Daily Murli for Monday 31 July 2023

31-07-2023 praatahmurli om shanti "baapdaada"' madhuban

“meethe bachche - tum baap ko yaad karo, yahi yaad vishwa ke liye yogdaan hai, isi se vishwa paavan banega, beda paar ho jaayega''

prashn:- kin bachchon ki sambhaal ant samay mein svayan baapdaada karte hain?

uttar:- jo bachche bahut samay se kaanton ko phool banaane ki service mein tatpar rehte hain। baap ke poore-poore madadgaar hain, aise bachchon ki ant samay mein baap svayan sambhaal karte hain। baba kehte - main apne madadgaar bachchon ko wonderful scene-seenriyaan dikhlaakar khoob bahlaaoonga। woh ant mein bahut sukh dekhenge। saakshaatkaar karte rahenge। 2- jinhen “ek baap doosra na koi'' yeh paath pakka hai, aise bachchon ko hi baap ki madad milti hai।

geet:- preetam on milo…

om shanti। preetam aur preetmaayen। preetam ek hai aur preetmaayen anek hain। preetmaayen bula rahi hain ek bhagwan ko। anek bhakta bula rahe hain, kislie? sukh ke liye। kanya bulaati hai preetam on milo। kislie? sukh ke liye। sagaai hoti hai sukh ke liye। parantu ab bachche jaan gaye hain jabki raavan raajya hai to preetam se koi sukh mil nahin sakta। raavan raajya mein sukh ho na sake। preetmaayen sab shokvaatika mein hain tab to bulaati hain। ashok vaatika mein to koi bulaate nahin। koi duhkh va shok nahin to bulaayenge kyon? duhkh mein hi preetam ko yaad karte hain phir preetam mil jaata hai to aadhaakalpa preetmaayen yaad karne se chhoot jaati hain। abhi tum jaante ho - sabse meetha, sabse pyaara preetam hai hi ek parampita paramatma, sabse ooncha sabse shreshtha। yahaan koi manushya apne ko shreshtha te shreshtha kah na sake। bhal kehte hain eeshvar sarvavyaapi hai, shivoham parantu ek-do se shreshtha to hote hi hain na। saadhu logon mein jo oonch hote hain unko aur saadhu log dandavat pranaam karte hain। parantu sabse oonch te oonch ek hi preetam parampita paramatma gaaya hua hai। sab unko yaad karte hain - zaroor sukh ke liye। jab bahut duhkh hota hai to bahut preetmaayen yaad karti hain। abhi bachchon ko itna duhkh ka anubhav nahin hai। ajun to bahut duhkh aane vaala hai। jisko bulaaya jaata hai woh aayenge to zaroor na। to baap bhi aate hain। baap ka banne se ek second mein sukh ka varsa mil jaata hai। bachchon ko nishchay hona chaahiye - hamne baap ki god li hai to second mein jeevanmukti mili hai। bachcha paida hota hai to god mein aa jaata hai phir nishchay ho jaata hai ki yeh vaaris hai। yeh bhi behad ka baap hai। ab achhi reeti inko pahchaan lete hain। pahchaan mein koi takleeph nahin hai। bachche bahut hain, gaaya jaata hai san shows father। to kisko kahne ki darkaar nahin। dher ke dher brahmaakumaar-kumaariyaan hain। itne dher bachche sivaae eeshvar ke aur kisko hote nahin। shreekrishna to daiveegunon vaala manushya hai। manushya ko itne bachche ho nahin sakte। tum jaante ho ham shivbaaba ke bachche hain। tum kah sakte ho koi bhi manushya ko itne bachche hote nahin। kitne brahmaakumaar-kumaariyaan hain। gaayan to hai na prajaapita brahma ka। yaad karte hain trikaaldarshi paramatma ko। bhagwan ko hi itne bachche ho sakte hain। to woh niraakaar jab saakaar mein aaye tab to adopt kare। shareer na ho to god kaise le? tum eeshvar ki god mein aaye ho। jaante ho vahi preetam hai। sabse meetha, sabse pyaara hai। pyaar karne vaale ko preetam kaha jaata hai। tum jaante ho - hamaara oonche te ooncha preetam woh hai jisse ham preetmaaon ko svarga ke sukh ghanere milte hain। unke sammukh baithe hain। bhakti-maarga mein gaate bhi hain - raam ka naam lene se manushya paar ho jaate hain isliye raam-raam bahut kehte hain। jaise ganga nadi ko patit-paavni samajhte hain। manushya vahaan jaakar patte par deeva jalaate hain। jaise shreekrishna ko patte par saagar mein angootha choosta hua dikhaate hain। yeh phir deeva jagaakar patte par rakhte hain। aatma bhi deepak hai। manushyon ko to poora gyaan nahin hai। unhon ke liye to jaise ek rasma ho gai hai। deeva jagaakar kehte hain - aatma paar ho jaati hai। parampita paramatma ko to khivaiya kaha jaata hai। vishay saagar se paar le jaate hain। unhonne akshar sunkar ek rasma bana di hai। baap aatma ka deeva jagaate hain। yeh sab nishaaniyaan hain। aatma ko hi yeh shareer chhod jaana padta hai - us paar paramdham mein। tum jaante ho - aatma agyaan saagar se us paar ja rahi hai। khivaiya to baap hi hai। ganga ji ko khivaiya akshar nahin diya ja sakta। khivaiya athva saajan to saath-saath chaahiye। kitnon ko saath mein us paar le jaate hain, bhinna-bhinna naam rakh diye hain। baaki boat mein va steamer mein bithaae koi le nahin jaate hain। tum bachche jaante ho kaise yaad ki yaatra mein rehte hain। ismen kuchh mukh se raam-raam kahne ki darkaar nahin। manushya to kehte hain raam-raam kaho। samajhte hain ham yeh naam daan karte hain। baap phir daan dete hain - avinaashi gyaan ratnon ka। kehte hain meethi-meethi laadli aatmaayen mujh baap ko yaad karo। yahi baap ki yaad vishwa ke liye yogdaan hai। shivbaaba ko yaad karo। vaastav mein raam bhi parampita paramatma ko kehte hain parantu phir raghupti raagho raaja raam kah dete hain। tum bachchon ne ab drama ko jaana hai। svarga se lekar ke tumko sab maaloom hai kaun-kaun aaya hai? kaise phir aayenge? jo kuchh hota aaya hai woh sab drama mein noondh hai। yeh bhog aadi lagaaya jaata hai - yeh sab drama mein noondh hai। nai koi baat nahin। tum saakshi ho dekhte ho। harek actor hai। jaante hain woh apna part bajaae vaapis jaate hain khushi se।

