Daily Murli for Friday 3 May 2024

03-05-2024 praatahmurli om shanti "baapdaada"' madhuban

“meethe bachche - is duhkhadhaam ko jeete ji talaak do kyonki tumhein sukhdhaam jaana hai''

prashn:- baap bachchon ko kaun-si ek chhoti si mehnat dete hain?

uttar:- baba kehte - bachche, kaam mahaashatru hai, is par vijay praapta karo। yahi tumhein thodi-si mehnat deta hoon। tumhein sampoorn paavan banna hai। patit se paavan arthaat paaras banna hai। paaras banne vaale patthar nahin ban sakte। tum bachche abhi gul-gul bano to baap tumhein naynon par bithaakar saath le jaayenge।

om shanti। roohaani baap roohaani bachchon ko samjhaate hain, yeh to bachche zaroor samajhte hain ham brahman hi hain, jo devta banenge। yeh pakka nishchay hai na। teacher jisko padhaate hain zaroor aapasmaan bana dete hain। yeh to nishchay ki baat hai। kalpa-kalpa baap aakar samjhaate hain, ham narkavaasiyon ko svargavaasi banaate hain। saari duniya ko banaane vaala koi to hoga na। baap svargavaasi banaate hain, raavan narkavaasi banaate hain। is samay hai raavan raajya, satayug mein hai raamraajya। raamraajya ki sthaapna karne vaala hai to zaroor raavan raajya ki sthaapna karne vaala bhi hoga। raam bhagwan ko kaha jaata hai, bhagwan nai duniya sthaapan karte hain। gyaan to bahut sahaj hai, koi badi baat nahin hai। parantu pattharbuddhi aise hain jo paarasbuddhi hona hi asambhav samajhte hain। narkavaasi se svargavaasi banne mein badi mehnat lagti hai kyonki maaya ka prabhaav hai। kitne bade-bade makaan 50 manzil, 100 manzil ke banaate hain। svarga mein koi itni manzil nahin hoti। aajkal yahaan hi banaate rehte hain। tum samajhte ho satayug mein aise makaan nahin hote, jaise yahaan banaate hain। baap khud samjhaate hain itna chhota jhaad saare vishwa par hota hai, to vahaan manjilen aadi banaane ki darkaar hi nahin। dher ki dher jameen padi rehti hai। yahaan to jameen hai nahin, isliye jameen ka daam kitna badh gaya hai। vahaan to jameen ka bhaav lagta hi nahin, na municipal tax aadi lagta hai। jisko jitni jameen chaahiye le sakta hai। vahaan tumko sab sukh mil jaate hain, sirf ek baap ki is knowledge se। manushya 100 manzil aadi jo banaate hain, usmein bhi paise aadi to lagte hain na। vahaan paise aadi lagte hi nahin। athaah dhan rehta hai। paise ka kadar nahin। dher paise honge to kya karenge। sone, heere, motiyon ke mahal aadi bana dete hain। abhi tum bachchon ko kitni samajh mili hai। samajh aur besmajh ki hi baat hai। sato buddhi aur tamo buddhi। satopradhaan svarga ke maalik, tamoguni buddhi narka ke maalik। yeh to svarga nahin hai। yeh hai raurav narka। bahut duhkhi hain isliye pukaarte hain bhagwan ko, phir bhool jaate hain। kitna maatha maarte, conference aadi karte rehte hain ki ekta ho jaae। parantu tum bachche samajhte ho - yeh aapas mein mil nahin sakte। yeh saara jhaad jadajdeebhoot hai, phir naya banta hai। tum jaante ho kaliyug se satayug kaise banta hai। yeh knowledge tumko baap abhi hi samjhaate hain। satayugvaasi so phir kaliyugvaasi bante ho phir tum sangamvaasi ban satayugvaasi bante ho। kahenge itne sab satayug mein jaayenge? nahin, jo sachchi satya naaraayan ki katha sunenge vahi svarga mein jaayenge। baaki sab shantidham mein chale jaayenge। duhkhadhaam to hoga hi nahin। to is duhkhadhaam ko jeete ji talaak de dena chaahiye। baap yukti to bataate hain, kaise tum talaak de sakte ho। is saari srishti par devi-devtaaon ka raajya tha। abhi phir baap aate hain sthaapna karne। ham us baap se vishwa ka raajya le rahe hain। drama plan anusaar change zaroor honi hai। yeh hai puraani duniya। isko satayug kaise kahenge? parantu manushya bilkul samajhte nahin hain ki satayug kya hota hai। baba ne samjhaaya hai is knowledge ke liye laayak woh hain jinhonne bahut bhakti ki hai। unhein hi samjhaana chaahiye। baaki jo is kul ke honge nahin, woh samjhenge nahin। to phir aise hi time vesta kyon karna chaahiye। hamaare gharaane ke hi nahin hain to kuchh bhi maanenge nahin। kah dete hain aatma kya, paramatma kya - yeh main samajhna hi nahin chaahta hoon। to aise ke saath mehnat kyon karni chaahiye। baba ne samjhaaya hai - oopar mein likha hua hai bhagvaanuvaach, main aata hi hoon kalpa-kalpa purooshottam sangamayug par aur saadhaaran manushya tan mein। jo apne janmon ko nahin jaanta hai, main batlaata hoon। poore 5 hajaar varsha ka part kiska hota hai, ham bata dete hain। jo pahle number mein aaya hai unka hi part hoga na। shreekrishna ki mahima bhi gaate hain first prince oph satayug। vahi phir 84 janmon ke baad kya hoga? first beggar। beggar tu prince। phir prince tu beggar। tum samajhte ho prince tu beggar kaise bante hain। phir baap aakar kaudi se heere jaisa banaate hain। jo heere jaisa hai vahi phir kaudi jaisa bante hain। punarjanma to lete hain na। sabse jyaada janma kaun lete hain, yeh tum samajhte ho। pahle-pahle to shreekrishna ko hi maanenge। unki raajdhaani hai। bahut janma bhi unke honge। yeh to bahut sahaj baat hai। parantu manushya in baaton par dhyaan nahin dete hain। baap samjhaate hain to wonder khaate hain। baap accurate bataate hain first so last। first heere jaisa, last kaudi jaisa। phir heere jaisa banna hai, paavan banna hai, ismen takleeph kya hai। paarlaukik baap ordinance nikaalte hain - kaam mahaashatru hai। tum patit kisse bane ho? vikaar mein jaane se isliye bulaate bhi hain patit-paavan aao kyonki baap to ever paarasbuddhi hai, woh kabhi pattharbuddhi nahin bante hain, connection hi unka aur pahle number janma lene vaale ka hua। devtaayen to bahut hote hain parantu manushya kuchh bhi samajhte nahin।

