Daily Murli for Thursday 8 February 2024

08-02-2024 praatahmurli om shanti "baapdaada"' madhuban

“meethe bachche - sada yaad rakho ki ham brahman choti hain, purooshottam ban rahe hain to harshit rahenge, apne aap se baaten karna seekho to apaar khushi rahegi''

prashn:- baap ki sharan mein kaun aa sakte hain? baap sharan kisko dete hain?

uttar:- baap ki sharan mein vahi aa sakte hain jo poora-poora nashtomoha ho। jinka buddhiyog sab taraph se toota hua ho। mitra sambandhiyon aadi mein buddhi ki laagat na ho। buddhi mein rahe mera to ek baba doosra na koi। aise bachche hi service kar sakte hain। baap bhi aise bachchon ko hi sharan dete hain।

om shanti। yeh hai roohaani baap, teacher, guru। yeh to bachche achhi reeti samajh gaye hain duniya in baaton ko nahin jaanti। bhal sannyaasi kehte hain shivoham। to bhi aise nahin kahenge ki ham baap teacher guru hain। woh sirf kehte hain shivoham tat tvam। paramatma sarvavyaapi hai to harek baap teacher guru ho jaaye। aise to koi samajhte bhi nahin। manushya apne ko bhagwan, paramatma kahlaayen yeh to bilkul hi wrong hai। bachchon ko jo baap samjhaate hain woh to buddhi mein dhaaran hota hai na। us padhaai mein kitni subject hoti hain, aise nahin sab subject student ki buddhi mein rehti hain। yahaan jo baap padhaate hain woh ek second mein bachchon ki buddhi mein aa jaata hai। tum rachayita aur rachna ke aadi madhya ant ka gyaan sunaate ho। tum hi trikaaldarshi va svadarshan chakradhaari bante ho। us jismaani padhaai mein subject bilkul alag hain। tum siddha kar samjhaate ho, sarva ka sadgati daata woh ek hi baap hai। sabhi aatmaayen paramatma ko yaad karti hain। kehti hain O god father। to zaroor baap se varsa milta hoga। woh varsa khone se duhkh mein aa jaate hain। yeh sukh duhkh ka khel hai। is samay sabhi patit duhkhi hain। pavitra banne se sukh zaroor milta hai। sukh ki duniya baap sthaapan karte hain। bachchon ko buddhi mein yeh rakhna hai ki hamko baap samjhaate hain, knowledgeful ek baap hi hai। srishti ke aadi madhya ant ka gyaan baap hi dete hain। aur sabhi dharma jo sthaapan hue hain woh apne samay par aayenge। yeh baaten aur koi ki buddhi mein nahin hain। tum bachchon ke liye baap ne yeh padhaai bilkul sahaj rakhi hai। sirf thoda vistaar se samjhaate hain। mujh baap ko yaad karo to tum tamopradhaan se satopradhaan ban jaayenge। yog ki mahima bahut hai। praacheen yog bhaarat ka gaaya hua hai। parantu yog se phaayda kya hua tha, yeh kisko pata nahin hai। yeh hai geeta ka vahi yog jo niraakaar bhagwan sikhlaate hain। baaki jo bhi sikhlaate hain woh manushya hain, devtaaon ke paas to yog ki baat hi nahin। yeh hathayog aadi sab manushya sikhlaate hain। devtaayen na seekhte hain, na sikhlaate hain। daivi duniya mein yog ki baat nahin। yog se sab paavan ban jaate hain। woh zaroor yahaan banenge। baap aate hi hain sangam par nai duniya banaane। abhi tum puraani duniya se nai duniya mein badli ho rahe ho। yeh kisko samjhaana bhi wonder hai। ham brahman choti hain, satayug aur kaliyug ke beech mein hain brahman choti। isko hi sangamayug kaha jaata hai, jismen tum purooshottam ban rahe ho। yeh bachchon ki buddhi mein rahe ki ham purooshottam bante hain to sadaiv harshit rahenge। jitna service karenge utna harshit rahenge। kamaai karni aur karaani hai। jitna pradarshani mein service karenge to sunne vaalon ko bhi sukh milega। apna aur doosron ka kalyaan hoga। chhote centre par bhi mukhya 5-6 chitra zaroor chaahiye। un par samjhaana sahaj hai। saara din service hi service। mitra sambandhiyon taraph koi bhi laagat nahin honi chaahiye। jo in okhon se dekh rahe ho un sabka vinaash hona hai। baaki jo divya drishti se dekhte ho unki sthaapna ho rahi hai। aise apne se baaten karo to tum pakke ho jaayenge। behad ke baap se milne ki khushi honi chaahiye। koi raaja ke paas janma leta hai to kitna phakhur mein rehta hai। tum bachche svarga ke maalik ban rahe ho। har ek apne liye mehnat kar rahe hain। baap sirf kehte hain kaam chita par baith tum kaale ho gaye ho। ab gyaan chita par baitho to gore ban jaayenge। buddhi mein yahi chintan chalta rahe, bhal office mein kaam karte raho, yaad karte raho। aise nahin phursat nahin hai। jitni phursat mile roohaani kamaai karo। kitni badi kamaai hai। health wealth donon ek saath milti hain। ek kahaani hai arjun aur bheel ki। aise grihastha vyavhaar mein rahkar gyaan-yog mein andar vaalon se bhi teekhe ja sakte hain। saara madaar yaad par hai। yahaan sab baith jaayenge to service kaise karenge। refresh hokar service mein lag jaana hai। service ka khyaal rakhna chaahiye। baba to pradarshani mein ja na sake kyonki baapdaada donon ikatthe hain। baba ki aatma aur inki aatma ikatthi hai। yeh wonderful yugal hai। is yugal ko tum bachchon ke sivaae koi jaan na sake। apne ko yugal bhi samajhte hain phir bhi kehte hain main ek hi baba ka sikeeldha bachcha hoon। is lakshmi-naaraayan ke chitra ko dekhkar bahut khushi hoti hai। hamaara doosra janma yeh hai, ham gaddi par zaroor baithenge। tum bhi raajayog seekh rahe ho, em object saamne khadi hai। inhen to khushi hai ki main baba ka sikeeldha bachcha hoon। phir bhi sadaiv yaad thaharti nahin। aur-aur taraph khyaalaat chale jaate hain। drama ka law nahin jo ekdam yaad thahar jaae aur koi khyaal na aaye। maaya ke toofaan yaad nahin karne dete। jaanta hoon hamaare liye bahut sahaj hai, kyonki baba ki praveshta hai। baba ka number one sikeeldha bachcha hoon। pahle number mein raajkumaar banoonga phir bhi yaad bhool jaati hai। anek prakaar ke khyaalaat aa jaate hain। yeh hai maaya। jab is baba ko anubhav ho tab to tum bachchon ko samjha sake। yeh khyaalaat banda tab honge jab karmaateet avastha hogi। aatma sampoorn ban jaae phir to yeh shareer rah na sake। shivbaaba to sadaiv pure hi pure hai। patit duniya aur patit shareer mein aakar paavan banaane ka part bhi inka hi hai। drama mein bandhaaymaan hain। tum paavan ban gaye to phir naya shareer chaahiye। shivbaaba ko apna shareer to hai nahin। is tan mein is aatma ka mahatva hai। unka rakha kya hai! woh to murli chalaakar chale jaate hain। woh free hain। kabhi kahaan, kabhi kahaan chale jaayenge। bachchon ko bhi feel hota hai ki yeh shivbaaba murli chala rahe hain। tum bachche samajhte ho ham baap ko madad karne ke liye is godly service par khade hain। baap kehte hain ham bhi apna sweet hom chhodkar aaye hain। param-dhaam arthaat pare te pare dhaam hai mool vatan। baaki khel saara srishti par chalta hai। tum jaante ho yeh wonderful khel hai। baaki duniya ek hai।

