Daily Murli for Wednesday 31 January 2024

31-01-2024 praatahmurli om shanti "baapdaada"' madhuban

“meethe bachche - abhi tumhein shanti aur sukh ke tower mein chalna hai isliye apne svabhaav aur character ko sudhaarte jaao, puraane ko parivartan karo''।

prashn:- dimaag sada refresh rahe uski yukti kya hai?

uttar:- baap jo sunaate hain uska manthan karo, vichaar saagar manthan karne se dimaag sada refresh ho jaata hai। jo sada refresh rehte hain woh doosron ki bhi service kar sakte hain। unki battery sada charge hoti rehti hai kyonki vichaar saagar manthan karne se sarvashaktimaan baap ke saath connection juta rehta hai।

geet:- nayanheen ko raah dikhaao…

om shanti। yeh geet bhi manushyon ka gaaya hua hai। parantu arth kuchh bhi nahin jaante। jaise aur praarthana karte hain, yeh bhi jaise ek praarthana hai। paramatma ko jaante nahin। agar paramatma ko jaanen to sab kuchh jaan jaayen। sirf paramatma kah dete hain parantu unke jeevan ka kuchh bhi pata nahin। to nainheen hue na। tumko ab gyaan ka teesra netra mila hai, isliye tumko trinetri kaha jaata hai। duniya mein bhal manushya yeh akshar kehte hain trinetri, trikaaldarshi, trimoorti… parantu arth kuchh bhi nahin jaante। jaise kehte hain science aur silence ka aapas mein kya sambandh hai! bhal prashn poochhte hain uttar khud bhi nahin jaante। kehte hain world mein pees ho parantu woh kab hui thi? kisne ki thi? kuchh bhi nahin jaante। sirf poochhte rehte hain to zaroor koi jaanne vaala chaahiye jo bataaye। tum bachchon ko baap ne samjhaaya hai yeh sab khel bana hua hai। tower aaph pees, sukh ka tower, sabka tower hota hai, shanti ka tower hai mool vatan, jahaan ham aatmaayen rehti hain। usko kahenge tower aaph silence। phir satayug mein hai tower aaph sukh, tower aaph pees, prosperity। aise koi mukh se nahin kahenge ki ham aatmaon ka ghar muktidhaam hai। yeh sab baaten baap hi samjhaate hain, teacher ho to aisa ho। woh hai tower aaph knowledge। tumko bhi shanti aur sukh ke tower mein le jaate hain। yeh phir hai tower aaph duhkhadhaam। har baat mein insolvent hain। pavitrata sukh shanti ka varsa tum is samay hi paate ho। balihaari is purushottam sangamayug ki hai, inko kalyaankaari yug kaha jaata hai। kaliyug ke baad phir hota hai satayug। woh sukh ka tower hai। woh shanti ka tower hai। yeh duhkh ka tower hai। yahaan athaah duhkh hain। sab duhkh aakar ikatthe hue hain। kehte hain na duhkh ke pahaad girte hain, jab arth-quake aadi hoti hai to kitna traahi-traahi karte hain।

