Daily Murli for Friday 2 February 2024

02-02-2024 praatahmurli om shanti "baapdaada"' madhuban

“meethe bachche - oonch pad paane ke liye baap tumhein jo padhaate hain use jyon ka tyon dhaaran karo, sada shreemat par chalte raho''

prashn:- kabhi bhi aphsos na ho, uske liye kis baat par achhi tarah vichaar karo?

uttar:- har ek aatma jo part baja rahi hai, woh drama mein accurate noondha hua hai। yeh anaadi aur avinaashi drama hai। is baat par vichaar karo to kabhi bhi aphsos nahin ho sakta। aphsos unhein hota jo drama ke aadi madhya ant ko realise nahin karte hain। tum bachchon ko is drama ko jyon ka tyon saakshi hokar dekhna hai, ismen rone roosne ki koi baat nahin।

om shanti। roohaani baap baith roohaani bachchon ko samjhaate hain ki aatma kitni chhoti hai। bahut chhoti hai aur chhoti si aatma se shareer kitna bada dekhne mein aata hai। chhoti aatma alag ho jaati hai to phir kuchh bhi nahin dekh sakti। aatma ke oopar vichaar kiya jaata hai। itni chhoti bindi kya-kya kaam karti hai। magnify glass hote hain, unse chhote-chhote heeron ko dekha jaata hai। koi daag aadi to nahin hai। to aatma bhi kitni chhoti hai। kaise magnify glass hai - jisse dekhte ho। rehti kahaan hai? kya connection hai? in aankhon se kitna bada dharti aasmaan dekhne mein aata hai! bindi nikal jaane se kuchh nahin rehta। jaise bindi baap vaise bindi aatma। itni chhoti aatma pure impure banti hai। yeh bahut vichaar karne ki baaten hain। doosra koi nahin jaante - aatma kya hai, paramatma kya hai। itni chhoti aatma shareer mein rah kya-kya banaati hai। kya-kya dekhti hai। us aatma mein saara part bhara hua hai - 84 ka। kaise woh kaam karti hai, wonder hai। itni chhoti si bindi mein 84 janmon ka part noondha hua hai। ek shareer chhod doosra leti hai। shareer se aatma nikal gai to shareer mar gaya। kitna bada shareer hai aur kitni chhoti aatma hai। yeh bhi baba ne bahut baar samjhaaya hai ki manushyon ko kaise pata pade ki yeh srishti ka chakra har 5 hajaar varsha baad phirta hai। phalaana mara yeh koi nai baat nahin। unki aatma ne yeh shareer chhod doosra liya। 5 hajaar varsha pahle bhi is naam roop ko isi samay chhoda tha। aatma jaanti hai ham ek shareer chhod doosre mein pravesh karti hoon।

