Daily Murli for Saturday 27 January 2024

27-01-2024 praatahmurli om shanti "baapdaada"' madhuban

meethe bachche - roohaani surgeon tumhein gyaan-yog ki first class wonderful khuraak khilaate hain, yahi roohaani khuraak ek do ko khilaate sabki khaatiri karte raho

prashn:- vishwa ka raajya bhaagya lene ke liye kaun si ek mehnat karo? pakki-pakki aadat daalo?

uttar:- gyaan ke teesre netra se akaal takhtansheen aatma bhaai ko dekhne ki mehnat karo। bhaai-bhaai samajh sabhi ko gyaan do। pahle khud ko aatma samajh phir bhaaeeyon ko samjhaao, yeh aadat daalo to vishwa ka raajya bhaagya mil jaayega। isi aadat se shareer ka bhaan nikal jaayega, maaya ke toofaan va bure sankalp bhi nahin aayenge। doosron ko gyaan ka teer bhi achha lagega।

om shanti। gyaan ka teesra netra dene vaala roohaani baap baith roohaani bachchon ko samjhaate hain। gyaan ka teesra netra sivaae baap ke aur koi de nahin sakta। abhi tum bachchon ko gyaan ka teesra netra mila hai। tum jaante ho ab yeh puraani duniya badalne vaali hai। bichaare manushya nahin jaante ki kaun badlaane vaala hai aur kaise badlaate hain kyonki unhon ko gyaan ka teesra netra hi nahin hai। tum bachchon ko abhi gyaan ka teesra netra mila hai jisse tum srishti ke aadi madhya ant ko jaan gaye ho। yeh hai gyaan ki saccharin। saccharin ki ek boond bhi kitni meethi hoti hai। gyaan ka bhi ek hi akshar hai manmanaabhav। apne ko aatma samajh baap ko yaad karo। baap shantidham aur sukhdhaam ka raasta bata rahe hain। baap aaye hain bachchon ko svarga ka varsa dene, to bachchon ko kitni khushi rahni chaahiye। kehte bhi hain khushi jaisi khuraak nahin। jo sadaiv khushi mauj mein rehte hain unke liye woh jaise khuraak hoti hai। 21 janma mauj mein rahne ki yeh jabardasta khuraak hai। yahi khuraak sadaiv ek do ko khilaate raho। tum shreemat par sabhi ki roohaani khaatiri karte ho। sachchi-sachchi khush-khairaaphat bhi yeh hai - kisko baap ka parichay dena। meethe bachche jaante hain behad ke baap dvaara hamko jeevanmukti ki khuraak milti hai। satayug mein bhaarat jeevanmukta tha, paavan tha। baap bahut badi oonchi khuraak dete hain tab to gaayan hai ateendriy sukh poochhna ho to gop-gopiyon se poochho। yeh gyaan aur yog ki kitni first class wonderful khuraak hai aur yeh khuraak ek hi roohaani surgeon ke paas hai। aur kisko is khuraak ka maaloom hi nahin hai।

baap kehte hain meethe bachchon tumhaare liye hatheli par saugaat le aaya hoon। mukti, jeevanmukti ki yeh saugaat mere paas hi rehti hai। kalpa-kalpa main hi aakar tumko deta hoon। phir raavan chheen leta hai। to abhi tum bachchon ko kitna khushi ka paara chadha rehna chaahiye। tum jaante ho hamaara ek hi baap, teacher aur sachcha-sachcha satguru hai jo hamko saath le jaate hain। most beloved baap se vishwa ki baadshaahi milti hai, yeh kam baat hai kya! sadaiv harshit rehna chaahiye। godly student life is di best। yeh abhi ka hi gaayan hai। phir nai duniya mein bhi tum sadaiv khushiyaan manaate rahenge। duniya nahin jaanti ki sachchi-sachchi khushiyaan kab manaai jaayengi। manushyon ko to satayug ka gyaan hi nahin hai। to yahaan hi manaate rehte hain। parantu is puraani tamopradhaan duniya mein khushi kahaan se aai! yahaan to traahi-traahi karte rehte hain। kitna duhkh ki duniya hai।

