Daily Murli for Monday 12 February 2024

12-02-2024 praatahmurli om shanti "baapdaada"' madhuban

“meethe bachche - tumhaare moh ki ragen ab toot jaani chaahiye kyonki yeh saari duniya vinaash honi hai, is puraani duniya ki kisi bhi cheez mein roochi na ho''

prashn:- jin bachchon ko roohaani masti chadhi rehti hai, unka title kya hoga? masti kin bachchon ko chadhti hai?

uttar:- roohaani masti mein rahne vaale bachchon ko kaha jaata hai - ‘masta kalandhar', vahi kalangeedhar bante hain। unhein raajaaeepne ki masti chadhi rehti hai। buddhi mein rehta - abhi ham fakeer se ameer bante hain। masti unhein chadhti jo roodra maala mein pirone vaale hain। nasha un bachchon ko rehta hai jinhen nishchay hai ki humein ab ghar jaana hai phir nai duniya mein aana hai।

om shanti। roohaani baap roohaani bachchon se roohrihaan kar rahe hain। isko kaha jaata hai roohaani gyaan roohon prati। rooh hai gyaan ka saagar। manushya kabhi gyaan ka saagar nahin ho sakte। manushya hain bhakti ke saagar। hain to sabhi manushya। jo brahman bante hain woh gyaan saagar se gyaan lekar master gyaan saagar ban jaate hain। phir devtaaon mein na bhakti hoti, na gyaan hota। devtaayen yeh gyaan nahin jaante। gyaan ka saagar ek hi parampita paramatma hai isliye unko hi heere jaisa kahenge। vahi aakar kaudi se heera, pattharbuddhi se paarasbuddhi banaate hain। manushyon ko kuchh bhi pata nahin। devta hi phir aakar manushya bante hain। devtaayen bane shreemat se। aadhaakalpa vahaan koi ke mat ki darkaar nahin। yahaan to dher gurooon ki mat lete rehte hain। ab baap ne samjhaaya hai satguru ki shreemat milti hai। khaalse log kehte hain satguru akaal। uska bhi arth nahin jaante। pukaarte bhi hain satguru akaalmoorta arthaat sadgati karne vaala akaalmoorta। akaalmoorta parampita paramatma ko hi kaha jaata hai। satguru aur guru mein bhi raat-din ka farka hai। to woh brahma ka din aur raat kah dete hain। brahma ka din, brahma ki raat, to zaroor kahenge brahma punarjanma lete hain। brahma so yeh devta vishnu bante hain। tum shivbaaba ki mahima karte ho। unka heere jaisa janma hai।

abhi tum bachche grihastha vyavhaar mein rehte hue paavan bante ho। tumhein pavitra ban phir yeh gyaan dhaaran karna hai। kumaariyon ko to koi bandhan nahin hai। unhein sirf maa-baap va bhaai-behen ki smriti rahegi। phir sasurghar jaane se do parivaar ho jaate hain। ab baap tumko kehte hain ashareeri ban jaao। ab tum sabko vaapis jaana hai। tumko pavitra banne ki yukti bhi bataata hoon। patit-paavan main hi hoon। main guarantee karta hoon tum mujhe yaad karo to is yog agni se tumhaare janma-janmaantar ke paap bhasma ho jaayenge। jaise puraana sona aag mein daalne se unse khaad nikal jaati hai, sachcha sona rah jaata hai। yeh bhi yog agni hai। is sangam par hi baba yeh raajayog sikhlaate hain, isliye unki bahut mahima hai। raajayog jo bhagwan ne sikhaaya tha woh sab seekhna chaahte hain। vilaayat se bhi sannyaasi log bahuton ko le aate hain। woh samajhte hain inhon ne sannyaas kiya hai। ab sannyaasi to tum bhi ho। parantu behad ke sannyaas ko koi bhi jaante nahin। behad ka sannyaas to ek hi baap sikhlaate hain। tum jaante ho yeh puraani duniya khatma hone vaali hai। is duniya ki koi cheez mein hamaari roochi nahin rehti hai। phalaane ne shareer chhoda, jaakar doosra liya part bajaane liye, ham phir royen kyon! moh ki rag nikal jaati hai। hamaara sambandh juta hai ab nai duniya se। aise bachche pakke masta kalangeedhar hote hain। tumhaare mein raajaaeepne ki masti hai। baba mein bhi masti hai na - ham yeh kalangeedhar jaakar banenge, fakeer se ameer banenge। andar mein masti chadhi hui hai, isliye masta kalandhar kehte hain। inka to saakshaatkaar bhi karte hain। to jaise inko masti chadhi hui hai, tumko bhi chadhni chaahiye। tum bhi roodra maala mein pirone vaale ho। jinko pakka nishchay ho jaata hai unko nasha chadhega। ham aatmaon ko ab jaana hai ghar। phir nai duniya mein aayenge। is nishchay se jo inko bhi dekhte hain to unko bachcha (shreekrishna) dekhne mein aata hai। kitna shobhnik hai। shreekrishna to yahaan hai nahin। unke pichhaadi kitne hairaan hote hain। jhoole banaate, unko doodh pilaate hain। woh hain jad chitra, yeh to real hai na। inko bhi yeh nishchay hai ki ham baalak banenge। tum bachchiyaan bhi divya drishti mein chhota bachcha dekhti ho। in okhon se to dekh na saken। aatma ko jab divya drishti milti hai to shareer ka bhaan nahin rehta। us samay apne ko mahaaraani aur unko bachcha samjhenge। yeh saakshaatkaar bhi is samay bahuton ko hota hai। saphed poshdhaari ka bhi saakshaatkaar bahuton ko hota hai। phir unko kehte hain tum inke paas jaao, gyaan lo to aisa prince banenge। yeh jaadoogri thahri na। sauda bhi bahut achha karte hain। kaudi lekar heera-moti dete hain। heere jaisa tum bante ho। tumko shivbaaba heere jaisa banaate hain, isliye balihaari unki hai। manushya na samajhne kaaran jaadu-jaadu kah dete hain। jo aashcharyavat bhaaganti ho jaate hain woh jaakar ulta-sulta sunaate hain। aise bahut traitor ban jaate hain। aise traitor banne vaale oonch pad pa nahin sakte। unko kaha jaata hai guru ka nindak thaur na paaye। yahaan to satya baap hai na। yeh bhi abhi tum samajhte ho। manushya to kah dete woh yuge-yuge aata hai। achha, chaar yug hain phir 24 avtaar kaise kah sakte? phir kehte thikkar-bhittar kan-kan mein paramatma hai, to sab paramatma ho gaye। baap kehte hain main kaudi se heera banaane vaala, mujhe phir thikkar-bhittar mein thok diya hai। sarvavyaapi hai goya sabmen hai phir to koi value na rahi। mera kaisa apkaar karte hain। baba kehte yeh bhi drama mein noondh hai। jab aise ban jaate hain tab phir baap aakar upkaar karte hain arthaat manushya ko devta banaate hain।

