Daily Murli for Saturday 22 July 2023

22-07-2023 praatahmurli om shanti "baapdaada"' madhuban

“meethe bachche - aap muye mar gai duniya, baap ka banna arthaat deh-abhimaan tootna, ek baap ke sivaae aur kuchh bhi yaad na aaye''

prashn:- ant ka samay sameep dekhte hue kaun-sa slogan sada yaad rakhna hai?

uttar:- “kinki dabi rahegi dhool mein, kinki raaja khaae…'' - yeh slogan sada yaad rakho kyonki abhi duhkh ke pahaad girne hain, sabka maut hona hai। tum bachche to abhi baap par poora bali chadhte ho, tumhaara sab-kuchh saphal ho raha hai। tum ek janma bali chadhte, baap 21 janmon ke liye balihaar jaata hai। 21 janma tumhein laukik maa-baap ke varse ki darkaar nahin। dvaapar se phir jaisa karma vaisa phal milta hai।

geet:- main ek nanha sa bachcha hoon........

om shanti। yeh to manushya maatra jaante hain ki oonch te oonch bhagwan hai। bhagwan ko hamesha parampita paramatma kehte hain aur unka ooncha naam bhi hai, ooncha thaanv bhi hai। sabse oonch mool vatan mein rehte hain। ab jabki god father kehte hain to zaroor bachche hi thahre। aise to nahin kah sakte ham father hain। sarvavyaapi kahne se to sab father ho jaate। unko to hamesha pare te pare paramdham mein rahne vaala parampita paramatma kaha jaata hai। oonch te oonch bhagvat, isliye sab bhakta unko yaad karte hain। kehte bhi hain - bhagwan ko hi bhakton ko bhakti ka phal dene yahaan aana padega। woh baap hai svarga ka rachayita। creator zaroor nai duniya hi rachenge। to woh aayega kahaan? kya patit duniya mein va paavan duniya mein? dekho, yeh baat achhi reeti dhaaran karne ki hai। tum koi chhote nahin ho। shareer ke organs to bade hain na। tum jaante ho sabhi baap ko yaad karte hain, samajhte hain yahaan duhkh hai। hamko aisi jagah le chalo, jahaan shanti-sukh ho। drama anusaar baap ko aana hi hai। bani banaai ban rahi.... ismen koi farka nahin ho sakta। world ki history-geography chakra lagaati rehti hai। 4 yug phirte rehte hain। kaliyug ke baad hota hai sangamayug, kaliyug aur satayug ke beech ka yeh hai kalyaankaari dharmaau yug। yeh hai purushottam yug arthaat uttam te uttam, maryaada purushottam banne ka yug। is yug jaisa uttam yug koi hota nahin। satayug-treta ka sangamayug koi oonch nahin hai। usmein to do kala sukh ki kam hoti hain। is sangamayug ki hi mahima hai। tum jaante ho baap to hai oonch te oonch। aise nahin ki sarvavyaapi hai। bachche kitni bhool karte hain parantu bhool bhi drama anusaar honi hi hai। main phir aakar abhul banaata hoon। baap kehte hai mujhe tum oonch te oonch bhagvat kehte ho main phir tum bachchon ko apne se bhi oonch banaata hoon, tab to bhakta yaad karte hain। lekin sarvavyaapi kahne se mitti mein mila diya hai। to khud bhi aise kangaal duhkhi ho gaye hain। bhaarat sukhdhaam tha। ab duhkhadhaam hai। ab baap kehte hain main tumko apne se bhi oonch banaata hoon। main to paramdham brahmaanda mein rehta hoon। tum bhi vahaan rehte ho phir yahaan aate ho part bajaane। jaante ho brahman hain oonche te oonch choti। to oonche te oonch shivbaaba ki kya nishaani rakhenge? woh to ek star hai। jaise aatma vaise paramatma। chamakta hai bhrakuti ke beech mein azab sitaara। aatma ka roop hai hi star। yeh bana-banaaya drama hai। ismen sabhi aatmaayen brahmaanda, niraakaari jhaad mein rehti hain jisko nirvaandhaam kaha jaata hai। aatmaayen niraakaari duniya sweet home se aati hain। abhi to duhkhadhaam hai। kitne partition hain! satayug mein koi partition nahin tha। bhaarat hi oonch khanda tha। baba ko satya (truth) kaha jaata hai। baba kehte hain main sachkhanda sthaapan karne aata hoon to zaroor nai duniya sthaapan kar, puraani duniya ko mitaana pade na। abhi duhkh ke to pahaad girne vaale hain। kinki dabi rahegi dhool mein....। woh bhi samajhte hain ki ham jo bombs banaae aapas mein aankh dikhaate hain to aakhir khaatma to zaroor hona hai। parantu pata nahin kaun prerak hai jo aisi cheez banva rahe hain। geeta mein bhi hai ki pet se moosal nikle। yeh hai saari buddhi ki baaten। bombs nikaalte hain apne nation ka vinaash karne। yaadav, kaurav, paandav - teen senaayen hain na। yaadav-kaurav ladkar khatma hue। baaki kaurav-paandavon ki koi ladaai nahin hoti। tumhaari koi se yuddha nahin। tum ho yogbal vaale raajarishi। sannyaasi hain hathayog rishi। woh shankaraachaarya, yeh shivaachaarya। shreekrishna aachaarya nahin kahenge। woh ab knowledge le raha hai phir so shreekrishna banne ke liye। yeh raajdhaani sthaapan ho rahi hai। tum patit kaanton se daivi phool ban rahe ho।

