho, parantu woh kab aate hain - yeh pata nahin hai। woh yooropvaasi yaadav bhi jaante hain - hamne yeh jo moosal banvaaye hain inse zaroor ham apne kul ka vinaash karenge। mahaabhaarat ladaai mashhoor hai। saamne maut khada hai। bhaarat praacheen hai to uske madadgaar bhi bahut bante hain। samajhte hain bhaarat bahut dhanvaan tha। itna to khajaana tha, jo baad mein musalmaanon ne heere-maniyaan aadi le jaakar kabron mein lagaai hain। bachche jaante hain - barobar bhaarat mein devi-devtaaon ka raajya tha। abhi ham phir se woh raajya le rahe hain। sivaae yogbal ke koi vishwa ka maalik ban na sake। Christian log hain ek hi dharma ke, phir bhi aapas mein ladkar apne kul ka vinaash kar dete hain। yaadav kul vaale mooslon dvaara aapas mein ladte hain। yeh jaante hain ki bombs se saari duniya hi ud jaayegi। ham raajya kar nahin sakenge। tum jaante ho do bandar ladenge, makkhan beech mein hamko mil jaayega। tum purushaartha kar rahe ho। ab tum bachchon ko is puraani duniya se vairaagya aana chaahiye kyonki jaante hain yeh sab khatma hone vaale hain। yaad ek baap ko karna hai। kabristaan ko kya yaad karna hai। kabristaan khatma ho phir paristaan banna hai। nahin to satayug mein isi hi bhaarat mein heere-javaahraat ki khaaniyaan theen, ab to sab khatma ho gai hain। bachchon ne saakshaatkaar kiya hai kaise vimaanon mein sona aadi le aate hain। woh srishti hi nai ban jaayegi। vahaan kitne achhe-achhe phal-phool hote hain। har cheez vahaan achhi hoti hai। ganda karne va duhkh dene vaali koi cheez hoti hi nahin isliye unko svarga kaha jaata hai।