manushya kehte hain mara to svargavaasi hua। tum jaante ho ham svargavaasi banne ke liye purushaartha karte hain। manushya kaasheevaas karte hain na। ganga ji ke kinaare par baithte hain। shiv ka to mandir hai। shiv ki yaad mein sadaiv rehte hain। ganga ki bhi mahima karte hain। shiv ki bhi mahima karte hain। ganga mein koi kaashi kalvat nahin khaate। barobar patit-paavan to shiv hi hai। yeh bhed hain। shiv ka mandir hai। aage ek kuen mein shiv par bali chadhte the। tum banaaras vaalon ko achhi reeti gyaan de sakte ho। bolo - tum yahaan baithe ho, ganga ka kantha bhi hai। shiv ka mandir bhi hai। phir tum shiv par bali kyon chadhte ho? shiv patit-paavan hai va ganga? vaastav mein patit-paavan to shiv hi hai। bhagwan ke paas hi bali chadhte hain। bhagwan, bhagwan par bali thode hi chadhenge। yeh to ho nahi sakta। aise nahin ham bhi bhagwan, tum bhi bhagwan। bhagwan patit thode hi ho sakta hai jo ganga par snaan karne jaate ho। sarvavyaapi ke gyaan ko tum jhat uda sakte ho। patit-paavan shiv hai - yeh siddhakar bataana hai। bachchon ko point di jaati hain samjhaane liye। kaashi mein samjhaana sabse sahaj aur achha hai। shiv ka mandir hai to zaroor kabhi aaya hai। shiv ko hamesha baba kaha jaata hai। unko apna shareer kabhi milta nahin। aise to shiv naam bahut bachchon ke hain। athva shreekrishna bhi laakhon ke naam honge। parantu woh shreekrishna to satayug mein tha na। shreekrishna ke bhakta shreekrishna ki moorti uthaae pooja karenge। manushya ki to nahin karenge। to siddha hota hai shreekrishna satayug mein hota hai। manushyon ko pata nahin hain - raadhe-krishna kaun hain? unhonne kab raajaai ki hai? yeh baap baith samjhaate hain।

