Daily Murli for Thursday 25 April 2024

25-04-2024 praatahmurli om shanti "baapdaada"' madhuban

“meethe bachche - yeh purooshottam yug hi geeta episode hai, ismen hi tumhein purooshaartha kar uttam puroosh arthaat devta banna hai''

prashn:- kis ek baat ka sada dhyaan rahe to beda paar ho jaayega?

uttar:- sada dhyaan rahe ki humein eeshvareey sang mein rehna hai to bhi beda paar ho jaayega। agar sagandosh mein aaye, sanshay aaya to beda vishay saagar mein doob jaayega। baap jo samjhaate hain usmein bachchon ko jara bhi sanshay nahin aana chaahiye। baap tum bachchon ko aap samaan pavitra aur knowledgeful banaane aaye hain। baap ke sang mein hi rehna hai।

om shanti। bhagvaanuvaach - bachche jaante hain ki baap vahi raajayog sikhla rahe hain jo 5 hazaar varsha pahle samjhaaya tha। bachchon ko maaloom hai, duniya ko to maaloom nahin hai to phir poochhna chaahiye geeta ka bhagwan kab aaya? bhagwan jo kehte hain main raajayog sikhlaakar tumko raajaaon ka raaja banaata hoon, woh geeta episode kab hua tha? yeh poochhna chaahiye। yeh baat koi bhi nahin jaante hain। tum ab practical sun rahe ho। geeta ka episode hona bhi chaahiye kaliyug ant aur sat-yug aadi ke beech mein। aadi sanaatan devi-devta dharma ki sthaapna karte hain to zaroor sangam par hi aayenge। purushottam sangamayug hai zaroor। bhal purushottam varsha gaate hain parantu bichaaron ko pata nahin hai। tum meethe-meethe bachchon ko maaloom hai, uttam purush banaane ke liye arthaat manushya ko uttam devta banaane ke liye baap aakar padhaate hain। manushyon mein uttam purush ye devtaayen (lakshmi-naaraayan) hain। manushyon ko devta banaaya is sangamayug par। devtaayen zaroor satayug mein hi hote hain। baaki sab hain kaliyug mein। tum bachche jaante ho ham hain sangamayugi brahman। yeh pakka-pakka yaad karna hai। nahin to apna kul kabhi kisko bhoolta nahin hai। parantu yahaan maaya bhula deti hai। ham brahman kul ke hain phir devta kul ke bante hain। agar yeh yaad rahe to bahut khushi rahe। tum padhte ho raajayog। samjhaate ho ab phir bhagwan geeta ka gyaan suna rahe hain aur bhaarat ka pracheen yog bhi sikha rahe hain। ham manushya se devta ban rahe hain। baap ne kaha hai kaam mahaashatru hai, in par jeet paane se tum jagatjeet bante ho। pavitrata ki baat par kitni argue karte hain। manushyon ke liye vikaar to jaise ek khazaana hai। laukik baap se yeh varsa mila hua hai। baalak bante hain to pahle-pahle baap ka yeh varsa milta hai, shaadi barbaadi karaate hain। aur behad ka baap kehte hain kaam mahaashatru hai, to zaroor kaam ko jeetne se hi jagat jeet banenge। baap zaroor sangam par hi aaye honge। mahaabhaari mahaabhaarat ladaai bhi hai। ham bhi yahaan zaroor hain। aise bhi nahin, sab phat se kaam par jeet paate hain। har baat mein time lagta hai। mukhya baat bachche yahi likhte hain ki baba ham vishay vaitarni nadi mein gir gaye to zaroor koi ordinance hai। baap ka farmaan hai - kaam ko jeetne se tum jagatjeet banenge। aise nahin, jagat jeet bankar phir vikaar mein jaate honge। jagat-jeet yeh lakshmi-naaraayan hain, inko kaha jaata hai sampoorn nirvikaari। devtaaon ko sab nirvikaari kehte hain, jisko tum raam raajya kehte ho। woh hai viceless world। yeh hai vicious world, apvitra grihastha aashram। baba ne samjhaaya hai tum pavitra grihastha aashram ke the। ab 84 janma lete-lete apvitra bane ho। 84 janmon ki hi kahaani hai। nai duniya zaroor aisi vaais-les honi chaahiye। bhagwan, jo pavitrata ka saagar hai, vahi sthaapna karte hain phir raavan raajya bhi zaroor aana hai। naam hi hai raam raajya aur raavan raajya। raavan raajya maana hi aasuri raajya। abhi tum aasuri raajya mein baithe ho। yeh lakshmi-naara-yan hain daivi raajya ki nishaani।

