Daily Murli for Thursday 2 May 2024

02-05-2024 praatahmurli om shanti "baapdaada"' madhuban

“meethe bachche - gyaan ki bulbul ban aap samaan banaane ki seva karo, jaanch karo ki kitnon ko aap samaan banaaya hai, yaad ka chart kya hai?''

prashn:- bhagwan apne bachchon se kaun-si promise karte hain jo manushya nahin kar sakte?

uttar:- bhagwan promise karte - bachche, main tumko apne ghar zaroor le jaaoonga। tum shreemat par chalkar paavan banenge to mukti aur jeevanmukti mein jaayenge। nahin to mukti mein har ek ko jaana hi hai। koi chaahe, na chaahe, jabardasti bhi hisaab-kitaab chuktu karaake le jaaoonga। baba kehte jab main aata hoon to tum sabki vaanaprastha avastha hoti hai, main sabko le jaata hoon।

om shanti। bachchon ko ab padhaai par dhyaan dena chaahiye। jo gaayan hai - sarvagun sampanna, 16 kala sampoorn… yeh sab gun dhaaran karne hain। jaanch karni hai, hamaare mein yeh gun hain? kyonki jo bante hain, vahaan hi dhyaan jaayega tum bachchon ka। ab yeh hai padhne aur padhaane par madaar। apne dil se poochhna hai ki ham kitnon ko padhaate hain? sampoorn devta to koi bana nahin hai। chandrama jab sampoorn ho jaata hai to kitni roshni karta hai। yahaan bhi dekha jaata hai - nambarvaar purooshaartha anusaar hain? yeh to bachche bhi samajh sakte hain। teacher bhi samajhte hain। ek-ek bachche par nazar jaati hai ki kya kar rahe hain? mere arth kya service kar rahe hain? sab phoolon ko dekhte hain। phool to sab hain। bageecha hai na। har ek apni avastha ko jaante hain। apni khushi ko jaante hain। ateendriy sukhmay jeevan har ek ko apni-apni bhaasti hai। ek to baap ko bahut-bahut yaad karna hai। yaad karne se hi phir return hoti hai। tamopradhaan se satopradhaan banne ke liye tum bachchon ko bahut sahaj upaay bataata hoon - yaad ki yaatra। har ek apni dil se poochhe hamaare yaad ka chart theek hai? aur kisko aap samaan bhi banaata hoon? kyonki gyaan bulbul ho na। koi parrots hain, koi kya hain! tumko kabootar nahin, parrot (tota) banna hai। apne andar se poochhna bada sahaj hai। kahaan tak hamko baba yaad hai? kahaan tak ateendriy sukh mein rehte hain? manushya se devta banna hai na। manushya to manushya hi hain। mel athva female donon dekhne mein to manushya hi aate hain। phir tum daiveegun dhaaran kar devta bante ho। tumhaare sivaae aur koi devta banne vaale hi nahin hain। yahaan aate hi hain daivi gharaane ka bhaati banne। vahaan bhi tum daivi gharaane ke bhaati ho। vahaan tumhaare mein koi raag-dvesh ka aavaaz bhi nahin hoga। aise daivi parivaar ka banne ke liye khoob purooshaartha karna hai। padhna bhi kaayde anusaar hai, kabhi miss nahin karna chaahiye। bhal beemaar ho to bhi buddhi mein shivbaaba ki yaad ho। ismen to mukh chalaane ki baat nahin hai। aatma jaanti hai, ham shivbaaba ke bachche hain। baba hamko le chalne ke liye aaye hain। yeh practice bahut achhi chaahiye। bhal kahaan bhi ho parantu baap ki yaad mein raho। baap aaye hi hain shantidham-sukhdhaam mein le chalne। kitna sahaj hai। bahut hain jo jaasti dhaarna nahin kar sakte। achha yaad karo। yahaan sab bachche baithe hain, inmen bhi nambarvaar hain। haan, banna zaroor hai। shivbaaba ko yaad zaroor karte hain। aur sang tod ek sang jodne vaale to sab honge। aur koi ki yaad nahin rehti hogi। parantu ismen pichhaadi tak purooshaartha karna padta hai। mehnat karni hai। andar mein sadaiv ek shivbaaba ki hi yaad rahe। kahaan bhi ghoomne-phirne jaate ho to bhi andar mein yaad baap ki hi rahe। mukh chalaane ki bhi darkaar nahin rehti। sahaj padhaai hai। padhaakar tumko aap samaan banaate hain। aisi avastha mein hi tum bachchon ko jaana hai। jaise sato-pradhaan avastha se aaye hain, us avastha mein phir jaana hai। yeh kitna sahaj hai samjhaane mein। ghar ka kaamkaaj karte, chalte-phirte apne ko phool banaana hai। jaanch karni hai hamaare mein koi gadbad to nahin hai? heere ka drishtaanta bhi bahut achha hai, apni jaanch karne liye। tum khud hi magnify glass ho। to apni jaanch karni hai mere mein deh-abhimaan rinchak bhi to nahin hai? bhal is samay sab purooshaarthi hain, parantu em object to saamne hai na। tumhein sabko paigaam dena hai। baba ne kaha tha akhbaar mein bhal kharcha ho, yeh paigaam sabko mil jaae। bolo, ek baap ko yaad karo to vikarma vinaash ho jaaen aur pavitra ban jaayenge। abhi koi pavitra nahin hain। baap ne samjhaaya hai pavitra aatmaayen hoti hi hain nai duniya mein। yeh puraani duniya apvitra hai। ek bhi pavitra ho na sake। aatma jab pavitra ban jaati hai to phir puraana shareer chhod deti hai। chhodna hi hai। yaad karte-karte tumhaari aatma ekdam pavitra ban jaayegi। shantidham se ham ekdam pavitra aatma aai phir garbha mahal mein baithi। phir itna part bajaaya। ab chakra poora kiya phir tum aatmaayen jaayengi apne ghar। vahaan se phir sukhdhaam mein aayengi। vahaan garbha mahal hota hai। phir bhi purooshaartha karna hai oonch pad paane ke liye, yeh padhaai hai। abhi narka veshyaalay vinaash ho shivaalay sthaapan ho raha hai। ab to sabko vaapis jaana hai।

