Daily Murli for Thursday 11 April 2024

11-04-2024 praatahmurli om shanti "baapdaada"' madhuban

“meethe bachche - yeh bana-banaaya naatak hai, is naatak se ek bhi aatma chhoot nahin sakti, moksha kisi ko mil nahin sakta''

prashn:- oonche te ooncha patit-paavan baap bholaanaath kaise hai?

uttar:- tum bachche unhein chaaval mutthi de mahal le lete ho, isliye hi baap ko bholaanaath kaha jaata hai। tum kehte ho shivbaaba hamaara beta hai, woh beta aisa hai jo kabhi kuchh leta nahin, sada hi deta hai। bhakti mein kehte hain jo jaisa karma karta hai vaisa phal paata hai। parantu bhakti mein to alpakaal ka milta। gyaan mein samajh se karte isliye sadaakaal ka milta hai।

om shanti। roohaani bachchon se roohaani baap roohrihaan kar rahe hain va aise kahenge roohaani baap bachchon ko raajayog sikhla rahe hain। tum aaye ho behad ke baap se raajayog seekhne isliye buddhi chali jaani chaahiye baap ki taraph। yeh hai parmaatma gyaan aatmaon ke prati। bhagvaanuvaach saaligraamon prati। aatmaon ko hi sunna hai isliye aatma-abhimaani banna hai। aage tum deh-abhimaani the। is purooshottam sangamayug par hi baap aakar tum bachchon ko aatma-abhimaani banaate hain। aatma-abhimaani aur deh-abhimaani ka farka tum samajh gaye ho। baap ne hi samjhaaya hai aatma hi shareer se part bajaati hai। padhti aatma hai, shareer nahin। parantu deh-abhimaan hone ke kaaran samajhte hain phalaana padhaate hain। tum bachchon ko jo padhaane vaala hai woh hai niraakaar। unka naam hai shiv। shivbaaba ko apna shareer nahin hota। aur sab kahenge mera shareer। yeh kisne kaha? aatma ne kaha - yeh mera shareer hai। baaki woh sab hain jismaani padhaaeeyaan। anek prakaar ki usmein subject hoti hain। bi.A. aadi kitne naam hain। ismen ek hi naam hai, padhaai bhi ek hi padhaate hain। ek hi baap aakar padhaate hain, to baap ko hi yaad karna pade। hamko behad ka baap padhaate hain, unka naam kya hai? unka naam hai shiv। aise nahin ki naam-roop se nyaara hai। manushyon ka naam shareer par padta hai। kahenge phalaane ka yeh shareer hai। vaise shivbaaba ka naam nahin hai। manushyon ke naam shareer par hain, ek hi niraakaar baap hai jiska naam hai shiv। jab padhaane aate hain to bhi naam shiv hi hai। yeh shareer to unka nahin hai। bhagwan ek hi hota hai, 10-12 nahin। woh hai hi ek phir manushya unko 24 avtaar kehte hain। baap kehte hain mujhe bahut bhatkaaya hai। paramatma ko thikkar-bhittar sabmen kah diya hai। jaise bhakti maarga mein khud bhatke hain vaise mujhe bhi bhatkaaya hai। drama anusaar unke baat karne ka dhang kitna sheetal hai। samjhaate hain mere oopar sabne kitna apkaar kiya hai, meri kitni glaani ki hai। manushya kehte hain ham nishkaam seva karte hain, baap kehte hain mere sivaae koi nishkaam seva kar nahin sakta। jo karta hai unko phal zaroor milta hai। abhi tumko phal mil raha hai। gaayan hai ki bhakti ka phal bhagwan denge kyonki bhagwan hai gyaan ka saagar। bhakti mein aadhaakalpa tum karmakaanda karte aaye ho। ab yeh gyaan hai padhaai। padhaai milti hai ek baar aur ek hi baap se। baap purooshottam sangamayug par ek hi baar aakar tumko purooshottam banaakar jaate hain। yeh hai gyaan aur woh hai bhakti। aadhaakalpa tum bhakti karte the, ab jo bhakti nahin karte hain, unko vaham padta hai ki pata nahin, bhakti nahin ki tab phalaana mar gaya, beemaar ho gaya। parantu aise hai nahin।