to ab ek hi saajan sab sajniyon ko le jaane aaye hain। shareer to sabke yahaan khalaas ho jaayenge। yeh holika aadi sab yahaan ke utsav hain। parantu unke mahatva ka yathaartha kisko pata nahin hai। rakshaabandhan ka bhi utsav hai। raavan ko jalaane ka bhi utsav hai। baba ne samjhaaya hai saari srishti is samay raavan ka ghar hai। sab shok vaatika mein hain। kitne duhkhi hain। to sabse mamatva mita dena chaahiye। abhi ham vaapis ghar ja rahe hain। ghar ko hi yaad karna hai। satayug mein jab shareer boodha hoga tab samjhenge ab yeh puraana shareer chhod naya lete hain। abhi tum samajhte ho hamko vaapis jaana hai, isliye deh-abhimaan chhodna hai। duniya in baaton ko nahin jaanti hai। kah dete aatma so paramatma, paramatma so aatma। baap samjhaate hain - yeh jhooth hai। agar bhakta hi bhagwan hain to phir bhagwan ko kyon yaad karte ho। patit-paavan to ek niraakaar baap gaaya hua hai। kehte hain mujhe patit duniya mein hi aana padta hai। phir inko aur tum sab bachchon ko paavan banaata hoon। saari duniya ko paavan banaakar vaapis le jaata hoon। vahaan paramdham mein sab aatmaayen pavitra hi rehti hain। phir yahaan sato, rajo, tamo mein paas kar ant mein patit ban padi hain। yeh hai sabka antim janma। lakshmi-naaraayan bhi ab antim janma mein hain। patit-paavan ek hi baap hai। is srishti chakra ko samajhna bahut sahaj hai। maataayen bhi is gole par achhi reeti samjha sakti hain, ismen sirf buddhi ki samajh chaahiye। chitra par samjhaana bahut sahaj hai। baap bigar yeh knowledge koi samjha nahin sakta। aur koi paas yeh chitra hain nahin। in chitron ka bahut-bahut maan hoga। baba kehte hain - jo padhe-likhe hain unhon ko yeh jhaad, trimoorti ka chitra bhejo। vilaayat mein bhi bhej do। inse first class service ho sakti hai। roobru jaakar samjha sakte ho। yeh bhi knowledge hai na। college mein yeh honi chaahiye। to unhon ko behad ke history-geography ki knowledge mile। jo brahman kul ke honge unhon ko teer lag jaayega। bhinna-bhinna prakaar ke direction baba dete rehte hain। bachchon ko kabhi josh aata hai phir thande sodawater ho jaate hain। badi-badi yunivarsiteej mein yeh chitra do। chitra jaayenge tab to kisko teer lagega na। vilaayat ke bade-bade aadmiyon ko free do। behad ka baap kehte hain tum free de sakte ho। parantu aise nahin traam va bas mein jo mile unko dete raho। laayak bhi dekhna hai। inmen badi achhi knowledge hai। bade-bade dukaanon par bhi de sakte ho। mehnat karni chaahiye na। serviceable bachche service kar sakte hain। harek ki apni-apni service hai। maataaon ko bhi ghar mein service karni hai। chitra uthaakar phir pyaar se baith samjhaao। chhote-chhote bachchon ko chitra par bataaya jaata hai na। koi 4 maas ka bachcha hai, koi 6 maas ka, koi do maas ka। ab tumhaari buddhi mein hai ki 84 janma kaise lete hain। ab brahman bane hain, phir devta banenge phir kshatriy। aise-aise apne se baaten karni chaahiye। tum paarlaukik baap se baaten karne vaale ho। yeh hai vichaar saagar manthan karna। jitni service karenge, utna ijaapha milega। tum godly service par ho। baba kehte hain bhal grihastha vyavhaar ki sambhaal karo। aath ghanta is service mein lagaao। tumko behad ka khajaana milta hai। saara din buddhi mein yeh svadarshan-chakra phirna chaahiye। chauraasi ka chakra yaad aana chaahiye। yeh bhool kyon jaate ho? jitna simran karenge utna baap ke gale ka haar banenge। phir vishnu ke gale ka haar banenge। ghadi-ghadi bachchon ko samjhaaya jaata hai, yahaan dhaarna achhi hogi, kyonki yahaan koi mitra-sambandhi aadi to hain nahin। serviceable woh jo saara din service mein laga rahe, baba ki murli sune, repeat kare, note kare। teacher samajhte hain hamaare school se bahut paas ho niklen to government ijaapha degi। tum braahmanon ko bhi aisa rehna chaahiye। ham jhunda ka jhunda achha taiyaar kar baba ke paas le jaayen। isko kahenge sensible। agar koi mehnat nahin karte to report aati hai। aaraam to haraam hai। teacher aisa phurta hona chaahiye jo 10 centres sambhaale। idhar-udhar bhaagta rahe। 5-6 ghanta neend kaaphi hai। baaki mehnat karni chaahiye। achhe sensible bachche koshish kar bhojan bhi apne haath se banaayenge। baba ko yaad kar prem se baith bhojan banaaye aur khaaye to avastha bahut achhi rahegi। baba bhi chaahte hain apne haath se banaaven। baba ko yaad kar banaayenge to baba ko bhi vaasna milegi। baap ki yaad se bahut achhi unnati hogi। svadarshan-chakra phiraate raho। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne aapse va paarlaukik baap se baaten kar vichaar saagar manthan mein buddhi ko busy rakhna hai। svadarshan chakradhaari banna hai।

2) abhi ham vaapis ghar ja rahe hain, yeh shok vaatika hai, isse mamatva mita dena hai। nai duniya se apni dil lagaani hai।

vardaan:- dilaaraam baap ki yaad dvaara teenon kaalon ko achha banaane vaale ichchha mukta bhav

jin bachchon ki dil mein ek dilaaraam baap ki yaad hai woh sada vaah-vaah ke geet gaate rehte hain, unke man se svapna mein bhi “haay'' shabd nahin nikal sakta kyonki jo hua woh bhi vaah, jo ho raha hai woh bhi vaah aur jo hona hai woh bhi vaah। teenon hi kaal vaah-vaah hai arthaat achhe te achha hai। jahaan sab achha hai vahaan koi ichchha utpanna nahin ho sakti kyonki achha tab kahenge jab sab praaptiyaan hain। praapti sampanna banna hi ichchha mukta banna hai।

slogan:- sanskaaron ko aisa sheetal bana lo jo josh va rob ke sanskaar emerge hi na hon।