Daily Murli for Tuesday 1 August 2023

01-08-2023 praatahmurli om shanti "baapdaada"' madhuban

“ meethe bachche - maaya ki peeda se bachne ke liye baap ki sharan mein aa jaao , eeshvar ki sharan mein aane se 21 janma ke liye maaya ke bandhan se chhoot jaayenge ''

prashn:- tum bachche kis purushaartha se mandir laayak poojyaneey ban jaate ho?

uttar:- mandir laayak poojyaneey banne ke liye bhooton se bachne ka purushaartha karo। kabhi bhi kisi bhoot ki praveshta nahin honi chaahiye। jab kisi mein bhoot dekho, koi krodh karta hai ya moh ke vash ho jaata hai to usse kinaara kar lo। pavitra rahne ki svayan se pratigya karo। sachchi-sachchi raakhi baandho।

geet:- tumhaare bulaane ko ji chaahta hai…

om shanti। bhakta sadaiv bulaate hain bhagwan ko। bhagwan ko parampita kaha jaata hai। kehte hain - he patit-paavan parampita paramatma, aakarke ham bachchon ko patit se paavan banaao। to zaroor sab patit thahre kyonki raavan ka raajya hai, paanch vikaar sarvavyaapi hain। aise nahin ki satayug mein bhi 5 vikaar sarvavyaapak hain। nahin, unko to kaha jaata hai sampoorn nirvikaari duniya। yeh hai sampoorn vikaari duniya। bhaarat sampoorn nirvikaari tha - yeh bhool gaye hain। mandiron mein jaakar devtaaon ki upma bhi karte hain ki aap sarvagun sampanna, sampoorn nirvikaari ho। yahaan sampoorn vikaari hain, isliye baap ko bulaate hain। baap aakar sampoorn vikaariyon ko sharan mein lete hain। sharnaagti hoti hai na। abhi sab refugee hain to pukaarte hain। aatma pukaarti hai baap ko - baba, ham aatmaayen bilkul vikaari ban gai hain, aap aakar nirvikaari banaao। ek-do ko maarte rehte hain, isliye inhon ko devil bhi kaha jaata hai। bhaarat deity world tha - manushya yeh nahin jaante। barobar bhaarat devi-devtaaon ki bhoomi thi, woh raajya karte the। parantu aadhaakalpa se maaya ne dheere-dheere karke bilkul hi patit bana diya hai isliye kehte hain ab ham patiton ko aakar sharan lo। ab tumne aakar parampita paramatma ki god li hai - bhavishya devi-devta banne ke liye। yeh hai eeshvareey god fatherly mission, patit ko paavan athva kaanton ko phool banaane ki mission hai। bachchon ka dhandha hi hai parampita paramatma ki mat par kaanton ko phool banaana, narkavaasiyon ko svargavaasi banaana। tum kehte ho O god father, to zaroor tum unko jaante ho na। phir aise kah na saken ki paramatma kahaan hai! are, aatma bolti hai O god father। aatmaayen pukaarti hain paramatma ko, woh in aankhon se dekhne mein nahin aata। aatma bhi dekhne mein nahin aati। yeh to samajh ki baat hai na। aatma jyoti swaroop hai। parampita paramatma ka bhi vahi roop hai। baap kehte hain tum aatma ek chola chhod doosra leti ho। tum aatma avinaashi ho, shareer vinaashi hai। aatma shareer chhodti hai। kahenge hamaara baap mar gaya, parantu aatma marti nahin। aatma ko bulaate hain। yeh tum abhi samajhte ho। baaki saari duniya ke manushya maatra baap ko bilkul nahin jaante hain isliye aapas mein kitna ladte-jhagadte rehte hain। abhi mooslon se pata nahin kya karenge! inhon ko kaha jaata hai devils। baba kehte hain main koi aisi srishti thode hi rachta hoon। baba to svarga rachte hain। svarga ka maalik banaate hain। to zaroor baap ko aana pade na। baap kehte hain - bachche, main aaya hoon, jo patit-duhkhi ho gaye hain, unko sada sukhi banaane। vahaan koi aise nahin kahenge - patit-paavan aao ya O god father raham karo। aise kabhi bulaate nahin hain kyonki hain hi sukhi। duhkh mein sabhi yaad karte hain। aatma hi yaad karti hai। shareer ke saath sukh-duhkh hota hai। shareer nahin hai to aatma sukh-duhkh se nyaari hai। baap kehte hain main inmen pravesh kar inka naam brahma rakhta hoon। kai to achhi reeti samajh lete hain, kai nahin samajhte hain, to samjha jaata hai - yeh paavan duniya mein chalne laayak nahin hain isliye shreemat par nahin chalte hain। yeh hai hi aasuri raavan sampradaay। raavan ko har varsha jalaate hain na। yeh nishaani hai। har varsha raakhi bhi bandhavaate hain kyonki pavitra nahin rehte। raakhi bandhavaate hain phir apvitra ban padte hain isliye varsha-varsha raakhi bandhavaate hain। raakhi hai pavitrata ki nishaani। vikaariyon ko raakhi bhej dete hain ki pratigya karo ham pavitra rahenge। pavitra banne se 21 janma raajya-bhaagya paayenge।

