Daily Murli for Friday 11 August 2023

11-08-2023 praatahmurli om shanti "baapdaada"' madhuban

“meethe bachche-abhi tum kaudi se heere jaisa bane ho, eeshvar ki god paana hi heere jaisa banna hai, shreemat tumhein heere jaisa bana deti hai''

prashn:- satayug mein kisi ko to taausi-takhta (baadshaahi) aur kisi ko daas-daasi ya praja pad milta hai, iska kaaran kya hai?

uttar:- satayug mein taausi takhta unhein milta jo sangam par gyaan saagar ki padhaai ko achhi reeti padhte hain aur dhaaran karte hain, gyaan ratnon ka daan kar bahuton ko aap samaan banaate hain aur jo gaphlat karte, deh-abhimaan mein aakar hangaamen machaate, unhein praja pad mil jaata hai। padhaai par dhyaan na dene vaale hi daas-daasi ban jaate hain।

om shanti। kaudi se heere jaisa banne vaale sikeeldhe, purushaarthi bachche yeh jaante hain ki maaya ka toofaan lagta hai। bachche kaudi se heere jaisa banne ka purushaartha karte hain, parantu shreemat par na chalne ke kaaran phir se maaya ka toofaan lagne se jyot bujh jaati hai। is par bhi geet hai। bachchon ko ab maaloom pada hai ki ham so poojya devi-devta the। yeh aatma sunti hai behad ke most beloved baap dvaara। unki yeh mahima gaai jaati hai। woh oonch te oonch bhagwan hai। saari srishti mein unko hi yaad karte hain kyonki is duniya mein to barobar duhkh hi duhkh hai। aisa mat samjho ki sab manushya besmajh hain। samajhte bhi hain ki praacheen bhaarat bahut oonch tha aur sabhi khanda athva dharma the nahin isliye bhaarat ko praacheen kehte hain। itna samajhte hain parantu woh kaise hua, kab hua? bhaarat phir heere jaisa kab aur kaise banega - yeh nahin jaante। abhi tum bachche sammukh baithe ho aur jo pardesh arthaat baahar centre par rehte hain, woh bhi sunte hain। heere jaisa banaane vaala behad ka baap kehte hain - yeh tumhaara antim eeshvareey janma hai jabki bhagwan baith heere jaisa banaane liye tumko padhaate hain, to aise baap ka kitna na regard rakhna hai। sat baap, sat teacher, satguru ka regard rakha jaata hai। baap kehte hain bachchon ko sukh dene vaala main hi hoon। is samay tum bachchon ko sukh dene ke liye aakar apni mat deta hoon। bhagwan ne jo shreemat di thi woh phir manushyon ne geeta mein likha hai, parantu yathaartha nahin। ab yeh tumko oonch te oonch heere jaisa banaate hain। svarga mein to tum hi aa sakte ho na। yoon to saari duniya ki aatmaayen bachche hain baap ke। prajaapita brahma to hai na। is samay shivbaaba ke potre kahlaate ho। phir par-potre, tar-potre bhi kahlaate ho। vriddhi to hoti jaati hai na। vaastav mein sabhi ka rachayita main baap hi hoon। poochhte hain na ki tumko kisne paida kiya? to kehte hain allaah va khuda ne। itna samajhte hain parantu kaise paida karte hain, kaise itna sab vriddhi ko paate hain - yeh kuchh bhi pata nahin hai। yeh to tum jaante ho ki satayug mein bahut thodi rachna hoti hai। zaroor rachayita bhi hoga jo nai duniya rachte hain। nai duniya mein devi-devta pad praapta karaate hain to zaroor puraani duniya ka vinaash bhi karaate honge - yeh koi bhi nahin jaante। athaah kitaab shaastra aadi likhte hain। samajhte hain yeh philosophy ke shaastra hain। philosophy gyaan ko kehte hain। parantu yeh kisko pata nahin hai ki gyaan ka saagar to ek hi parampita paramatma hai। tum is dvaara knowledge paakar heere jaisa bante ho। eeshvar ki god paana hi heere jaisa janma hai। heere jaisa banaane vaala baap hamko heere jaisa bana raha hai। balihaari inki gaai jaati hai। satayug mein to balihaari ki baat hi nahin। vahaan to yeh khyaal bhi nahin rehta।