tum bhi samajhte ho ham yeh shareer chhod jaakar nai duniya mein prince-princess banenge। koi samjhenge ham praja mein chale jaayenge, ismen bilkul line clear ho। ek baap ki hi yaad rahe, aur kuchh bhi yaad na aaye। isko kaha jaata hai pavitra beggar। shareer bhi yaad na rahe। yeh to puraana chhi-chhi shareer hai na। yahaan jeete ji marna hai yeh buddhi mein rehna hai। abhi hamko vaapis ghar jaana hai। apne ghar ko bhool gaye the। ab phir baap ne yaad dilaaya hai। abhi yeh naatak poora hota hai। baap samjhaate hain tum sab vaanaprasthi ho। saare vishwa mein jo bhi manushya maatra hain, sabki is samay vaanaprastha avastha hai। main aaya hoon, sabhi aatmaon ko vaani se pare le jaata hoon। baap kehte hain abhi tum chhote-bade sabki vaanaprastha avastha hai। vaanaprastha kisko kaha jaata hai, yeh bhi tum jaante nahin the। aise hi jaakar guru karte the। tum laukik gurooon dvaara aadhaakalpa purooshaartha karte aaye ho, parantu gyaan koi bhi nahin। ab baap khud kehte hain tum chhote-bade sabki vaanaprastha avastha hai। mukti to sabko milni hai। chhote-bade sab khatma ho jaayenge। baap aaya hai sabko ghar le jaane। ismen to bachchon ko bahut khushi honi chaahiye। yahaan duhkh bhaasta hai, isliye apne ghar sweet hom ko yaad karte hain। ghar jaana chaahte hain parantu akla to hai nahin। kehte hain ham aatmaon ko ab shanti chaahiye। baap kehte hain kitne samay ke liye chaahiye? yahaan to har ek ko apna-apna part bajaana hai। yahaan koi shant thode hi rah sakte। aadhaakalpa in gurooon aadi ne tumse bahut mehnat karaai, mehnat karte, bhatakte-bhatakte aur hi ashaanta ban pade ho। ab jo shantidham ka maalik hai, woh aakar sabhi ko vaapis le jaate hain। padhaate bhi rehte hain। bhakti karte hi hain nirvaandhaam mein jaane ke liye, mukti ke liye। yeh kabhi bhi kiske dil mein nahin aayega ki ham sukhdhaam mein jaayen। sab vaanaprastha mein jaane liye purooshaartha karte hain। tum to purooshaartha karte ho sukhdhaam mein jaane ke liye। jaante ho pahle vaani se pare avastha zaroor chaahiye। bhagwan bhi promise karte hain bachchon se - main tum bachchon ko apne ghar zaroor le jaaoonga, jiske liye tumne aadhaakalpa bhakti ki hai। ab shreemat par chalenge to mukti-jeevanmukti mein chalenge। nahin to shantidham to sabko jaana hi hai। koi chalna chaahe va na chaahe, drama anusaar sabko jaana hai zaroor। pasanda karo, na karo, main aaya hoon sabko vaapis le chalne। jabardasti bhi hisaab-kitaab chuktu karaae le chaloonga। tum satayug mein jaate ho, baaki sab vaani se pare shantidham mein rehte hain। chhodenge koi ko bhi nahin। nahin chalenge to bhi saza dekar maar-peetkar bhi le chaloonga। drama mein part hi aisa hai isliye apni kamaai karke chalna hai to pad bhi achha milega। pichhaadi mein aane vaale kya sukh paayenge। baap sabko kehte hain jaana zaroor hai। shareeron ko aag lagaae baaki sab aatmaon ko le jaaoonga। aatmaon ko hi mere saath-saath chalna hai। meri mat par sarvagun sampanna, 16 kala sampoorn banenge to pad bhi achha milega। tumne bulaaya hai na ki aakar ham sabko maut do। ab maut aaya ki aaya। bachna kisko bhi nahin hai। chhi-chhi shareer rahne nahin hain। bulaaya hi hai vaapis le chalo। to ab baap kehte hain - bachche, is chhi-chhi duniya se tumko vaapis le chaloonga। tumhaara yaadgaar bhi khada hai। delvaada mandir hai na - dil lene vaale ka mandir, aadi dev baitha hai। shivbaaba bhi hai, baapdaada donon hi hain, inke shareer mein baba viraajmaan hai। tum vahaan jaate ho to aadi dev ko dekhte ho। tumhaari aatma jaanti hai yeh to baapdaada baithe hain।