baap ne samjhaaya hai baaki time thoda hai। bachchon ko yaad ki yaatra mein time lagta hai। bahut hain jo poora samajhte hi nahin। bindi samjhen, kya samjhen। are jaisi aatma hai vaise hi paramatma bhi hai। aatma ko jaante ho na, woh lucky sitaara hai। bilkul sookshm hai। in okhon se nahin dekh sakte hain। to yeh sab baaten baap samjhaate hain। aisi baaton par vichaar saagar manthan karne se bhi dimaag refresh ho jaata hai। kahaan bhi jaayenge to samjhaayenge ki tower aaph shanti, tower aaph sukh, tower aaph pavitrata hai hi new world mein। puraane svabhaav ko, characters ko sudhaar kar baap nai duniya ka maalik banaate hain। manushya bhal gaate hain ved shaastra geeta aadi padhte hain parantu samajhte kuchh bhi nahin hain। seedhi to neeche utarte hi aate hain। bhal apne ko shaastron ki authority samajhte hain parantu unko utarna hi hai। aatma pahle sabki satopradhaan hoti hai phir dheere-dheere battery khalaas ho jaati hai, is samay sabki battery khalaas hai। ab phir battery charge hoti hai। baap kehte hain manamnaabhav। apne ko aatma samjho। baap hai sarvashaktimaan, unko yaad karne se tumhaare paap kat jaayenge aur phir battery bhar jaayegi। tum abhi feel kar rahe ho, hamaari battery bhar rahi hai। koi ki nahin bhi bharti hai। sudharne ke badle aur hi bigad jaate hain। baap se pratigya bhi karte hain baba ham kabhi vikaar mein nahin jaayenge। aapse to 21 janmon ka varsa zaroor lenge, phir bhi gir padte hain। baap kehte hain kaam vikaar par jeet paane se tum jagatjeet banenge। phir agar vikaar mein gaya to akla chat। yeh kaam mahaashatru hai। ek do ko dekhne se kaam ki aag lagti hai। baap kehte hain tum kaam chita par baith saanvare ban gaye ho, ab tumko gaura banaate hain। yeh baap hi tum bachchon ko samjhaate hain। padhaai se tumhaari buddhi khulti hai। jhaad ka varnan bhi karte hain। yeh hai kalpa vriksha। manushya srishti ka variety jhaad। inko ulta jhaad kaha jaata hai। kitne variety dharma hain। itni karodon aatmaon ko avinaashi part mila hua hai। do ka ek jaisa part ho na sake। abhi tumko gyaan ka teesra netra mila hai। vichaar karo kitni dher aatmaayen hain। jaise machhliyon ka ek khilauna hota hai, taar par aise neeche utarti hain, yeh bhi aise hi hai। ham bhi drama ki rassi mein bandhe hue hain। aise utarte-utarte kalpa aakar poora hua hai phir ham oopar jaate hain। yeh samajh bhi bachchon ko ab mili hai। oopar se aatmaayen aati hain, nambarvaar add hoti jaati hain। is khel mein tum paartadhaari ho। mukhya creator, director, actor hote hain na। mukhya to hai shivbaaba। phir kaun se actor hain? brahma, vishnu, shankar। bhakti maarga vaalon ne anek chitra banaaye hain parantu arth ka kuchh bhi pata nahin। laakhon varsha kah dete hain। ab baap aakar saari knowledge dete hain। ab tum samajhte ho satayug mein yeh gyaan hamko nahin hoga। jaise yahaan kaarobaar chalti hai, vaise vahaan pavitrata, sukh shanti ki raajdhaani chalti hai। baap bhi wonderful hai, itni chhoti bindi hai। jaise tumhaari aatma aise inki aatma bhi baap se saara gyaan le rahi hai। baba phir bada thode hi hoga। woh bhi bindi hai। tumhaari aatma jo bindi hai, unmein saara gyaan dhaaran ho raha hai। yeh gyaan kalpa ke baad phir baap denge। jaise record bhara hua hota hai jo repeat hota hai na। aatma mein bhi saara part bhara hua hai। koi bahut wonderful baat hoti hai to unko kudrat kaha jaata hai। is anaadi drama ke part se ek bhi chhoot nahin sakta। sabko part bajaana hi hai। yeh badi wonderful baaten hain, jo achhi reeti samajhkar dhaaran karte hain to khushi ka paara chadhta hai। tumko kitni scholarship milti hai। to purushaartha achhi reeti karna chaahiye। aap samaan banaana hai। tum sab teacher ho। teacher tumhein padhaakar aap samaan teacher banaate hain। aise nahin ki guru bhi banna hai। nahin। tum teacher bante ho kyonki raajayog sikhlaate ho phir tum chale jaayenge। yeh bhi tum samajhte ho। vo log to jaante nahin, na sadgati de sakte hain। sarva ka sadgati daata to ek baap hai na। liberator guide bhi vahi hai। jab tum vahaan se aate ho to baap guide nahin banta hai। baap guide bhi abhi banta hai। jab tum ghar se aate ho to ghar ko hi bhool jaate ho। abhi tum bhi guide ho, pande ho। sabko raasta bataate ho। ashareeri bhav। tumhaara naam paandav sena bhi hai। shareerdhaari to hain na। jab akele ho to sena nahin kahenge। shareer ke saath jab maaya par jeet paate ho tab tumko sena kehte hain। unhonne phir ladaai ki baaten likh di hain। yeh hai behad ki baat। vo log conference aadi karte hain, sanskrit aadi ke college kholte hain। kitna kharcha karte hain। kharcha karte-karte jaise ki khaali ho pade hain। chaandi, sona, heera sab khalaas ho gaye hain। phir tumhaare liye sab kuchh naya niklega। to tum bachchon ko chalte phirte bahut khushi honi chaahiye। baap ko aur varse ko yaad karna hai। tumhaara part chalta rehta hai। kabhi banda hone vaala nahin hai। baap samjhaate hain - tum apne janmon ko nahin jaante ho। 84 ka hisaab-kitaab bhi inko bataate hain, jo pahle-pahle aate hain। tum bachchon ko athaah sukh milta hai। tower aaph health, wealth, happiness.. to kitna nasha hona chaahiye। baap hamko behad ka varsa dete hain। jitna tum nazdeek aate jaayenge, utni aaphten bhi aati jaayengi। jhaad ki vriddhi bhi honi hai। jhaad kachche hain to jhat toofaan lagne se jhad jaate hain। yeh to hona hi hai।