baap kehte hain - bachche, tum pukaarte aaye ho ki aap aakar patiton ko paavan banaae sabki sadgati karo। to ab main aaya hoon। bhakti alag hai, gyaan alag hai। bhakti se aadhaakalpa hoti hai raat, gyaan se aadhaakalpa ke liye hota hai din। raam raajya aur raavan raajya donon behad hai। donon ka time baraabar hai। is samay bhogi hone kaaran duniya ki vriddhi jaasti hoti hai, aayu bhi kam hoti hai। vriddhi jaasti na ho uske liye phir prabandha rachte hain। tum bachche jaante ho itni badi duniya ko kam karna to baap ka hi kaam hai। baap aate hi hain kam karne। pukaarte bhi hain baba aakar adharma vinaash karo arthaat srishti ko kam karo। duniya to jaanti nahin ki baap kitna kam kar dete hain। thode manushya rah jaate hain। baaki sab aatmaayen apne ghar chali jaati hain phir nambarvaar part bajaane aati hain। naatak mein jitna part deri se hota hai, woh ghar se bhi deri se aate hain। apna dhandha aadi poora kar baad mein aate hain। naatak vaale bhi apna dhandha karte hain, phir samay par naatak mein aa jaate hain part bajaane। tumhaara bhi aise hi hai, pichhaadi mein jinka part hai woh pichhaadi mein aate hain। jo pahle-pahle shuru ke paartadhaari hain woh satayug aadi mein aate hain। pichhaadi vaale dekho to abhi aate hi rehte hain। taal-taaliyaan pichhaadi tak aati rehti hain।

is samay tum bachchon ko gyaan ki baaten samjhaai jaati hain aur savere yaad mein baithte ho, woh hai drill। aatma ko apne baap ko yaad karna hai। yog akshar chhod do। ismen moonjhate hain। kehte hain hamaara yog nahin lagta hai। baap kehte hain - are, baap ko tum yaad nahin kar sakte ho! kya yeh achhi baat hai! yaad nahin karenge to paavan kaise banenge? baap hai hi patit-paavan। baap aakar drama ke aadi-madhya-ant ka raaz samjhaate hain। yeh variety dharma aur variety manushyon ka vriksha hai। saare srishti ke jo bhi manushya maatra hain sab paartadhaari hain। kitne dher manushya hain, hisaab nikaalte hain - ek varsha mein itne karod paida ho jaayenge। phir itni jagah hi kahaan hai। tab baap kehte hain main aata hoon limited number karne। jab sabhi aatmaayen oopar se aa jaati hain, hamaara ghar khaali ho jaata hai। baaki bhi jo bachat hai woh bhi aa jaati hai। jhaad kabhi sookhta nahin, chalta aata hai। pichhaadi mein jab vahaan koi rehta nahin, phir sabhi jaayenge। nai duniya mein kitne thode the, ab kitne dher hain। shareer to sabka badalta jaata hai। woh bhi janma vahi lenge jo kalpa-kalpa lete hain। yeh world drama kaise chalta hai, sivaae baap ke koi samjha na sake। bachchon mein bhi nambarvaar purooshaartha anusaar samajhte hain। behad ka naatak kitna bada hai। kitni samajhne ki baaten hain। behad ka baap to gyaan ka saagar hai। baaki to sab limited hain। ved shaastra aadi kuchh banaate hain, jaasti to kuchh banega nahin। tum likhte jaao shuru se lekar to kitni lambi-chaudi geeta ban jaaye। sab chhapta jaaye to makaan se bhi badi geeta ban jaaye isliye badaai di hai saagar ko syaahi bana do… phir yeh bhi kah dete ki chidiyaaon ne saagar ko hap kiya। tum chidiyaayen ho, saare gyaan saagar ko hap kar rahi ho। tum abhi brahman bane ho। tumko ab gyaan mila hai। gyaan se tum sab kuchh jaan gaye ho। kalpa-kalpa tum yahaan padhaai padhte ho, usmein kuchh kam jaasti nahin hona hai। jitna jo purooshaartha karte hain, unki utni praalabdha banti hai। harek samajh sakte hain ham kitna purooshaartha kar, kitna pad paane ke laayak ban rahe hain। school mein bhi nambarvaar imtahaan paas karte hain। sooryavanshi-chandravanshi donon bante hain। jo naapaas hote hain woh chandravanshi bante hain। koi jaante nahin ki raam ko baan kyon diya hai? maaraamaari ki history bana di hai। is samay hai hi maaraamaari। tum jaante ho jo jaisa karma karte hain unko aisa phal milta hai। jaise koi hospital banaate hain to doosre janma mein unki aayu badi aur tanduroosta honge। koi dharmashaala, school banaate hain to unko aadhaakalpa ka sukh milta hai। yahaan bachche jab aate hain to baba poochhte hain tumko kitne bachche hain? to kehte hain 3 laukik aur ek shivbaaba kyonki woh varsa deta bhi hai to leta bhi hai। hisaab hai। unko lene ka kuchh hai nahin, woh to daata hai। chaaval mutthi dekar tum mahal le lete ho, isliye bholaanaath hai। patit-paavan gyaan saagar hai। ab baap kehte hain yeh bhakti ke jo shaastra hain unka saar samjhaata hoon। bhakti ka phal hota hai aadhaakalpa ka। sannyaasi kehte hain yeh sukh kaag vishta ke samaan hai, isliye gharbaar chhod jangal mein chale jaate hain। kehte hain hamko svarga ke sukh nahin chaahiye, jo phir narka mein aana pade। hamko moksha chaahiye। parantu yeh yaad rakho ki yeh behad ka naatak hai। is naatak se ek bhi aatma chhoot nahin sakti hai, bana banaaya hai। tab gaate hain bani banaai ban rahi… parantu bhakti maarga mein chinta karni padti hai। jo kuchh paas kiya hai woh phir hoga। 84 ka chakra tum lagaate ho। yeh kabhi banda nahin hota hai, bana banaaya hai। ismen tum apne purooshaartha ko uda kaise sakte ho? tumhaare kahne se tum nikal nahin sakte ho। moksha ko paana, jyoti jyot samaana, brahm mein leen hona - yeh ek hi hai। anek maten hain, anek dharma hain। phir kah dete hain tumhaari gat-mat tum hi jaano। tumhaari shreemat se sadgati milti hai। so tum hi jaante ho। tum jab aao tab ham bhi jaanen aur ham bhi paavan banen। padhaai padhen aur hamaari sadgati ho। jab sadgati ho jaati hai to phir koi bulaate hi nahin hain। is samay sabke oopar duhkhon ke pahaad girne hain। khoone naahek khel dikhaate hain aur govardhan pahaad bhi dikhaate hain। anguli se pahaad uthaaya। tum iska arth jaante ho। tum thode se bachche is duhkhon ke pahaad ko hataate ho। duhkh bhi sahan karte ho।