world ki history-geography phir repeat hogi। satayug mein phir yeh lakshmi-naaraayan hi aayenge। vahaan sirf bhaarat hi hota hai। shuru mein bahut thode devtaayen honge phir vriddhi ko paate-paate paanch hajaar varsha mein kitne ho gaye। abhi yeh gyaan aur koi ki buddhi mein hai nahin। baaki hai bhakti। devtaaon ke chitron ki mahima gaate hain। yeh nahin samajhte ki yeh chaitanya mein the, phir kahaan gaye? chitron ki pooja karte hain parantu woh hain kahaan? unko bhi tamopradhaan ban phir satopradhaan banna hai। yeh koi ki buddhi mein nahin aata। aise tamopradhaan buddhi ko phir satopradhaan banaana baap ka hi kaam hai। yeh lakshmi-naaraayan past ho gaye hain, isliye inhon ki mahima hai। oonche te ooncha ek bhagwan hi hai। baaki to sab punarjanma lete rehte hain। oonche te ooncha baap hi sabko mukti-jeevanmukti dete hain। woh na aate to aur hi worth not A penny tamopradhaan ban padte। jab yeh raajya karte the to worth pound the। vahaan koi pooja aadi nahin karte the। poojya devi-devtaayen hi pujaari ban gaye, vaam maarga mein vikaari ban pade। yeh kisko pata nahin ki yeh sampoorn nirvikaari the। tum braahmanon mein bhi yeh baaten nambarvaar samajhte hain। khud hi poora nahin samjha hoga to auron ko kya samjhaayega। naam hai brahmaakumaar-kumaari, samjha na sake to nuksaan kar dete hain isliye kehna chaahiye ham badi behen ko bulaate hain, woh aapko samjhaayengi। bhaarat hi heere jaisa tha, ab kaudi jaisa hai। beggar bhaarat ko sirtaaj kaun banaaye? lakshmi-naaraayan ab kahaan hain, hisaab bataao? bata nahin sakenge। woh hain bhakti ke saagar। vahi nasha chadha hua hai। tum ho gyaan saagar। woh to shaastron ko hi gyaan samajhte hain। baap kehte hain shaastron mein hai bhakti ki rasma rivaaj। jitni tumhaare mein gyaan ki taakat bharti jaayegi to tum chumbak ban jaayenge। to phir sabko kashish hogi। abhi nahin hai। phir bhi yatha yog, yatha shakti jitna baap ko yaad karte hain। aise nahin, sadaiv baap ko yaad karte hain। phir to yeh shareer bhi na rahe। abhi to bahuton ko paigaam dena hai, paigambar banna hai। tum bachche hi paigambar bante ho aur koi nahin bante। Christ aadi aakar dharma sthaapan karte hain, unko paigambar nahin kaha jaayega। Christian dharma sthaapan kiya aur to kuchh nahin kiya। woh kiske shareer mein aaya phir unke peechhe doosre aate hain। yahaan to yeh raajdhaani sthaapan ho rahi hai। aage chal tum sabko saakshaatkaar hoga - ham kya-kya banenge, yeh-yeh hamne vikarma kiya। saakshaatkaar hone mein deri nahin lagti। kaashi kalvat khaate the, ekdam khada hokar kuen mein kood padte the। abhi to government ne banda karaaya hai। woh samajhte hain ham mukti ko paayenge। baap kehte hain mukti ko to koi pa nahin sakta। thode time mein jaise sab janmon ka danda mil jaata hai। phir nayesir hisaab-kitaab shuru hota hai। vaapas to koi ja nahin sakte। kahaan jaakar rahenge? aatmaon ka sijra hi bigad jaaye। nambarvaar aayenge phir jaayenge। bachchon ko saakshaatkaar hota hai tab yeh chitra aadi banaate hain। 84 janmon ke saare srishti ke chakra ke aadi-madhya-ant ka gyaan tumko mila hai। phir tumhaare mein bhi nambarvaar hain। koi bahut marks se paas hote hain koi kam। sau marks to kisi ki hoti nahin। 100 hain hi ek baap ki। woh to koi ban na sake। thoda-thoda farka pad jaata hai। ek jaise bhi ban na saken। kitne dher manushya hain sabke features apne-apne hain। aatmaayen sabhi kitni chhoti bindu hain। manushya kitne bade-bade hain parantu features ek ke na milen doosre se। jitni aatmaayen hain, utni hi phir hongi tab to vahaan ghar mein rahengi। yeh bhi drama bana hua hai। ismen kuchh bhi farka nahin ho sakta। ek baar jo shooting hui vahi phir dekhenge। tum kahenge 5 hazaar varsha pahle bhi ham aise mile the। ek second bhi kam jaasti nahin ho sakta। drama hai na। jisko yeh rachta aur rachna ka gyaan buddhi mein hai unko kaha jaata hai svadarshan chakradhaari। baap se hi yeh knowledge milti hai। manushya, manushya ko yeh gyaan de na saken। bhakti sikhlaate hain manushya, gyaan sikhlaata hai ek baap। gyaan ka saagar to ek hi baap hai। phir tum gyaan nadiyaan banti ho। gyaan saagar aur gyaan nadiyon se hi mukti-jeevanmukti milti hai। woh to hain paani ki nadiyaan। paani to sadaiv hai hi hai। gyaan milta hi hai sangam par। paani ki nadiyaan to bhaarat mein bahti hi hain, baaki to itne sab shahar khatma ho jaate hain। khanda hi nahin rehte। barsaat to padti hogi। paani, paani mein jaakar padta hai। yahi bhaarat hoga।