tum bachche prabhaat pheri aadi nikaalte ho। prabhaat savere ko kaha jaata hai, us samay manushya soye rehte hain isliye deri se nikaalte hain। pradarshani bhi achhi tab ho jab vahaan centre bhi ho। jahaan aakar samjhen ki kaam mahaashatru hai, in par jeet paane se jagat jeet banenge। lakshmi-naaraayan ka chitra saath mein zaroor hona chaahiye - translight ka। inko kabhi bhoolna nahin chaahiye। ek yeh chitra aur seedhi। truck mein jaise deviyon ko nikaalte hain aise tum yeh do-teen truck sajaakar usmein mukhya chitra nikaalte ho to achha lagta hai। din-pratidin chitron ki vriddhi bhi hoti jaati hai। tumhaara gyaan vriddhi ko paata rehta hai। bachchon ki bhi vriddhi hoti jaati hai। usmein gareeb saahookaar sab aa jaate hain। shivbaaba ka bhandaara bharta jaata hai। jo bhandaara bharte hain, unko vahaan return mein kai guna mil jaata hai। tab baap kehte hain - meethe-meethe bachchon, tum ho padmaapadma pati banne vaale so bhi 21 janmon ke liye। baba khud kehte hain tum jagat ka maalik ban jaayenge 21 peedhi। main khud direct aaya hoon। tumhaare liye hatheli par bahishta laaya hoon। jaise bachcha jab paida hota hai to baap ka varsa unki hatheli par hi hai। baap kahenge yeh ghar-baar aadi sab kuchh tumhaara hai। behad ka baap bhi kehte hain tum jo mere bante ho to svarga ki baadshaahi tumhaare liye hai - 21 peedhi kyonki tum kaal par jeet pa lete ho isliye baap ko mahaakaal kehte hain। mahaakaal koi maarne vaala nahin hai। unki to mahima ki jaati hai, samajhte hain bhagwan ne yamdoot bhej manga liya। aisi koi baat hai nahin। yeh sab hain bhakti maarga ki baaten। baap kehte hain main kaalon ka kaal hoon। pahaadi log mahaakaal ko bhi bahut maante hain। mahaakaal ke mandir bhi hain। aise jhandiyaan laga dete hain। to baap baith bachchon ko samjhaate hain। yeh bhi samajhte ho ki right baat hai। baap ko yaad karne se hi janma-janmaantar ke vikarma bhasma hote hain। to uska prachaar karna chaahiye। kumbha ke mele aadi bahut lagte hain। snaan karne ka bhi bahut mahatva bataaya hai। ab tum bachchon ko yeh gyaan amrit 5 hazaar varsha ke baad milta hai। vaastav mein iska amrit naam hai nahin। yeh to padhaai hai। yeh sab hain bhakti maarga ke naam। amrit naam sunkar chitron mein paani dikhaaya hai। baap kehte hain main tumko raajayog sikhlaata hoon। padhaai se hi oonch pad milta hai। so bhi main padhaata hoon। bhagwan ka koi aisa saja hua roop to hai nahin। yeh to baap ismen aakar padhaate hain। padhaakar aatmaon ko aap samaan banaate hain। khud lakshmi-naaraayan thode hi hain jo aap samaan banaayenge। aatma padhti hai, unko aap samaan knowledgeful banaate hain। aise nahin, bhagwan bhagavti banaate hain। unhonne shreekrishna ko dikhaaya hai। woh kaise padhaayenge? satayug mein patit thode hi hote hain। shreekrishna to hota hi hai satayug mein। phir kabhi bhi shreekrishna ko tum nahin dekhenge। drama mein har ek ke punarjanma ka chitra bilkul nyaara hota hain। kudrat ka drama hai। bani banaai… baap bhi kehte hain tum hoobhu is feature se isi kapde mein kalpa-kalpa tum hi padhte aayenge। hoobhu repeat hota hai na। aatma ek shareer chhod phir doosra vahi leti hai, jo kalpa pahle liya tha। drama mein kuchh farka nahin pad sakta hai। woh hoti hain had ki baaten, yeh hain behad ki baaten। jo behad ke baap sivaae koi samjha nahin sakte hain। ismen koi sanshay nahin ho sakta hai। nishchaybuddhi ho phir koi na koi sanshay mein aa jaate hain। sang lag jaata hai। eeshvareey sang chalta chale to paar ho jaayen। sang chhoda to vishay saagar mein doob padenge। ek taraph hai ksheersaagar, doosre taraph hai vishay saagar। gyaan amrit bhi kehte hain। baap hai gyaan saagar, unki mahima bhi hai। jo unki mahima hai woh lakshmi-naaraayan ko nahin de sakte hain। baap hai pavitrata ka saagar। bhal woh devtaayen satayug-treta mein pavitra hain parantu sadaiv ke liye to nahin rehte hain। phir bhi aadhaakalpa ke baad girte hain। baap kehte hain main aakar sabki sadgati karta hoon। sadgati daata main ek hoon। tum sadgati mein jaate ho phir yeh baaten hi nahin hoti। ab tum bachche sammukh baithe ho। tum bhi shivbaaba se padhkar teacher bane ho। mukhya principal woh hai। tum aate bhi unke paas ho। kehte hain ham shivbaaba ke paas aaye hain। are, woh to niraakaar hai। haan, woh aate hain, inke tan mein isliye kehte hain baapdaada ke paas jaate hain। yeh baba hai unka rath, jis par unki savaari hai। unko rath, ghoda, ashva bhi kehte hain। is par bhi ek katha hai - daksha prajaapita ne yagya racha। kahaani likh di hai। parantu aise to hai nahin।

