Daily Murli for Wednesday 17 April 2024

17-04-2024 praatahmurli om shanti "baapdaada"' madhuban

“meethe bachche - yeh wonderful padhaai behad ka baap padhaate hain, baap aur unki padhaai mein koi bhi sanshay nahin aana chaahiye, pahla nishchay chaahiye ki humein padhaane vaala kaun''

prashn:- tum bachchon ko nirantar yaad ki yaatra mein rahne ki shreemat kyon mili hai?

uttar:- kyonki maaya dushman abhi bhi tumhaare peechhe hai, jisne tumko giraaya hai। abhi woh tumhaara peechha nahin chhodega isliye gaphlat nahin karna। bhal tum sangamayug par ho parantu aadhaakalpa uske rahe ho isliye jaldi nahin chhodega। yaad bhooli aur maaya ne vikarma karaaya isliye khabardaar rehna hai। aasuri mat par nahin chalna hai।

om shanti। abhi bachche bhi hain, baba bhi hai। baba anek bachchon ko kahenge ‘O bete', sabhi bachche phir kahenge ‘O baba'। bachche hain bahut। tum samajhte ho yeh gyaan ham aatmaon ke liye hi hai। ek baap ke kitne dher bachche hain। bachche jaante hain baap padhaane aaye hain। woh pahle-pahle baba hai, phir teacher hai, phir guru hai। ab baap to baap hi hai। phir paavan banaane ke liye yaad ki yaatra sikhlaate hain। aur yeh bhi bachche samajhte hain ki yeh padhaai wonderful hai। drama ke aadi-madhya-ant ka raaz baap ke sivaae koi bata na sake, isliye unko behad ka baap kaha jaata hai। yeh nishchay to bachchon ko zaroor baithta hai, ismen sanshay ki baat uth na sake। itni behad ki padhaai, behad ke baap ke sivaae to koi padha na sake। bulaate bhi hain ki baba aao, hamko paavan duniya mein le chalo kyonki yeh hai patit duniya। paavan duniya mein le jaate hain baap। vahaan thode hi kahenge baba aao, paavan duniya mein le chalo। bachche jaante hain ham aatmaon ka woh baap hai। to deh ka bhaan toot jaata hai। aatma kehti hai woh hamaara baap hai। ab yeh to nishchay rehna chaahiye barobar baap ke bigar koi itni knowledge de nahin sakta। pahle to yeh nishchay buddhi chaahiye। nishchay bhi aatma ko buddhi mein hota hai। aatma ko yeh gyaan milta hai, hamaara yeh baba hai। yeh bahut pakka nishchay bachchon ko hona chaahiye। mukh se kehna kuchh bhi nahin hai। ham aatma ek shareer chhod doosra leti hain। aatma mein hi sab sanskaar hain।