abhi tum shivjayanti manaate ho। dikhaate ho 5 hajaar varsha pahle bhi shivjayanti manaai thi। har 5 hajaar varsha baad shivjayanti jo heere tulya hai, manaate hi aate hain। yeh sahi baaten hain। vichaar saagar manthan karna hota hai jo auron ko samjha saken। yeh tyohaar hote hain, tum kahenge nai baat nahin, history repeat hoti hai jo phir 5 hajaar varsha baad jo bhi paartadhaari hain woh apna shareer lete hain। ek naam roop desh kaal chhod doosra lete hain। is par vichaar saagar manthan kar aisa likhen jo manushya wonder khaayen। bachchon se ham poochhte hain na - aage kab mile ho? itni chhoti aatma se hi poochhna hota hai na। tum is naam roop mein aage kab mile the? aatma ne suna। to bahut kehte hain haan baba, aapse kalpa pahle mile the। saara drama ka part buddhi mein hai। woh hote hain had ke drama ke actors। yeh hai behad ka drama। yeh drama bada accurate hai, ismen jara bhi farka nahin pad sakta। woh bioscope hote hain had ke, masheen par chalte hain। do chaar roll bhi ho sakte hain, jo phirte hain। yeh to anaadi avinaashi ek hi behad ka drama hai। ismen kitni chhoti aatma ek part bajaae phir doosra bajaati hai। 84 janmon ka kitna bada film roll hoga। yeh kudrat hai। koi ki buddhi mein baithega! hai to record misal, bada wonderful hai। 84 laakh to ho na sake। 84 ka hi chakra hai, inki pahchaan kaise di jaae। akhbaar vaalon ko bhi samjhaao to daalenge। magazine mein bhi ghadi-ghadi daal sakte hain। ham is sangam ke samay ki hi baaten karte hain। satayug mein to yeh baaten hongi nahin। na kaliyug mein hongi। jaanvar aadi jo bhi kuchh hain, sabke liye kahenge phir 5 hajaar varsha ke baad dekhenge। pharka nahin pad sakta। drama mein saari noondh hai। satayug mein jaanvar bhi bahut khoobsoorat honge। yeh saari world ki history-geography repeat hogi। jaise drama ki shooting hoti hai। makkhi udi woh bhi nikal gai to phir repeat hogi। ab ham in chhoti-chhoti baaton ka khyaal to nahin karenge। pahle to baap khud kehte hain ham kalpa-kalpa sangamayuge is bhaagyashaali rath par aata hoon। aatma ne kaha kaise ismen aate hain, itni chhoti bindi hai। unko phir gyaan ka saagar kehte hain। yeh baaten tum bachchon mein bhi jo samjhu hain, woh samajh sakte hain। har 5hajaar varsha ke baad main aata hoon। kitni yeh valuable padhaai hai। baap ke paas hi accurate knowledge hai jo bachchon ko dete hain। tumhaare se koi poochhe tum jhat kahenge satayug ki aayu 1250 varsha ki hai। ek-ek janma ki aayu 150 varsha hoti hai। kitna part bajta hai। buddhi mein saara chakra phirta hai। ham 84 janma lete hain। saari srishti aise chakra mein phirti rehti hai। yeh anaadi avinaashi bana banaaya drama hai। ismen nai addition ho nahin sakti। gaayan bhi hai chinta taaki keejie jo anhoni hoe। jo kuchh hota hai drama mein noondh hai। saakshi hokar dekhna padta hai। us naatak mein koi aisa part hota hai to jo kamjor dil vaale hote hain vo rone lag padte hain। hai to naatak na। yeh real hai, ismen har aatma apna part bajaati hai। drama kabhi banda nahin hota hai। ismen rone roosne ki koi baat nahin। koi bhi nai baat thode hi hai। aphsos unko hota hai jo drama ke aadi madhya ant ko realise nahin karte। yeh bhi tum jaante ho। is samay jo ham is gyaan se pad paate hain, chakra lagaakar phir vahi banenge। yeh badi aashcharyavat vichaar saagar manthan karne ki baaten hain। koi bhi manushya in baaton ko nahin jaante। rishi muni bhi kehte the - ham rachta aur rachna ko nahin jaante hain। unko kya pata ki rachta itni chhoti bindi hai। vahi nai srishti ka rachta hai। tum bachchon ko padhaate hain, gyaan ka saagar hai। yeh baaten tum bachche hi samjhaate ho। tum thode hi kahenge ham nahin jaante hain। tumko baap is samay sab samjhaate hain।

