Daily Murli for Monday 18 December 2023

18-12-2023 praatahmurli om shanti "baapdaada"' madhuban

“meethe bachche - aatma aur paramatma ka milan hi sachcha-sachcha sangam athva kumbha hai, isi milan se tum paavan bante ho, yaadgaar mein phir woh mela manaate hain''

prashn:- tum bachchon mein kis baat ki bahut-bahut sayaanap chaahiye?

uttar:- gyaan ki jo naazuk baaten hain, unhein samjhaane ki bahut sayaanap chaahiye। yukti se gyaan maarga aur bhakti maarga ko siddha karna hai। aise samjhaana hai jaise chooha phoonk bhi deta hai aur kaat bhi leta hai to service ki yuktiyaan rachni hai। kumbha mele par pradarshani lagaakar anek aatmaon ka kalyaan karna hai। patit se paavan hone ki yukti bataani hai।

geet:- is paap ki duniya se…

om shanti। baap baith bachchon ko samjhaate hain paap ki duniya ko kaliyugi, patit, bhrashtaachaari duniya kaha jaata hai aur phir punya ki duniya ko satayugi, paavan, shreshthaachaari duniya kaha jaata hai। param aatma hi aakar punyaatma, pavitraatma athva punya ki duniya banaate hain। manushya pukaarte hain - patit-paavan baap ko kyonki khud paavan nahin hain। agar samajhte patit-paavni ganga hai va triveni hai phir pukaarte kyon hain ki he patit-paavan aao? ganga va triveni to hai hi, unke hote hue bhi pukaarte rehte hain। buddhi phir bhi paramatma ki taraph jaati hai। parampita paramatma jo gyaan saagar hai, unko aana hai। sirf aatma nahin lekin pavitra jeevaatma kaha jaayega। abhi paavan jeevaatma to koi hai nahin। patit-paavan baap aate hi tab hain jab satayugi paavan duniya ki sthaapna karni hai aur kaliyugi duniya ka vinaash karna hai। zaroor sangamayug par hi aayenge। sangam ko kumbha bhi kehte hain। triveni ka sangam hai, uska naam rakh diya hai kumbha। kehte hain teenon nadiyaan aapas mein milti hain। vaastav mein hain do nadiyaan। teesri nadi ko gupta kah dete hain। to kya is kumbha ke mele mein patit se paavan honge? patit-paavan ko to zaroor aana hai। gyaan ka saagar woh hai। patit duniya ko paavan banaana, kaliyug ko satayug banaana - yeh to parampita paramatma ka hi kaam hai, na ki manushyon ka। yeh to sab blind faith hai। ab andhon ko laathi chaahiye। tum ab laathi bane ho nambarvaar purooshaartha anusaar। laathiyaan bhi kisma-kisma ki hoti hain। koi laathi sau roopaye ki aur koi do roopaye ki bhi milti hai। yahaan bhi sab nambarvaar hain। koi to bahut serviceable hain। jab beemaar hote hain tab surgeon ko bulaana padta hai। ab yeh hai hi patit duniya। tum paavan ban rahe ho। kaha jaata hai aatma-paramatma alag rahe bahukaal phir jab parampita paramatma anek aatmaon ke beech aate hain to usko kaha jaata hai sangam ka kumbha।

