Daily Murli for Tuesday 2 April 2024

02-04-2024 praatahmurli om shanti "baapdaada"' madhuban

meethe bachche - “aur sang tod ek sang jodo, bhaai-bhaai ki drishti se dekho to deh nahin dekhenge, drishti bigdegi nahin, vaani mein taakat rahegi''

prashn:- baap bachchon ka karjadaar hai ya bachche baap ke?

uttar:- tum bachche to adhikaari ho, baap tumhaara karjadaar hai। tum bachche daan dete ho to tumhein ek ka sau guna baap ko dena padta hai। eeshvar arth tum jo dete ho doosre janma mein uska return milta hai। tum chaaval mutthi dekar vishwa ka maalik bante to tumhein kitna phraakdil hona chaahiye। mainne baba ko diya, yeh khyaal bhi kabhi nahin aana chaahiye।

om shanti। museum, pradarshani mein samjhaana hai ki yeh hai purushottam sangamayug। samajhdaar to sirf tum hi ho, to sabko kitna samjhaana padta hai ki yeh purushottam sangamayug hai। sabse jaasti service sthaan hai museum। vahaan bahut aate hain, achhe serviceable bachche kam hain। service station sab centres hain। dehli mein likha hai spiritual museum। iska bhi theek arth nahin nikalta hai। bahut log prashn poochhte hain tum bhaarat ki kya seva kar rahe ho? bhagvaanuvaach hai na - yeh hai forest। tum is samay sangam par ho। na ho forest ke, na ho garden ke। ab garden mein jaane ka purushaartha kar rahe ho। tum is raavan raajya ko raam raajya bana rahe ho। tumse prashn poochhte hain - itna kharcha kahaan se aaya? bolo, ham bi.ke. hi karte hain। raam raajya ki sthaapna ho rahi hai। tum thoda roz aakar samjho ki ham kya kar rahe hain, hamaari em object kya hai? vo log sovereignty ko maante nahin, isliye raajaaon ki raajaai khatma kar di hai। is samay vo bhi tamopradhaan ban pade hain, isliye achhe nahin lagte। unhon ka bhi drama anusaar dosh nahin। jo kuchh drama mein hota hai woh ham part bajaate hain। kalpa-kalpa baap dvaara sthaapna ka yeh part chalta hai। kharcha bhi tum bachche hi karte ho, apne liye। shreemat par apna kharcha kar apne liye satayugi raajdhaani bana rahe ho, aur kisko pata bhi nahin hai। tumhaara naam mashhoor hai unknown warriors। vaastav mein us sena mein unknown warriors koi hote nahin hain। sipaahi logon ka register rehta hai। aisa ho na sake jiska naam number register mein na ho। vaastav mein unknown warriors tum ho। tumhaara koi register mein naam nahin। tumko koi hathiyaar panvaar nahin। ismen jismaani hinsa to hai nahin। yogbal se tum vishwa par jeet paate ho। eeshvar sarvashaktimaan hai na। yaad se tum shakti le rahe ho। satopradhaan banne ke liye tum baap se yog laga rahe ho। tum satopradhaan bane to raajya bhi satopradhaan chaahiye। so tum shreemat par sthaapan karte ho। incognito unko kaha jaata hai, jo hai parantu dekhne mein na aaye। tum shiv-baba ko bhi in aankhon se dekh nahin sakte। tum bhi gupta, to shakti bhi tum gupta le rahe ho। tum samajhte ho ham patit se paavan ban rahe hain aur paavan mein hi shakti hoti hai। tum satayug mein sab paavan honge। unke hi 84 janmon ki kahaani baap batlaate hain। tum baap se shakti le, pavitra ban phir pavitra duniya mein raajya bhaagya karenge। baahubal se kabhi koi vishwa par jeet pa na sake। yeh hai yogbal ki baat। vo ladte hain, raajya tumhaare haath mein aana hai। baap sarvashaktimaan hai to unse shakti milni chaahiye। tum baap ko aur rachna ke aadi-madhya-ant ko bhi jaante ho।