baap tum bachchon ko kitna sahaj raasta bataate hain, grihastha - vyavhaar mein rehte kamal phool samaan raho। dhandha-dhori aadi karte bhi mujhe yaad karte raho। jaise aashik aur maashuk hote hain, woh to ek do ko yaad karte rehte hain। woh unka aashik, woh unka maashuk hota hai। yahaan yeh baat nahin hai, yahaan to tum sabhi ek maashuk ke janma-janmaantar se aashik ho rehte ho। baap tumhaara aashik nahin banta। tum us maashuk ko aane liye yaad karte aaye ho। jab duhkh jaasti hota hai to jaasti sumiran karte hain, tab to gaayan bhi hai duhkh mein sumiran sab karen, sukh mein kare na koy। is samay baap bhi sarvashaktivaan hai, din-pratidin maaya bhi sarvashaktivaan-tamopradhaan hoti jaati hai isliye ab baap kehte hain meethe bachche dehi-abhimaani bano। apne ko aatma samajh mujh baap ko yaad karo aur saath-saath daiveegun bhi dhaaran karo to tum aise (lakshmi-naaraayan) ban jaayenge। is padhaai mein mukhya baat hai hi yaad ki। oonch te oonch baap ko bahut pyaar, sneh se yaad karna chaahiye। woh baap hi nai duniya sthaapan karne vaala hai। baap kehte hain main aaya hoon tum bachchon ko vishwa ka maalik banaane isliye ab mujhe yaad karo to tumhaare anek janmon ke paap kat jaayen। patit-paavan baap ko hi bulaate hain na। ab baap aaye hain, to zaroor paavan banna pade। baap duhkh-harta, sukh-karta hai। barobar satayug mein paavan duniya thi to sabhi sukhi the। ab baap phir se kehte hain bachche, shantidham aur sukhdhaam ko yaad karte raho। abhi hai sangamayug, khivaiya tumko is paar se us paar le jaate hain। naeeya koi ek nahin, saari duniya jaise ek bada jahaaj hai, unko paar le jaate hain।

tum meethe bachchon ko kitni khushiyaan honi chaahiye। tumhaare liye to sadaiv khushi hi khushi hai। behad ka baap hamko padha rahe hain, vaah! yeh to kab na suna, na padha। bhagvaanuvaach, main tumko raajayog sikhaata hoon। tum roohaani bachchon ko raajayog sikha raha hoon to poori reeti seekhna chaahiye। dhaarna karni chaahiye। poori reeti padhna chaahiye। padhaai mein nambarvaar to sadaiv hote hi hain। apne ko dekhna chaahiye - main uttam hoon, madhyam hoon va kanishta hoon? baap kehte hain apne ko dekho main oonch pad paane ke laayak hoon? roohaani service karta hoon? kyonki baap kehte hain bachche serviceable bano, follow karo। main aaya hi hoon service ke liye, roz service karta hoon, isliye hi to yeh rath liya hai। inka rath beemaar pad jaata hai to main inmen baith murli likhta hoon। mukh se to bol nahin sakte to main likh deta hoon, taaki bachchon ke liye murli miss na ho to main bhi service par hoon na। yeh hai roohaani service।