manushya kumbha ke mele par bahut daan karte hain। woh kamaai hogi saadhu-santon ko aur government ko। yahaan tumko tan-man-dhan sahit sab kuchh daan karna hota hai patit-paavan baap ko। woh phir tumko bhavishya mein svarga ka maalik banaate hain। woh naam lete hain triveni ka aur daan dete hain saadhu-santon ko। vaastav mein sangam usko kahenge jahaan sab nadiyaan aakar saagar mein milen। vahaan saagar to hai nahin। yeh to nadiyaan aapas mein milti hain। nadiyaan aur saagar ke milan ko hi sachcha-sachcha mela kaha jaata hai। lekin yeh bhi drama mein noondh hai। ismen government ko bhi rail, motor-gaadi, jameen aadi se bahut kamaai hoti hai। to yeh kamaai ka mela lagta hai। in baaton ko tum bachche judge kar sakte ho kyonki tum ho eeshvareey mat par। to kumbha ke mele ka arth nikaalna chaahiye। baba essay (nibandha) dete hain। jo sensible bachche hain unko uthaana chaahiye। number one sabse sensible to hai mama phir doosra hai sanjay। jisko phir baantane ke liye parche banaane paden। yeh triveni patit-paavni nahin hai। patit-paavan to sarva ka sadgati daata ek shivbaaba hai। triveni ko to sadgati daata nahin kahenge। yeh nadiyaan to hain hi। aane ki baat nahin। gaate hain patit-paavan aao, aakar paavan banaao to yeh parche nikaalne chaahiye - bahnon-bhaaiyon, kya patit-paavan gyaan saagar parampita paramatma hai ya yeh nadiyaan? yeh to sadaiv hain। paramatma ko to pukaara jaata hai aane ke liye। vaastav mein patit-paavan to ek paramatma hai, aatmaayen aur paramatma alag rahe bahukaal… vahi satguru aakar sabko sadgati de vaapis le jaate hain। gyaan snaan to vaastav mein parampita paramatma se karna chaahiye। paavan duniya ki sthaapna parampita paramatma karaate hain। tum use jaante nahin ho। bhaarat jab shreshthaachaari tha tab usmein dehi-abhimaani devtaayen rehte the। use shivaalay kaha jaata hai। ab kumbha par jaakar bachchon ko pradarshani lagaani chaahiye samjhaane ke liye। samjhaana hai patit-paavan ek baap hai, woh kehte hain main aata hi tab hoon jab patit se paavan banaana hota hai। to pratigya karni pade। raksha bandhan bhagwan se tailak (sambandh) rakhta hai, na ki saadhu santon se। pratigya parampita paramatma se ki jaati hai, na ki triveni se। he baba, ham aapki shreemat se paavan banne ke liye pratigya karte hain। baap bhi kehte hain main tumko paavan duniya ka maalik banaaoonga। yeh hain baba ke ishaare। ismen service karne vaale bahut teekhe chaahiye। chitra bhi aur banaane paden। iske liye achha mandap lena pade। tumhaare dushman bhi bahut niklenge, koi samay aag bhi lagaane mein deri nahin karenge। kisko jhagda karna hota hai to gaali dene lag padte hain। tumko to nirhankaari ban silence mein rehna pade। brahmaakumaariyaan mashhoor to ho gai hain। parche aadi zaroor baantane hain। kumbha ke mele ka khaas mahatva rakhte hain। vaastav mein mahatva abhi ka hai, yeh bhi drama ka khel hai। vahaan se bhi koi ka kalyaan ho sakta hai। parantu mehnat lagti hai। kaanton ko phool banaane mein mehnat lagti hai। kumbha ke mele mein pradarshani karne mein bhi himmat chaahiye, jaan-pahchaan chaahiye jo koi vighna na pade। tumko siddha karna hai ki patit-paavan kaun hai? manushya paavan duniya svarga ko yaad bhi karte hain। koi marta hai to kahenge phalaana svargavaasi hua। vahaan to bahut maalthaal hote hain, vahaan se phir yahaan bulaakar khilaate kyon ho? tum shreenaath ke mandir mein dekhenge - kitne maal bante hain। ab shreenaath puri aur jagannaath puri, vaastav mein hai ek hi baat parantu vahaan shreenaath dvaare mein dekhenge to bahut vaibhav bante hain aur jagannaath puri mein sirf pheeke chaaval ka bhog lagta hai। ghi aadi kuchh nahin padta। yeh farka bataate hain - gora hai to aise maal aur saanvara hai to yeh sookha chaaval। raaz bada achha hai। yeh baap baith samjhaate hain। shreenaath dvaare mein itna bhog lagaate hain to phir pujaari log dukaan mein bechte bhi hain। unhon ki kamaai ka aadhaar bhi us par hai। milta muphta mein hai phir kamaate hain। to dekho kitni andhashraddha ki baaten hain। yeh hai bhakti maarga। gyaan maarga sadgati maarga hai, ganga snaan se thode hi sadgati hoti hai। bada yukti se samjhaana hai। jaise chooha phoonk dekar kaatta hai। badi hi sayaanap chaahiye samajhne aur phir samjhaane ki। kitni naazuk baaten hain। manushya kehte hain ki he parampita paramatma tumhaari gat-mat tum hi jaano। iska arth to samajhte hi nahin। tumhaari shreemat se jo sadgati milti hai woh tum hi kar sakte ho aur koi kar na sake। sarva ka sadgati daata ek hai। sarva akshar zaroor daalna hai। samjhaaya bahut jaata hai। parantu samajhne vaale to bahut thode nikalte hain। praja to bahut banti rehti hai।