tum ho svadarshan chakradhaari। vishnu ke oopar yeh svadarshan chakradhaari naam kaise pada, kya kiya - yeh to koi samjha nahin sakte hain। baap to hai niraakaar। vishnu ko itne hathiyaar kahaan se aaye - koi jaante nahin hain। ham samajhte hain yeh sab drama mein noondh hai। bhakti maarga mein bhi jinhonne chitra banvaaye hain vahi banaayenge। sab bana-banaaya khel hai। aadhaakalpa bhakti aadhaakalpa gyaan maarga chalta hai। in baaton ko tum jaante ho। tumko hi maza aata hoga। jo sachchi-sachchi preetmaayen hain, woh preetam to jhootha hai, jhoothi aur sachchi cheez mein farka to hai na। jhootha preetam aur sachcha preetam। patni, pati ko pyaara kehti hai na। abhi tum jaante ho - ham preetmaaon ko kaisa meetha preetam mila hai। unko preetam bhi kehte hain to baap bhi kehte hain। baap ka bhi pyaar hota hai। baap se phir bhi varsa milta hai। preetam se preetmaaon ko koi varsa nahin milta। apne ko preetma samajhne se bhi, bachcha samajhne se varse ki taste aati hai। shiv ko hamesha baba kehte hain। shivbaaba ko shivapti kabhi nahin kahenge। abhi tumko koi shiv ka naam nahin japna hai। sirf baba ko yaad karo। bachche aate hain to poochha jaata hai - kab eeshvar ke bane? bachcha jab tak na banen tab tak varsa mil na sake। maat-pita hai to sammukh milna hai। nishchay kiya, mile nahin aur mar gaya to varsa nahin mil sakta। aise bahut hain jo varsa nahin paate। praja mein chale jaate hain। baap kehte hain nishchay ho gaya yeh vahi maat-pita hai to sammukh aana pade। phir service kar aapasmaan banaana hai। praja banaani hai aur phir apna vaaris bhi banaana hai। ghar baithe to nahin hoga, mehnat karni hai। in baaton par bachche vichaar saagar manthan nahin karte। shreekrishna leela mashhoor hai। leela to satayug mein hoti hai। yahaan thode hi ho sakti। yeh to copy karte rehte hain। svarga mein kya-kya hoga, kaise mahal honge - yeh to bachche mahsoos kar sakte hain। vahaan ki to baat mat poochho। mukh paani hota hai। baap sukh hi dete hain। duhkh ke liye baap ka aahvaan thode hi karte hai। duniya mein bada duhkh hai। ek ghar mein agar bahu chhateli aa jaati hai to ghar ko daanvaadol kar deti hai। aise bahut ghar baba ke dekhe hue hain। abhi samay bahut thoda hai। baap ke bano tab baba madad de। vaaris hi nahin bante to varsa dene vaale ki madad kaise mile? baap kehte hain daro mat। saahookaar log to darte hain। yeh baap to daata hai। bhakti maarga mein bhi tum mere arth gareebon ko dete the। us anusaar janma milta tha। ab direct kehta hoon - hamaara bano to tumko raajya-bhaagya doonga। shivbaaba ko to kuchh makaan aadi banaana nahin hai। tumse poochhte hain jabki sab khalaas ho jaana hai to phir yeh makaan aadi kyon banaate ho? are, tab rahe kahaan? pichhaadi mein bhi aakar bachchon ko rehna hai। tum pichhaadi mein bahut scene-seenriyaan dekhenge। bahut khushi mein rahenge। jitna najdeek samay aata jaayega, baba dvaara bahut saakshaatkaar hote