Daily Murli for Friday 5 January 2024

05-01-2024 praatahmurli om shanti "baapdaada"' madhuban

“meethe bachche - baap samaan roohaani teacher bano। jo baap se padha hai woh doosron ko bhi padhaao, dhaarna hai to kisko bhi samjhaakar dikhaao।''

prashn:- kis baat mein baba ko atal nishchay hai? bachchon ko bhi usmein atal banna hai?

uttar:- baba ko drama par atal nishchay hai। baba kahenge jo past hua drama। kalpa pahle jo kiya tha vahi karenge। drama tumhein oopar neeche nahin karne dega। parantu abhi tak bachchon ki avastha aisi bani nahin hai isliye mukh se nikalta - aise hota to aisa karte, pata hota to yeh nahin karte… baba kehte beeti ko chitao nahin, aage ke liye purooshaartha karo ki aisi koi bhool phir se na ho।

om shanti। roohaani baap roohaani bachchon ko baith samjhaate hain। baap khud kehte hain main jab aata hoon to kisko pata nahin padta kyonki main hoon gupta। garbha mein bhi jab aatma pravesh karti hai to pravesh hone ka maaloom thode hi padta hai। tithi taareekh nikal na sake। jab garbha se baahar nikalti hai tab woh tithi taareekh nikalti hai। to baba ki praveshta ki tithi taareekh ka bhi pata nahin lagta, kab pravesh kiya, kab rath mein padhaare - kuchh pata nahin padta। koi ko dekhte the to woh nashe mein chale jaate the। samjha kuchh praveshta hai ya kuchh taakat aai hai। taakat kahaan se aai? mainne khaas koi jap tap to nahin kiya। isko kaha jaata hai gupta। tithi taareekh kuchh nahin। sookshm vatan ki bhi sthaapna kab hoti hai, yeh kuchh nahin kah sakte। mukhya baat hai manamnaabhav। baap kehte hain he aatmaayen tum mujh apne baap ko bulaati ho ki aakar patiton ko paavan banaao, paavan duniya banaao। baap samjhaate hain drama plan anusaar jab mujhe aana hota hai to change zaroor hoti hai। satayug se lekar jo kuchh paas hua so phir repeat karenge। satayug treta phir zaroor repeat karenge। second-second paas hota jaata hai। sanvat bhi paas hota jaata hai। kehte hain satayug past hua। dekha to nahin। baap ne samjhaaya hai tumne paas kiya hai। tum hi pahle-pahle hamse bichhude ho। to is par gaur karna hai, kaise hamne 84 janma liye hain jo phir hoobhu lene padenge arthaat duhkh aur sukh ka part bajaana padega। satayug mein hota hai sukh, jab makaan puraana hota hai to kahaan se chhat bahti hai, kahaan se kuchh hota rehta hai। to phurna ho jaata hai ki iski marammat karni hai। jab bahut puraana ho jaata hai to samjha jaata hai yeh makaan rahne laayak nahin hai। nai duniya ke liye aise nahin kahenge। ab tum nai duniya mein chalne ke laayak bante ho। har cheez pahle nai phir puraani hoti hai।

ab tum bachchon ko yeh khyaal mein aata hai aur koi to in baaton ko samajh na sake। geeta raamaayan aadi sunaate rehte hain, usmein hi busy rehte hain। tum ham bhi inheen dhandhon mein busy the। ab baap ne kitna samajhdaar banaaya hai। baba kehte hain bachche ab yeh puraani duniya khatma hone vaali hai, ab nai duniya mein chalna hai। aise bhi nahin sab chalenge। sab muktidhaam mein baith jaayen yeh bhi kaayda nahin hai, pralay ho jaae। tum jaante ho yeh puraani duniya aur nai duniya ka bahut hi kalyaankaari sangamayug hai। ab change honi hai phir shantidham mein jaayenge। vahaan sukh ke bhaasna ki bhi koi baat nahin। gaayan hai yagya mein vighna pade so to padte rehte hain। kalpa ke baad bhi padte rahenge। tum ab pakke ho gaye ho। yeh sthaapna vinaash ka koi chhota kaam nahin hai। vighna kis baat mein padte hain? baap kehte hain kaam mahaashatru hai, is par hi atyaachaar hote hain। dropdi ki bhi baat hai na। brahmacharya par hi saari khitpit hai। satopradhaan se tamopradhaan banna hai zaroor। seedhi utarni hai, puraani duniya honi hai zaroor। in sab baaton ko tum hi samajhte ho aur simran bhi karte ho aur padhkar padhaana bhi hai, teacher banna hai। zaroor knowledge buddhi mein hai tab padhkar teacher bante hain। phir teacher se jo seekhkar hoshiyaar hote hain to government unko paas karti hai। tum bhi teacher ho। baap ne tumko teacher banaaya hai। ek teacher kya kar sakte hain। tum sab ho roohaani teacher। to buddhi mein knowledge honi chaahiye। gyaan to bilkul accurate hai - manushya se devta banne ka।