tumhaara em object ka chitra saamne khada hai। tum aur koi chitra nahin rakh sakte। bhakti maarga mein manushya dher chitra rakhte hain। gyaan maarga mein hai ek। so bhi knowledge buddhi mein hai। baaki bindi ka chitra kya nikaalenge। aatma to sitaara hai na। yeh bhi samajhne ki baaten hain। aatma ko to in okhon se dekh nahin sakte। bahut kehte hain baba hamko saakshaatkaar ho, vaikuntha dekhen। parantu dekhne se maalik thode hi banenge। manushya kehte hain phalaana svarga padhaara। parantu svarga hai kahaan, jaante thode hi hain। jo aatmaayen svarga mein gai hain vahi kehti hain। aatma ko to sab yaad rehta hai na। ab tumko oonche te ooncha baap padha rahe hain, jisse tum oonche se ooncha pad pa rahe ho। nambarvaar purushaartha anusaar - nar se naaraayan zaroor banenge।

yeh jo shanti maangate hain, tumhaara kaam hai unhein samjhaana। kai samajhte bhi hain ki yeh accurate kehte hain। woh samay bhi aayega, likha hua hai kumaariyon dvaara bheeshma pitaamah aadi ko gyaan ke baan maare। baaki aise nahin arjun ne baan maara, ganga nikli। aisi-aisi baaten sunkar kah dete hain yahaan se ganga nikal aai। gaoomukh bhi banaaya hai। abhi tum bachche dekhte ho tumhaara yaadgaar bhi khada hai। woh jad delvaada, yeh hai chaitanya। usmein oopar vaikuntha dikhaaya hai। neeche tapasya kar rahe hain, oopar raajaai ke chitra hain isliye manushya samajhte hain svarga oopar hai। bombs banaane vaale khud bhi samajhte hain yeh hamaare hi vinaash ke liye hain। kehte hain aise karenge to zaroor vinaash hoga। likha bhi hua hai mahaabhaari ladaai mein aise hua tha, sab khatma hue the। satayug mein hai hi ek dharma to zaroor baaki sab khatma ho jaayenge। yeh bhi bachche jaante hain bhakti karte-karte neeche utarte hi aate hain, drama plan anusaar। vaastav mein yahaan koi aasheervaad aadi ki baat nahin hai। jo drama mein bana hua hai vahi hota hai। kuchh aisi baat ho jaati hai to manushya kah dete hain jo eeshvar ki ichchha। tum aise nahin kahenge। tum to kehte ho bhaavi drama ki। tum eeshvar ki bhaavi nahin kahenge। eeshvar ka bhi drama mein part hai। srishti pa kaise phirta hai, yeh bhi baap hi samjha sakte hain। knowledgeful bhi baap hai। manushya samajhte hain woh sabki dilon ko jaante hain। parantu ham jo karte hain, unka danda to zaroor hamko milega। baap thode hi baith danda denge। yeh automatic bana banaaya drama hai, jo chalta rehta hai। inke aadi-madhya-ant ka raaz baap hi samjhaate hain। tum phir auron ko samjhaate ho। ab baap kehte hain bachche, tumhaari avastha aisi ho jo pichhaadi mein kuchh bhi yaad na aaye। apne ko aatma samjhen, isko kaha jaata hai karmaateet avastha। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) scholarship lene ke liye achhi tarah se purushaartha karo। teacher ban auron ko raajayog sikhaao। guide ban sabko ghar ka raasta dikhaane ki seva karo।

2) sarvashaktimaan baap ki yaad se apni battery charge karni hai। baap se pratigya karne ke baad kabhi kaam ki chot nahin khaani hai।

vardaan:- seva-bhaav se sampanna ban har aatma ko praapti ki meva ka anubhav karaane vaale sachche sevaadhaari bhav

sachcha sevaadhaari woh hai jo har aatma ke prati sada shubh bhaavna, shreshtha kaamna rakhta hai। woh sirf speech nahin karta lekin seva bhaav dvaara sarva ke prati khushi ki bhaavna, shaktiyon ke praapti ki bhaavna, umang-utsaah badhaane ki bhaavna rakh sahayog ki anubhooti karaata hai। seva dvaara unhein praaptiyon ka meva anubhav kara dena, yahi sachchi seva hai। aisi seva mein tapasya samaai hui hai।

slogan:- baap ki duaayen leni hain to snehi, sapoot, aagyaakaari bachche bano।

avyakti silence dvaara double light pharishta sthiti ka anubhav karo

jitna-jitna aap antarmukhi sweet silence savroop mein sthit hote jaayenge, utna naynon ki bhaasha, bhaavna ki bhaasha aur sankalpon ki bhaasha ko sahaj samajh sakenge, yahi bhaasha roohaani yogi jeevan ki bhaasha hai। aapki silence power science se bhi oonchi hai। jaise science pratyaksha proof dikhaati hai, vaise silence power ka practical proof hai aap sabki double light pharishta jeevan। jab itne sab practical proof dikhaai denge tab na chaahte bhi sabhi ki nazar jaayegi aur jayjaykaar ka naara lagega।