shivbhagvaanuvaach - main tab aata hoon jab bhaarat mein ati dharma glaani hoti hai। geetaavaadi bhal kehte hain - yada yadaahi… parantu arth nahin samajhte hain। tumhaara yeh bahut chhota jhaad hai, inko toophaan bhi lagte hain। naya jhaad hai na, phir yeh foundation bhi hai। itne anek dharmon ke beech mein ek aadi sanaatan devi-devta dharma ka sapling lagaate hain। kitni mehnat hai। auron ko mehnat nahin lagti hai। woh oopar se aate rehte hain। yahaan to jo satayug-treta mein aane vaale hain, unhon ki aatmaayen baith padhti hai। jo patit hain, unko paavan devta banaane liye baap baith padhaate hain। geeta to yeh bhi bahut padhte the। jaise ab aatmaon ko yaad kar drishti di jaati hai to paap kat jaayen। bhakti maarga mein phir geeta ke aage jal rakhkar baith padhte hain। samajhte hain pitron ka uddhaar hoga isliye pitron ko yaad karte hain। bhakti mein geeta ka bahut maan rakhte the। are, baba koi kam bhakta tha kya! raamaayan aadi sab padhte the। bahut khushi hoti thi। woh sab past ho gaya।

ab baap kehte hain beeti ko chitvo nahin। buddhi se sab nikaal do। baba ne sthaapna, vinaash aur raajdhaani ka saakshaatkaar karaaya to woh pakka ho gaya। yeh sab khalaas hona hai - yeh pata nahin tha। baba ne samjha - yeh sab hoga। deri thode hi hai। ham jaakar phalaana raaja banoonga। pata nahin, baba kya-kya samajhte rehte the। tum bachche jaante ho baba ki praveshta kaise hui। yeh baaten manushya nahin jaante hain। brahma, vishnu, shankar ka naam to lete hain parantu in teenon mein se bhagwan kismen pravesh karte hain, arth nahin jaante। vo log vishnu ka naam lete hain। ab woh to hain devta। woh kaise padhaayenge। baba khud batlaate hain main inmen pravesh karta hoon isliye dikhaaya hai - brahma dvaara sthaapna। woh paalna aur woh vinaash। yeh badi samajhne ki baaten hain। bhagvaanuvaach - main tumko raajayog sikhlaata hoon। woh bhagwan kab aaya jo raajayog sikhlaaya aur raajaai pad dilaaya, yeh abhi tum samajhte ho। 84 janmon ka raaz bhi samjhaaya hai। poojya-pujaari ka bhi samjhaaya hai। vishwa mein shanti ka raajya in lakshmi-naaraayan ka tha na, jo saari duniya chaahti hai। jab lakshmi-naaraayan ka raajya tha to us samay sab shantidham mein the। ab ham shreemat par yeh kaarya kar rahe hain। anek baar kiya hai aur karte rahenge। yeh bhi jaante hain - koton mein koi niklega। devi-devta dharma vaalon ko hi touch hoga। bhaarat ki hi baat hai। jo is kul ke honge woh nikal rahe hain aur nikalte rahenge। jaise tum nikle ho, vaise aur praja bhi banti rahegi। jo achha padhte woh achha pad paate hain। mukhya hai gyaan-yog। yog ke liye bhi gyaan chaahiye। phir power house ke saath yog chaahiye। yog se vikarma vinaash honge aur healthy-wealthy banenge। paas with honour bhi honge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jo baat beet gai, uska chintan nahin karna hai। ab tak jo kuchh padha use bhoolna hai, ek baap se sunna hai aur apne brahman kul ko sada yaad rakhna hai।

2) poora nishchaybuddhi hokar rehna hai। kisi bhi baat mein sanshay nahin uthaana hai। eeshvareey sang aur padhaai kabhi bhi nahin chhodna hai।

vardaan:- roohaani maashook ki aakarshan mein aakarshit ho mehnat se mukta hone vaale roohaani aashik bhav

maashook apne khoye hue aashikon ko dekh khush hote hain। roohaani aakarshan se aakarshit ho apne sachche maashook ko jaan liya, pa liya, yathaartha thikaane par pahunch gaye। jab aisi aashik aatmaayen is mohabbat ki lakeer ke andar pahunchti hain to anek prakaar ki mehnat se chhoot jaati hain kyonki yahaan gyaan saagar ke sneh ki lahren, shakti ki lahren... sada ke liye refresh kar deti hain। yeh manoranjan ka vishesh sthaan, milne ka sthaan aap aashikon ke liye maashook ne banaaya hai।

slogan:- ekaantavaasi banne ke saath-saath eknaami aur economy vaale bano।