vo log chaand par jaane ki koshish karte hain, yeh to science ka bal hai। silence ke bal se ham jab science par jeet paate hain tab science bhi sukhdaai ban jaati hai। yahaan science sukh bhi deti hai to duhkh bhi deti hai। vahaan to sukh hi sukh hai। duhkh ka naam nahin। aisi baaten saara din buddhi mein rahni chaahiye। baba ko kitne khyaalaat rehte hain। baandheliyaan vish par kitni maaren khaati hain। koi to moh vash phir phans padte hain। nishchaybuddhi vaale jhat kahenge hamko amrit peena hai, ismen nashtomoha chaahiye। puraani duniya se dil uth jaani chaahiye। aise hi serviceable dil par chadh sakte hain। unko sharnaagti de sakte hain। kanya pati ki sharan mein jaati hai, vish bigar nahin rakhte। phir baap ko sharan lena padta hai। parantu ekdam nashtomoha chaahiye। patiyon ka pati mila ab unse ham buddhiyog ki sagaai karte hain। bas mera to ek doosra na koi। jaise kanya ki pati se preet jut jaati hai, yeh hai aatma ki preet paramatma se। unse duhkh milta hai, inse sukh milta hai। yeh hai sangam, isko koi jaanta nahin। tumko kitni khushi honi chaahiye। hamko khivaiya athva baagvaan mila hai, jo hamko phoolon ke bageeche mein le jaate hain। is samay sabhi manushya kaante misal ban pade hain। sabse bada kaanta hai kaam ka। pahle tum nirvikaari phool the, dheere-dheere kala kam ho gai ab to bade kaante ho gaye ho। baba ko babulnaath bhi kehte hain। tum jaante ho asli naam shiv hai। babulnaath naam rakhte hain kyonki kaanton ko phool banaate hain। bhakti maarga mein bahut naam rakhte hain। vaastav mein naam ek hi shiv hai। roodra gyaan yagya va shiv gyaan yagya baat ek hi hai। roodra yagya se vinaash jvaala nikli aur shreekrishnapuri athva aadi sanaatan devi devta dharma ki sthaapna hui। tum is yagya dvaara manushya se devta bante ho। chitra bhi wonderful banaate hain। vishnu ki naabhi se brahma nikla। yeh sab baaten tum jaante ho ki brahma sarasvati hi lakshmi-naaraayan bante hain। yeh nishchay hai। lakshmi-naaraayan hi 84 janmon ke baad brahma sarasvati bante hain। manushya to aisi baaten sunkar chakrit hote honge। khushi mein bhi aate honge। parantu maaya kam nahin hai। kaam mahaashatru hai। maaya naam roop mein phansaae gira deti hai। baap ko yaad karne nahin deti। phir woh khushi kam ho jaati hai। ismen khush nahin hona chaahiye ki ham bahuton ko samjhaate hain, pahle dekhna hai baba ko kitna yaad karta hoon। raat ko baba ko yaad karke sota hoon ya bhool jaata hoon। koi bachche to pakke nemi bhi hain।

