Daily Murli for Tuesday 12 March 2024

12-03-2024 praatahmurli om shanti "baapdaada"' madhuban

“meethe bachche - dead silence mein jaane ka abhyaas karo, buddhi baap ki taraph rahe to baap bhi tumhein ashareeri banne ke liye sakaash denge''

prashn:- tum bachchon ko jab gyaan ka teesra netra milta hai to kaun-sa saakshaatkaar ho jaata hai?

uttar:- satayug aadi se lekar kaliyug ant tak ham kaise-kaise part bajaate hain - yeh saara saakshaatkaar ho jaata hai। tum saare vishwa ko aadi se ant tak jaan jaate ho। jaanne ko hi saakshaatkaar kaha jaata hai। abhi tum samajhte ho ki ham daiveegunon vaale devta the। aasuri gun vaale bane। ab phir daivi gunon vaale devta ban rahe hain। abhi ham nai duniya, naye ghar mein jaayenge।

om shanti। bachche baithe hain yaad ki yaatra mein। behad ka baap to yaatra mein nahin baithe hain, woh to bachchon ko sakaash ki madad de rahe hain arthaat is shareer ko bhula rahe hain। baap ki madad milti hai ki bachchon ko shareer bhool jaae। sakaash dete hain aatmaon ko kyonki baap dekhte hi aatmaon ki taraph hain। tum har ek ki buddhi baap ki taraph jaati hai। baap ki buddhi va drishti phir bachchon taraph jaati hai। farka hai na। (dead silence) yeh abhyaas karte ho dead silence ka। shareer ko chhod alag hona chaahte ho। aatma samajhti hai ki jitna yaad karte rahenge utna is shareer se nikal jaayenge। jaise sarpa ka misaal dete hain, jo misaal dete hain usmein zaroor kuchh khoobi hoti hai। tum jaante ho ham shareer chhod kar vaapis chale jaayenge aur phir aayenge। yeh baaten aur koi nahin jaante। yeh drama ko koi bhi jaante nahin hain। koi bhi aisi guarantee nahin dete ki is yaad se tumhaare vikarma vinaash honge। aisi baat koi bhi sunaate nahin hain। tum bachche jaante ho hamaari ab vaapsi journey hai। aatma ka buddhiyog us taraph hai। ab naatak poora hua, ab ghar jaana hai। baap ko hi yaad karna hai। vahi patit-paavan hai। ganga ke paani ko to liberator aur guide nahin kahenge। ek baap hi liberator aur guide ho sakta hai। yeh bhi badi samajhne aur samjhaane ki baaten hain। woh to hai hi bhakti। unse koi kalyaan nahin ho sakta। bachche jaante hain paani to snaan ke liye hai। paani kabhi paavan nahin bana sakta। aise bhi nahin bhaavna ka bhaada mil sakta hai। bhakti maarga mein unka mahatva rakh diya hai। in sab baaton ko kaha jaata hai andhashraddha। aisi shraddha rakhte-rakhte manushyon ko title mil jaate hain - andhe ki aulaad andhe। bhagvaanuvaach hai na। andhe aur sajje kaun hain - yeh bhi tum jaante ho। abhi saare srishti ke aadi-madhya-ant ko baap dvaara jaana hai। tum baap ko jaan gaye ho isliye srishti ke aadi-madhya-ant aur duration ko bhi jaan gaye ho। ek-ek baat par vichaar saagar manthan kar apna aapehi phainsala karna hota hai। bhakti aur gyaan ka contrast hai। gyaan bilkul hi nyaari cheez hai। yeh knowledge naameegraami hai। raajayog ki padhaai hai na। bachchon ko yeh bhi maaloom pada hai - devtaayen sampoorn nirvikaari the। rachta baap hi baith apna parichay bhi dete hain। woh hai param aatma। param aatma ko hi paramatma kehte hain। angreji mein supreme soul kaha jaata hai। soul arthaat aatma। baap ki aatma koi badi nahin hoti hai। baap ki aatma bhi aise hi hai jaise tum bachchon ki hai। aise nahin, bachche chhote, baap bada hai। nahin। woh supreme knowledgeful baap bahut pyaar se bachchon ko samjhaate rehte hain। part bajaane vaali aatma hai। zaroor shareer dhaaran kar part bajaayegi। aatma ke rahne ka sthaan shantidham hai। bachche jaante hain aatmaayen brahm mahtatva mein rehti hain। jaise hindustaan mein rahne vaale apne ko hindu kah dete hain, vaise hi brahmaanda mein rahne vaale phir brahm ko eeshvar samajh baithe hain। drama mein girne ka upaay bhi noondha hua hai। vaapis to ja hi nahin sakte, bhal koi kitni bhi mehnat kare। naatak jab poora hota hai to sabhi actors aakar ikatthe hote hain। creator, mukhya actor bhi khade ho jaate hain। bachche jaante hain ab yeh naatak poora hota hai। yeh baaten koi bhi saadhu-santa aadi jaan nahin sakte। aatma ki yeh knowledge koi ko nahin hai। paramatma baap yahaan ek baar aate hain। aur sabko to yahaan part bajaana hi hai। vriddhi hoti rehti hai na। aatmaayen sab kahaan se aai? agar koi vaapis jaata ho phir to woh rasma pad jaae। ek aaye, doosra jaaye। phir usmein punarjanma kaha nahin jaaye। punarjanma to shuru se hi chala aata hai। pahle number mein hain yeh lakshmi-naaraayan। baap ne samjhaaya hai punarjanma lete-lete pichhaadi mein jab aa jaate hain to phir pahle number mein jaana padta hai। ismen sanshay ki baat to ho nahin sakti। aatmaon ka baap khud aakar samjhaate hain। kya samjhaate hain? apna bhi parichay dete hain। aage pata tha kya ki param aatma kya cheez hai। sirf shiv ke mandir mein jaate the। yahaan to dher ke dher mandir hain। satayug mein mandir, pooja aadi hoti hi nahin। vahaan tum poojya devi-devta bante ho। phir aadhaakalpa ke baad pujaari bante ho to unko phir devi-devta nahin kahenge। phir baap aakar poojya banaate hain। aur koi desh mein yeh gaayan nahin hai। raam raajya, raavan raajya - abhi tum samajh gaye ho। raam raajya ka duration kitna hai - siddha karna chaahiye। yeh naatak hai, inko samajhna hai। oonch te oonch baap hai, woh bhi knowledgeful hai। ham unke dvaara oonch te oonch bante hain। oonch te oonch pad milta hai। baap hamko padhaate hain, daiveegun bhi dhaaran karne hain।