is samay tum jo part baja rahe ho uski nishaani yaadgaar khada hai। mahaarthi, ghodesvaar, pyaade bhi hain। woh hai jad, yeh hai chaitanya। oopar mein baikuntha bhi hai। tum model dekhkar aate ho, kaisa delvaada mandir hai, tum to jaante ho, kalpa-kalpa yeh mandir banta hai aisa hi, jo tum jaakar dekhenge। koi-koi moonjh padte hain। yeh sab pahaadiyaan aadi toot phoot gai phir banengi! kaise? yeh khyaalaat karne nahin chaahiye। abhi to svarga bhi nahin hai, phir woh kaise aayega! purooshaartha se sab banta hai na। tum abhi taiyaari kar rahe ho, svarga mein jaane liye। koi-koi uljhan mein aakar padhaai hi chhod dete hain। baap kehte hain ismen moonjhane ki to koi darkaar nahin hai। vahaan sab kuchh ham apna banaayenge। woh duniya hi satopradhaan hogi। vahaan ke phal-phool aadi sab dekhkar aate hain, shoobi-ras peete hain। sookshm vatan, mool vatan mein to yeh kuchh hai nahin। baaki yeh sab hai baikuntha mein। world ki history-geography repeat hoti hai। yeh nishchay to pakka hona chaahiye। baaki kiski takdeer mein nahin hai to kahenge yeh kaise ho sakta hai! heere javaahraat jo abhi dekhne mein hi nahin aate woh phir kaise honge! poojya kaise banenge? baap kehte hain yeh khel bana hua hai - poojya aur pujaari ka। ham so brahman, devta, kshatriy… yeh srishti chakra jaanne se tum chakravarti raaja bante ho। tum samajhte ho, tab to kehte ho - baba, kalpa pahle bhi aapse mile the। hamaara hi yaadgaar mandir saamne khada hai। iske baad hi svarga ki sthaapna hogi। yeh jo tumhaare chitra hain inmen kamaal hai, kitna roochi se aakar dekhte hain। saari duniya mein kahaan bhi koi ne nahin dekha hai। na koi aisa chitra banaakar gyaan de sakte hain। copy kar na saken। yeh chitra to khajaana hai, jisse tum padmaapadma bhaagyashaali bante ho। tum samajhte ho hamaare kadam-kadam mein padma hain। padhaai ka kadam। jitna yog rakhenge, jitna padhenge utna padma। ek taraph maaya bhi fullforce mein aayegi। tum is samay hi shyaam-sundar bante ho। satayug mein tum sundar the, golden aged, kaliyug mein ho shyaam, iron aged। har ek cheez aise hoti hai। yahaan to dharti bhi kalraathi hai। vahaan to dharti bhi first class hogi। har cheez satopradhaan hoti hai। aisi raajdhaani ke tum maalik ban rahe ho। anek baar bane ho। phir bhi aisi raajdhaani ke maalik banne ka poora purooshaartha karna chaahiye। purooshaartha bigar praalabdha kaise paayenge। takleeph koi nahin hai।