tum bachche bahut lucky ho। baap ke oopar to bahut bojh hain। parantu phir bhi rath ko riyaayat mil jaati hai। gyaan aur yog bhi hai, iske bigar lakshmi-naaraayan pad kaise paayenge। khushi to rehti hai, ham akela baap ka bachcha hoon aur phir mere dher bachche hain, yeh nasha bhi rehta hai to maaya vighna bhi daalti hai। bachchon ko bhi maaya ke vighna aate honge। karmaateet avastha aage chalkar aani hai। yeh baapdaada donon ikatthe hain। kehte hain meethe-meethe bachche… baap to pyaar ka saagar hai। inki aatma ikatthi hai। yeh bhi pyaar karte hain। samajhte hain jaisa karma main karunga, mujhe dekh aur bhi karenge। bahut meetha rehna hai। bachche bade sayaane chaahiye। in lakshmi-naaraayan mein dekho kitni sayaanap hai। sayaanap se vishwa ka raajya liya hai। pradarshani dvaara praja to bahut banti hai। bhaarat bahut bada hai, itni service karni hai। doosra yaad mein rahkar vikarma bhi vinaash karne hain। yeh hai kada phurna (phikar)। ham tamopradhaan se satopradhaan kaise banen? ismen mehnat hai। service ke chance bahut hain। train mein badge par service kar sakte ho। yeh baba yeh varsa। barobar 5 hazaar varsha pahle bhaarat svarga tha। lakshmi-naaraayan ka raajya tha। phir zaroor inka raajya aana chaahiye। ham baba ki yaad se paavan duniya ka maalik ban rahe hain। train mein bahut service ho sakti hai। ek dibbe mein service kar phir doosre mein jaana chaahiye। aisi service karne vaala hi dil par chadhega। bolo, ham aapko khushkhabri sunaate hain। tum poojya devta the phir 84 janma le pujaari bane। ab phir poojya bano। seedhi achhi hai, inse hi sato rajo tamo stage siddha karni hai। school mein pichhaadi mein gallop karne ka shauk hota hai। ab yahaan bhi samjhaaya jaata hai jinhon ne time vesta kiya hai, unhon ko gallop kar service mein lag jaana chaahiye। service ki margin bahut hai। serviceable bachchiyaan bahut nikalni chaahiye, jinko baba kahaan bhi bhej de। mandiron mein service achhi hogi। devta dharma vaale jhat samjhenge। ganga snaan par bhi tum samjha sakte ho, to dil par lagega zaroor। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada harshit rahne ke liye roohaani service karni hai, sachchi kamaai karni aur karaani hai। apna aur doosron ka kalyaan karna hai। train mein bhi badge par service karni hai।

2) puraani duniya se dil hata leni hai। nashtomoha banna hai, ek baap se sachchi preet rakhni hai।

vardaan:- sangamayug ke mahatva ko jaan har samay vishesh attention rakhne vaale hero paartadhaari bhav

har karma karte hue sada yahi vardaan smriti mein rahe ki main hero paartadhaari hoon to har karma vishesh hoga, har second, har samay, har sankalp shreshtha hoga। aise nahin kah sakte ki yeh to sirf 5 minute saadhaaran hua। sangamayug ke 5 minute bhi bahut mahatva vaale hain। 5 minute 5 saal se bhi jyaada hain isliye har samay itna attention rahe। sada ka raajyabhaagya praapta karna hai to attention bhi sadaakaal ka ho।

slogan:- jinke sankalp mein dridhta ki shakti hai, unke liye har kaarya sambhav hai।