tumko koi bhi baat mein aphsos karne ki jaroorat nahin। sadaiv harshit rehna hai। us drama ki film chalte chalte ghis jaayegi, puraani ho jaayegi phir badli karenge। puraani ko khalaas kar dete hain। yeh to behad ka avinaashi drama hai। aisi-aisi baaton par vichaar kar pakka kar lena chaahiye। yeh drama hai। ham baap ki shreemat par chal patit se paavan ban rahe hain aur koi baat ho nahin sakti, jisse ham patit se paavan ban jaayen athva tamopradhaan se satopradhaan banen। part bajaate-bajaate ham satopradhaan se tamopradhaan bane hain phir satopradhaan banna hai। na aatma vinaash ko pa sakti, na part vinaash ko pa sakta। aisi-aisi baaton par koi ka vichaar nahin chalta। manushya to sunkar wonder khaayenge। woh to sirf bhakti maarga ke shaastra hi padhte hain। raamaayan, bhaagvat, geeta aadi vahi hain। ismen to vichaar saagar manthan karna hota hai। behad ka baap jo samjhaate hain usko jyon ka tyon ham dhaaran kar len to achha hi pad pa len। sab ek jaisi dhaarna nahin kar sakte hain। koi to bahut maheenta se samjhaate hain। aajkal jel mein bhi bhaashan karne jaate hain। veshyaaon ke paas bhi jaate hain, goonge bahron ke paas bhi bachche jaate honge kyonki unhon ka bhi hak hai। ishaare se samajh sakte hain। aatma samajhne vaali to andar hai na। chitra saamne rakh do, padh to sakenge na। buddhi to aatma mein hai na। bhal andhe loole langade hain parantu koi na koi prakaar se samajh sakte hain। andhon ke kaan to hain। tumhaara seedhi ka chitra to bahut achha hai। yeh knowledge koi ko bhi samjhaakar svarga mein jaane laayak bana sakte ho। aatma baap se varsa le sakti hai। svarga mein ja sakti hai। karke organs defected hain। vahaan to loole langade hote nahin। vahaan aatma aur shareer donon kanchan mil jaate hain। prakriti bhi kanchan hai, nai cheez zaroor satopradhaan hoti hai। yeh bhi drama bana hua hai। ek second na mile doosre se। kuchh na kuchh pharka padta hai। aise drama ko jyon ka tyon saakshi hokar dekhna hai। yeh knowledge tumko ab milti hai phir kabhi nahin milni hai। aage yeh knowledge thode hi thi, yeh anaadi avinaashi bana banaaya drama kaha jaata hai। isko achhi reeti samajh aur dhaaran kar kisi ko samjhaana hai।

tum brahman hi is gyaan ko jaante ho। yeh to chobcheeni (taakat ki dava) tumko milti hai। achhe te achhi cheez ki mahima ki jaati hai। nai duniya kaise sthaapan hoti hai phir se yeh raajya kaise hoga tumhaare mein bhi nambarvaar jaante hain। jo jaante hain woh doosron ko samjha bhi sakte hain। bahut khushi rehti hai। kinhon ko to paai ki bhi khushi nahin hai। sabka apna-apna part hai। jinko buddhi mein baithta hoga, vichaar saagar manthan karte honge to doosron ko bhi samjhaayenge। tumhaari yeh hai padhaai jisse tum yeh bante ho। tum koi ko bhi samjhaao ki tum aatma ho। aatma hi paramatma ko yaad karti hai। aatmaayen sab brothers hain। kahaavat hai god is one। baaki sab manushyon mein aatma hai। sab aatmaon ka paarlaukik baap ek hai। jo pakke nishchaybuddhi honge unko koi phira nahin sakte। kachche ko jaldi phira denge। sarvavyaapi ke gyaan par kitni debate karte hain। woh bhi apne gyaan par pakke hain, ho sakta hai hamaare is gyaan ka na ho। unko devta dharma ka kaise kah sakte। aadi sanaatan devi-devta dharma to praayahlop hai। tum bachchon ko maaloom hai, hamaara hi aadi sanaatan dharma pavitra pravritti vaala tha। ab to apvitra ho gaya hai। jo pahle poojya the vahi pujaari ban pade hain। bahut points kantha hongi to samjhaate rahenge। baap tumko samjhaate hain tum phir auron ko samjhaao ki yeh srishti chakra kaise phirta hai। sivaae tumhaare aur koi nahin jaante। tumhaare mein bhi nambarvaar hain।