manushya khuda ke naam par bahut daan-punya karte hain to ek janma ke liye phal mil jaata hai। yahaan to 21 janma ke liye milta hai। eeshvar arth daan karne se taakat milti hai। yeh eeshvar ko jaante hi nahin to taakat hi nahin rahi hai। hinduon ke guru gosaai to dher hain। Christian ka dekhenge to ek hai। ek ka kitna regard hai। religion is might kaha jaata hai। abhi tumne religion ko samjha hai to kitni taakat milti hai। baba kehte hain - bachche, sabko yahi vasheekran mantra do। bachchon ko baap kehte hain - tum jahaan se aaye ho use yaad karo to ant mati so gati ho jaayegi। baap ko yaad karne se hi paavan ban sakte ho। paap dagdha honge। baap aur varse ko yaad karna hai, jisse saara chakra buddhi mein aa jaata hai। grihastha vyavhaar mein rehte deh ke sarva sambandhon se buddhi nikaal baap ke saath jodne ka purooshaartha karna hai। jo phir ant samay bhi vahi yaad pade। aur koi ki yaad padi to saja khaani padegi aur pad bhi kam ho jaayega। to vaastav mein kumbha kalpa ke sangam ko kaha jaata hai, jab aatmaayen aur paramatma milte hain। paramatma hi aakar raajayog sikhaate hain। woh hai punarjanma rahit। parantu bachche bhi samajhte nahin hain। shreemat par chalte nahin to beda paar kaise ho? beda paar hona maana raajaai pad paana। shreemat se hi raajaai milti hai। shreemat par nahin chalte to aakhreen khatma ho jaate hain। sajniyaan saath mein woh chalengi jiska deepak jaga hua hoga। jinke deeve bujhe hue hain woh saath mein thode hi chalenge। ananya bachche hi chalenge। baaki to nambarvaar pichhaadi mein aayenge lekin pavitra to sab banenge। sab aatmaayen bhi ek jaisi taakat vaali nahin ho sakti। har ek aatma ka part apna-apna hai। ek jaisa pad nahin mil sakta। ant mein sabka part clear ho jaayega। jhaad kitna bada hai, kitne manushya hain! mukhya to jo bade-bade taal taaliyaan hain woh dekhne mein aayenge। mukhya hai foundation। baaki to baad mein aate hain, unmein taakat kam hoti hai। svarga mein sabhi nahin aa sakte hain। bhaarat hi heaven tha। aise nahin ki bhaarat ke badle jaapaan khanda heaven ho jaayega। aise ho nahin sakta। achha!

meethe-meethe baapdaada va maat-pita ke laadle sikeeldhe gyaan sitaare bachchon ko yaad-pyaar aur good morning। roohaani baap ki roohaani bachchon ko namaste।

raatri class - 24-4-68

bachchon ko samjhaaya gaya hai aur dharma sthaapak koi sabhi ka kalyaan nahin kar sakte hain। woh aate hain sabhi ko le aate hain। jo liberate kar guide karte hain unka hi gaayan hai। woh bhaarat mein hi aate hain। to bhaarat sabhi se oonch desh thahra। bhaarat ki bahut mahima karni hai। baap hi aakar sarva ki sadgati karte hain, tab hi shanti hoti hai। vishwa mein shanti thi srishti ke aadi mein, svarga mein ek dharma tha। abhi anek dharma hain। baap hi aakar shanti sthaapan karte hain। kalpa pahle misal karte hain। tum bachchon ko gyaan mila hai to vichaar saagar manthan chalta hai। aur to koi ka chalta hi nahin hai। yeh bhi tum samajhte ho। deh-abhimaan ke kaaran deh ko hi poojte hain। aatma punarjanma to zaroor yahaan hi legi na। abhi tum samajhte ho - paavan to ek hi hai। baap hi gupta gyaan dete hain jisse sabhi ki sadgati ho jaati hai। baaki hanumaan va ganesh aadi jaise koi hote hi nahin। in sabhi ko kaha jaata hai pujaari। achha!

roohaani bachchon prati roohaani baap va daada ka yaad pyaar goodnight। roohaani bachchon ko roohaani baap ki namaste।

dhaarna ke liye mukhya saar:-

1) sajaaon se bachne ke liye deh ke sarva sambandhon se buddhiyog nikaal ek baap se buddhiyog jodna hai। ant samay mein baap ke sivaae koi yaad na aaye।

2) nirhankaari ban silence mein rah kaanton ko phool banaane ki mehnat karni hai। shreemat par andhon ki laathi banna hai। paavan ban paavan banaana hai।

vardaan:- samartha sankalpon dvaara jama ka khaata badhaane vaale holeehans bhav

jaise hans kankad aur ratna ko alag karte hain, aise aap holeehans arthaat samartha aur vyartha ko parakhne vaale। jaise hans kabhi kankad ko chug nahin sakte, alag karke rakh dete, chhod dete, grahan nahin karte। aise aap holeehans vyartha ko chhod samartha sankalpon ko dhaaran karte ho। vyartha to bahut samay suna, bola kiya lekin uske parinaam mein sab kuchh ganvaaya। ab ganvaane vaale nahin, jama ka khaata badhaane vaale ho।

slogan:- svayan ko eeshvareey maaryaadaaon ke kangan mein baandh lo to sarva bandhan samaapta ho jaayenge।