baba kehte hain - main hi aakar tum sabko poojya banaata hoon। abhi tum pujaari ho। devtaaon ki, thikkar-bhittar ki pooja karte dhakke khaate rehte ho। main tumko in dhakkon se chhudaae poojya so lakshmi-naaraayan banaata hoon। tum yahaan aaye hi ho nar se naaraayan banne ke liye। aadhaakalpa maaya se peedit ho abhi tumne aakar sharan li hai parampita paramatma ki। mama ne bhi li hai। is baba ne bhi sharan li hai shivbaaba ki। unko to apna shareer hai nahin। unka naam hi hai shiv। shivbaaba ka naam kabhi badalta nahin hai। manushya aatma ka naam badalta rehta hai। 84 naam milte hain। in baaton ko manushya nahin jaante। 84 janma bhi kehte hain parantu 84 janma kaun lete hain, yeh koi nahin jaante। bhaaratvaasi, jo devi-devtaayen the, vahi 84 janma lete hain। yeh hai behad ka drama। ise manushya ko hi to jaanna hai। tum jaante ho god father svarga ka rachayita hai to zaroor svarga ka varsa milna chaahiye। bhaarat svarga tha। woh varsa phir maaya raavan ne chheen liya। ab phir maaya par jeet paani hai। maaya jeete jagat jeet। raavan se haar khaai to devil bane, ab deity (devta) banna hai। kaante ko kali, kali ko phir phool banaana hai। maaya ka toofaan aane se kaliyaan va phool jhad jaate hain। maat-pita ka bankar phir faarakti de dete hain। yeh samajhne ki baat hai na। angeakhre (tithi-taareekh sahit) proof dekar samjhaaya jaata hai - yeh manushya srishti ka ulta jhaad hai, beej oopar mein hai, tab to O god father kah yaad karte hain na। yeh knowledge badi bhaari hai samajhne ki। tum bachche samajhte ho sab aatmaon ka jo baap hai unko hi yaad karte hain। ham brothers hain। sabko baap se varsa milna chaahiye। unko brotherhood kaha jaata hai। tum ho bhaai-bhaai, varsa milna hai baap se। baap sabko sukh, shanti ka varsa dete hain। baap aakar teacher roop se padhaate hain phir satguru ban saath le jaate hain। sat ek hi god father ko kaha jaata hai। unka yeh hai satsang। sat ka sang taare। abhi vinaash hona hai। sabko shantidham, sukhdhaam jaana hai। kehte hain naeeya meri paar lagaao, ham vishay saagar mein doobe hue hain। to baap ko aana pade - shantidham sukhdhaam le jaane। aadhaakalpa hai sukhdhaam, aadhaakalpa hai duhkhadhaam। yeh bhaarat bilkul hi patit, bhogi ho gaya hai। yogi nahin kahenge। satayug-treta ko kaha jaata hai yogeshvar ka raajya। shreekrishna ko yogeshvar kehte hain। eeshvar ke saath yog lagaakar pad paana hai। so tum pa rahe ho। baap kitna achhi reeti samjhaate hain। samjhaane vaala hai gyaan ka saagar। manushya gyaan saagar nahin hota। yeh (baba) apne ko gyaan saagar nahin kehte। tum abhi master gyaan saagar ban rahe ho। gyaan saagar se saara gyaan hap kar lete ho। jaise teacher dvaara bairistari ka knowledge students hap kar lete hain phir barrister ban jaate hain। tum saare gyaan saagar ko hap kar lete ho। saara gyaan aa jaayega tab phir tum praalabdha pa lenge। baap nirvaandhaam chale jaayenge। tum bachche nambarvaar purushaartha anusaar varsa le lete ho। is knowledge se tum so devi-devta sada sukhi ban jaate ho। abhi tum eeshvar ki sharan mein aate ho। baba tumko 21 janma maaya ke bandhan se chhuda lete hain। baap kitna sahaj kar samjhaate hain। paarasbuddhi banne vaale jo honge vahi banenge।