Christian log kehte hain Christ se 3 hazaar varsha pahle paradise tha। woh phir bhi pichhaadi ko aaye hain na to unki taakat hai। unse hi sab seekhne jaate hain kyonki unhon ki fresh buddhi hai। vriddhi bhi unhon ki hai। sato, rajo, tamo mein aate hain na। tum jaante ho sab kuchh vilaayat se hi seekhte hain। yeh bhi tum jaante ho - satayug mein mahal aadi banne me koi time nahin lagega। ek ki buddhi mein aaya phir vriddhi hoti jaati hai। ek banaakar phir dher banaate jaate hain। buddhi mein aa jaata hai na। science vaalon ki buddhi tumhaare paas oonch ho jaati hai। jhat mahal banaate rahenge। yahaan makaan va mandir banaane mein 12 maas lag jaate hain, vahaan to engineer aadi sab hoshiyaar hote hain। woh hai hi golden ej। patthar aadi to honge hi nahin। abhi tum baithe ho khyaal karte honge, ham yeh puraana shareer chhodenge, phir ghar mein jaayenge, vahaan se phir satayug mein yogbal se janma lenge। bachchon ko khushi kyon nahin hoti! chintan kyon nahin chalta! jo most serviceable bachche hain unhon ka chintan zaroor chalta hoga। jaise bairistari paas karte hain to buddhi mein chalta hai na - ham yeh karenge, yeh karenge। tum bhi samajhte ho ham yeh shareer chhod jaakar yeh banenge। yaad se hi tumhaari aayu vriddhi ko paayegi। abhi to behad baap ke bachche hain, yeh grade bahut oonchi hai। tum eeshvareey parivaar ke ho। unka koi aur sambandh nahin hai। bhaai-behen se bhi oonch chadha diya hai। bhaai-bhaai samjho, yeh bahut practice karni hai। bhaai ka nivaas kahaan hai? is takhta par akaal aatma rehti hai। yeh takhta sabhi aatmaon ke sad gaye hain। sabse jaasti tumhaara takhta sad gaya hai। aatma is takhta par viraajmaan hoti hai। bhrakuti ke beech mein kya hai? yeh buddhi se samajhne ki baaten hain। aatma bilkul sookshm hai, star misal hai। baap bhi kehte hain main bhi bindu hoon। main phir tumse bada thode hi hoon। tum jaante ho ham shivbaaba ki santaan hain। ab baap se varsa lena hai isliye apne ko bhaai-bhaai aatma samjho। baap tumko sammukh padha rahe hain। aage chal aur hi kashish hoti jaayegi। yeh vighna bhi drama anusaar padte rehte hain।