tum abhi jaante ho ham abhi na shoodra hain, na devta hain। abhi ham brahman hain। tumko hi svadarshan chakradhaari kaha jaata hai। yahaan tum svadarshan chakradhaari ban vishnu kul mein jaakar raajya karenge। svadarshan chakradhaari, kamal phool samaan tumko yahaan hi banna hai। yahaan hai purushaartha, vahaan hai praalabdha। aisi baaten duniya mein koi nahin jaante। baap kehte hain - maaya ne tumko tuchchha buddhi banaaya hai। tum heere jaise devi-devta the। pahle tumko pata nahin tha। duniya mein to anek maten hain - koi kya kehte, koi kya kehte। koi kehte hain manushya marte hain phir naye paida hote hain। koi kehte hain ki jaisa sankalp karte vaisa ban jaate hain। anek prakaar ki mat vaale hain। tum ho shreemat par chalne vaale। shreemat se tumhaari bhi shreshtha mat banti hai। tum hi jaante ho, sab to nahin jaanenge। bhal koi lakhapti, padmapti hain parantu is gyaan mein aana bada mushkil hai। koton mein koi hi aata hai kyonki saahookaaron par laphde bahut hain। drama mein noondh hi aisi hai jo gareeb hi eeshvar ki god lete hain। yeh rath to unka hai na। baapdaada donon iktthe hain - yeh tum hi samajhte ho। niraakaar bhagwan ko apna shareer nahin hai to zaroor loan par shareer lena pade, tab to bhagvaanuvaach ho na। shreekrishna bhagvaanuvaach ho nahin sakta। unko to jhat sab jaan lete। yeh hai niraakaar, isliye inko koi jaante nahin। aajkal bahut manushya vesh badalkar krishna ka roop dhaaran karte hain। paise kamaate hain। sab maaya ke mureed ban gaye hain। abhi tum eeshvar ke mureed bante ho। koi to 100 pratishat eeshvar ke mureed bane hain, unki sharan li hai। baaki sab maaya raavan ki sharan mein phanse hue hain। baba ne samjhaaya hai ki khaas bhaaratvaasi sab shokvaatika mein hain। saari duniya hi lanka hai। unhonne to shaastron mein had ki baaten likh di hain। behad ka baap behad ki baaten sunaate hain। tum jaante ho ki abhi ham eeshvar ki god mein hain। phir ham nai duniya ke maalik devi-devta banenge। vahaan to maaya hoti nahin। sooryavanshi-chandravanshi bade saahookaar hote hain। phir jab vaishya vanshi bante tab heere javaahraat ke mandir banaate hain। pahle-pahle jo heere javaahraat ke mandir banaate hain ve aise mahlon mein rehte hain isliye gaaya jaata hai ki bhaarat heere jaisa tha। ab to kaudi misal hain। yeh hai hi patit duniya। bhaarat hi sachkhanda paavan tha। bhaarat hi abhi patit khanda hai, bhaarat ko abhi ham paavan nahin kahenge। abhi ham paavan ban rahe hain। vahaan to hai hi sampoorn nirvikaari duniya। krishna ki kitni bhaari mahima hai! unko jhoole mein jhulaate hain parantu unki biography ko nahin jaante।

tum jaante ho abhi kaliyug hai। bhaarat hi satayug tha। barobar 84 janma bhaaratvaasi le sakte hain। tum jab achhi reeti samjhaate ho to maan lete hain। is eeshvareey god se bhaarat heere jaisa banta hai। yatha raaja-raani tatha praja। praja ko bhi heere jaisa kahenge। abhi yatha raaja-raani tatha praja kaudi misal hai। ab heere jaisa banaane vaala baap aaya hai to poora purushaartha karna hai। heere jaisa banaane vaale baap se hi poora yog lagaana hai। tum jaante ho shivbaaba se ham vaikuntha ka maalik bante hain। padhaai par hi saara madaar hai। padhaai ka khyaal to sabko karna chaahiye na। ghar mein kaam-kaaj karte bhi aisa samjho ki ham god father ke student hain। hamaari padhaai bilkul hi sahaj hai। ek ghadi bhi aakar sunna zaroor hai। points aisi achhi-achhi nikalti hain jo koi samay achaanak hi kisko teer lag jaata hai isliye murli to kaise bhi zaroor sunni hai। nahin sun sakte hain to kaise bhi karke padhaai padhni hai। prabandha ho sakta hai। pahle to ek haphta bhi achhi reeti samajhna hai phir nai-nai points samajhne liye padhna bhi zaroor hai। baba padhaate rehte hain। points nikalti rehti hain। board par bhi likh sakte ho ki bahnon aur bhaaiyon, aao, tum sabko is sahaj gyaan aur sahaj raajayog se heere jaisa banaaven। tumhaare paas to chitra bhi sab hain। un par samjhaana bahut sahaj hai। jaise chhote bachche ko khilaune dikhaakar bataaya jaata hai, padhaate hain - yeh haathi hai, aise-aise karta hai; yeh oont hai…। manushya ko bhi paramatma ka pata nahin hai, na hi yeh jaante ki woh kya karte hain। unke kartavya ko na jaanen to baaki mahatva kya raha? to chitra par samjhaana hota hai - yeh parampita paramatma shiv hai, yeh heere jaisa banaane vaala hai, inse varsa milta hai brahma dvaara। brahmaakumaar-kumaariyon ko shivbaaba padhaakar aisa devi-devta banaate hain। padhaaya hai tab to ham samjha sakte hain na। aage nahin jaante the ki parampita paramatma aakar padhaate hain। samjhaani to badi sahaj hai ki bhaarat heere jaisa tha, ab kaudi jaisa hai। phir kaudi pichhaadi dhakke kyon khaate ho? yeh sab dhan maal aadi mitti mein mil jaana hai। ab tum sachkhanda ke liye sachchi kamaai karo। poori kamaai na karne ke kaaran bilkul saadhaaran praja mein chale jaate hain। praja ke bhi naukar ban jaate hain। baap ka bankar phir baap ko phaarakti de dete hain। to baba samjhaate hain ki bachche ghar mein bhi murli mangaakar padh sakte ho। murli milti rahegi। kahaan bhi ho tumko padhna zaroor hai। padho aur padhaao। vilaayat mein bhi rehte tum service kar sakte ho। baap ka parichay dena hai। prabhaav to ant mein hi nikalna hai। samjhenge ki barobar praacheen bhaarat heaven tha। kitna dhan yahaan se lootkar le gaye hain!