ab tum jaante ho baba aaya hua hai, hamko aisa padhaate hain, karma sikhlaate hain jo ham is duniya mein abhi aayenge nahin। woh manushya to samajhte hain is duniya mein aana hai। tum aise nahin samajhte ho। tum yeh amraktha sun amarpuri mein jaate ho। amarpuri arthaat jahaan sada amar rahen। satayug-treta hai amarpuri। bachchon ko kitni khushi honi chaahiye। yeh padhaai sivaae baap ke aur koi padha na sake। baap hamko padhaate hain aur jo teachers hain woh ordinary manushya hain। yahaan tum jisko patit-paavan, duhkh harta sukh karta kehte ho, woh baap ab sammukh padha rahe hain। sammukh hone bigar raajayog ki padhaai kaise padhaayen? baap kehte hain tum sweet bachchon ko yahaan padhaane aata hoon। padhaane liye inmen pravesh karta hoon। barobar bhagvaanuvaach bhi hai, to zaroor unko shareer chaahiye। na sirf mukh parantu saara shareer chaahiye। khud kehte hain - meethe-meethe roohaani bachchon, main kalpa-kalpa purooshottam sangamayuge saadhaaran tan mein aata hoon। bahut gareeb bhi nahin, to bahut saahookaar bhi nahin, saadhaaran hai। yeh to tum bachchon ko nishchay hona chaahiye - woh hamaara baba hai, ham aatma hain। ham aatmaon ka baba hai। saari duniya ke jo bhi manushyamaatra ki aatmaayen hain, un sabka baba hai isliye unko behad ka baba kaha jaata hai। shiv jayanti manaate hain, uska bhi kisko pata nahin hai। koi se bhi poochho shiv jayanti kab se manaai ja rahi hai? to kahenge parmapra se। woh bhi kab se? koi date to chaahiye na। drama to anaadi hai। parantu activity jo drama mein hoti hai, unki tithi-taareekh to chaahiye na। yeh to koi bhi jaante nahin। hamaara shivbaaba aate hain, us lav se jayanti nahin manaate। nehru ki jayanti us lav se manaayenge। aansu bhi aa jaayenge। shiv jayanti ka kisko bhi pata nahin hai। abhi tum bachche anubhvi ho। anek manushya hain, jinko kuchh bhi pata nahin hai। kitne mele lagte hain। vahaan jo jaate hain woh bata sakte hain ki sach-sach kya hai। jaise baba ne amarnaath ka bhi misaal bataaya tha, vahaan jaakar dekha - sach-sach kya hota hai। doosre to jo auron dvaara sunte hain, woh batlaate hain। koi ne kaha barpha ka ling hota hai, kahenge sat। abhi tum bachchon ko anubhav mila hai - right kya hai, wrong kya hai। ab tak jo kuchh sunte-padhte aaye hain, woh sab tha unrighteous। gaayan bhi hai na jhoothi kaaya… yeh hai jhooth khanda, woh hai sach khanda। satayug, treta, dvaapar past ho gaya, ab kaliyug chal raha hai। yeh bhi bahut thode jaante hain। tumhaari buddhi mein sab khyaalaat rehte hain। baap ke paas saari knowledge hai, unko kehte hain gyaan ka saagar। unke paas jo knowledge hai woh is tan dvaara de hamko aapasmaan bana rahe hain। jaise teacher bhi aap samaan banaate hain। to behad ka baap bhi koshish kar aapasmaan banaate hain। laukik baap aapasmaan nahin banaate। tum ab aaye ho behad ke baap ke paas। woh jaante hain mujhe bachchon ko aapasmaan banaana hai। jaise teacher aapasmaan banaayenge, nambarvaar honge। yeh baap bhi aise kehte hain, nambarvaar banenge। main jo padhaata hoon yeh hai avinaashi padhaai। jo jitna padhenge woh vyartha nahin jaayega। aage chal khud kahenge hamne 4 varsha pahle, 8 varsha pahle koi se gyaan suna tha, ab phir aaya hoon। phir koi chatak padte hain। shama to hai phir us par koi to parvaane ekdam phida ho jaate hain। koi pheri pahan chale jaate hain। shuru mein shama par bahut parvaane aashik ho pade। drama plan anusaar bhatthi banni thi। kalpa-kalpa aisa hota aaya hai। jo kuchh past hua, kalpa pahle bhi aise hua tha। aage phir bhi vahi hoga। baaki yeh pakka nishchay rakho ki ham aatma hain। baap hamko padhaate hain। is nishchay mein pakke raho, bhool na jaao। aisa koi manushya nahin hoga jo baap ko baap na samjhe। bhal faarakti de dega to bhi samjhega hamne baap ko faarakti di। yeh to behad ka baap hai, unko to ham kabhi bhi nahin chhodenge। ant tak saath rahenge। yeh baap to sabki sadgati karne vaala hai। 5 hazaar varsha ke baad aate hain। yeh bhi samajhte ho, satayug mein bahut thode manushya hote hain। baaki sab shantidham mein rehte hain। yeh knowledge bhi baap hi sunaate hain aur koi suna na sake। kiski buddhi mein baith na sake। tum aatmaon ka woh baap hai। woh chaitanya beejroop hai। kya knowledge denge? srishti roopi jhaad ki। rachta zaroor rachna ki knowledge denge। tumko pata tha kya ki satayug kab tha phir kahaan gaya!