bachche varnan karte hain aap aise hain, ham aise hain। is samay tum jaante ho - hamko in jaisa sampoorn nirvikaari banna hai। baap ko yaad karne ke sivaae aur koi upaay nahin hai। agar koi jaanta ho to bataaye। aise thode hi kahenge ki brahm va tatva nirvikaari hai। nahin, aatma hi nirvikaari banti hai। brahm va tatva ko aatma nahin kaha jaata hai। woh to rahne ka sthaan hai। bachchon ko samjhaaya jaata hai aatma mein hi buddhi hai। woh jab tamopradhaan ban jaati hai to besmajh ban jaati hai। samajhdaar aur besmajh hain na। tumhaari buddhi kitni svachchha banti aur phir malechchha ho jaati hai। tumhein purity aur impurity ke contrast ka maaloom pada hai। impure aatma vaapis ja nahin sakti। ab apvitra se pavitra kaise banen - uske liye radi maarte rehte hain। yeh bhi drama mein noondh hai। abhi tum jaante ho - yeh hai sangamayug। baap ek hi baar aate hain le jaane। sab to nai duniya mein nahin jaate hain। jinka part nahin woh shantidham mein rehte hain isliye chitron mein bhi dikhaaya hai। baaki aur jo bhi chitra aadi hain woh hain bhakti maarga ke। yeh hai gyaan maarga ke, jisse samjhaaya jaata hai - srishti ka chakra kaise phirta hai। ham kaise neeche utarte hain। 14 kala se 12 kala hoti hain। abhi phir koi kala nahin rahi hai। nambarvaar to hain na। actor bhi nambarvaar hote hain। koi ka pagaar 1 hajaar, 1500, koi ka 100 kitna pharka ho gaya। padhaai mein bhi kitna raat-din ka farka hai। us school mein to koi naapaas hota hai to phir se padhna padta hai। yahaan to phir padhne ki baat hi nahin। pad kam ho padta hai। phir kabhi padhaai hogi hi nahin। ek baar hi padhaai hoti hai। baap bhi ek baar aate hain। bachche bhi jaante hain pahle-pahle ek hi raajdhaani thi। yeh tum kisko bhi samjhaayenge to maanenge। Christian log science mein bhi bahut teekhe hain aur sab unhon se hi seekhe hain। unhon ki na to itni paarasbuddhi, na pattharbuddhi hoti hai। is samay unhon ki buddhi kamaal kar rahi hai। science ka prachaar saara in Christian se nikla hai। vo bhi sukh ke liye hi hai। tum jaante ho is puraani duniya ka vinaash to hona hi hai। phir tum shantidham-sukhdhaam mein chale jaayenge। nahin to itni sab manushya aatmaayen vaapis ghar kaise jaayen? science se vinaash ho jaayega। sab aatmaayen shareer chhodkar ghar chali jaayengi। is vinaash mein mukti andar merge hai। aadhaakalpa mukti ke liye hi mehnat karte aaye hain na। to science aur calamities, jisko kudarti aapdaayen kehte hain, yeh bhi honi chaahiye। samajhna chaahiye yeh ladaai nimitta banti hai muktidhaam mein le jaane ke liye। itne sabko muktidhaam mein jaana hai। tumne bhal kitni bhi mehnat ki, guru kiye, hathayog seekhe। koi bhi muktidhaam ja na sake। itne science ke gole aadi taiyaar hue hain, samajhna chaahiye vinaash zaroor hoga। nai duniya mein to zaroor bahut thode honge। baaki sab muktidhaam mein chale jaayenge। jeevanmukti mein to padhaai ki taakat se aate hain। tum adol, atal, akhanda raajya karte ho। yahaan to dekho sab khandon ke tukde-tukde hain। baba tumko atal, akhanda saare vishwa ki raajdhaani ka maalik banaate hain। behad ke baap ka varsa hai behad ki baadshaahi। yeh varsa kab aur kisne diya? yeh kiski bhi buddhi mein nahin aata hai। sirf tum hi jaante ho। gyaan ka teesra netra aatma ko mila hai। aatma gyaan swaroop banti hai। so bhi gyaan saagar baap se hi banna pade। baap hi aakar rachta aur rachna ke aadi-madhya-ant ka knowledge de rahe hain। hai bhi ek second ki baat। second mein jeevanmukti। baaki sabko mukti milti hai। yeh bhi drama bana hua hai। raavan ke bandhan se sab mukta ho jaate hain। vo log vishwa mein shanti ke liye kitni mehnat karte hain। yeh sirf tum bachche hi jaante ho ki vishwa mein aur brahmaanda mein shanti kab hoti hai। brahmaanda mein shanti kaha jaata hai phir vishwa mein shanti aur sukh donon rehte hain। vishwa alag hai aur brahmaanda alag hai। chaand-sitaaron se pare hai brahmaanda। vahaan yeh kuchh nahin hota। unko kaha hi jaata hai silence world। shareer chhodkar silence mein chale jaayenge। tum bachchon ko woh bhi yaad hai। tum is samay vahaan jaane ki taiyaari kar rahe ho। aur koi bhi jaante nahin। tumko taiyaari karaai jaati hai। baaki yeh ladaai to kalyaankaari hai, sabka hisaab-kitaab chuktu hona hai। sab pavitra ban jaayenge। yog agni hai na। agni se har cheej pavitra hoti hai। jaise baap drama ke aadi-madhya-ant ko jaante hain, vaise tum actors ko bhi drama ke aadi-madhya-ant ko jaanna hai। jaanne ko hi saakshaatkaar kaha jaata hai।