abhi baap kehte hain - tumko patit nahin hona hai, yeh ordinance hai। ab to aur hi tamopradhaan ban pade hain। vikaar bigar rah nahin sakte। jaise government kehti hai sharaab nahin piyo, to sharaab bigar rah nahin sakte। phir unko hi sharaab pilaae direction dete hain phalaani jagah bombs sahit gir jaao। kitna nuksaan hota hai। tum yahaan baithe-baithe vishwa ka maalik bante ho। woh phir vahaan baithe-baithe bombs chhodte hain - saare vishwa ke vinaash ke liye। kaise chataabheti hai। tum yahaan baithe-baithe baap ko yaad karte ho aur vishwa ke maalik ban jaate ho। kaise bhi karke baap ko yaad zaroor karna hai। ismen hathayog karne va aasan aadi lagaane ki bhi baat nahin hai। baba koi bhi takleeph nahin dete hain। kaise bhi baitho sirf tum yaad karo ki ham most beloved (pyaare) bachche hain। tumko baadshaahi aise milti hai jaise maakhan se baal। gaate bhi hain second mein jeevanmukti। kahaan bhi baitho, ghoomo phiro, baap ko yaad karo। pavitra hone bigar jaayenge kaise? nahin to sajaayen khaani padengi। jab dharmaraaj ke paas jaayenge tab sabka hisaab-kitaab chuktu hoga। jitna pavitra banenge utna oonch pad paayenge। impure rahenge to sookha rotla khaayenge। jitna baap ko yaad karenge, paap katenge। ismen kharche aadi ki koi baat nahin। bhal ghar mein baithe raho, baap se bhi mantra le lo। yeh hai maaya ko vash karne ka mantra - manamnaabhav। yeh mantra mila phir bhal ghar jaao। mukh se kuchh bolo nahin। alpha aur be, baadshaahi ko yaad karo। tum samajhte ho baap ko yaad karne se ham satopradhaan ban jaayenge, paap kat jaayenge। baba apna anubhav bhi sunaate hain - bhojan par baithta hoon, achha, ham baba ko yaad kar khaate hain, phir jhat bhool jaata hoon kyonki gaaya jaata hai jinke matthe maamla… kitna khyaal karna padta hai - phalaane ki aatma bahut service karti hai, unko yaad karna hai। serviceable bachchon ko bahut pyaar karte hain। tumko bhi kehte hain is shareer mein jo aatma viraajmaan hai, unko yaad karo। yahaan tum aate hi ho shivbaaba ke paas। baap vahaan se neeche aaye hain। tum sabko kehte bhi ho - bhagwan aaya hai। parantu samajhte nahin। yukti se bataana pade। had aur behad ke do baap hain। ab behad ka baap raajaai de rahe hain। puraani duniya ka vinaash bhi saamne khada hai। ek dharma ki sthaapna, anek dharmon ka vinaash hota hai। baap kehte hain maamekam yaad karo to tumhaare paap bhasma ho jaayenge। yeh yog agni hai, jisse tum tamopradhaan se satopradhaan ban jaayenge। yeh tareeka baap ne hi bataaya hai। tum bachche jaante ho - baap sabko gul-gul banaakar, naynon par bithaae le jaate hain। kaun-se nayan? gyaan ke। aatmaon ko le jaate hain। samajhte ho jaana to zaroor hai, unse pahle kyon na baap se varsa to le len। kamaai bhi bahut bhaari hai। baap ko bhoolne se phir ghaata bhi bahut hai। pakke vyaapaari bano। baap ko yaad karne se hi aatma pavitra banengi। phir ek shareer chhod doosra jaakar lenge। to baap kehte hain - meethe-meethe bachchon, dehi-abhimaani bano। yeh aadat pakki daalni pade। apne ko aatma samajh baap se padhte raho to beda paar ho jaayega, shivaalay mein chale jaayenge। chandrakaant vedaanta mein bhi yeh katha hai। boat (naanv) kaise chalti hai, beech mein utarte hain, koi cheez mein dil lag jaati hai। steamer chala jaata hai। yeh bhakti maarga ke shaastra phir bhi banenge, tum padhenge। phir jab baba aayenge to yeh sab chhod denge। baap aate hain sabko le jaane। bhaarat ka utthaan aur patan kaise hota hai, kitna clear hai। yeh saanvara aur gora banta hai। brahma so vishnu, vishnu so brahma। ek to sirf nahin banta hai na। yeh saari samjhaani hai। shreekrishna ki bhi samjhaani hai gora aur saanvara। svarga mein jaate hain to narka ko laat maarte hain। yeh chitra mein clear hai na। raajaai ke chitra bhi tumhaare banaaye the। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ke ordinance ko paalan karne ke liye ham aatma bhaai-bhaai hain, bhrakuti ke beech mein hamaara nivaas hai, ham behad baap ke bachche hain, hamaara yeh eeshvareey parivaar hai - is smriti mein rehna hai। dehi-abhimaani banne ki aadat daalni hai।

2) dharmaraaj ki sajaaon se chhootne ke liye apne sab hisaab-kitaab chuktu karne hain। maaya ko vash karne ka jo mantra mila hai, usko yaad rakhte satopradhaan banna hai।

vardaan:- bindi roop mein sthit rah auron ko bhi drama ke bindi ki smriti dilaane vaale vighna-vinaashak bhav

jo bachche kisi bhi baat mein question mark nahin karte, sada bindi roop mein sthit rah har kaarya mein auron ko bhi drama ki bindi smriti mein dilaate hain - unhein hi vighna-vinaashak kaha jaata hai। woh auron ko bhi samartha banaakar saphalta ki manzil ke sameep le aate hain। woh had ki saphalta ki praapti ko dekh khush nahin hote lekin behad ke saphaltaamoorta hote hain। sada ekras, ek shreshtha sthiti mein sthit rehte hain। woh apni saphalta ki sva-sthiti se asphalta ko bhi parivartan kar dete hain।

slogan:- duaayen lo, duaayen do to bahut jaldi maayaajeet ban jaayenge।