abhi tum saamne baithe ho, baba baat kar rahe hain। pakka nishchay karte ho - yeh ham sabhi aatmaon ka baap hai, hamko padha rahe hain। yeh koi jismaani teacher nahin। is shareer mein padhaane vaala woh niraakaar shivbaaba viraajmaan hai। woh niraakaar hote bhi gyaan ka saagar hai। manushya to kah dete unka koi aakaar nahin। mahima bhi gaate hain - gyaan ka saagar, sukh ka saagar…। parantu samajhte nahin hain। drama anusaar bahut door chale gaye hain। baba bahut nazdeek le aate hain। yeh to 5 hazaar varsha ki baat hai। tum samajhte ho har 5 hazaar varsha baad hamko padhaane aate hain। yeh knowledge aur koi se mil na sake। yeh knowledge hai hi nai duniya ke liye। koi manushya de na sake kyonki tamopradhaan hain। woh kisko satopradhaan bana na saken। woh to tamopradhaan bante hi jaate hain।

tum abhi jaante ho - baba hamko inmen pravesh karke bata rahe hain aur phir baap kehte hain - bachche, gaphlat nahin karna। dushman abhi bhi tumhaare peechhe hai, jisne hi tumko giraaya hai। woh abhi tumhaara peechha nahin chhodenge। bhal tum sangamayug par ho parantu aadhaakalpa tum unke rahe ho to woh jaldi nahin chhodenge। khabardaar nahin rahenge, yaad nahin karenge to phir aur hi vikarma kara denge। phir kuchh na kuchh chamaat lagti rahegi। abhi to dekho manushyon ne apne ko aapehi chamaat maari hai। kya-kya kah dete hain! shiv-shankar ikattha kah dete hain। unka occupation kya hai, unka kya? kitna farka hai। shiv to hai oonch te oonch bhagwan, shankar devta। phir shiv-shankar ikattha kaise kah dete! part hi donon ka alag-alag hai। yahaan bhi bahuton ke aise-aise naam hain - raadhekrishna, lakshmeenaaraayan, shivshankar.... donon naam svayan par rakh diye hain। to bachche samajhte hain is samay tak jo baap ne samjhaaya hai woh phir repeat hoga। baaki thode roz hain। baap baith thode hi jaayenge। bachche nambarvaar padhkar poore karmaateet ban jaayenge। drama anusaar maala bhi ban jaayegi। kaunsi maala? sab aatmaon ki maala ban jaayegi, tab phir vaapis jaayenge। maala number one to tumhaari hai। shivbaaba ki maala to badi lambi hai। vahaan se nambarvaar aayenge part bajaane। tum sab baba-baba kehte ho। sab ek maala ke daane ho। sabko vishnu ki maala ka daana nahin kahenge। yeh baap baith padhaate hain। sooryavanshi banna hi hai। sooryavanshi-chandravanshi jo past ho gaye woh phir banenge। woh martaba milta hi hai padhaai se। baap ki padhaai bigar yeh martaba mil na sake। chitra bhi hain, lekin koi bhi aisi activity nahin karte hain ki ham yeh ban sakte hain। katha bhi satyanaaraayan ki sunte hain। garud puraan mein sab aisi baaten hain jo manushyon ko sunaate hain। baap kehte hain yeh vishay vaitarni nadi raurav narka hai। khaas bhaarat ko kahenge। brihaspati ki dasha bhi bhaarat par baithi hai। vrikshapti bhi bhaaratvaasiyon ko hi padhaate hain। behad ka baap baith behad ki baaten samjhaate hain। dasha baithti hai। raahu ki bhi dasha hai isliye kehte hain de daan to chhoote grahan। baap bhi kehte hain is kaliyug ant mein raahu ki dasha sab par baithi hai। ab main vrikshapti aaya hoon bhaarat par brihaspati ki dasha bithaane। satayug mein brihaspati ki dasha bhaarat par thi। ab hai raahu ki dasha। yeh behad ki baat hai। yeh koi shaastron aadi mein nahin hai। yeh magazine aadi bhi unhein samajh mein aayegi jo pahle kuchh na kuchh samjhe hue honge। magazine padhne se woh phir jaasti samajhne ke liye bhaagenge। baaki to kuchh nahin samjhenge। jo thoda padhkar phir chhod dete hain to thoda bhi unmein gyaan ghrit daalne se phir sujaag ho padte hain। gyaan ko ghrit bhi kaha jaata hai। ujhaaye hue deepak mein baap aakar gyaan ghrit daal rahe hain। kehte hain - bachche, maaya ke toophaan aayenge, deeve ko bujha denge। shama par parvaane koi to jal marte hain, koi pheri pahan chale jaate hain। vahi baat abhi practical mein chal rahi hai। nambarvaar sab parvaane hain। pahle-pahle ekdam gharbaar chhod aaye, parvaane banen। jaise ekdam lottery mil gai। jo kuchh past hua tum phir aise hi karenge। bhale chale gaye, aise mat samajhna svarga mein nahin aayenge, parvaane bane, aashik hue phir maaya ne hara diya, to pad bhi kam paayenge। nambarvaar to hote hi hain। aur satsangon mein koi ki bhi buddhi mein nahin hoga। tumhaari buddhi mein hai। baap se nai duniya ke liye nambarvaar ham sab apne purooshaartha anusaar padh rahe hain। ham behad ke baap ke sammukh baithe hain। yeh bhi jaante ho woh aatma dekhne mein nahin aati। woh to avyakt cheez hai। unko divya drishti dvaara hi dekha jaata hai। ham aatma bhi chhoti bindi hain। parantu deh-abhimaan chhod apne ko aatma samajhna - yeh hai oonchi padhaai। us padhaai mein bhi jo subject difficult hoti hai, usmein fail hote hain। yeh subject to bahut sahaj hai, parantu kaiyon ko difficult feel hoti hai।