baap meethe-meethe bachchon ko samjhaate hain, bachche tum bhi baap ki service mein lag jaao। on god fatherly service। saare vishwa ka maalik baap hi tumko vishwa ka maalik banaane aaye hain। jo achha purushaartha karte hain unko mahaaveer kaha jaata hai। dekha jaata hai kaun mahaaveer hain jo baba ke direction par chalte hain। baap ka pharmaan hai apne ko aatma samajh bhaai-bhaai dekho। is shareer ko bhool jaao। baba bhi in shareeron ko nahin dekhte hain। baap kehte hain main aatmaon ko dekhta hoon। baaki yeh to gyaan hai ki aatma shareer bigar bol nahin sakti। main bhi is shareer mein aaya hoon, loan liya hua hai। shareer ke saath hi aatma padh sakti hai। baba ki baithak yahaan hai। yeh hai akaal takhta, aatma akaalmoorta hai। aatma kab chhoti badi nahin hoti hai, shareer chhota bada hota hai। jo bhi aatmaayen hain, un sabhi ka takhta yeh bhrikuti ka beech hai। shareer to sabhi ke bhinna-bhinna hote hain। kiska akaal takhta purush ka hai, kiska akaal takhta stri ka hai, kiska akaal takhta bachche ka hai। baap baith bachchon ko roohaani drill sikhlaate hain। jab koi se baat karo to pahle apne ko aatma samjho। ham aatma phalaane bhaai se baat karte hain। baap ka paigaam dete hain ki shivbaaba ko yaad karo। yaad se hi junk utarni hai। sone mein jab alloy (khaad) padti hai to sone ki value hi kam ho jaati hai। tum aatmaon mein bhi junk padne se valueless ho gaye ho। ab phir paavan banna hai। tum aatmaon ko ab gyaan ka teesra netra mila hai, us netra se apne bhaaeeyon ko dekho। bhaai-bhaai ko dekhne se karmendriyaan kabhi chanchal nahin hongi। raajya-bhaagya lena hai, vishwa ka maalik banna hai to yeh mehnat karo। bhaai-bhaai samajh sabhi ko gyaan do to phir yeh aadat pakki ho jaayegi। sachche-sachche brothers tum sabhi ho। baap bhi oopar se aaye hain, tum bhi aaye ho। baap bachchon sahit service kar rahe hain। service karne ki baap himmat dete hain। himmate marda… to yeh practice karni hai - main aatma bhaai ko padhaata hoon। aatma padhti hai na। isko spiritual knowledge kaha jaata hai, jo roohaani baap se hi milti hai। sangam par hi baap aakar yeh knowledge dete hain ki apne ko aatma samjho। tum nange (ashareeri) aaye the phir yahaan shareer dhaaran kar tumne 84 janma part bajaaya hai। ab phir vaapis chalna hai isliye apne ko aatma samajh bhaai-bhaai ki drishti se dekhna hai। yeh mehnat karni hai। apni mehnat karni hai, doosre mein hamaara kya jaata। charity begins at hom arthaat pahle khud ko aatma samajh phir bhaaeeyon ko samjhaao to achhi reeti teer lagega। yeh jauhar bharna hai। mehnat karenge tab hi oonch pad paayenge। baap aaye hi hain phal dene liye to mehnat karni pade। kuchh sahan bhi karna padta hai।