abhi jitna tum bachche baap ko yaad karte ho to light aati rehti hai। manushyon ko saakshaatkaar hota rahega kyonki aatma pure banegi hi yaad se phir kisko saakshaatkaar bhi ho sakta hai। baap madadgaar bhi baitha hai, baap hamesha bachchon ka madadgaar hai। padhaai mein nambarvaar hain। har ek apni buddhi se samajh sakte hain mere mein kitni dhaarna hai। agar dhaarna hai to kisko samjhaakar dikhaao। yeh hai dhan, dhan dete nahin to koi maanenge bhi nahin ki inke paas dhan hai। dhan daan karenge to mahaadaani kahenge। mahaarthi, mahaaveer baat ek hi hai। sab ek jaise to ho na saken। tumhaare paas kitne aate hain। ek-ek se baith maatha maarna hota hai kya? vo log akhbaar dvaara bahut baaten sunte hain to bahut chamakte hain। phir jab tumhaare paas aakar sunte hain to kehte hain hamne parmat par kya kiya, yahaan to bahut achha hai। ek-ek ko theek karne mein mehnat lagti hai। yahaan bhi kitni mehnat lagi hai। phir bhi koi mahaarthi, koi ghodesvaar, koi pyaada। yeh drama mein part hai, yeh to samajhte ho aakhreen jeet tumhaari honi hai, jo kalpa pahle bane the vahi banenge। purooshaartha to bachchon ko karna hi hai। baap raay dete hain samjhaane ki koshish karo। pahle to shivbaaba ke mandir mein jaakar service karo। tum poochh sakte ho - yeh kaun hain? is par kyon paani chadhaate hain? tum achhi tarah jaante ho। kehte hain gai taande par (aag lene) aur maalik hokar baith gai। yeh drishtaant bhi tumhaara hi hai। tum jaate ho jagaane ke liye। tumko nimatran dekar bulaate hain, to aisa nimantran aaye to khushi honi chaahiye। kaashi aadi mein bade-bade title dete hain। bhakti mein kitne dher mandir hain, yeh bhi ek dhandha hai। koi achhi stri dekhi to unko geeta kantha karaae aage kar dete hain, phir jo kamaai hoti hai woh mil jaati hai। hai kuchh bhi nahin। riddhi siddhi bahut seekhte hain। aise sthaanon par jaana chaahiye। tum bachchon ko kabhi shaastraartha nahin karna chaahiye। tumko to jaakar baap ka parichay dena hai। mukti jeevanmukti daata ek hai, unki mahima karni hai। woh kehte hain apne ko aatma samajh mujhe yaad karo। baaki manamnaabhav ka arth yeh nahin hai ki ganga mein jaakar snaan karo। maamekam ka arth hai mujh ek ko yaad karo - main pratigya karta hoon main tumko sab paapon se mukta karoonga। jab se raavan aaya hai tab se paap shuru hue hain। to oonch pad paane ka bahut purooshaartha karna hai। position ke liye manushya raat din kitna maatha maarte hain, yeh bhi padhaai hai, ismen koi kitaab aadi uthaane ki baat nahin hai। 84 ka chakra to buddhi mein aa gaya hai। koi badi baat nahin hai। ek-ek janma ki detail thode hi bataate hain। 84 janma poore hue ab ham aatmaon ko vaapas ghar jaana hai। aatma jo patit bani hai unko paavan zaroor banna hai। sabko yahi kehte raho maamekam yaad karo। bachche kehte hain baba yog mein nahin rah sakte। are tumko sammukh kah raha hoon - mujhe yaad karo phir yog akshar tum kyon kehte ho। yog kahne se hi tum bhoolte bhi ho। baap ko yaad kaun nahin kar sakta। laukik maa baap ko kaise yaad karte ho, yeh bhi maa baap hain na। yeh bhi padhte hain। sarasvati bhi padhti hai। padhaane vaala ek baap hi hai। tum jitna padhte ho phir auron ko samjhaate ho। baap kehte hain bachche shaastra padhne, jap tap karne se mujhe praapta nahin kar sakte ho, baaki phaayda kya hai। seedhi to utarte hi aate ho।