baba ko bhi ghadi-ghadi points repeat karni padti hain kyonki naye-naye aate hain। shuru mein kaise sthaapna hui, tumhaare se poochhenge phir tumko bhi repeat karna padega। tum bahut busy rahenge। chitron par bhi tum samjha sakte ho। parantu gyaan ki dhaarna sabko ekras to nahin ho sakti hai। ismen gyaan chaahiye, yaad chaahiye, dhaarna badi achhi chaahiye। satopradhaan banne ke liye baap ko yaad zaroor karna hai। kai bachche to apne dhandhe mein phanse rehte hain। kuchh bhi purooshaartha hi nahin karte। yeh bhi drama mein noondh hai। kalpa pahle jinhonne jitna purooshaartha kiya hai utna hi karenge। pichhaadi mein tumko ekdam bhaai-bhaai hokar rehna hai। nange aaye hain, nange jaana hai। aisa na ho pichhaadi mein koi yaad aa jaaye। abhi to koi vaapis ja na sake। jab tak vinaash na ho, svarga mein kaise ja sakenge। zaroor ya to sookshm vatan mein jaayenge ya yahaan hi janma lenge। baaki jo kami rahi hogi uska purooshaartha karenge। woh bhi bade hon tab samajh saken। yeh bhi drama mein saari noondh hai। tumhaari ekras avastha to pichhaadi mein hi hogi। aise nahin likhne se sab yaad ho sakta hai। phir libraries aadi mein itni kitaaben kyon hoti hain। doctor, vakeel log bahut kitaaben rakhte hain। study karte rehte hain, woh manushya, manushya ke vakeel bante hain। tum aatmaayen, aatmaon ke vakeel banti ho। aatmaayen, aatmaon ko padhaati hain। woh hai jismaani padhaai। yeh hai roohaani padhaai। is roohaani padhaai se phir 21 janma kabhi bhoolchook nahin hogi। maaya ke raajya mein bahut bhoolchook hoti rehti hai, jis kaaran se sahan karna padta hai। jo poora nahin padhenge, karmaateet avastha ko nahin paayenge to sahan karna hi padega। phir pad bhi kam ho jaayega। vichaar saagar manthan kar auron ko sunaate rahenge tab chintan chalega। bachche jaante hain kalpa pahle bhi aise baap aaya tha, jiski shivjayanti manaai jaati hai। ladaai aadi ki to koi baat nahin। woh sab hain shaastron ki baaten। yeh padhaai hai। aamadni mein khushi hoti hai। jinko laakh hote hain, unko jaasti khushi hoti hai। koi lakhapti bhi hote hain, koi kakhapti bhi hote hain arthaat thode paise vaale bhi hote hain। to jiske paas jitne gyaan ratna honge utni khushi bhi hogi। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vichaar saagar manthan kar svayan ko gyaan ratnon se bharpoor karna hai। drama ke raaz ko achhi reeti samajhkar doosron ko samjhaana hai। kisi bhi baat mein aphsos na kar sada harshit rehna hai।

2) apni avastha bahutkaal se ekras banaani hai taaki pichhaadi mein ek baap ke sivaae doosra koi bhi yaad na aaye। abhyaas karna hai ham bhaai bhaai hain, abhi vaapas jaate hain।

vardaan:- albelepan ki lahar ko vidaai de sada umang-utsaah mein rahne vaali samajhdaar aatma bhav

kai bachche doosron ko dekhkar svayan albele ho jaate hain। sochte hain ye to hota hi hai…chalta hi hai... kya ek ne thokar khaai to use dekhkar albelepan mein aakar khud bhi thokar khaana - yeh samajhdaari hai? baapdaada ko raham aata hai ki aise albele rahne vaalon ke liye pashchaataap ki ghadiyaan kitni kathin hongi, isliye samajhdaar ban albelepan ki lahar ko, doosron ko dekhne ki lahar ko man se vidaai do। auron ko nahin dekho, baap ko dekho।

slogan:- vaaris quality taiyaar karo tab pratyakshata ka nagaada bajega।