koi ulti-sulti baat bole to tum chup raho। tum chup rahenge to phir doosra kya karega! taali do haath se bajti hai। ek ne mukh ki taali bajaai, doosra chup kar de to woh aapehi chup ho jaayenge। taali se taali bajne se aavaaj ho jaata hai। bachchon ko ek do ka kalyaan karna hai। baap samjhaate hain bachche, sadaiv khushi mein rahne chaahte ho to manmanaabhav। apne ko aatma samajh baap ko yaad karo। bhaaeeyon (aatmaon) taraph dekho। bhaaeeyon ko bhi yeh knowledge do। yog karaate ho to bhi apne ko aatma samajh bhaaeeyon ko dekhte rahenge to service achhi hogi। baba ne kaha hai bhaaeeyon ko samjhaao। bhaai sabhi baap se varsa lete hain। yeh roohaani knowledge ek hi baar tum brahman bachchon ko milti hai। tum brahman ho phir devta banne vaale ho। is sangamayug ko thode hi chhodenge, nahin to paar kaise jaayenge! koodenge thode hi। yeh wonderful sangamayug hai। to bachchon ko roohaani yaatra par rahne ki aadat daalni hai। tumhaare hi phaayde ki baat hai। baap ki shiksha bhaaeeyon ko deni hai। baap kehte hain main tum aatmaon ko gyaan de raha hoon, aatma ko hi dekhta hoon। manushya-manushya se baat karenge to unke munh ko dekhenge na। tum aatma se baat karte ho to aatma ko hi dekhna hai। bhal shareer dvaara gyaan dete ho parantu ismen shareer ka bhaan todna hota hai। tumhaari aatma samajhti hai paramatma baap hamko gyaan de rahe hain। baap bhi kehte hain aatmaon ko dekhta hoon, aatmaayen bhi kehti hain ham paramatma baap ko dekh rahe hain। unse knowledge le rahe hain, isko kaha jaata hai spiritual gyaan ki len-den, aatma ki aatma ke saath। aatma mein hi gyaan hai, aatma ko hi gyaan dena hai। yeh jaise jauhar hai। tumhaare gyaan mein yeh jauhar bhar jaayega to kisko bhi samjhaane se jhat teer lag jaayega। baap kehte hain practice karke dekho, teer lagta hai na। yeh nai aadat daalni hai to phir shareer ka bhaan nikal jaayega। maaya ke toofaan kam aayenge। bure sankalp nahin aayenge। criminal aai bhi nahin rahegi। ham aatma ne 84 ka chakra lagaaya। ab naatak poora hota hai। ab baba ki yaad mein rehna hai। yaad se hi tamopradhaan se satopradhaan ban, satopradhaan duniya ke maalik ban jaayenge। kitna sahaj hai। baap jaante hain bachchon ko yeh shiksha dena bhi mera part hai। koi nai baat nahin। har 5000 varsha baad hamko aana hota hai। main bandhaaymaan hoon। bachchon ko baith samjhaata hoon meethe bachche roohaani yaad ki yaatra mein raho to ant mate so gati ho jaayegi। yeh ant kaal hai na। maamekam yaad karo to tumhaari sadgati ho jaayegi। yeh dehi-abhimaani banne ki shiksha ek hi baar tum bachchon ko milti hai। kitna wonderful gyaan hai। baba wonderful hai to baba ka gyaan bhi wonderful hai। kab koi bata na sake। abhi vaapas chalna hai isliye baap kehte hain meethe bachchon yeh practice karo। apne ko aatma samajh aatma ko gyaan do। teesre netra se bhaai-bhaai ko dekhna hai, yahi badi mehnat hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jaise baap bachchon ki roohaani service par aaye hain, aise baap ko follow kar roohaani service karni hai, baap ke direction par chal, khushi ki khuraak khaani aur khilaani hai।

2) koi ulti-sulti baat bole to chup rehna hai, mukh ki taali nahin bajaani hai। sahan karna hai।

vardaan:- dridhta ki shakti se man-buddhi ko seat par set karne vaale sahajyogi bhav

bachchon ka baap se pyaar hai isliye yaad mein shaktishaali ho baithne ka, chalne ka, seva karne ka attention bahut dete hain lekin man par agar poora control nahin hai, man order mein nahin hai to thoda time achha baithte hain phir hilna dulna shuru kar dete hain। kabhi set hote kabhi upset। lekin ekaagrata ki va dridhta ki shakti se man-buddhi ko ekras sthiti ki seat par set kar do to sahajyogi ban jaayenge।

slogan:- jo bhi shaktiyaan hain unhein samay par use karo to bahut achhe-achhe anubhav honge।

avyakti silence dvaara double light pharishta sthiti ka anubhav karo

ab har ek brahman brahma baap samaan chaitanya chitra banen। light aur might house ki jhaanki banen। sankalp shakti ka, silence ka bhaashan taiyaar kar karmaateet double light pharishta stage par vardaani moorta ka part bajaaye, tab sampoornata sameep aayegi। us karmaateet stage ke aadhaar par jiske prati jo sankalp karenge uske paas woh sankalp pahunche jaayega।