abhi tumko saari knowledge mili hai। yeh hai gyaan, baaki hai bhakti। heere jaisa ek hi shivbaaba hai, jiski jayanti manaai jaati hai। poochhna chaahiye shivbaaba ne kya kiya? woh to aakar patiton ko paavan banaate hain। aadi-madhya-ant ka gyaan sunaate hain। tab gaaya jaata hai gyaan soorya pragta… gyaan se din, bhakti se raat hoti hai। ab tum jaante ho hamne 84 janma poore kiye hain। ab baba ko yaad karne se paavan ban jaayenge। phir shareer bhi paavan milega। tum sab nambarvaar paavan bante ho। kitni sahaj baat hai। mukhya baat hai yaad ki। bahut hain jinhen apne ko aatma samajh baap ko yaad karna bhi nahin aata hai। phir bhi bachche bane hain to svarga mein zaroor aayenge। is samay ke purooshaartha anusaar hi raajaai sthaapan hoti hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada isi nashe mein rehna hai ki ham master gyaan saagar hain, svayan mein gyaan ki taakat bharkar chumbak banna hai, roohaani paigambar banna hai।

2) koi aisa karma nahin karna hai jisse satguru baap ka naam badnaam ho। kuchh bhi ho jaaye lekin kabhi bhi rona nahin hai।

vardaan:- satyata ke foundation dvaara chalan aur chehre se divyata ki anubhooti karaane vaale satyavaadi bhav

duniya mein anek aatmaayen apne ko satyavaadi kehti va samajhti hain lekin sampoorn satyata pavitrata ke aadhaar par hoti hai। pavitrata nahin to sada satyata nahin rah sakti। satyata ka foundation pavitrata hai aur satyata ka practical pramaan chehre aur chalan mein divyata hogi। pavitrata ke aadhaar par satyata ka swaroop svatah aur sahaj hota hai। jab aatma aur shareer donon paavan honge tab kahenge sampoorn satyavaadi arthaat divyata sampanna devta।

slogan:- behad ki seva mein busy raho to behad ka vairaagya svatah aayega।