tumhaara koi dushman nahin। phir bhi tumko samjhaana hai zaroor ki paap aur punya kaise jama hota hai। raavan raajya ke baad hi tumne paap karna shuru kiya hai। aise bhi bachche hain jinko nai duniya, puraani duniya kya hai yeh bhi samjhaane nahin aata hai। ab baap kehte hain ki behad ke baap ko yaad karo, vahi patit-paavan hai। baaki tumko kahaan bhi jaane ki zaroorat nahin hai। bhakti maarga mein sadaiv pair ghar se baahar nikalta tha। pati stri ko kehte hain shreekrishna ka chitra ghar mein bhi hai phir baahar kyon jaati ho? kya farka hai? pati parmeshvar hai isko bhi nahin maante। bhakti maarga mein bahut door-door ooncha mandir banaate hain, jo manushyon ka bhaav baithe। tum samjhaate ho mandiron mein kitna dhakka khaate hain। yeh ek rasam padi hai। shiv kaashi mein teertha karne jaate hain parantu praapti kuchh bhi nahin। ab tumko to baap ki shreemat milti hai। tumko kahaan bhi jaana nahin hai। patiyon ka pati parmeshvar vaastav mein woh ek hi hai। jisko tumhaare pati, kaake, maame sab yaad karte hain, woh hai pati parmeshvar athva pita parmeshvar। woh tumko kehte hain maamekam yaad karo to tumhaare vikarma vinaash honge। tumhaari jyot ab jag rahi hai to tumhaare se manushyon ko light dekhne mein aati hai। to bachchon ka bhi naam baala hona chaahiye। baap bachchon ka naam to baala karte hain na। sudesh bachchi samjhaane mein badi teekhi hai। purooshaartha bahut achha kiya hai to puraanon se bhi aage gai hai। ismen bhi jaasti purooshaartha kar aage chali jaayegi। saara madaar purooshaartha par hai। heartfail nahin hona chaahiye। pichhaadi mein aaya to bhi second mein jeevanmukti pa sakte hain। dinapratidin aise bahut nikalte rahenge। drama mein tumhaara vijay ka part to hai hi। vighna bhi padne hain। aur koi satsangon mein aise vighna nahin padte hain। yahaan vikaaron par hi hangaama hota hai। gaayan bhi hai amrit chhod vish kaahe ko khaae। gyaan se ek devi-devta dharma ki sthaapna ho jaati hai। satayug mein raavan raajya ho na sake। samjhaani kitni saaph hai। raam raajya ke baaju mein hi raavan raajya bhi dikhaaya hai। tum time bhi dikhaate ho। yeh hai sangam। duniya badal rahi hai। sthaapna, paalna, vinaash karaane vaala ek baap hai। hai bahut sahaj, parantu dhaarna poori hoti nahin aur sab baaten yaad rehti hain baaki gyaan aur yog bhool jaata hai। tum oonch te oonch bhagwan ki santaan ho। din pratidin tum solvent hote jaate ho। dhan milta hai na। kharcha bhi aata jaata hai। baba kehte hain hundi bharti jaayegi। kalpa pahle misal hi tum kharcha karenge। kam jyaada drama karne nahin dega। drama par baba ka atal nishchay hai। jo past hua drama। aise nahin kehna chaahiye aisa hota tha, yeh nahin karte the। abhi woh avastha aai nahin hai। kuchh na kuchh mukh se nikal jaata hai, phir feel hota hai। baba kehte hain beeti ko chitao nahin, aage ke liye purooshaartha karo ki aisi bhool phir na ho isliye baba kehte hain chart likho, ismen bahut kalyaan hai। baba ne ek ko dekha saari jeevan kahaani likh rahe the, samajhte hain bachche seekhenge। yahaan phir shreemat par chalne mein hi kalyaan hai। yahaan jhooth bhi chal na sake। naarad ka misaal। chart se phaayda bahut hai। baba pharmaan karte hain to bachchon ko pharmaan par chalna chaahiye। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan dhaaran kar doosron ko samjhaana hai। gyaan dhan daan karke mahaadaani banna hai। kisi se bhi shaastraartha na kar baap ka satya parichay dena hai।

2) tumhein beeti baaton ka chintan nahin karna hai। aisa purooshaartha karna hai jo phir kabhi bhool na ho। apna sachcha-sachcha chart rakhna hai।

vardaan:- yog dvaara oonchi sthiti ka anubhav karne vaale double light pharishta bhav

aap raajayogi bachche yog mein oonchi sthiti ka anubhav karte ho, hathayogi phir shareer ko ooncha uthaate hain। aap kahaan bhi rehte oonchi sthiti mein rehte ho isliye kehte yogi ooncha rehte hain। aapke man ki sthiti ka sthaan ooncha hai kyonki double light ban gaye। vaise bhi kaha jaata ki pharishton ke paanv dharni par nahin hote। pharishta arthaat jiska buddhi roopi paanv dharti par na ho, dehbhaan mein na ho। puraani duniya se koi lagaav na ho।

slogan:- abhi duaaon ke khaate ko sampanna bana lo to aapke chitron dvaara sabko anek janma duaayen milti rahengi।

avyakti silence dvaara double light pharishta sthiti ka anubhav karo

pharishta sthiti ka anubhav karne ke liye abhi-abhi aavaaj mein aate, discuss karte, kaise bhi vaataavran mein rehte second mein sarva sankalpon ko stop kar aavaaj se pare, nyaare pharishta sthiti mein tik jaao। abhi-abhi karmayogi, abhi-abhi pharishta arthaat aavaaj se pare avyakti silence ki anubhooti। yahi abhyaas last paper mein vijayi banaayega।