geet mein bhi suna - aao, ajaamil jaise paapiyon ka uddhaar karo। gaaya bhi jaata hai patit paavan, vahi satguru hai। jo tumko nar se naaraayan, raajaaon ka raaja banaate hain। yeh hai em object। yeh paathshaala hai na। ismen ham nar se naaraayan, naari se lakshmi bante hain। ismen andhashradha ki baat nahin। school mein em object hoti hai na। tum baap ke paas aaye ho behad ka varsa lene। vahaan ka varsa yahaan lena hota hai। woh hai hi sukhdhaam। yeh hai duhkhadhaam। geet mein suna - main chhota-sa bachcha hoon....। tum bachche ho na। koi 25 varsha ka, koi 20 varsha ka। baba kehte hai - ek din ka bachcha bhi varsa le sakta hai। behad ka baap phir bhaarat ko heere jaisa banaane aaya hai। satayug mein kitne heeron-javaahron ke mahal the! baat mat poochho! phir jab bhakti maarga shuru hota hai to patit raajaayen baith somnaath jaisa mandir banaate hain। raajaaon ke paas mandir hote hain। aajkal to bahut hi mandir banaate rehte hai। sabse mukhya mandir kisne banaaya hoga! jo poojya se pujaari bante hain zaroor unhonne hi banaaya hoga। aap hi poojya aap hi pujaari - yeh mahima parampita paramatma ki nahin hai। unki mahima to sabse nyaari hai। har ek manushya ki mahima alag hoti hai। oonche te oonch mahima hai baap ki, jisse tum 21 janmon ka varsa paate ho। phir dvaapar se lekar tum laukik baap ka bachcha ban jaise-jaise karma karte ho aisa janma lete ho। dhan daan karne se ek janma alpakaal sukh ka varsa mil jaata hai। raajaayen bhi to rogi bante hain na। svarga mein tum rogi nahin bante ho। tumhaari average 150 varsha aayu rehti hai। kitne healthy rehte ho। beemaari, duhkh aadi ka naam nahin। shivbaaba bachchon ke liye saugaat le aate hain, isko hatheli par bahishta kaha jaata hai। purushaartha karna chaahiye - chaahe sooryavanshi bano, chaahe chandravanshi bano, chaahe saahookaar praja। em object to hai - shreekrishna jaisa banna। baaki shreekrishna vaach to kabhi hua nahin hai। yeh hai bhagvaanuvaach। samjhaaya jaata hai - yeh hai roodra gyaan yagya। raajasva arthaat svaraajya praapta karne ke liye। shaastron mein to badi kahaani likh di hai। baap par bali chadhne se baap phir 21 janma bali chadhte hai। baap tum bachchon ko oonche te oonch banaate hain। brahmaanda mein rahne vaale, brahmaanda ke maalik thahre na। phir tum vishwa ke maalik bante ho, main vishwa ka maalik nahin banta hoon। tumko banaane ke liye aata hoon।

tum kehte bhi ho - patit-paavan aao, aakar paavan banaao। phir sarvavyaapi kaise thahra? sadgati daata patit-paavan to ek hi baap hai। is samay sabhi tamopradhaan ban gaye hain। sato-rajo-tamo se sabko paas karna hi hai। har cheez pahle satopradhaan hoti hai phir tamopradhaan banti hai। satayug mein bhi devi-devtaayen satopradhaan phir treta mein sato; raam raajya; kshatriy, phir rajo mein vaishya, tamo mein shoodra, varna bhi hain na। viraat roop mein devta, kshatriy, vaishya, shoodra dikhaate hain। baap aur brahman gum kar dete hain। tum brahman devtaaon se bhi oonch ho kyonki tum bhaarat ki oonch seva karte ho। tum ho shreemat par। shreshtha te shreshtha, oonch te oonch bhagwan ki mat milti hai jisse tum bhi shri lakshmi-naaraayan bante ho, shri shri shivbaaba dvaara। phir maaya ka pravesh hota hai to tum aasuri ban padte ho। kalpa-kalpa baba aise aakar samjhaate hain। baba ne gyaan ka kalash tum maataaon par rakha hai - manushya se devta banaane। sannyaasi to maataaon ko narka ka dvaar samajhte hain, ninda karte hain phir aakar unheen maataaon se bheekh maangate hai, to phir karja chadh jaata hai isliye punarjanma phir bhi grihasthiyon paas le phir sannyaas karte hai। punarjanma nahin lete to phir itne dher sannyaasi kahaan se aate?