ab tum samajhte ho shivbaaba saamne baithe hain। tum bhi niraakaar aatmaayen ho parantu shareer ke saath ho। yeh sab baaten behad ka baap hi sunaate hain, aur koi suna na sake। phir kya karenge? unko thanks denge। nahin। baba kehte hain yeh anaadi drama bana hua hai। main koi nai baat nahin karta hoon। drama anusaar tumko padhaata hoon। thanks to bhakti maarga mein dete hain। teacher kahenge student achhi reeti padhte hain to hamaara naam baala hoga। student ko thanks di jaati hai। jo achhi reeti padhte hain, padhaate hain, unko thanks di jaati hai। student phir teacher ko thanks denge। baap kehte hain - meethe bachche, jeete raho। aisi-aisi service karte raho। kalpa pahle bhi ki thi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada nasha aur nishchay rahe ki humein padhaane vaala koi jismaani teacher nahin। svayan gyaan saagar niraakaar baap teacher ban humein padha rahe hain। is padhaai se hi humein satopradhaan banna hai।

2) aatma roopi deepak mein roz gyaan ka ghrit daalna hai। gyaan ghrit se sada aisa prajjavlit rehna hai jo maaya ka koi bhi toophaan hila na sake। poora parvaana ban shama par phida hona hai।

vardaan:- sada ek baap ke sneh mein samaai hui sahayogi so sahajyogi aatma bhav

jin bachchon ka baap se ati sneh hai, woh snehi aatma sada baap ke shreshtha kaarya mein sahayogi hogi aur jo jitna sahayogi utna sahajyogi ban jaata hai। baap ke sneh mein samaai hui sahayogi aatma kabhi maaya ki sahayogi nahin ho sakti। unke har sankalp mein baba aur seva rehti isliye neend bhi karenge to usmein bada aaraam milega, shanti aur shakti milegi। neend, neend nahin hogi, jaise kamaai karke khushi mein lete hain, itna parivartan ho jaata hai।

slogan:- prem ke aansu dil ki dibbi mein moti ban jaate hain।