tumko vasheekran mantra sabhi ko dena hai। kehte hain tulseedaas chandan ghisen.... tilak raajaai ka tumko milta hai, apni-apni mehnat se। tum raajaai ke liye padh rahe ho। raajayog jisse raajaai milti hai woh padhaane vaala ek hi baap hai। ab tum ghar mein baithe ho, yeh darbaar nahin hai। darbaar usko kaha jaata hai jahaan raajaayen-mahaaraajaayen milte hain। yeh paathshaala hai। samjhaaya jaata hai koi braahmani vikaari ko nahin le aa sakti hai। patit vaayumandal ko kharaab karenge, isliye allow nahin karte hain। jab pavitra banen, tab allow kiya jaaye। abhi koi-koi ko allow karna padta hai। agar yahaan se jaakar patit banen to dhaarna nahin hogi। yeh hua apne aapko shraapit karna। vikaar hai hi raavan ki mat। raam ki mat chhod raavan ki mat se vikaari ban patthar ban padte hain। aisi garood puraan mein bahut rochak baaten likh di hain। baap kehte hain manushya, manushya hi banta hai, jaanvar aadi nahin banta। padhaai mein koi andhashradha ki baat nahin hoti। tumhaari yeh padhaai hai। student padhkar paas hokar kamaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vasheekran mantra sabko dena hai। padhaai ki mehnat se raajaai ka tilak lena hai। in duhkhon ke pahaad ko hataane mein apni anguli deni hai।

2) sangamayug par purooshottam banne ka purooshaartha karna hai। baap ko yaad karne ki drill karni hai। baaki yog-yog kah moonjhana nahin hai।

vardaan:- seva mein vighnon ko unnati ki seedhi samajh aage badhne vaale nirvighna, sachche sevaadhaari bhav

seva brahman jeevan ko sada nirvighna banaane ka saadhan bhi hai aur phir seva mein hi vighnon ka paper bhi jyaada aata hai। nirvighna sevaadhaari ko sachcha sevaadhaari kaha jaata hai। vighna aana yeh bhi drama mein noondh hai। aane hi hain aur aate hi rahenge kyonki yeh vighna va paper anubhvi banaate hain। isko vighna na samajh, anubhav ki unnati ho rahi hai - is bhaav se dekho to unnati ki seedhi anubhav hogi aur aage badhte rahenge।

slogan:- vighna roop nahin, vighna-vinaashak bano।