abhi tumhaara gyaan ka teesra netra khula hai। barobar ham saare vishwa ko satayug aadi se kaliyug ant tak poora jaan chuke hain। doosra koi bhi manushya maatra nahin jaante। tum samajhte ho ham jo daivi gunon vaale the vahi phir aasuri gunon vaale bante hain। phir baap aakar daiveegunon vaala banaate hain। baap aate hi hain patiton ko paavan banaane। duniya mein aur koi ko yeh pata nahin hai ki yeh devi-devta gharaane vaale hi poore 84 janma lete hain। paavan bhi to patit bhi bante hain। yeh kiski buddhi mein nahin hai। abhi tum samajhte ho yeh to jad chitra hain। accurate photo to unhon ka nikal na sake। woh to natural gore hain। pure prakriti se shareer bhi pure bante hain। yahaan to impure hain। yeh rang-birangi duniya satayug mein nahin hogi। shreekrishna ko kaha jaata hai shyaam sundar। sat-yug mein hain sundar, kaliyug mein hain shyaam। satayug se kaliyug mein kaise aate hain - tumko number one se lekar maaloom pada hai। shreekrishna to garbha se nikla aur naam mila। naam to zaroor chaahiye na। to tum kahenge shreekrishna ki aatma sundar thi phir shyaam bani isliye shyaam aur sundar kaha jaata hai। unki janma-patri mil gai to saare chakra ki mil gai। kitna rahasya bhara hua hai, jisko tum hi samajhte ho aur koi nahin jaante। tumko ab nai duniya, naye ghar mein jaana hai। jo achhi reeti padhaai padhte hain vahi nai duniya mein jaayenge। baba hai behad ki saari duniya ka maalik, sabhi aatmaon ka baap। baap ko maalik kaha jaata hai, yeh padhaai hai। ismen koi sanshay va prashn nahin uth sakta। ismen shaastravaad karne ki darkaar nahin। ek teacher sabse ooncha, woh baith padhaate hain। vahi satya hai। satya naaraayan ki sachchi katha shiksha ke roop mein sunaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne sab hisaab-kitaab chuktu kar silence world mein jaane ki taiyaari karni hai। yaad ke bal se aatma ko sampoorn paavan banaana hai।

2) gyaan saagar ke gyaan ko swaroop mein laana hai। vichaar saagar manthan kar apna phainsala aapehi karna hai। jeevan-mukti mein shreshtha pad praapta karne ke liye daiveegun dhaaran karne hain।

vardaan:- baap ke saath rehte-rehte unke samaan banne vaale sarva aakarshanon ke prabhaav se mukta bhav

jahaan baap ki yaad hai arthaat baap ka saath hai vahaan body-konses ki utpatti ho nahin sakti। baap ke saath va paas rahne vaale duniya ke vikaari vibration athva aakarshan ke prabhaav se door ho jaate hain। aise saath rahne vaale saath rehte-rehte baap samaan ban jaate hain। jaise baap oonche te ooncha hai aise bachchon ki sthiti bhi oonchi ban jaati hai। neeche ki koi bhi baaten un par apna prabhaav daal nahin sakti।

slogan:- man aur buddhi control mein ho to ashareeri banna sahaj ho jaayega।