tum jaante ho ham hi svadarshan chakradhaari hain। yeh sabko smriti nahin rehti hai। tum bachchon ko smriti rahni chaahiye kyonki tum bachchon ko hi yeh knowledge milti hai। baahar vaale to koi samajh na saken isliye sabha mein bithaaya nahin jaata। patit-paavan baap ko sab bulaate hain, parantu apne ko patit koi samajhte nahin hain, aise hi gaate rehte hain patit-paavan seetaaraam। tum sab ho brides, baap hai bridegroom। vo aate hi hain sarva ki sadgati karne। tum bachchon ko shrringaar karaate hain। tumko double engine mili hai। Rolls royals mein engine bahut achhi hoti hai। baap bhi aise hain। kehte hain patit-paavan aao, hamko paavan banaakar saath le jaao। tum sab shant mein baithe ho। koi jhaanjh aadi nahin bajaate। takleeph ki baat nahin। chalte-phirte baap ko yaad karte raho, jo mile unko raasta bataate raho। baap kehte hain mere va lakshmi-naaraayan, raadhe-krishna aadi ke jo bhakta hain, unko yeh daan dena hai, vyartha nahin ganvaana hai। paatra ko hi daan diya jaata hai। patit manushya, patit ko hi daan dete rehte hain। baap hai sarvashaktimaan, unse tum shakti lekar uttam bante ho। raavan jab aata hai us samay bhi sangam hua - treta aur dvaapar ka। yeh sangam hai kaliyug aur satayug ka। gyaan kitna samay aur bhakti kitna samay chalti hai - yeh sab baaten tumko samajhkar samjhaani hai। mukhya baat hai behad ke baap ko yaad karo। jab behad ka baap aate hain to vinaash bhi hota hai। mahaabhaarat ladaai kab lagi? jab bhagwan ne raajayog sikhlaaya tha। samajh mein aata hai nai duniya ka aadi, puraani duniya ka ant arthaat vinaash hona hai। duniya ghor andhiyaare mein padi hai, ab unko jagaana hai। aadhaakalpa se soye pade hain। baap samjhaate hain apne ko aatma samajh bhaai-bhaai ki drishti se dekho। to tum jab kisko gyaan denge to tumhaari vaani mein taakat aayegi। aatma hi paavan aur patit banti hai। aatma paavan banen tab shareer bhi paavan mile। abhi to mil na sake। paavan sabhi ko banna hai। koi yogbal se, koi sajaaon se। mehnat hai yaad ke yaatra ki। baba practice bhi karaate rehte hain। kahaan bhi jaao to baba ki yaad mein jaao। jaise paadri log shanti mein Christ ki yaad mein jaate hain aur Christ ko yaad karte hain। bhaaratvaasi to anekon ko yaad karte hain। baap kehte hain ek ke sivaae aur kisi ko yaad na karo। behad ke baap se ham mukti aur jeevanmukti ke hakdaar bante hain। second mein jeevanmukti milti hai। satayug mein sab jeevanmukti mein the, kaliyug mein sab jeevanbandh mein hain। yeh kisko bhi pata nahin hai, yeh sab baaten baap bachchon ko samjhaate hain। bachche phir baap ka show karte hain। sab taraph chakkar lagaate hain। tumhaara farja hai manushya maatra ko yeh paigaam dena ki yeh purushottam sangamayug hai। behad ka baap behad ka varsa dene aaya hai। baap kehte hain maamekam yaad karo to vikarma vinaash honge। paap kat jaayenge। yeh hai sachchi geeta, jo baap sikhlaate hain। manushya mat se gire ho, bhagwan ki mat se tum varsa le rahe ho। mool baat hai - uthte-baithte, chalte-phirte baba ko yaad karte raho aur parichay dete raho। badge to tumhaare paas hai, free dene mein harja nahin hai। parantu paatra dekhkar।