rahenge। jo madadgaar ho jaayenge woh pichhaadi mein bahut sukh dekhenge। duhkh ke samay bahut sukh dekhenge। woh wonderful sukh hain। paakistaan mein bhi tum mauj mein baithe the। vaikuntha mein kaise svayanvar hote hain, lakshmi-naaraayan ka kaise raajya chalta hai - sab baba saakshaatkaar karaate the। tum bahut dekhenge agar shivbaaba ki mat par kaanton ko phool banaane mein madad karte rahenge, to kaha jaata hai - himmate marda madde khuda। aise preetam ko to bahut yaad karna chaahiye। duniya thode hi jaanti hai। itne dher bachche hain to zaroor unka maat-pita hoga na - jisse sukh ghanere milte hain। yeh mahima koi laukik maa-baap ki thode hi hai। tum practical dekhte ho kitne dher bachche hain। creator god father hai। create karenge to adopt karenge na। kis dvaara? yeh hai mukh vanshaavli। samjhaana bahut sahaj hai। abhi eeshvar ki god lete ho phir daivi god milegi। phir aasuri। is eeshvareey god se ham shantidham, sukhdhaam jaate hain। aasuri god se duhkhadhaam jaate hain। yeh mantra yaad kar lo। baandheli gopikaayen pukaarti hain। to unhon ke liye koi na koi prayatna karna padta hai। baba chhote-chhote gaanv mein to ja nahin sakenge। bade gaanv mein aakar milte hain। jaana to padta hi hai। samjhaaya jaata hai balihaar bhi kaise jaana hai। raaja janak bali chadha phir kaha gaya ab trustee ho sambhaalo। rachna ki paalna to tumko zaroor karni hai। tum apne ko aatma trustee samjho। maaya raavan duhkh dene vaali hai isliye raavan ka koi mandir nahin hai। baaki but bana dete hain। raavan ne bahut duhkh diya hai। jitna duhkh diya hai utna hi varsha-varsha unko jalaate rehte hain। shivbaaba ne sukh diya hai, to unka mandir bada aaleeshaan hai। raavan duhkh dene vaale ka mandir ho hi nahin sakta। usko to khatma kar dete hain। jo kuchh dekhne mein hi nahin aata। shivbaaba ka mandir to dekhne mein aata hai। kitni pooja hoti hai। vaastav mein ever poojya hai hi ek shivbaaba, doosra na koi। tum phir poojya se pujaari bante ho। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ki yaad mein rehna hai aur sabko yaad dilaana hai, yahi daan karte rehna hai। baap par bali chadhkar phir trustee ho sambhaalna hai।

2) saakshi ho harek actor ka part dekhna hai। ham part poora kar khushi se vaapas ja rahe hain - is smriti mein sada rehna hai।

vardaan:- sada baap samaan ban apne sampanna swaroop dvaara sarva ko vardaan dene vaale vardaani moorta bhav

bhaarat mein vishesh deviyon ko vardaani ke roop mein yaad karte hain। lekin aise vardaani moorta vahi bante hain jo baap ke samaan aur sameep rahne vaale hon। agar kabhi baap samaan aur kabhi baap samaan nahin lekin svayan ke purushaarthi hain to vardaani nahin ban sakte kyonki baap purushaartha nahin karta vo sada sampanna swaroop mein hai। to jab samaan arthaat sampanna swaroop mein raho tab kahenge vardaani moorta।

slogan:- yaad ki teevra daudi lagaao to baap ke gale ka haar, vijayi manke ban jaayenge।