bhaarat pavitra tha, sampoorn nirvikaari duniya kaha jaata hai। barobar devtaaon ke aage mahima gaate hain - aap sarvagun sampanna........ phir apne ko kehte hai - main nirgun haare mein koi gun naaheen। sarvagun sampanna - yeh shivbaaba ki mahima nahin hai, yeh devtaaon ki mahima hai। parantu poora gyaan na hone kaaran raam-seeta ke aage bhi yeh mahima kar dete। shiv jayanti manaate hain parantu samajhte kuchh bhi nahin hain। to baap kehte hain - tumhaara ab gyaan ka teesra netra khulta hai। devtaaon ko teesra netra hota nahin। chitron mein devtaaon ko dikhaate hain parantu vaastav mein hai tumhaara। parantu teesra netra khula phir banda bhi ho jaata hai। aashcharyavat sunanti, pashanti, auron ko sunaavanti phir bhi bhaaganti ho jaate hain। bahut achhe-achhe bachche maaya se haarte hain। baap yuddha karaate hain 5 vikaaron par jeet pahnaane liye। baaki aur yuddha to hai nahin। tum abhi ho brahma vanshi, phir devta banenge। abhi shoodra se brahman varna mein aaye ho। is samay srishti ka chakra poora buddhi mein hai। naatak poora hota hai। baap le chalne liye aaye hain। maaya ne sabko patit banaaya hai। ab baap kehte hai - yog agni se tum vikarmaajeet bano, ismen mehnat hai। aur kuchh karna nahin hai, baap ko yaad karna hai। baba ham aapke the। aapne hamko phir satayug mein bheja, punarjanma satayug mein lete rahe। phir treta mein aaye to punarjanma treta mein liye। isko bhi baap kehte hain - tum apne janmon ko nahin jaante ho, ham bataate hain। manushya 84 janma kaise lete hai? 84 laakh ki to baat hi nahin ho sakti। kalpa ki aayu hi 5 hajaar varsha hai। in shaastron ne tumhein ghor neend mein sula diya tha। ab baap ne tumko jagaaya hai। tum jaagkar baap se varsa le rahe ho। tum chhote bachche ho, koi 3 maas ka, koi 4 maas ka। tum eeshvar ke bante ho to phir aap muye mar gai duniya। baba ka bante ho to deh-abhimaan toot jaata hai। baap kehte hai - shareer mein rehte hue, grihastha vyavhaar mein rehte hue kamal phool samaan rehna hai। satayug mein tum pavitra sambandh mein the। ab apvitra grihastha dharma vaale bane ho। tum devi-devta dharma vaale hi 84 janma lete ho। bhakti bhi tum shuru karte ho। poojya se pujaari tum bante ho। pahle tumne avyabhichaari bhakti ki, ab bhakti bhi vyabhichaari ban padi hai। phir tumko baap se varsa milta hai। baap ko aana bhi sangamayug par hota hai। yuge-yuge kahne se karke 4 yug kaho na। phir 24 avtaar - kachchha-machchha avtaar kaise ho sakenge? god is one, rachayita bhi ek hai to unki rachna bhi ek hai। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svaraajya ke liye baap par bali chadhna hai। em-object sada saamne rakhni hai। purushaartha kar sooryavanshi banna hai।

2) baap se jo gyaan ka teesra netra mila hai, woh sada khula rahe। maaya ki praveshta na ho jaae iska poora dhyaan rakhna hai। yog agni se vikarmaajeet banna hai।

vardaan:- sarva sambandhon se baap ko apna banaakar ekras rahne vaale nashtomoha, smriti swaroop bhav

nashtomoha, smriti swaroop banne ke liye sarva sambandhon se baap ko apna banaao। kisi bhi daihik sambandh mein buddhi ka lagaav na ho। agar kahin bhi lagaav hoga to buddhi bhatkegi। baithenge baap ko yaad karne aur yaad vahi aayega jismen moh hoga। kiska moh paise mein hota hai, kiska jevar mein, kiska kisi sambandh mein..jahaan bhi hoga vahaan buddhi jaayegi। agar baar-baar buddhi jaati hai to ekras nahin rah sakte।

slogan:- prakriti ko daasi bana do to udaasi door bhaag jaayegi।