tum samajhte ho ham baba se kalpa-kalpa varsa lete hain। maaya chheen leti hai phir main aakar tumko sukh-shanti ka varsa deta hoon। raavan duhkh ka varsa dete hain, raam sukh ka varsa dete hain। kitna janma, kitna samay duhkh aur sukh ka varsa milta hai - woh bhi sab tumko batlaate hain। baap kehte hain - sirf mujh baap ko yaad karo। main aatma parampita paramatma ka bachcha hoon। bas, baap ko yaad karte raho to tumhaare vikarma vinaash ho jaayenge। tum vikarmaajeet raaja ban jaayenge। vikarmaajeet raaja ka sanvat ek se shuru hua phir vikram sanvat 2500 varsha baad shuru hota hai। vikarmaajeet aur vikram, bhaaratvaasiyon ke do sanvat hain। vikram ka sanvat sabhi jaante hain, vikarmaajeet ka sanvat bhool gaye hain। yeh hai padhaai।

dekho, murli bhi kitna travel (yaatra) karti hai। nahin to gop-gaapiyon ko murli kaise pahunche? tapes bhi jaati hain। sab centres tape sunte rahenge। yeh murli hai wonderful। iske liye hi gaayan hai ki gopiyaan tadaphti thi। baap kehte hain main to aata hi hoon patit duniya mein। satayug mein devtaaon ko apaar sukh hai। itna sukh koi pa na sake। heere-javaahron ke mahal mein rehte hain। yahaan to sona kitna mahanga hai। vahaan to tum sone ki eeton ke mahal banaayenge। phir unmein heeron ki jadat hoti hai। baap bachchon ko kya se kya bana dete hain! sirf pavitra rahne ki pratigya karni hai। krodh ka bhoot nahin hona chaahiye। samjha jaata hai inmen bhoot ki praveshta hai, inko kinaare kar do। bahut hain jinka abhi tak moh nashta nahin hota hai। jaise bandari ka moh hota hai na, aise bachchon aadi mein moh atak jaata hai। bandar mein sabse jaasti vikaar hote hain। tumko ab bandar se mandir laayak bana rahe hain।

rakshaabandhan ka raaz bhi samjhaaya hai। raakhi baandhane ki baat nahin hai। yeh baap se pratigya ki jaati hai। meethe baba, behad ke baba aadhaakalpa, ham bhakton ne aapko yaad kiya hai। ab aap aaye ho baikuntha ka maalik banaane, isliye ham aapke madadgaar bante hain। ham pratigya karte hain ki kabhi apvitra nahin banenge। pavitra ban bhaarat ko pavitra banaayenge। kitni sahaj baat hai! achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par patit manushyon ko paavan devta banaane ki seva karni hai। baap ka poora-poora madadgaar banna hai।

2) gyaan saagar ka saara gyaan hap karna hai। baap ki yaad se vikarmon ko dagdha kar vikarmaajeet banna hai।

vardaan:- koi bhi duty bajaate hue svayan ko sevaadhaari samajh seva karne vaale double phal ke adhikaari bhav

koi bhi kaarya karte, daphtar mein jaate ya business karte - sada smriti rahe ki seva ke liye yeh duty baja rahe hain। seva ke nimitta yeh kar raha hoon - to seva aapke paas svatah aayegi aur jitni seva karenge utni khushi badhti jaayegi। bhavishya to jama hoga hi lekin pratyakshaphal khushi milegi। to double phal ke adhikaari ban jaayenge। yaad aur seva mein buddhi busy hogi to sada hi phal khaate rahenge।

slogan:- jo sada khushhaal rehte hain woh svany ko aur sarva ko priy lagte hain।

is maas ki sabhi murliyaan (eeshvareey mahaavaakya) niraakaar paramatma shiv ne brahma mukhakmal se apne brahmaavatson arthaat brahmaakumaar evan brahmaakumaariyon ke sammukh 18-1-1969 se pahle uchchaaran ki thi। yeh keval brahmaakumaareez ki adhikrit teacher bahnon dvaara niymit BK vidyaarthiyon ko sunaane ke liye hain।