satayug mein chaitanya mein saari srishti ke tum maalik bante ho, yaani raajya karte ho। phir bhakti maarga mein jad chitron ko ek kothri mein banda kar rakhte ho, yaadgaar banaate ho। pooja ka saamaan bhi to chaahiye na। ab tum sab kuchh jaan gaye ho ki ham sab poojya the, ab pujaari ban gaye hain। poojya se pujaari banne mein hamko kitna samay lagta hai? kaise mandir banen? hamne hi to mandir banvaaye hain। hamne apne jad chitra banaakar apni hi pooja shuru ki। kitni wonderful baaten hain! baap samjhaate hain - bachche, ab koi gaphlat na karo। dehi-abhimaani banne se hi tum heere jaise banenge। deh-abhimaan mein nahin aana hai। deh-abhimaan mein aakar bade-bade hangaamen machaate hain to apni bhi satyaanaash aur auron ki bhi satyaanaash karte hain। ek hi gyaan saagar se koi to padhkar taausi takhta par baithte hain aur koi daas daasi। dekho, lakshmi-naaraayan svarga ke baadshaah the। kitni unhon ki mahima, pooja hoti hai, mandir banaate hain। ab tum jaante ho ki ham phir se sooryavanshi lakshmi-naaraayan ban rahe hain। phir sooryavanshi se chandravanshi mein aayenge। raajaai lena kitna oonch pad hai। purushaartha aisa karna aur karaana hai। agar karaana nahin jaante to goya purushaartha karna hi nahin seekhe hain। aap samaan nahin bana sakte ho to raaja-raani ban nahin sakte। avinaashi gyaan ratnon ka daan karna hai। yeh nasha bahut thodon ko rehta hai। dehi-abhimaani ho rahne se khushi ka paara chadhega। mama baba ko dekho kitne khyaalaat rehte hain। baap ko taras padta hai ki is bachchi ko maar milti hai to kaise bachaaya jaaye? asylum dene mein kitne hangaamen hain। sarvashaktimaan shivbaaba dvaara bhaarat ko heere jaisa banne ki lottery milti hai। yahaan tum sammukh sunte ho, achha lagta hai। baba dose chadhaate rehte hain। bachchon ko kadam-kadam shreemat par chalna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sukh dene vaale baap, teacher, satguru ka regard zaroor rakhna hai। unki mat par chalna hi unka regard hai।

2) ghar ka kaamkaaj karte svayan ko god father ka student samajhna hai। padhaai par poora dhyaan dena hai, murli miss nahin karni hai। sachkhanda ke liye sachchi kamaai karni hai।

vardaan:- past, present aur future ko jaan maayaajeet banne vaale master trikaaldarshi bhav

jo bachche teenon kaalon ko jaante hain ve kabhi bhi maaya se haar nahin kha sakte kyonki vartamaan kya hai aur bhavishya mein kya hone vaala hai, donon hi trikaaldarshi aatma ki buddhi mein spashta rehta hai। kya hoon aur kya banne vaala hoon, vartamaan aur bhavishya donon ka unhein nasha rehta hai। usi nashe ki khushi mein udte rehte hain isliye unke paanv dharni se oonche hote hain। woh deh, deh ke sambandh, deh ke puraane padaartho ki aakarshan mein nahin aate।

slogan:- jinke paas saralta ka gun hai unke liye sangathan mein chalna bahut sahaj hai।