baap bachchon ko ulhana dete hain ki tum laukik baap ko yaad karte ho aur mujh paarlaukik baap ko bhool jaate ho। lajja nahin aati। tum hi pavitra pravritti maarga ke grihastha vyavhaar mein the, phir ab banna hai। tum ho bhagwan ke saudaagar। apne andar dekho buddhi kahaan bhatakti to nahin hai? baap ko kitna samay yaad kiya? baap kehte hain aur sang tod ek sang jodo। bhool nahin karni hai। yeh bhi samjhaaya hai bhaai-bhaai ki drishti se dekho to deh nahin dekhenge। drishti bigdegi nahin। manzil hai na। yeh gyaan abhi hi tumko milta hai। bhaai-bhaai to sab kehte hain, manushya kehte hain, brotherhood। yeh to theek hai। parampita paramatma ki ham santaan hain। phir yahaan kyon baithe ho? baap svarga ki sthaapna karte hain to aise-aise samjhaate unnati ko praapta karte raho। baap ko serviceable bachchiyaan bahut chaahiye। centres khulte jaate hain। bachchon ko shauk hai, samajhte hain bahuton ka kalyaan hoga। parantu teachers sambhaalne vaali bhi achhi mahaarthi chaahiye। teachers bhi nambarvaar hain। baba kehte hain jahaan lakshmi-naaraayan ka mandir ho, shiv ka mandir ho, ganga ka kantha ho, jahaan bahut bheed hoti ho vahaan service karni chaahiye। samjhaao - bhagwan kehte hain kaam mahaashatru hai। tum shreemat pramaan service karte raho। yeh tumhaara eeshvareey parivaar hai, yahaan 7 roz bhatthi mein aakar parivaar ke saath rehte ho। tum bachchon ko bahut khushi honi chaahiye। behad ka baap jisse tum padmaapadma bhaagyashaali bante ho। duniya jaanti nahin ki bhagwan bhi padha sakte hain। yahaan tum padhte ho to tumko kitni khushi honi chaahiye। ham oonch te oonch jaane ke liye padh rahe hain। kitna phraak dil hona chaahiye। baap ke oopar tum karz chadhaate ho। eeshvar arth jo dete ho, doosre janma mein inka return lete ho na। baba ko tumne sab kuchh diya to baba ko bhi sab kuchh dena padega। mainne baba ko diya, yeh kabhi khyaal nahin aana chaahiye। bahuton ke andar chalta hai - hamne itna diya, hamaari khaatiri kyon nahin hui? tum chaaval mutthi dekar vishwa ki baadshaahi lete ho। baba to daata hai na। raajaayen royal hote hain, pahle-pahle jab mulaakaat hoti hai to ham nazraana dete hain, ve kabhi haath mein nahin lenge। secretary taraph eeshaara karenge। to shivbaaba jo daata hai woh kaise lenge। yeh behad ka baap hai na। inke aage tum nazraana rakhte ho। parantu baba to return mein sau guna denge। to mainne diya - yeh khyaal kabhi nahin aana chaahiye। hamesha samjho ham to lete hain। vahaan tum padmapti banenge। tum practical mein padmaapadma bhaagyashaali bante ho। bahut bachche phraakdil bhi hain। to kai manhoos (kanjoos) bhi hain। samajhte hi nahin hain ki padmaapadmapti ham bante hain, ham bahut sukhi bante hain। jab paramatma baap gair haazir hai to indirect alpakaal ke liye phal dete hain। jab haajir hain to 21janma ke liye dete hain। yeh gaaya hua hai shivbaaba ka bhandaara bharpoor। dekho, dher bachche hain, kisko bhi yeh maaloom nahin hai ki kaun kya dete hain? baap jaane aur baap ki gothri (brahma) jaane, jismen baap rehte hain - bilkul saadhaaran। is kaaran bachche yahaan se baahar nikalte hain to woh nasha gum ho jaata hai। gyaan yog nahin to khit-khit chalti rehti hai। achhe-achhe bachchon ko bhi maaya hara deti hai। maaya bemukh kar deti hai। shivbaaba, jiske paas tum aate ho, unko tum yaad nahin kar sakte ho! andar athaah khushi honi chaahiye। woh din aaya aaj, jiske liye kehte the aap aayenge to ham aapke banenge। bhagwan aakar adopt karte hain to kitna khushanseeb kahenge। kitna khushi mein rehna chaahiye। parantu maaya khushi ganva deti hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bhagwan ne humein adopt kiya hai, vahi humein teacher bankar padha rahe hain, apne padmaapadma bhaagya ka simran kar khushi mein rehna hai।

2) ham aatma bhaai-bhaai hain, yeh drishti pakki karni hai। deh ko nahin dekhna hai। bhagwan se sauda karne ke baad phir buddhi ko bhatkaana nahin hai।

vardaan:- is alaukik jeevan mein sambandh ki shakti se avinaashi sneh aur sahayog praapta karne vaali shreshtha aatma bhav

is alaukik jeevan mein sambandh ki shakti aap bachchon ko double roop mein praapta hai। ek baap dvaara sarva sambandh, doosra daivi parivaar dvaara sambandh। is sambandh se sada nihsvaartha sneh, avinaashi sneh aur sahayog sada praapta hota rehta hai। to aapke paas sambandh ki bhi shakti hai। aisi shreshtha alaukik jeevan vaali shakti sampanna vardaani aatmaayen ho isliye arji karne vaale nahin, sada raazi rahne vaale bano।

slogan:- koi bhi plan videhi, saakshi ban socho aur second mein plen sthiti banaate chalo।