murli chhapti hai, aage chalkar laakhon-karodon ke andaaj mein chhapegi। bachche kahenge jo kuchh paise hain woh yagya mein laga den, rakhkar kya karenge? aage chal dekhna kya-kya hota hai। vinaash ki taiyaariyaan bhi dekhte rahenge। rehearsal hoti rahegi। phir shanti ho jaayegi। bachchon ki buddhi mein saara gyaan hai। hai to bada sahaj। sirf baap ko yaad karna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is shareer ko bhi bhool poora pavitra beggar banna hai। line clear rakhni hai। buddhi mein rahe - ab naatak poora hua, ham jaate hain apne sweet hom।

2) padhaai ke har kadam mein padma hain, isliye achhi tarah roz padhna hai। devta gharaane ka bhaati banne ka purooshaartha karna hai। apne aapse poochhna hai ki humein ateendriy sukh kahaan tak bhaasta hai? khushi rehti hai?

vardaan:- buddhi ke saath aur sahayog ke haath dvaara mauj ka anubhav karne vaale khushanseeb aatma bhav

jaise sahayog ki nishaani haath mein haath dikhaate hain। aise baap ke sada sahayogi banna - yeh hai haath mein haath aur sada buddhi se saath rehna arthaat man ki lagna ek mein ho। sada yahi smriti rahe ki godly garden mein haath mein haath dekar saath-saath chal rahe hain। isse sada manoranjan mein rahenge, sada khush aur sampanna rahenge। aisi khushanseeb aatmaayen sada hi mauj ka anubhav karti rehti hain।

slogan:- duaaon ka khaata jama karne ka saadhan hai - santushta rehna aur santushta karna।